لكل البنات والعرايس الجداد _ دوره تعليم الطبخ واحده واحده لتعليم الأكلات الأساسية..!!

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
لكل البنات والعرايس الجداد _ دوره تعليم الطبخ واحده واحده لتعليم الأكلات الأساسية..!!
( الموضوع منقووووووووووول) مع تنسيقى

الدرس الاول

سلق اللحمه والفراخ
نبتدى يابنات مع اول حاجه هنتعلمها هى ازاى نسلق الفراخ و اللحمه ونعمل احلى شوربه نشربها

اولا : نغسل الفراخ كويس اوى بالملح والخل علشان الزفاره ونغسلهم كويس

ثانيا : بالنسبه للحمه نغسلها كويس

ثالثا : نحضر الحله ونحط فيها مايه ونحطها على البوتوجاز ونجيب بصله ونقشرها ونغسلها كويس ونحطها فى المايه ونحط عليها كمان فلفل وكمون وورق لورى وحبهان وشوربه فاين فودرز للبتحب تحطها لو مش عايزه تحطيها بلاش
ونسيب المايه تغلى بالبهارات دى كلها
اول ماتغلى المايه نحط فيها الفراخ او اللحمه واول ماتغلى تانى نهدى على النار ونسيبها تستوى

الفراخ

577938825.jpg

بنحط معاها الملح من الاول عادى بس ياريت نحطه شويه بشويه علشان نظبط الطعم والفراخ بتاخد حوالى ساعه الاربع سواء واول ماتستوى الفراخ بنشيلها من الشوربه علشان متتهريش فيها

اللحمه

753838446.jpg

بنحط عليها الملح بعد ماتكون قربت تستوى خلاص يعنى فى الاخر لان لو حطيته فى الاول اللحمه مش هتستوى واللحمه بتاخد حوالى ساعتين سواء

وبكده يابنات بنكون سوينا اهم حاجه زى اللحمه والفراخ ال لازم بتكون موجوده مع الاكل


يتبع ........
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الرز بأنواعـــــــــــــه


696574181.jpg


الرز بالخلطه

المكونات
2 كوب أرز مصري
½ كوب لوز محمص
½ كوب بندق محمص
¼ كوب زبيب منقوع
¼ كوب صنوبر محمر
3 كوب مرقة لحم
1 حبة بصل مفروم
2فص ثوم مفروم
قليل من القرفة
قليل من القرنفل
1 ملعقة صغيرة معجون صلصة طماطم
2 ملعقة كبيرة سكر
1 ملعقة كبيرة ماء
سمن حسب الحاجة
ملح وفلفل أسود حسب الرغبة


طريقة التحضير

في الحله يوضع السكر مع ملعقة من الماء ويسخن إلى أن يتحول السكر إلى اللون البني الداكن من دون أن يحترق
تضاف صلصة الطماطم والسمن والبصل والثوم ويترك لمدة 5 دقائق مع التقليب المستمر
تضاف القرفة والقرنفل والبهارات والملح والفلفل الأسود
يضاف الأرز ويقلب حتى تمتزج جميع المكونات معاً
تضاف المرقة وترفع درجة حرارة النار حتى يتشرب الأرز كمية المرق
تخفض درجة الحرارة على أقل درجة ممكنه حتى يتم نضج الأرز تماماً

في مقلاة يوضع ملعقة صغيرة من السمن ويحمر
بها المكسرات إلى أن تأخذ اللون الذهبي
يغرف الأرز في طبق مناسب ثم توضع المكسرات
أعلى الأرز ويضاف الزبيب أيضاً.

وممكن كمان تزويدى كبد وقوانص هتطلع حلوه اوى
وادعولى

دى الطريقه المعتمده فى الرز بالخلطه

++++++++++++++++++++++++++++++++++++
وفيه طريقه تانيه سهله للمش هتعرف تعمل الطريقه الاولى

هنجيب كميه من الكبد والقوانص ونقطعهم مكعبات صغيره ونشوحهم ببصله مفرومه والتوابل ونسيبهم يستووا
هنجيب حله ونحط فيها سمنه ونحمر الرز فيها لحد مايكون لونه بنى شويه مش محروق يعنى
ونحط عليه الشوربه ونسيبه يستوى
واول مايستوى نحط عليه الكبد والقوانص ونقلبهم
ولو بنحب المكسرات نجيب المكسرات ونشوحهم فى سمنه وبعدين نرشهم على وش الرز

ولو عايزين الرز يبقى لونه بنى ممكن نحطله شويه صغيرين من بهارات الكبسه هيبقى لونه بنى وممكن تضيفوا معلقه صلصه على الرز قبل مايستوى


دول طريقتين ال تحب تعمل اى طريقه براحتها الاتنين حلوين خالص


يتبع ....

 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس الثانى


كفته الفراخ

1298042114.jpg

سهله اوى وكمان لذيذه جدا والاطفال والكبار بيحبوها وكتير مننا ميعرفوش الطريقه بتاعتها

بنجيب قطعه من الفراخ المسلوقه على حسب الكميه ال انتى عايزه تعمليها وبنفرمها فى الكبه
ونحط عليها بططسايه مسلوقه ونفرمها
وكمان بيضه نايه والبهارات وبرضو نفرمها
وبعد كده نحط شويه بقسماط شويه بشويه لحد ماتتماسك مع بعضها

وبعد ما تخلص ناخدها ونصبعها ونرشها بالبقسماط ونحطها على طبق
وبعدين نحمرها وبس كده
بتبقى تحفـــــــــه

بنعمل جمبها رز ابيض او مكرونه عاديه او مكرونه بالباشميل

+وممكن كمان نعمل كميه ونخزنها فى الفريزر لحد ما نحب نستعملها مش بيجرى ليها اى حاجه

يتبع ...

 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
التـــــــــــــوابل

437922613.jpg

كلنا بنروح محل العطاره بنبقى محتارين نجيب ايه ونستعمله فى ايه
وبنروح نشرى حاجات كتير مالهاش لزمه عندنا وبنصرف فيها فلوس وخلاص

+ المهم يبقى لازم نشترى الحاجات ال هنستعملها بس
ياترى زى ايه

الفلفل والكمون مهمين جدا ياريت نشتريهم حب ونطحنهم فى البيت بيبقوا تحفه
الكسبره الناشفه بتبقى حلوه اوى على الاكل
الكارى بنعمل بيه رز او فراخ او اى حاجه تانيه
الشطه وطبعا مهمه فى اى بيت
الورق اللورى بيتحط على الشوربه او الاكل زى الفراخ واللحمه وغيره
الحبهان طبعا مهم جدا مع الاكل
توابل الكبسه بتخلى رز الكبسه حلو اوى ولونه بنى
توابل اللحمه والفراخ بنستعملهم مع اللحمه والفراخ المشويين واحنا بنتبلهم
توابل الكفته حلوه اوى مع الكفته المشويه
القرفه بنستعملها على بعض الاكلات
الزعتر وطبعا بنستعمله مع الاكل والحاجات المشويه

دول يعتبروا اهم توابل بنستعملها فى البيت
وطبعا فيه توابل تانيه كتير بس بيبقى استعمالها اقل شويه
احنا نقدر نجيب دول والباقى لو احتجناه نبقى نجيبه
ياريت مش نجيب كتير علشان الحاجات مش تبوظ

يتبع ...
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس الثالث

المكرونه
163869145.jpg


الدرس ده يابنات يعتبر للاساسيات وكمان ال بيعرفوا يطبخوا
طبعا المكرونه تعتبر مهمه جدا فى اكلاتنا وليها انواع كتير اوى

علشان كده انا حبيت اننا نتعلم اهم انواعها

المكرونه بالصلصه

طبعا بنسلق المكرونه اى نوع ونحطها على سبيكه الطماطم بالثوم ويتبقى طعمها حلو اوى

المكرونه بالباشميل
بنحضر الباشميل وهو عباره عن معلقتين دقيق نحمرهم فى سمنه ونحط عليهم كوبايه او كوبايه ونصف لبن ونقلبهم وكمان نحط كوبايه شوربه بتديها طعه خرافه وطبعا البهارات ونقلبه وياريت منسيبهوش يتقل يبقى حلو كده وسايب
نسلق المكرونه ونقلبها فى شويه من الباشميل
نكون معصجين اللحمه المفرومه ببصله مبشوره وتوابل ونسيبها تستوى على نار هاديه
نحط طبقه من المكرونه ثم طبقه اللحمه المفرومه ثم طبقه مكرونه ثم الباقى من الباشميل وتدخل الفرن على نار متوسطه

المكرونه النجرسكو
نحضر الباشميل زى ماقولنا قبل كده
نسلق المكرونه
نحضر الفراخ نجيب الفراج ونقطعها شرايح ونشوحها مع بصله مبشوره وتوابل ونسيبها تستوى
نجيب الصينيه ونحط المكرونه فى شويه من الباشميل ونقلبها ثم نعمل طبقه مكرونه ثم الفراخ ثم مكرونه ثم الباشميل وعلى الفرن على طول

المكرونه الطاجن بالصلصه
نحضر صلصه الطماطم بالثوم والتوابل وممكن شطه حمراء تنضرب فى الخلاط مع الطماطم ونسبهم يتسبكوا
نسلق المكرونه عادى خالص
نقلب المكرونه فى شويه من التسبيكه ونحطها فى صينيه وباقى التسبيكه عليها ونحطها فى الفرن

المكرونه المحمره
نجيب المكرونه ونحمرها فى حله فيها سمنه لحد ما تصفر
نزودها بالشوربه ونسيبها تغلى وقبل ماتشربها خالص نهدى عليها خالص لحد ماتستوى
وممكن نعملها شوربه مكرونه اننا نوزدها شوربه ونطفى عليها ويكون لسه فيه شوربه


دى تعتبر اهم انواع المكرونه ال بنعملها على السفره

يتبع ...
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
ترتيب السفره

668702842.jpg

السفره كل ماتكون مترتبه ترتيب بسيط بيبقى شكلها حلو اوى
اهم حاجه اننا نزوق الاكل يعنى الاكل يكون شكله حلو مثلا الفراخ يبقى حواليها بطاطس شيبسى
البوفتيك مثلا يبقى حواليه خضار اخضر او شيبسى والسلطه يبقى شكلها جميل وهكذا

لازم كل واحد يبقى قدامه طبق وجنبه الملعقه والسكينه على اليمين والشوكه على الشمال
وكل واحد قدامه كوبايه فيها مايه وكوبايه فيها عصير او حاجه ساقعه لو تحبوا

لازم كل صنف من الاكل يبقى موجود فى طبقين طبق فى اول السفره وطبق فى اخر السفره علشان الكل يطول الحاجه

ممكن فى كل طبق نحط رز وشويه سلطه بشكل حلو بس برضو نحط رز تانى وسلطه تانى على السفره لليحب يعوز تانى

الحاجات الرئيسيه بتبقى فى الوسط يعنى مثلا ديك رومى فخده بط هكذا
ولو فراخ او لحمه نعمل طبقين برضو طبق فى الاول وطبق فى الاخر

كل واحد يبقى قدامه طبق الشوربه بتاعه وبرضو ممكن نزود شوربه على السفره لو تحبوا

متنسوش العيش يابنات يبقى موجود برضو فى طبقين متقطع ومظبوط كده

الملاحات مهمه جدا نحط اتنين واحده ملح والتانيه شطه مثلا لليحبها

الفوط بتاعت السفره تبقى موجوده جمب كل واحد ومفرش السفره يبقى حلو وممكن نحط فازه ورد فى النصف بس ياريت تكون قصيره علشان الكل يبقى مرتاح

دى تعتبر اهم ترتيب السفره
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس الرابع

البيتــــــــــــزا

439270556.jpg

بيتزا الجلاش

سهله اوى وجميله جدا والكبار والاطفال بيحبوها وكمان حلوه فى العزومات وتنفع للغداء والعشاء كمان


بيتزا الجلاش بالجبنه
اولا بنجيب لفه جلاش من السوبر ماركت
ونجيب صينيه مدهونه بسمنه بنفرد ورقه ورقه من الجلاش لحد مانوصل للنصف ونحشيها جبنه بيضاء وجبنه رومى وفلفل رومى مقطع وطماطم مقطعه وممكن اى نوع جبنه تانى كمان وزيتون مقطع
ونروح مكملين باقى الجلاش الطبقه التانيه يعنى
وبعد مانظبط الصينيه خالص نجيب بيضايه ونضربها بشويه لبن ونسقى بيها الوش ونقطعها وهى نايه مربعات كده
ونروح حطينها فى الفرن على درجه 180 لحد ماتستوى والوش يحمر

بيتزا الجلاش بالتونه

نفس الخطوات ال فوق لحد الحشوه بقى بنحط تونه وعليها فلفل مقطع وعليها طماطم مقطعه وزيتون مقطع واى نوع جبنه لو تحبوا ونروح مظبطين الصينيه بنفس الخطوات وعلى الفرن

بيتزا اللحمه المفرومه

نفس الخطوات بالظبط بس الحشوه بتكون لحمه مفرومه معصجينها ببصله مبشوره وتوابل ومستويه طبعا ومعاها طماطم مقطعه وفلفل مقطع وزيتون ونسويها بنفس الخطوات

بيتزا الجلاش بالفراخ


نفس الخطوات برضو بس الحشوه بتكون فراخ شرايح مستويه معاها التوابل ونقطع برضو طماطم وفلفل وزيتون ونسويها برضو

بيتزا بحشوات مختلفه

طبعا نفس الخطوات واى حشوه تحبوها مثلا سوسيس او سجق او بسطرمه او لانشون اى حاجه وطبعا بنقطع معاها فلفل وطماطم وزيتون ونحشى الجلاش



يتبع .......
 

Coptic MarMar

مشرفة شقية أوى
مشرف سابق
إنضم
29 سبتمبر 2007
المشاركات
20,364
مستوى التفاعل
391
النقاط
0
الإقامة
^_*قلب حبيبى^_*
لالالالالالالالا
مينفعش كده يا أو تربو ..
أدخل على التقييييييييل وانا معاك يامعلم :fun_lol:
ههههههههه
على فكرة انا من عشااااااااااق تجريب الاكل
يعنى ادخل المطبخ واخترع :love34:
بس الحمدلله بيطلع حلوووووووو بس بيبقى الاغلبية حلويات
وكويس هتابع معاك الموضوع ده
ولو حد اشتكى من اللى هجرب فيهم هبعته عليييييك :bomb:
هههههههههه
شكرا يا أبو تربو
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
لالالالالالالالا
مينفعش كده يا أو تربو ..
أدخل على التقييييييييل وانا معاك يامعلم :fun_lol:
ههههههههه
على فكرة انا من عشااااااااااق تجريب الاكل
يعنى ادخل المطبخ واخترع :love34:
بس الحمدلله بيطلع حلوووووووو بس بيبقى الاغلبية حلويات
وكويس هتابع معاك الموضوع ده
ولو حد اشتكى من اللى هجرب فيهم هبعته عليييييك :bomb:
هههههههههه
شكرا يا أبو تربو
هههههههههه ضحكتينى بامانة قوى:new6:
شكلك عروسة شاطرة وعارفة كل الاكلات
طيب خلاص بنعمة ربنا هجمع شوية اكلات ونصائح للمطبخ هتفيدك جدا
ربنا يفرح قلبك دايما
آمين
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس الخامس

الكوارع

1399699395.jpg


اكله طبعا جامده جدا ولازم جنبها الفته الجامده بتاعتها


هنجيب الكوارع تكون نضيفه ومتكسره من عند الجزار ونغسلها كويس
نحط الحله على النار وفيها المايه عليها بصلايه وورق لورى وحبهان وفلفل وكمون وطبعا الملح هيتحط لما تستوى
بعد ما المايه تغلى هنحط الكوارع واول ماتغلى تانى هنهدى عليها ونسيبها تستوى حوالى ساعتين
ولما تستوى هنضيف الملح وبعدين نطفى عليها

فته الكوارع

هنكسر العيش المحمص فى الطبق
هنجيب ثوم مفروم ونحمره فى شويه سمنه وبعدين نضيفهم على العيش المكسر ونقلبهم
هنحضر الصلصه هنجيب الثوم المفروم ونحمره فى سمنه ونحط عليه عصير الطماطم وقبل ما تتسبك خالص هنضيف معلقتين خل ونقلبها ونحطها على العيش

وطبعا هنعمل الرز ونحطه فوق الفته وبعدها شويه صلصه كمان
ويتقدم مع الكوارع


الكوارع بالصلصه

الطريقه دى لليحب يعرفها وهى طعمها حلو اوى
يعد ما الكوارع تستوى بنفصصها حتت من العظم
نحضر صلصه ثوم عاديه خالص توم مفروم يتحمر وعليه عصيرالطماطم يتسبك والبهارات
وبعد كده نجيب صينيه ونحط فيها الكوارع وعليها الصلصه ونقلبهم ونحطهم فى الفرن شويه صغيرين.

يتبع ...

 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس الجديد

الكنافه

583327025.jpg


طريقه سهله تنفع المبتدئين


الاول نحضر الشربات بتاع الكنافه
وبيبقى شربات الكنافه تقيل شويه غير شربات البسبوسه
يعنى هنحط 3 كوبايات سكر على 2 كوبايه مايه ونسيبهم يغلوا على نار هاديه شويه واول ماالسكر يدوب نطفى عليه ونسيب الشربات تبرد خالص

الكنافه
نجيب الكنافه ونفكهها من بعضها ونجيب شويه سمنه ونسيحها ونروح قالبينها على الكنافه ومقلبينها كويس
نجيب الصينيه وندهنها سمنه بسيط ونروح حاطيين جزء من الكنافه ونروح حاشينها مكسرات او قشطه او الاتنين مع بعضص ال تحبوه وتروحوا حاطين الجزء التانى من الكنافه
ونروح حاطينها فى الفرن لحد ماتحمر من تحت ومن فوق
واول ماتخرج نسقيها بالشربات
وبس

وممكن نعمل منها نوع تانى شكله بيبقى حلو اوى

نعملها دواير ونرصها فى الصينيه او نعملها فى قوالب الكاب كيك بنفس الطريقه ال فوق بالظبط
ونحطها فى الفرن وبعد كده نسقيها بالشربات ونزوقها بالمكسرات.


يتبع .....
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس السادس


ورقه اللحمه

410337375.jpg


اكله حلوه اوى وكمان سهله خالص
الاول هتحضروا المقادير دى

اللحمه وتقطعوها قطع صغيره شويه
البطاطس وهتقطوعا برضو قطع صغيره شويه
وبصل مقطع شرايح
وفلفل اخضر متقطع شرايح
وثوم مفروم
وكسبره خضراء متقطعه
توابل ملح وفلفل
وشويه زيت صغيرين

الطريقه
هنحط المكونات على بعضها ونقلبها كويس
وبعد كده نجيب صينيه ونحط فيها ورقه المونيوم كبيره شويه
ونحط في الورقه المكونات بتاعتنا
ونقفلها وهى فى الصينيه
ونحطها فى الفرن على درجه 200 حوالى ساعه ونصف
هتلاقوها تحفه والرحه جنان
وممكن نقدم جمبها رز وسلطه او عيش ومخللات

يتبع ......
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الكانيلونى

81161961.jpg


اكله لذيذه خالص بس فيه ناس كتير متعرفش تعملها
هنتعلم مع بعض نعملها ازاى وبطريقه سهله

الاول هنحضر اللحمه المفرومه المعصجه

هنشوح اللحمه مع بصله مفرومه وعصير طماطمايه وبهارات ونسيبها تستوى
وبعدين نركنها على جمب دلوقتى

مقادير الكانيلونى

كوب ونصف من الدقيق - 2 كوب لبن - 2 بيضة - ملعقة صغيرة ملح - ملعقة صغيرة فلفل أسمر

نضرب البيض مع الملح مع الفلفل الاسمر وبعدين الدقيق واللبن
هيتكون سائل كده بس ياريت مش يكون فيه اى تكتلات خالص

هنسخن طاسه تيفال على النار خالص ونحط فيها نقطه زيت وناخد من الخليط بكوبايه ونحطه فى الطاسه


ونفرده كويس فى الطاسه ونحطه على نار هاديه ولما يمكسك فى بعضه هنقلبه على الوش التانى هيبقى شبه العيش كده

بعد مانخلص المقدار كله
ناخد الكانيلونى ونحشيه باللحمه المفرومه المعصجه ونعمله زى الساندويتش الملفوف رول يعنى
وبعد كده نرصه فى صينيه مدهونه سمنه
وبعد كده ندهن وشه بالصلصه ونرش عليه جبنه رومى مبشوره او موتزريلا

وبعد كده نحطه فى الفرن حوالى تلت ساعه لحد ما الوش يحمر



يتبع.....
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
سر المحشي

1403354126.jpg


السر بسيط جدا
بنقسم البصل المفروم نصين
القسم الأول
بنصفر البصلة ونضيف له طماطم تكون واخدة غلوتين قبل كده او صلصة وتحطيله ملح وفلفل وكمون بس اول ما تغلي نطفي
نضع الجزء التاني من البصل وخضرة مفرومة عل الرز و2
مكعب مرقة نفركهم لحد ما يدوب خالص ونص كوب زيت ونخلطهم كويس جدا ومعاهم الجزء الأول
وتكوني مصفية الرز من المية كويس
وتبدأي تحشي
لما تيجي تسوي متحطيش الشوربة علطول سيبيه الأول يتشرب اي مية فيه ع نار لحد ما تحسي انه نشف خالص ضيفي الشربة
عل فكرة مختلف ف طعمه عن التسبيكة العادية هواقرب للني ف ني (يعني مبنحطش حاجة عل النار قبل ما نحشي)


يتبع...
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
الدرس السابع


كفته داوود باشا

4872418.jpg


تعتبر سهله اوى ولذيذه خالص
بنجيب اللحمه المفرومه ونبشر عليها بصلايه ونحط عليهم التوابل
ونعملها اللحمه كور
ونروح محمرينها فى سمنه ونشيلها
وبعد كده نجهز الصلصه بتاعتها
نحمر بصلايه مبشوره فى سمنه وعليها كام فص ثوم مفرومين نحمرهم برضو وبعد كده ننزل بعصير الطماطم والبهارات ونسيبها تتسبك شويه
وقبل ما تتسبك خالص يعنى تبقى سايله كده نحط عليها الكفته ونسيبها تستوى فيها شويه
وبعد كده نطفى عليها
ونعمل جمبها رز بالشعريه وسلطه

يتبع...
 
التعديل الأخير:

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
أسرار نجاح الكفتة

865097979.jpg

لو الكفتة مابتظبتش معاكي اعملي الي هاقولك عليه
علي كل كيلو لحمة مفرومة نضيف:
رغيف فينو منقوع ف مية ونصفيه كويس
بيضة نضربها بشوية ملح وفلفل
معلقة صغيرة بكنج بودر
بصلة مفرومة كويس
ودي المكونات الأساسية الي تضمنلك نجاح قوامها
الإضافات الي عايزاها حطيها:
بقدونس مع اي خضرة
بهارات
توم
شطة
فلفل رومي مفروم صغير
بدعي بأه براحتك
بعد كده صبعيها وحطيها ف فرن سخن وغطي وشها
عايزاها كفتة حاتي
سخني فحمة لحد ما الكفتة تستوي ونطشها بشوية سمنة ونغطيها لحد ما تشرب الريحة


يتبع...
 

sparrow

علي صدرك ربي تتكاني
عضو مبارك
إنضم
1 أكتوبر 2006
المشاركات
4,726
مستوى التفاعل
482
النقاط
0
جميل اووي يا ابو تربو
هتبقي موسوعه هايله
مجهود مميز ربنا يعوض تعبك
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,375
مستوى التفاعل
2,089
النقاط
0
الإقامة
Je rêve que je suis un papillon
بالصورطريقة عمل الكبدة الاسكندراني

المقادير

كيلو كبدة مقطعة شرائح رفيعة
ثوم مدقوق
البهارات شطة ( فلفل حار ) ، كمون ، كسبره ناشفة
فلفل حار أو رومي مقطع شرائح
طماطم مقطعة
3 ملعقة كبيرة خل
عصير ليمونة

الطريقة :

- تبلي الكبدة بالثوم و البهارات و الخل و الملح ، و دعيها مدة يوم كامل في التتبيلة

- نضع زيت على النار حتى يسخن ثم نسقط فيه الثوم المدقوق ونقلبه ثم نضع الكبدة ونقلب و ستظهر فوراً الرائحة الطيبة ، ونخفض الحرارة بعد أن يتغير لون الكبدة و نضيف حلقات الفلفل الأخضر ليكمل نضجه مع الكبدة و نغطيها و نتركها ربع ساعة و لا داعي لإضافة الماء .

112723053.jpg



1096252409.jpg


و بعد ذلك نرفع الغطاء و نقلب جيداً حتى تتشرب مائها و تتحمر فى زيتها.

963475360.jpg


- قدميها ساخنة مع الخبز و سلطة الطحينة و السلطة الخضراء والبطاطس المحمرة .

677385594.jpg


يتبع ....
 

+SwEetY KoKeY+

خلينى ارنم !
مشرف سابق
إنضم
1 سبتمبر 2008
المشاركات
28,062
مستوى التفاعل
394
النقاط
0
حلو جداااااااااا
ثانكس على مجهودك ابو تربو
 
أعلى