لكل البنات والعرايس الجداد _ دوره تعليم الطبخ واحده واحده لتعليم الأكلات الأساسية..!!

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
صينيه السمك طريقه حلوه ولذيذه موت

96651913.jpg


هنجيب
سمك فيليه ونتبله بالثوم المفروم والكمون والبهارات
هنجيب شرايح بصل وشرايح طماطم وشرايح فلفل وشرايح بطاطس ( اختيارى )
عصير ليمونتين وشويه زيت والتوابل

هنجيب صينيه ونحط فيها شرايح البطاطس ثم الفلفل ثم الطماطم ثم البصل ثم السمك
وبعد كده هنحط فوق السمك شرايح بصل وفلفل وطماطم وعصير الليمون والزيت والتوابل
ونحطها فى الفرن ونحمرها من فوق شويه

وبالهنا والشفا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
فراخ كنتاكى

877052307.jpg




طبعا كلنا بنموت فيها وبصراحه غاليه اوى علشان كده قولنا نعملها فى البيت اهو توفير وكمان نضافه
ومتاخفوش سهله خالص

اولا هنحضر المقادير

هنجيب فرخه ونقطعها 10 قطع او اكتر ونعمل فيها فتحا بالسكينه
وهنتبلها فى التبيله دى
( لبن رايب او زبادى - ملح - فلفل اسود - جنزبيل - مايه بصل - ثوم مفروم )
ونسيبها اطول فره ممكنه مكن من بالليل للصبح

هنجيب بقى دقيق ابيض + دقيق ذره + كيس سبايسى حار او عادى وممكن نحط كورن فليكس مطحون خشن لو تحبو

هنروح حاطين الفراخ فى الخلطه دى ونغطيها كويس
ونحطها فى الفريزر شويه تجمد ونروح محمرينها فى زيت سخن
وبعد كده لو تحبو تتطمنوا من سواها ممكن تحطوها فى صينيه وعلى الفرن كمل سواها شويه

وبالهنا والشفا
 
التعديل الأخير:

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
المقلوبه


7408555.jpg


تعتبر اكله فلسطينيه وبتتعمل باشكال كتير زى اللحمه والفراخ
انا النهارده هانزلكم طريقتها بالفراخ يارب تعجبكم

المقادير

هنجيب فراخ ونقطعها
هنجيب طماطم ونعملها شرايح وكمان بصل شرايح وبطاطس شرايح وبذنجان شرايح وثوم وبهارات ملح وفلفل وكارى

نحط مايه على النار ونضيف فيها شويه طماطم وبصل صغيرين وفصين ثوم والبهارات ومرقه فاين فودز ونسوى الفراخ فيها

بعد ما الفراخ تستوى بنحمرها شويه فى الفرن

بنحمر شرايح البطاطس وشرايح البذنجان وشرايح البصل

بنسوى الرز فى شوربه الفراخ ال استوت فيها

بنجيب حله ونرص طبقه بصل وعليها ثوم مفروم وبهارات وبعدين طبقه طماطم ثم بهارات وبعدين طبقه بطاطس وعليها البهارات وثوم مفروم وبعدين طبقه البذنجان ثم الفراخ ثم الرز ونضيف شوربه بسيطه خالص

وبنحطها على النار على نار هاديه لمده عشر دقايق وبعدين بنقلبها على طبق التقديم

وبالهنا والشفا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
كفتة بس من غير لحمة!!!

أكلة للعشاء

المقادير :- بطاطس مسلوقة - بقدونس - بيض - بقسماط - ملح و فلفل - زيت للتحمير

الطريقة :- نسلق البطاطس ونهرسها كويس ثم نضيف لها التوابل ( ملح فلفل اسود ) والبقدونس المفروم
بعد كدة نبدأ نشكل البطاطس على شكل صوابع او اقراص
تغمس فى البيض ثم تغطى بالبقسماط وعلى الزيت السخن على طول
مع احلى طبق سلاطة خضراء وتقدم وبألف هنا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
بط محشى مارتة بورسعيدى

بط محشى مارتة بورسعيدى


713149332.jpg


اول حاجة نجيب البطوطة ونظفها كويس جدا وتدعك باملح والخل و الدقيق وتغسل جيدا

وتترك تتصفى من الماء

نيجى بقى للبصل :

لو بطة كبيرة بتاخد من كيلو الى كيلو نصف بصل

يقشر البصل ويغسل ويفرم دون ان يعصر

يعنى منزودش الفرم اوى يقوم ينزل المية ويبقى زى العصير لا

احنا عايزينه مفلفل

بعد كده تحطى المقدار بتاع البصل كله فى حلة او مقلاية كبيرة يكون ليها غطا

ونحط فوق البصل ملح حسب الزوق و ملعقة فلفل اسود و ملعقة و نصف كمون

و ملعقة صغيرة سكر

تخدى بايدك شوية ميه وترشيها على وش البصل مرتين كده

وبعدين تحطى ايدك وتدعكى البصل فى التوابل كويس جدا

سوى سطح البصل وحطى الحلة على نار هادئة

هو ما بيخدش وقت و كل شويه يعنى 5 كده دقائق قلبية
لما تحسى ان البصل استوى

ثلاث ملاعق زيت زرة رشيها قوقة وقلبى كويس

واطفى النار عليه

و لما حرارتة تهدى شويه

حطى على النار الحلة اللى هتطبخى فيها البط وحطى فيها مايه للسلق

وحبهان وورق لورى

وسبيها لغاية ما تغلى

تجيبى البطوطة وتحشيها بالمارتة لغاية ما تتملى وبعدين اقفليها زى ما يعجبك ( تخيطيها - تشبكيها بالخلة )اى حاجة المهم تتقفل كويس وبس

وبعدين تكون المايه بتغلى كويس تقومى حطة البطوطة وتسيبيها تستوى
عادى جدا

لما تستوى انشليها من الشوربة

وادهنيها بشوية ليمون وعصير طماطم وحتة سمن اوذبدة

ودخليها الفرن تتحمر

وبالهنا و الشفا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
طريقة عمل القلقاس المصرى البلدى اللذيذ

1272630390.jpg


إنزلى إشترى القلقاس على قد عدد الافراد وأنتى بتشترى القلقاس تحولى تشترى وحدة كبيرة أو 2 كبار أو ثلاثة وسط علشان السوى يبقا واحد مايبقا فى حب أو قطع مهرية والثانية مستوية وكذلك اللحمة وإختارى اللحمة على ذوقك فى ناس بتحبها سمينة وفى ناس بتحبها حمراء

أو فراخ أو بط بس خدى بالك لو حتعمليها بفراخ أو بط حتسوى حتسوى القلقاس مع الشوربة فقط ولو حتعمليها باللحمة حتسوى القلقاس مع اللحمة
نبتدى بدون طماطم ولا بصل
المكونات :
قلقاس..... سلق وكزبرة........1\4 راس ثوم .......3معلقة سمنة ....... ملح..... فلفل أسود.......... واللحمة

قشرى القلقاس وبعدين قطعية مكعبات وخلى بالك على أيدك حولى تمسكى القلقاس بفوطة مطبخ نظيفة وانتى بتقطعية
وتكونى مجهزة مياة مغلية وتنقعى فيها القلقاس نصف ساعة وتشطفية بمياة سخنة لحد ما تبقى المياة بيضة وتصفية
وتكونى سلقة اللحمة وقبل ما تستوى ( نصف سوا ) لو (عملة فراخ أو بط يبقا تحطى القلقاس على الشوربة فقط )

ودلوقتى حطى عليها القلقاس وأتركية يستوى وبعد ثلث ساعة إبتدى شوفى القلقاس بالمعلقة إستوى ولا لا
إبتدى هاتى خلاط أو محضرة الطعام وحطى فيها السلق بعد غسلة وتنظيفة جيدا وإزالة الساق منة يعنى الورق بس ومعاه الكزبرة والثوم وإضربية مع ربع كوباية مياة ثم صافية
وخدى المياة بتاعة الخضرا وحطيها على القلقاس وهوا بيغلى
وبعدين حطى السلق والكذبرة والثوم المضربين فى طاسة وسمنة وحمريهم جيدا لغاية أما يتحمرو لغاية أما يبقا لونهم أسود وأبتدى نعميه يعنى يبقا ناعم قوى
ممكن بمعلقة فى الطاسة أو بيد هون وبعدين حطى التقلية على القلقاس حتى يتم تسويتة
ما تنسيش الملح والفلفل


وبالهنا واشفاء
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
صينيه الجمبرى

979997072.jpg



طريقه حلوه اوى وسهله خالص لصينيه الجمبرى

الاول نحضر مقاديرها

كيلو جمبرى وسط حلو كده ونغسله كويس ونخليه بقشره عادى بيبقى كده احسن ولو عايزين مقشر مفيش مشكله
بصلايه كبيره مقطعه
طماطمايه مقطعه
فلفل رومى مقطع
معلقه صغيره ثوم مفروم
ملح فلفل كمون
عصير ليمونه
معلقتين خل
شويه زيت

نجيب صينيه او طاسه نحط فيها جميع المكونات ونحطها على البوتوجاز من فوق على نار هاديه ونقلبها كويس ونغطيها الجمبرى هيطلع مايته وهيتستوى منه فيه
الصينيه مش بتاخد وقت على النار يادوب ربع ساعه

وبالهنا والشفا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
سر الملوخيـــــــــــــــــــــــــــة

387917809.jpg


أولاً الطريقة :

المكونات

مقدار 1/2 كيلو ملوخية خضرا منظفة جيدا ومقطفة ومفرومة بالمخرطة
كوب ونصف مرقة لحم
و 1 مكعب مرقة دجاج
و 4 فصوص ثوم مفرومة ناعم جدا
و 1/2 ملعقة صغيرة كزبرة ناشفة
و 1/4 ملعقة شطة
و 1 ملعقة كبيرة سمن


الطريقة

تحضري الملوخية وتقطفي الورق وتغسليه عدة مرات للتخلص من التراب جيدا
توزعي اوراق الملوخية النظيفة على ورق جرايد أو ورق يمتص البلل
واتركيها حتى تتخلصي من الماء الزائد عليها
راعي عدم تعرضها المباشر للتكييف او الهواء الساخن
لانها ستتعرض للجفاف ولن تصلح لهذه
الوصفة
ضعيها في صينية كبيرة تكفي الكمية وابدئي في تخريطها
تقطيعها بالمخرطة
تأكدي من أنها اصبحت ناعمة وستكون لديكي مثل العجينة
بس مش ناعمة جدا جدا ... زي الي بنشتريها مجمدة
اغلي الشوربة ( المرق ) وذوبي فيه مكعب المرق والشطة
اهرسي الثوم وضعي عليه الكزبرة وضعي جزء ضئيل جدا من الخلطة على الشوربة
ضيفي الملوخية الى الشوربة وقلبيها
ملاحظة هااامة :: لاتتركي الملوخية تغلي ابدا - لان ذلك سيؤدي الى انفصالها عن الشوربة
بعد التاكد من سخونة الملوخية تماما
وذلك بتركها على النار ثم رفعها ثم ارجاعها مرة اخرى وهكذا

طريقة عمل التقلية
ضعي ملعقة السمن في طاسة صغيرة وضعي باقي خلطة الثوم عليها
عندما يتحمر الثوم ويصبح لونه ذهبي
تضيفيه على الملوخية
وبعدين تقلبي كله على بعضه
وبالهنااااااو الشفاااااا



السر بقى بتاع الملوخيـــــــــــــــة
الشغل كله ف الشوربة
بعد ماتجهزيها تضربي نص بصلة صغيرة وفصين توم ف قطاعة البصل وتغليهم مع الشوربة ومعاهم طمطماية
سيبيهم يغلوا 5_10دقايق
وبعدين صفيهم طبعا متنسيش ورق الوري والحبهان وانتي بتسوي اللحمة و لو معاها ماسورتين(عظم يعني)تبقي كده مش محتاجة غير للمولخية لو خضرة هتبقي عملتي كل حاجة تضمن نجاحها
اما التومة مع شوية كسبرة ناشفة ف حبة زيت وسمنة اول ماتصفر قليبي كويس وحطيها عل ملوخية
وطول ما الملوخية ع النار لازم تقليبي باستمرار اوعي تخليها تغلي عشان ماتفصلش
 

سندريلا 2011

عضو نشيط
عضو نشيط
إنضم
9 أغسطس 2011
المشاركات
529
مستوى التفاعل
37
النقاط
0
بجد ده كورس اكلات مفيده وسهله جدا حببتنا فى الطبخ ميرسى لتعبك كتير
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
طاجن التورلى باللحم

105993637.jpg


اكله حلوه اوى وفيها كل المكونات من الخضار وكمان اللحم
وكمان طريقتها سهله خالص

اولا المقادير

ربع كيلو بسله
ربع كيلو كوسه مقطعه
ربع كيلو فاصوليا مقطعه
ربع كيلو جزر مقطع
فلفل اخضر رومى مقطع
طماطم شرايح
بطاطس شرايح
بصل شرايح
لحمه مسلوقه نصف سواء
التوابل ملح وفلفل وبهارات

الطريقه

نسلق اللحمه نصف سليق ونخلى الشوربه على جمب
نجيب الطاجن بتاعنا او الصينيه ونحط فيها الخضار ونقلبه على بعض وبعدين نحط شرايح البصل والبطاطس والبصل والتوابل
وبعدين نحط عليها الشوربه واللحمه ونغطيها بورق الفويل
وندخلها الفرن تستوى
وبنقدمه مع الرز والسلطه

وبالهنا والشفا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
البصـــــــــــــاره

البصـــــــــــــاره

1248023461.jpg


اكله شعبيه كتير مننا بيحبها وكمان سهله خالص فى طريقتها

تعالوا نشوف المقادير

ربع كيلو فول مدشوش من غير قشر
حزمه شبت وحزمه كسبره وحزمه بقدونس
بهارات ملح وفلفل وكمون وكسبره ناشفه
بصلايه مقطعه ارباع
اربع فصوص ثوم
مرقه دجاج

الطريقه

نغسل الفول مدشوش ونحطه فى حله ونحط عليه حزم الشبت والكسبره والبقدونس والبصلايه والثوم ونزودهم مايه ونحطهم على النار لحد ما الفول يستوى
ناخد الحله بعد ما يكون الفول استوى ونضربهم فى الخلاص ونرجعهم فى الحله تانى
نحمر بصلايه فى حله مختلفه
نولع تانى على البصاره ونحط عليها البصلايه المحمره والبهارات ومكعب الدجاج ونسيبهم ياخدوا غلوه
وبعدين نقدمها ونزوق وشها بالبصل المحمر
وبنقدمها ع العيش والمخللات
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
كفته الارز

كفته الارز
1197034718.jpg



كتير مننا بيحبها سواء متحمره بس او فى الصلصه حلوه اوى وكمان سهله خالص

تعالوا نعرف بتتعمل ازاى

المقادير

كيلو لحمه مفرومه ( وياريت تكون الدهون قليله او تكون لحمه جملى )
نصف كيلو ارز او كيلو الاربع يتغسل ونسيبه حوالى ثلث ساعه وهو مبلول
بصلايه كبيره مفرومه
6 فصوص ثوم
بقدونس
بهارات ملح وفلفل

الطريقه

نحط كل المقادير على بعض ونفرمه فى الكبه
ناخد الكفته ونصبعها ونقليها فى الزيت
ولو حابين تشيلوها فى الفريزر من غير قليه ممكن ولو بقليه برضو ممكن
ونستخدمها وقت مانحب

طريقتها فى الصلصه

313126059.jpg



بنحمر ثوم مفروم مع بصلايه مفرومه ونحط عليها عصير الطماطم ونسيبهم يتسبكوا
وبعد كده نضيف الشوربه لحد ماتغلى ونضيف الكفته عليها واول ماتغلى نهدى لحد ماتستوى
وممكن نسوى معاها بطاطس مكعبات

وبنقدمها مع رز بالشعريه وسلطه

وبالهنا والشفا
 

ملحد حر

عضو نشيط
عضو نشيط
إنضم
26 مايو 2011
المشاركات
309
مستوى التفاعل
12
النقاط
18
مشكلة أن الشوربة ما تضبط مع الدجاج واللحمة ‍!
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
المسقعه

المسقعــــــــــه

613911279.jpg



طبعا معظمنا بيحبها وكمان سهله خالص

تعالوا نحضر مقاديرها

بذنجان عروس نقطعه شرايح
بططسايه نقطعها شرايح
فلفل اخضر نقطعه شرايح
طماطم نقطعها شرايح
ثوم مفروم
عصير طماطم
توابل ملح وفلفل
لحمه مفرومه متعصجه

الطريقه

نحمر البذنجان والبطاطس والفلفل فى الزيت ونحط عليهم شويه توابل بسيطه
نحمر الثوم فى السمنه ونحط عليه عصير الطماطم والتوابل ونسيبها تتسبك شويه بس مش للاخر يعنى تكون سايله شويه
نجيب صينيه ونرص فيها طبقه طماطم وبعدها طبقه بطاطس وبعدها طبقه فلفل وبعدها طبقه بذنجان وبعدين اللحمه المفرومه وبعدها طبقه بذنجان وبعدها طبقه شرايح طماطم وفلفل وبعدين نحط عليها الطماطم المتسبكه
نحط الصينيه فى الفرن حوالى ربع ساعه او اكتر شويه صغيرين

وبالهنا والشفا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
الكيكه الاسفنجيه

الكيكه الاسفنجيه

683282102.jpg



طبعا من اهم الكيكات لاننا بنعملها للتورت بتبقى حلوه اوى
وانا جبتهالكم بطريقه سهله خالص

تعالوا نشوف المقادير

10 بيضات درجتهم درجه حراره البيت
2 كوبايه دقيق
كوبايه ونصف سكر ناعم
معلقه بيكنج بودر
رشه فانيليا


الطريقه

نضرب البيض بالمضرب الكهربائى ضرورى مده ماتقلش عن ثلث ساعه لحد ما البيض حجمه بيتقل ويرتفع
نحط السكر ومعاه رشه الفانيليا على البيض ونضربهم تانى شويه
نحط معلقه البيكنج بودر على الدقيق وننقلبهم وننخلهم مع بعض
بنجيب مضرب يدوى عادى ونحط الدقيق شويه بشويه على البيض والسكر ونقلب فى اتجاه واحد لحد مايتجانسوا مع بعض وتحسى انهم دابوا مع بعض خالص
نكون مولعين الفرن على درجه 180
ندهن الصينيه سمنه ورشه دقيق وكمان على الجوانب ونحط مقدار العجينه فيها
وندخلها الفرن تستوى حوالى 40 دقيقه وممنوع خالص يتفتح عليها قبل نصف ساعه نهائى لانها بتهبط وبتبوظ

( ملحوظه )

ال تحب تكون الكيكه بنى بنشيل ربع كوبيه دقيق من المقدار ونحط بدلهم ربع كوبايه كاكاو ونقلبهم ونستخدمهم عادى
يكون مقدار الكوبايه ال هنستخدمها فى معيار الدقيق نفس الكوبايه ال هنستخدمها فى معيار السكر

( سر خطير )

لو عايزين تعملوا الكيكه تورته وتذوقوها وعايزينها تفضل طريه بعد ما الكيكه بتستوى وبتبرد خالص بنقطعها نصفين ونسقيها سفن اب بيخليها طريه وطعمها حلو ونذوقها زى ما نحب
 

ملحد حر

عضو نشيط
عضو نشيط
إنضم
26 مايو 2011
المشاركات
309
مستوى التفاعل
12
النقاط
18
صحة وعافية للجميع

تحياتي
 

just girl

عضو نشيط
عضو نشيط
إنضم
1 سبتمبر 2011
المشاركات
256
مستوى التفاعل
70
النقاط
0
جميل اوى التوبك ده .. وممتع :)

شكراً لتعب محبتك.. .
 
أعلى