نسلق المكرونه في ميه بملح لحد ما تستوي وبعدين صفيها واغسليها
بالميه الساقعه
((ودايما خليكي جنبها عشان ما تتهريش
وعلامه السوا انك تدوقيها وتلاقيها طريه بس ماسكه نفسها ))
الصلصه بقى:
اضربي الطماطم في الخلاط مع شويه ميه بسيطه
((كيس المكرونه بياخد 5 طماطم وسط))
في حله على النار حطي شويه زيت (( 3 معالق بالكتير))
ولما يسخنوا ضيفي عصير الطماطم ومعلقتين صلصه صغيرين
ورشه ملح وفلفل ورشه سكر بسيطه
وسبيها تغلي لحد ما تبدأ تنشف شويه وتتقل
واطفي عليها وحطي المكرونه عليها ساعه الاكل
تقطع الصدور شرائح رقيقه الي حد ما وتتبل ب(بصل مفروم +ملح + فلفل اسود+بهارات+حبهان+خل+ليمون)
وتترك في الثلاجه
تغمس فس الدقيق ثم البيض ثم البقسماط
وتقلي علي الجانبين في زيت ساخن مده كافيه حتي نحصل علي اللون الذهبي ونتأكد من النضج ممكن بغرس شوكه او سكينه في الصدور
فلفل احمر او اخضر مفروم -ملح -كمون-خل-ليمون-ثووووم) نتبله بالتتبيله كويس اوي يعني نفتح كل سمكه ونحشي بطنها بالتتبيله ومن بره كمان نحط عليه التتبيله نعصر نص ليمونه عليه حضري طبق واسع فيه دقيق
دحرجي السمكه في الدقيق من كل الجوانب
وتكوني مسخنه زيت في المقلاه
وتقلي السمك في الزيت وما تحاوليش تقلبيه الا بعد ما يغير لونه من تحت الاول وبعدين نقلبه علي الجهه الاخري لحد ما يبقي لونه ذهبي غامق قدميه مع الارز الابيض او البني وسلطه خضرا وسلطة طحينه
تنقي وتغسل ثم تنقع الفاصوليا البيضا في الماء من قبل بليله و تاني يوم اسلقيه
(هانحطها في ميه مغليه لحد ما تبقي تقريبا نص سوا او اكتر يعني تدوقيها تلاقيها بتتكسر بسنانك مش ناشفه وفي نفس الوقت مش مهريه ..هتلاحظوا ظهور ريم(رغاوي) علي الوش شيليها بالمعلقه واغسليها بالميه وسيبيها علي جنب لحد ما نعمل الصلصه حطي الفاصوليا علي الصلصه المتسبكه وزودي شوربه وزودي الملح والفلفل الاسود وسيبيها تكمل سوا وتشرب من الصلصه وقدميها مع الارز بالشعريه
حمري البصل بالزيت وقلبي حتي يحمركويس اضيفي الارز وقلبي حتي يصبح لونالارز بني تبلي الارز بالملح والكمون وغطي الارز بالماء وغطي لحد ما يتشرب الميه قللي درجة الحراره خالص لحد ما يكمل سوا وقدميه مع السمك :t25:
المقادير: كوب أرز, 2 كوب ماء, 2 كوب لبن, نصف كوب سكر( يمكن أقل أو أزيد من ذلك حسب الرغبة ), فانيليا
للتزيين: قرفة بودر, ذبيب, جوز هند,
الطريقة :
نغسل الارز و نصفيه من الماء جيداً
نضعه في حلة ثم نضع عليه الماء بحيث يغطيه كله
نضعه على نار عالية حتى يغلي ثم نهدي النار حتى يستوي الارز
بعد سوى الارز نضع اللبن والسكر والفانيليا ثم نقلب بالراحة حتى لا يتعجن الارز
نترك الارز مرة اخرى حتى يغلي
نغرف الارز في إناء و نتركه يبرد قليلاً
نزينه برشه قرفةبودر و ذبيب و جوز هند على الوش
الكبدة(نصف كيلو) قطع صغيرة و تغسل بالماء و بعدها بالخل ثم تشطف
(لونها سيصبح مائل للرمادى)
توضع فى حلة مع 3 ملاعق كبيرة زيت و 3 ملاعق كبيرة خل
توضع على النار (تبقى الحلة مفتوحة)حتى يتغير لونها و تجف معظم السوائل
تقطع نصف بصلة و 2 طماطم و توضع فى الحلة
يضاف بعض الزبيب
و البهارات(ملح و فلفل و قرفة و كمون)
كل ما زودنا قرفة و كمون كل ما كانت احلى
نقلب و نضيف الماء حتى تغطى الكبدة
تغطى الحلة حتى تنضج الخضروات و بعدين نشيل الغطاء و نسيبها على النار مع التقليب حتى يتكثف الصوص
كيلو لحم
2بصلة
فصين ثوم
فلفل حار
ليمون
بهارات(ملح - فلفل أسود - قرفة ـ ورق لوري ـ كمون )
طريقة لعمل اللحمة بالبصل تحفة خشوا ومش هتندموا
قطعي اللحم إلى شرائح أو مكعبات صغيرة وتبليها بالبهارات الطريقة
قطعي البصل وتبليه أيضًا .
دقي الثوم مع الفلفل واعصري الليمون معهما .
ضعي اللحمة في الطاسة بدون زيت وقلبيها حتى تنشف ميتها.
ضعي ملعقتين إلى ثلاث من الزيت في الطاسة وقلبي بها البصل حتى يذبل.
ضيفي اللحمة إلى البصل وقلبي حتى تحمر اللحمة.
ضعي خليط الثوم والفلفل إلى اللحم والبصل وقلبي قليلاً ثم ارفعي الطاسة عن النار.
وقدميها مع الارز الابيض وبالهنا والشفا
ودى طريقة تانية
طاجن اللحمة بالبصل ((فى الفرن))
المقادير:
1/2 كيلو لحمة .+عصير طماطم.+3 بصلات مقطعين شرائح تخينة.+ملح ، فلفل.1 معلقة سمن.
الطريقة:
نسلق اللحمة نص سلقة.نضع البصل فى الطاجن وعلية اللحمة ومعلقة سمن.ثم نضع عصير الطاماطم حتى يعطى الطاجن كلة . يوضع فى الفرن الى ان تنضج اللحمة . طريقه سهله وبسيطه
المكونات :
1/4 كيلو لوبيا جافة " بعين سوداء "
تنقع فى الماء مدة لا تقل عن ساعتين " لان نقع الحبوب افضل من سلقها علشان عند الطهى ما تتقشرش "
عصير 4 حبات طماطم
2 فص ثوم مفروم
بصلة متوسطة مفرومة
زبدة + ملح + فلفل اسود
الطريقة :
تحمر البصلة فى الزبدة الى ان تصفر ثم يضاف عصير الطماطم ثم اللوبيا و بعدها الثوم و الملح و الفلفل الى ان تغلى تخفض النار و تغطى الى ان تنضج و بالهنا و الشفا
للخضار المطبوخ انا كل الاكل المطبوخ بسوية فى طاجن وعادى بستعملة على البوتجاز من فوق بيدى طعم روووووعة السبانخ او اى خضار لا تضيفى اى بهارات الا بعد تمام النضج والسبانخ علشان يبقى طعمها واو فبل النضج 5 دقائق تعملى طشة من التوم والكسبرة الناشفة يتكونى عملاهم فى حتة سمنة بلدى + بعد ما نخلص اى طبخة بندق فص توم مع شوية فلفل اسود ونحطة على الطبخة ونقلب ونغطى الحلة طبعا الطعم روووووووعة الملوخية سواء كانت خضراء او ناشفة نحط على الشوربة ربع معلقة سكر ونص دقة التوم وبعد ماتغلى كويس ننزل بالملوخية ونقلبها تقليبة سريعة بالمضرب ومتسيبهاش تغلى وانزلى عليها بلطشة ودوقى احلى ملوخية + لما تيجى تشوى فراخ اولحمة ضيفى لخليط الشوى 2 معلقة سكر بيتكرمل على اللحمة وبيديها طعم وشكل روووووعة + لما تيجى تقلى اى حاجة حطى فى زيت القلى معلقة خل بيقلل من امتصاص الاكل للزيت ولو حطتية فى زيت السمك بيقلل من انتشار ريحة السمك + اى عصاج تعملية للحصول على الطعم المميز قلبى اللحمة الاول فى شوية زيت او سمن لحد ما لونها يتغير وبعد كدة انزلى بالبصلة المبشورة وما ضيفيش ملح ولا بهارات على اللحم الا عند الدخول فى النضج علشان اللحم ما يكلكعش ويبقى مفلفل + محشى ورق العنب بنحط علية معلقة زيت ذرة من فوق عند السوا علشان يديلة لمعة جميلة + لما نيجى نسلق الجزر او نعمل اى خضار سوتية نرش عليه قليل من السكر ودة بيحافظ على لون الخضروات + لما نيجى نسوى محشى الكوسة والبذنجان بنعمل فرشة من البصل الحلقات والطماطم ونحطها على النار لحد ما تشرب ميتها الاول وبعد كدة نسقى المحشى عادى بلشوربة + وفى حاجة لازم نحطها بتفرق فى الطعم وهى ورقة لورة وفص حبهان ودوقوا الطعم
+ ماينفعش تحطي اللحمه او الفراخ مجمده والميه بتغلي لان كده هاتستوي من بره بس وقلبها هايبقي ني ومع السخونيه اللي بره والسقعه اللي جوه هاتنشط الميكروبات فيها
يعني اللحمه لازم تبقي فاككه خالص بس في التلاجه مش بره التلاجه ومتحطيش ميه مغليه عليها لا لازم الميه بارده من الحنفيه ليه بقي علشان درجه الحراره ترتفع بالتدريج وتستوي من بره زي من جوه ومايبقاش في اختلافي في درجات الحراره لان ده هو اللي بيخلي الميكروبات تنشط وتكاثر
+ اللي بيخلي الكفته او الطعميه او كفته الرز تفك هو نفس السبب السوائل
يعني لازم تصفي كل حاجه كويس قوي
وكمان متكتريش في البصل والبقدونس علشان فيهم نسبه ميه كبيره
وده احيانا بيكون سبب ان الكفته او الطعميه تفك
+ الممبار عشان يكون سهل فى تنضيفه
اقلبيه وانقعيه على قد ماتقدرى بشويه خل وملح وميا
وخلصى الخلطه بتاعتك
الحشوه يعنى اللى هى ذى حشوه المحشى خضره وطماطم ورز وبصل
وانا بضيف حمص الشام ويكون مسلوق بجد بيكون رااااااااااائع
ويضاف على الخلطه عااااادى جدا
وحتلاقى الممبار لونه افتح والسمين داب يعنى يادوبك
حتكحتى براحه كله حيطلع
وحتلاقيه ذى الفل
اما بقه الطحال
ده بتغلى ميا وتحطيه فيها وملح وفلفل اسود
وتسيبيه يستوى كويس
وبعدين تقطعيه شرايح وترشى عليه ملح وفلفل اسود بيكون خطييييير
اكله حلوه اوى وفيها كل المكونات من الخضار وكمان اللحم
وكمان طريقتها سهله خالص
اولا المقادير
ربع كيلو بسله
ربع كيلو كوسه مقطعه
ربع كيلو فاصوليا مقطعه
ربع كيلو جزر مقطع
فلفل اخضر رومى مقطع
طماطم شرايح
بطاطس شرايح
بصل شرايح
لحمه مسلوقه نصف سواء
التوابل ملح وفلفل وبهارات
الطريقه
نسلق اللحمه نصف سليق ونخلى الشوربه على جنب
نجيب الطاجن بتاعنا او الصينيه ونحط فيها الخضار ونقلبه على بعض وبعدين نحط شرايح البصل والبطاطس والبصل والتوابل
وبعدين نحط عليها الشوربه واللحمه ونغطيها بورق الفويل
وندخلها الفرن تستوى
وبنقدمه مع الرز والسلطه
_البسبوسة كانت دايما بتنشف منى فبقيت اخلى العجينة طرية شوية واحط عليها الشربات سخن وهى سخنة
-الفول المدمس كان بيسود منى فبقيت بحط لة نص لمونة وانا بسوية
_المكرونة الباشامل كانت بتلزق منى جامد فى الصينية فبقيت بحط معلقة باشامل الاول وادهن بيها الصينية وبعدين احط المكرونة
_ريحة السمك المقلى كانت بتقلب الشقة عندى فبقيت بحط قشرة نص لمونة فى الزيت فالريحة قلت كتيير
_برضة كنت بتبل السمك المقلى بالتوم علطول حلو وصح ماقولناش حاجة بس بعد كدة بقيت بتبلة ببصل وملح وفلفل الاول واحطة لتانى يوم فى الفريزر وبعدين اطلعة واشيل البصل واتبلة بالتوم عادى لقيت البصل بيضيع ريحة الظفارة خاااااااااالص
_الفتة ام خل وتوم وفتة العدس مكنتش بحمرلها عيش كنت بحطة كدة عادى لكن لما حمرتة فى حتة سمنة بلدى الاول الطعم فرق تمااااااااااما وبقى احلى بكتير
_البصل اللى بنحطة على وش الكشرى المصرى كنت بحمرة فى الزيت علطول فكان كتييير يتحرق منى وبيطرى فبقيت بحطلة معلقة صغيرة دقيق وذرة ملح بعد التقطيع واقلبهم مع بعض وبعدين احمرة فبقى بيطلع زى بتاع برة هش ومقرمش ولونة دهبى محمر.
_كنت بعجن اى عجينة خالص بمجرد ما العجينة تتجمع معايا ومتلزقش
فى الطبق
اسبها تخمر وده طبعا كن بيخليها حطب وكمان طعمها صعب !
لكن بعد كده اكتشفت انى لازم اعجن اى عجينة لمدة لا تقل عن 1/4 ساعة على الاقل
هى حاجات صغيرة اوى والواحدة مش بتخد بالها منها خصوصا ان الملحوظات دى مش بتكتب مع الوصفة
وطبعا بتكون النتيجة ان الوصفة باظت والسبب ممكن يكون غلطة صغيرة (رشة ملح/ مقادير من التلاجه / تسخين زيادة )
_ كنت بعمل البامية عاادى جدا بعد كده جربت انى بعد ماخلصها احط عليها فص توم مفروم قبل مااطفى عليها على طول لقيت كل مااعمل بامية
طبعا قبل مااطفى بخمس دقايق علشان التومه ريحتها تطلع.
_المسقعة كانت مش حلوه معايا خالص لحد معرفت السبب وهو انى كنت بحمر الباذنجان جامد وكمان كنت بقلى بثوم قليل جدا زى المولوخيه
فضلت ادور واسال على السبب لحد معرفت وهى بتطلع روعه معايا الان