الفن والابداع , شاركنا الاشياء التى تعشقها

[خادم البتول]

كريس​

لو اعرف إن عمرو دياب هو "الكود" اللي بيفتح خزنة الأغاني عند كريس كنت جبته من أول يوم. مشاركة جميلة أخي الحبيب، ومنك انت بالذات أي غنوة أكيد حلوة حتى لو مين اللي بيغني.. حتى لو جورج وسوف (;.. أشكرك يا عمدتنا كتير.. بس كمان استعد بالمزيد لأن عندي سفر كام يوم آخر الشهر ده وطبعا ماينفعش نسيب 3 ـ 4 بنات لوحدهم في توبيك مفروش.. أو حتى تمليك.. يعني تعمل بقا حسابك عشان تشأر كل ليلة على اخواتك، خاصة إنك انت بالذات معزة إيمي ومعزة رورو وبتول ومعزة موكي والبنات كلها عندك لا تقل عن معزتهم عندي (أو عن معيزهم عندي، حسب انت قريت كلمة "معزة" ازاي!

)


​

رورو​

مش عارف أشكرك على الورد وللا على الـ"أنغام" وللا على مجرد مشاركتك وحضورك.. قلبك الطيب الصافي هو سر الجمال، ومن قلبك ده عرفت النهارده غنوتي إيه، خاصة بعد تقديمك لـ"أنغام" واتفاق كريس معاكي، واتفاقك انتي وبتول وأعتقد معظمنا أيضا على "نجاة"، طيب إيه رأيك لو جمعنا أنغام ونجاة في غنوة واحدة؟ دي بالفعل كانت تجربة جميلة من أنغام، خاصة إن الأغنية نفسها حالة خاصة في كلماتها ولحنها، ولا أروع ولا أجمل! تخيّلي عبقرية التعبير لما نحب مثلا نختصر كل الأغاني مقابل غنوة واحدة فنقول: إلا الغنوة دي.. أو كل الزهور باستثناء مثلا الياسمين فنقول: إلا زهرة الياسمين.. كذلك هنا شاعرنا الرومانسي العبقري الباشا مأمون الشناوي بيختصر كل البشر فيقول: إلا إنت! ​

​

بتول​

مش عارف إيه "الشديد القوي" طبعا بس ربنا معاكي ومعانا مايحرمناش أبدا من طلتك الجميلة. أنا مش كنت عايز اسمع الغنوة أنا كنت عايز بالأحرى أسمع الذكرى اللي بترتبط بالغنوة.

وبعدين إنتي ورورو على ما أذكر كنتم بالفعل عاملين توبيك تســيـيح لبعض، جات على دي يعني؟ احكي يا بنتي فضفضي لاخواتك فضفضي.

ميرسي يا جميل على الغنوة المتميزة طبعا.. طبعا.. أما أبو وديع فأنا شخصيا عارف من زمان إنه "الفافوريت".. مفيش مفاجأة اتحرقت ولا حاجة ماتقلقيش.. أكتر من كده أحب أقولك إني أعرف أغانيه من أيام ماكان هو نفسه تقريبا طفل. بس المشكلة إن جورج وسوف ـ وإلى حد ما أصالة السورية ـ فجأة ولسبب غامض جدا لقيتهم بيرتبطوا في مصر فقط بالطبقات الشعبية والدرجات الأدنى تماما في السلم الاجتماعي. بالذات جورج وسوف أصبح هو المفضل عند كافة الصنايعية وسواقين الميكروباص على سبيل المثال. للأسف مش متابع أعمال جورج الأخيرة بحيث أفهم: هل هو بالفعل "بيخدم" الطبقة دي بالذات عمدا ـ باعتبارها جمهوره ـ أم إنها مجرد صدفة؟ لكن في النهاية ده في رايي ظلم جورج كتير، لأن الناس اللي مش عايزة تنتمي للطبقات دي ـ حتى لو هم فعلا منها ـ بيبعدوا عنه، بغض النظر هو بيقول إيه فعلا في أغانيه.. يعني من باب "ياي سوفاچ أوي"!

​

بالتالي تستحقي أحييكي لشجاعتك.. انتي أول "أميرة" في مصر أشوفها بتسمع أبو وديع! ياريت بقا تفسري أو على الأقل تجيبيلنا حاجة تنفي الشبهة دي، علما بأن التوجه الشعبي بالتأكيد مش شبهة ولا خطأ.. طبعا.. إنما هل هو فعلا كده؟ شخصيا لا أعرف. ​

​

سمير وتماف​

شخصيا أسعدني كثيرا حضوركم وأتمنى أرى المزيد منكم ومن إضافاتكم.. ح اجيبلك يا سمورة كمان يومين غنوة هندي من مفتنياتي الخاصة يارب تعجبك.. وأما فريد يا تماف.. اقول ايه بس؟.. ده الأمير.. فريد ده مملكة كاملة بحد ذاتها، ومدرسة كبيرة فيها من نفس الشخص كل الألوان: هو شخص واحد.. لكن عنده القدرة يعمل من أول "عش أنت" لحد "ياما جوا الدولاب مظاليم"! من أول "بنادي عليك" لحد "فوق غصنك يا لمونه"! من أول ملحمة زي "أول همسة" لحد بونبوناية زي "اتقل اتقل"! ده غير قدرات العود الخرافية، والالتزام بالقواعد الشرقي مع التميز في نفس الوقت عن كل العمالقة اللي عاصروه، و... و...، ناهيكي عن الكلمات اللي كان يختارها بكل حرص وعناية! أعتقد سميعة فريد لا يمكن ينسوا مثلا:

​

كان القــدر.. راضي علينا حنــون
كان القمــر.. جماله يسبي العيــون
كان الشجر.. غصون تعانق غصون
والزهـر يبعت أنفاسـه
مع النسيم بعد ما باسه

وعاهــدتني .. وســألتني
وحـلفـتـلك .. طول عمري لك
. . . . . . .
. . . . . . .
بحبـك في قربك .. في قربك وبعدك
بحبـك في غدرك .. في غدرك وودك
بحـبك بحـبك .. بحـبك لوحدك
. . . . . . .




إييييييييييييه فريد! ​

* * *

​

 

[خادم البتول]

كل ثانية ف عمرى .. بتقولك باحبك
كل قلبى لك .. يا ريت ليه مكان ف قلبك
طول ليلى ونهارى معاك
يا بشوفك .. يا بستناك
يا بدور عليك .. والقاك

مرة أخرى تحت رعاية ربة الصون والعفاف الليدي رورو وبمشاركة صاحب السمو الأمير كريس، وبدعم القصر الملكي مكارم سمو الأميرة بتول، مع ألحان الموسيقار الأستاذ عبد الوهاب والصوت الدافئ أنغــام، عن أغنية من روائع السيدة نجاة الصغيرة نسمعها اليوم أيضا بصوتها.. وأذكر هنا أن البعض ربما لا يعرف سر الارتباط الخاص بين عبد الوهاب ونجاة.. كان عبد الوهاب في الحقيقة هو الراعي الرسمي لنجاة الصغيرة، فهو الذي اكتشفها أولا وقدمها.. وهو الذي أعطاها في بداياتها أجمل ألحانه وأروعها.. وقد اختار لها لقب "الصغيرة" ليس لأنها كانت بالفعل صغيرة جدا، دون العشرين، ولكن أولا لتمييزها عن "نجاة" أخرى كانت تغني في ذلك العصر، هي القديرة نجاة علي (أشهر أغانيها فاكراك ومش ح انساك... وان رحت مرة تزور ـ عش الهوى المهجور ـ سلم على قلبي ـ وغيرها).
​

لقاؤنا الليلة أيها الأحباء مع أغنية خاصة جدا.. ورقيقة جدا
إلا إنت

[YOUTUBE]NyR8SovePV0[/YOUTUBE]


الا انت
فيها ايه الدنيا ديه
الا انت؟
كل غالى يهون عليّا
الا انت
وابتساماتى وآهاتى
منك انت
واللى حبيته ف حياتى
هو انت
فيها ايه الدنيا
الا انت؟

طول مانت جنبى
روحى وقلبى
في دنيا تانيه مالهاش وجود
وان غبت عنى
احس انى
لا لى دنيا ولا وجود
ايه حياتى
كلها من غيرك انت؟
ذكرياتى
فيها إيه حلو الا انت؟

الا انت
واللى باسهر له ليلاتى
برضه انت
واللى حبيته ف حياتى
هو انت
فيها إيه الدنيا
الا انت؟

عشت أيامى وأحلامى ف حبك
كل آمالى أعيش العمر جنبك
كل ثانية ف عمرى
بتقولك باحبك
كل قلبى لك
يا ريت ليه مكان ف قلبك
طول ليلى ونهارى معاك
يابشوفك .. يابستناك
يابدور عليك .. والقاك

الا انت

فيها ايه الدنيا ديه
الا انت؟
كل غالى يهون عليّا
الا انت
وابتساماتى وآهاتى
منك انت
واللى حبيته ف حياتى
هو انت
فيها ايه الدنيا
الا انت؟


[YOUTUBE]66TDZsPpFnc[/YOUTUBE]

إلا إنت
مأمـون الشناوى - محمد عبد الوهاب - نجـاة الصغيرة
من فيلم 7 أيام فى الجنة
عرض أول بسينما ريڤولى بالقاهرة يوم 7 أبريل 1969



* * *

​

 

[إيمليــآ]

جميلة جدا جدا يا إيميلي.. روائع فعلا.. ياريت لو عندك من ده تاني لا تبخلي علينا لأن الفن التشكيلي عندنا فيه حالة حرمان في الشرق رغم وجود فنانين عباقرة خاصة في مصر والعراق والشام.. يعني لوحة زي بلدينا اللي ماسك الجريدة ده لا يمكن الواحد ـ مهما كان بيشوف عالميا ـ إنه يلاقيها غير في مصر وبريشة مصري! تحفة بكل المعاني.. أما التمثال فلا تعليق بعد تعليقك.. اللي هو نفسه لمسة أدبية رفيعة لا تصدر إلا من فنانة! ​

أخيرا هنا بقا أحب اقف دقيقة لو سمحتي.. ​

​

يعني المفروض لما تقولي "شبهكم" يبقا "تفسّري" سعادتك.. لأن أنا المفروض موجود في الليلة دي.. يبقا انتي مثلا تقولي "شبهكم ـ بس خادم واقف ورا الزرع، مثلا.. عشان مثلا بيتكلم في موضوع جانبي مع كريس، مثلا، أو حتى لوحده بيضرب حاجة تانية غير الـ(سفن آب) اللي انتو بتشربوها دي"

.. أو تقولي "شبهكم" وتقولي الأسماء: هم الـ3 قمرات عندك أهم: رورو وموكي وبتول.. يبقا مثلا اللي ع اليمين دول رورو وبتول وقصادهم موكي لسه رابطة البرنيطة، عشان هي اللي لسه كل شوية تقوم رايحة جاية على مذاكرتها.. مثلا يعني مثلا..

​

* * *
​

​

هههههههـ , آلعفو يآ فندم مش قصدى أنسآكم هو أنآ كنت عآيزة أقول " لمتهم آلحلوة شبه لمتكم "
بس لآقيت آلسطر كبر منى وقولت هتفهمو تعبيرى آلبليغ ... آلله

كآلعآدة آلمشآركآت كلهآ تحف
لأ ونجآة وأنغآم مرة وآحدة ..؟ آلتوبيكـ كدآ هيطير من كتر آلملآئكية ^^

آلنهآردة هنزل كم بوست لإنى مش هدخل لكذآ يوم
فإستحملونى بقآ :new8:




.،





​

 

[R.O.R.O]

​

وبعدين معاكم بقى انا بفكر انسحب من التوبيك ده
من كتر جماله وزوق كل اللى بيشاركوا فيه
حقيقى بتسلطن وانا بسمع اى اغنية بتنزلوها
حيث انى بشجع الفن بكل انواعه قديم وحديث ههههه
جو بشكرك على زوقك الجميل
واختيارك اغنية من اجمل اغانى نجاة
وسامحونى انى مش هقدر اشارك معاكم
اليومين دول ﻻنى بدخل من الفون على ما اشحن الفلاشة
بس متابعاكم دايما
تحياتى ليكم كلكم مسائكم ورد

 

[إيمليــآ]

أما الليلة فمع لؤلؤة جديدة من بحر الحب...

من ليل القاهرة الساحر، من عبق ضفاف النيل إذ تنفث عطر الجمال، من رحيق القمر فى عيون الشوق، ومن خمر الحب فى قلوب العاشقين، مع واحدة من أجمل وأشهر أغنيات السيدة نجاة، من أحلى وآبدع ما لحن الموسيقار الأستاذ محمد عبد الوهاب، ومن أروع وأرق ما كتب الشاعر الكبير نزار قبانى، أغنية "متى ستعرف كم أهواك!"


​

​

هكذا كتبت عن هذه الأغنية سابقا، واليوم أكرر نفس الكلمات لأن إحساسي بها أبدا لم يتغير. إنني أتأمل صور الماضي وكيف كانت القاهرة 1970 على سبيل المثال.. أتخيلني في نفس هذه الشوارع، عند كوبري قصر النيل، أشم عبق النهر وأرى على مرمي البصر أنوار الضفاف، وهنا، وهنا تحديدا، أسمع نغمات هذه الأغنية تنساب في الهواء.. متى ستعرف كم أهواك يا أملا.. أبيع من أجله الدنيا وما فيها.. وتمر الصبايا أمامي مسرعات لأن الوقت تأخر والسهرة قد بدأت، يتلفتن بحمرة خجل ما عدت أراها، فيكرر قلبي مبتسما: الدنيا وما فيها.. ويعلو الصوت وأنا أمضي نحو ميدان التحرير الذي يشبه رونقا وتألقا ميادين باريس، وكيف لا ونحن في القاهرة، باريس الشرق وعروسه.. وفي الميدان أخيرا تصدح نجاة، صوت الحب الدافئ كما كانوا يسمونها: إرجع إليّ.. إرجع إليّ إليّ إليّ.. وأهرول في الشوارع التي كانت ما تزال تنصت كلها كي تسمع موسيقى "الأستاذ" حين تنطلق.. أهرول وفي الهواء برد خفيف.. وفي القلب أحلام مطر.. إرجع إليّ إليّ.. فبعدك لا عقد أعلقه.. ولا لمست عطوري في أوانيها......





​

طبعاً آلأغنية رآئعة ونجآة ونزآر آلروعة ذآتهآ
بس أنآ تقريباً قريت مشآركتكـ دى فى نفس توقيت آلبوست دآ وحقيقى سببتلى حزن كبير >>

الراجل ده ديما كنت بشوفه في شوارع وسط البلد .. ديما تصرفاته كانت ملفتة للنظر مرة شوفتوا قاعد على الرصيف وبيرسم وهو بيكلم نفسه .. وديما بلاقيه بيعدي على قهوة الحمدية والحرية يبص ويمشي .. وشكل شعره .. بالنسبة لناس كتير فهو واحد من ملايين المتشردين في شوارع القاهرة اللي ليهم نفس الشكل ونفس الهيئة ونفس السلوك والتصرفات .. بالنسبة ليا بحب أحط لكل بنيآدم أشوفه في الشارع حكاية في خيالي .. بس عمر ما خيالي وصلني لحقيقة أغرب من الخيال ذات نفسه .. عمري ما كنت أتخيل إن الشخص ده ممكن يطلع فنان ومبدع في مجالات مختلفة وليه أعمال ظهرت للنور .. تخيلوا إن الراجل ده مغني وعازف وشاعر وروائي ومصور وفنان تشكيلي وينتهي بيه الحال إنه يموت من البرد على رصيف شارع من شوارع القاهرة.
سموها قاهرة وهي قاهرة البنيآدمين اللي عايشين جواها
مش عارف فعلا إيه اللي ممكن يكون وصله للحالة دي
بس اللي عارفه ومتأكد منه أن هذه البلد تقتل .. هذه البلد تقتل

هو دآ حآل بآريس آلشرق دلوقتى
إتسرق منهآ كل شئ جميل
مآحدش متخيل إنهآ كآنت تحفة معمآرية ومركز للفن وللأدب وآلسنيمآ وكل آلفنون
ولآ حتى بقت آلمدينة آلجميلة آلحنينة , هى بقت قآهرة لأهلهآ للأسف
- أنآ عآرفة آلتوبيكـ مفروض للفن وآلإبدآع بس مآهو لآزم بردو نعآين آلقبح علشآن نحمى آلجمآل مش كدآ ؟! -






.،


​

 

[إيمليــآ]

,.

طيب أرجع للجمآل وآلحب وآلرقة
أنغآم بصرآحة مآسمعتلهآش قديم غير أغنية فى آلركن آلبعيد
فإنتم عرفتونى على وجه مختلف ومميز ليهآ بشكركم عليه

دى أغنية جديدة ليهآ بس من أرق مآ سمعت
" يآ ريت " >>
http://www.youtube.com/watch?v=gl92jUmG1V0

يآ ريت أقدر أشوف آلحب وأسلم عليه بآلإيد
يآ ريت أعرف أخلى آلحلم يتكلم ولو تغريد
ولمآ أحزن يروح آلحزن من قلبى فى غمضة عين ..!



ومآينفعش تجيبوآ سيرة نجآة ومآجيبلهآش أحب أغآنيهآ لقلبى

أنآ بعشق آلبحر >>
http://www.youtube.com/watch?v=FV9ahv_LWPc

أنآ بعشق آلبحر زيكـ يآ حبيبى حنون
وسآعآت زيكـ مجنون ومهآجر ومسآفر
وسآعآت زيكـ حيرآن وسآعآت زيكـ زعلآن
وسآعآت مليآن بآلصبر .. أنآ بعشق آلبحر


♥♥♥

أنآ بعشق آلسمــآ .. علشآن زيكـ مسآمحة .. مزروعة نجوم وفرحة
وحبيبة وغريبة وعشآن زيكـ بعيدة
وسآعآت زيكـ قريبة .. بعيون متنغمة .. أنآ بعشق آلسمــآ


♥♥♥

أنآ بعشق آلطريق .. لأنه فيه لقآنآ .. وفرحنآ وشقآنآ
وأصحآبنآ .. وشبآبنآ .. وفيه ضحكت دموعنآ .. وفيه بكيت شموعنآ ..
وضآع فيه آلصديق .. أنآ بعشق آلطريق


♥♥♥♥ ♥♥♥♥

أنآ بعشق آلبحر .. وبعشق آلسمآ .. وبعشق آلطريق ,
لإنهم حيآهـ

وإنت يا حبيبي
إنت كل الحيــآآهـ

وآلأغنية آلعبقرية عيون آلقلب >>

http://www.youtube.com/watch?v=-zyktIIdLg4





.،
​

 

[إيمليــآ]

,.

هنآ بقى جيبآلكم كوليكشن مبآنى من تصميم آلمعمآرية آلعبقرية زهآ حديدآلست دى فنآنة أكتر مآ هى مهندسةمش بس فنآنة ممكن تقوقلوآ عليهآ سآحرة عملت ثورة معمآرية فى آلعآلم ومدرسة كتير بيحآولوآ يتلمذوآ فيهآ
دآ علشآن نشوف آلعآلم وصل لفين حوآلينآ آلمعمآرى
وللأسف إحنآ إللى كنآ لعصور كتير أبهى بلآد آلعآلم معمآرياً وحضآرياً
,, وبهديهم لكريس بشكل خآص لإن عآرفآه بيحب آلفن آلمعمآرى
مش عيزآكم تتخضوآ دى مبآنى فعلاً منهآ إللى إتنفذ ومنهآ إللى تحت آلإنشآء , يعنى مش متآخدة من أفلآم خيآل علمى ^_^

مبنى أوبرآ دبى

متحف فنون جوجينهآم

مكتبة ومركز تعلييمى فى فيينآ

دآ منظر أو shot دآخلى

دآر آلملكـ عبد آلله للثقآفة وآلفنون بآلأردن

مركز ثقآفى فى آليآبآن

.،​

 

[R.O.R.O]

,.

طيب أرجع للجمآل وآلحب وآلرقة
أنغآم بصرآحة مآسمعتلهآش قديم غير أغنية فى آلركن آلبعيد
فإنتم عرفتونى على وجه مختلف ومميز ليهآ بشكركم عليه

دى أغنية جديدة ليهآ بس من أرق مآ سمعت
" يآ ريت " >>
http://www.youtube.com/watch?v=gl92jUmG1V0

يآ ريت أقدر أشوف آلحب وأسلم عليه بآلإيد
يآ ريت أعرف أخلى آلحلم يتكلم ولو تغريد
ولمآ أحزن يروح آلحزن من قلبى فى غمضة عين ..!



ومآينفعش تجيبوآ سيرة نجآة ومآجيبلهآش أحب أغآنيهآ لقلبى

أنآ بعشق آلبحر >>
http://www.youtube.com/watch?v=FV9ahv_LWPc

أنآ بعشق آلبحر زيكـ يآ حبيبى حنون
وسآعآت زيكـ مجنون ومهآجر ومسآفر
وسآعآت زيكـ حيرآن وسآعآت زيكـ زعلآن
وسآعآت مليآن بآلصمت .. أنآ بعشق آلبحر


♥♥♥

أنآ بعشق آلسمــآ .. علشآن زيكـ مسآمحة .. مزروعة نجوم وفرحة
وحبيبة وغريبة وعشآن زيكـ بعيدة
وسآعآت زيكـ قريبة .. بعيون متنغمة .. أنآ بعشق آلسمــآ


♥♥♥

أنآ بعشق آلطريق .. لأنه فيه لقآنآ .. وفرحنآ وشقآنآ
وأصحآبنآ .. وشبآبنآ .. وفيه ضحكت دموعنآ .. وفيه بكيت شموعنآ ..
وضآع فيه آلصديق .. أنآ بعشق آلطريق


♥♥♥♥ ♥♥♥♥

أنآ بعشق آلبحر .. وبعشق آلسمآ .. وبعشق آلطريق ,
لإنهم حيآهـ

وإنت يا حبيبي
إنت كل الحيــآآهـ

وآلأغنية آلعبقرية عيون آلقلب >>

http://www.youtube.com/watch?v=-zyktIIdLg4





.،
​

ﻻ بقى كدا كتير حرام عليكم بجد هههه
طب انا كل اغنية بسمع فيها ساعة واعيد فيها علشان استمتع بكل كلمة فيها
ايمى روح قلبى زوقك رقيق زيك يا قمر
بحيكى علة زوقك الرائع اجمل اغانيها انا بعشق البحر
بموت فى احساسها وهى بتغنى اﻻغنية دى ورقة صوتها
وعيون القلب كمان روووعة حقيقى يا قلبى زوقك يجنن
شابوه ليكى ﻻختيارك الرائع

 

[إيمليــآ]

,.

نختم بجآليرى صغير
هو مش لفنآنين عرب أهآ بس لوحآتهم دى بتلمسنآ كعرب جداً

لوحة " جسر آلآهآت " لكيلى هآلسويل

لوحة " بإسم آلنبى , صدقة " لتشآرلز روبرتسون

لوحة " منبه ليلى " لتشآرلز كوب

وأخيراً لوحة " آلملآذ " لجون بيتى

يآ رب يعجبوكم
وأتمنى تكونو بخير دآيماً




.،​

​

 

["خْرْيْسْتْوْفُوْرُوْسْ"]

؛،؛

آنآ مُذبهل من آلتصميمآت دي ،،

كلهآ فوق آلخيآل فعلآ،،

آلوآحد حس قد آيه هو قزم قدآمهم،،

يلهوتي ههههه

ثآنكس برنسيس "إيميـ" بجد علي كل آلتصميمآت آلروعه دي،،

حقيقي رآآئعين،،

بآذن آلمسيح مستقبلآ نري آعمآل آبرع من تلك جمآلآ ترسمهآ آنآمل "سمو آلآميره"،،

شكرآ ليكي،،آلرب يبآركك،،

وبمآ آنكم هتغيبوآ بقآ فذي مآ قآل صديقي آلصدوق وآستآذ آلخلوق "خآدم آلبتول"

هآجي آفتقدكم هنآ بمآ آني شكلي هقعد لوحدي ف آلتوبيكآت،،

وربنآ يقدرني وآسد مكآنكم يآآآآرب،،

شكرآ لكل روح مُحبه شآركت ،، وآمتعت خيآلنآ وآفكآرنآ ومسآمعنآ،،

​

 

[إيمليــآ]

ﻻ بقى كدا كتير حرام عليكم بجد هههه
طب انا كل اغنية بسمع فيها ساعة واعيد فيها علشان استمتع بكل كلمة فيها
ايمى روح قلبى زوقك رقيق زيك يا قمر
بحيكى علة زوقك الرائع اجمل اغانيها انا بعشق البحر
بموت فى احساسها وهى بتغنى اﻻغنية دى ورقة صوتها
وعيون القلب كمان روووعة حقيقى يا قلبى زوقك يجنن
شابوه ليكى ﻻختيارك الرائع

ههههههـ طب أنآ حآلى أعوص صدقينى يآ رورو
أنآ أصلى زى موكى كدآ غلبآنة وإمتحآنآتى على آلأبوآب
فتلآقينى دآخلة أخد وقت مستقطع بين آلمذآكرة نص سآعة مثلاً
فأدخل آلتوبيكـ دآ مآعرفش أطلع منه قبل كم سآعة
أعمل فيكم إيه أنآ دلوقتى

​

؛،؛

آنآ مُذبهل من آلتصميمآت دي ،،

كلهآ فوق آلخيآل فعلآ،،

آلوآحد حس قد آيه هو قزم قدآمهم،،

يلهوتي ههههه

ثآنكس برنسيس "إيميـ" بجد علي كل آلتصميمآت آلروعه دي،،

حقيقي رآآئعين،،

بآذن آلمسيح مستقبلآ نري آعمآل آبرع من تلك جمآلآ ترسمهآ آنآمل "سمو آلآميره"،،

شكرآ ليكي،،آلرب يبآركك،،

وبمآ آنكم هتغيبوآ بقآ فذي مآ قآل صديقي آلصدوق وآستآذ آلخلوق "خآدم آلبتول"

هآجي آفتقدكم هنآ بمآ آني شكلي هقعد لوحدي ف آلتوبيكآت،،

وربنآ يقدرني وآسد مكآنكم يآآآآرب،،

شكرآ لكل روح مُحبه شآركت ،، وآمتعت خيآلنآ وآفكآرنآ ومسآمعنآ،،

​

ربنآ يخليكـ كريس يآ رآفع معنويآتى ههههـ
لآ مآتقولش كدآ هى زهآ كدآ تعقد أبرعهآ معمآرى ... دى حآلة إستثنآئية مش هتتكرر


ومآتقلقش شكلى أنآ وخآدم هنبدل , أصل زحمة آلتسليمآت عندى هتخلص على آخر آلشهر
آلمهم هيسعدنى إنى أتآبع مشآركآتكم آلرآئعة من برآ
وصلولى آلأسبوع دآ ينتهى على خير


.،
​

 

[خادم البتول]

سموها قاهرة وهي قاهرة البنيآدمين اللي عايشين جواها
مش عارف فعلا إيه اللي ممكن يكون وصله للحالة دي
بس اللي عارفه ومتأكد منه أن هذه البلد تقتل .. هذه البلد تقتل


هو دآ حآل بآريس آلشرق دلوقتى
إتسرق منهآ كل شئ جميل
مآحدش متخيل إنهآ كآنت تحفة معمآرية ومركز للفن وللأدب وآلسنيمآ وكل آلفنون
ولآ حتى بقت آلمدينة آلجميلة آلحنينة , هى بقت قآهرة لأهلهآ للأسف
- أنآ عآرفة آلتوبيكـ مفروض للفن وآلإبدآع بس مآهو لآزم بردو نعآين آلقبح علشآن نحمى آلجمآل مش كدآ ؟! -

​

​

مع تقديري واحترامي وفهمي الكامل لمشاعرك ومشاعر صاحب الرسالة إلا إني أختلف قليلا معكم. هذا الصوت نفسه سمعته من فترة طويلة في قصيدة فاروق شوشة لما كتب "الأرض التي أكلت عاشقيها".. بل عشته بنفسي أكتر من مرة.. لما ناس فنانين ومبدعين كنت أعرفهم شخصيا ماتوا.. اللي مات من القهر.. واللي مات من "جرعة زائدة".. واللي مات "اغتيال" في بلده على إيد عناصر أحد أجهزة المخابرات الخليجية.. ودول وغيرهم كانوا معروفين وتقريبا نجوم في مجالهم، ما بالك بعشرات ومئات وآلاف المجهولين


مهم لا شك إنك وإننا كلنا نتألم، ببساطة عشان نرفض ونغيـّر. لكن بشرط إن ده لا يتحول إلى "جلد للذات".. يعني إيه مثلا "هذه البلد تقتل.. هذه البلد تقتل"؟ إذا كان "انفعال" في لحظة ألم أو غضب: داكور.. مقبول ونحترمه ونتفهمه بل حتى نبكي من أجله.. لكن إذا كان "رؤيــة" يبقا خطأ وخطأ فادح كمان! أحد أهم رموز المسرح الحديث في فرنسا ألفريد چاري: كان بيمشي حافي في الشارع، وفي النهاية لقيوه ميت منعزل في غرفة حقيرة في لوكاندة درجة تالتة، ويقال مات من الجوع! ديستويفسكي ـ "قلب روسيا المفعم بالأسرار" كما يُلقب، وأحد أهم وأعمق الروائيين في كل تاريخ العالم، كان بيكتب رواياته فصل بفصل كل يوم ويجري على الناشر في عز برد روسيا يعطيه ما كتب عشان ياخد منه "القروش" اللي ح ياكل بيها ـ حرفيا ح ياكل بيها ـ يوم بيوم! وده وهو بيكتب أعمال مثلا بقيمة وحجم الأخوة كرامازوف! موديليـــاني ـ أسطورة الرسم والنحت الإيطالي ورفيق بيكاسو وأشهر من رسم الأعناق النسائية الطويلة: مات من الفقر والضياع والتشرد والمخدرات في سن 35 سنة! حرفيا ماكانش لاقي هو و"جيني" حبيبته أي طعام أو حتى مكان يأويهم، وفي النهاية مات، ولما مات هي انتحرت!​

​

دول اللي باحكي عليهم مش مجرد فنانين.. لا.. دول علامات في تاريخ الفن والأدب وتاريخ البشرية.. يعني فيه غير دول آلاف إن لم يكن ملايين آخرين! وكمان دول مش في مصر.. لا.. دول في دول بحجم فرنسا وروسيا وإيطاليا!​

​

بالتالي صرخة "هذه البلد تقتل.. هذه البلد تقتل": إن كانت رؤية فهي رؤية غير ناضجة، بل حتى رؤية ـ مع احترامي بالطبع لصديقك ـ لسه غير واعية بتاريخ الإبداع ناهيكي عن تمنه وتضحياته وشروطه. أما كـ"انفعال" فأنا بالتأكيد معها، قلبا وقالبا، عشان زي ما قلت نقوم نرفض ونغيـّر.. وعشان احنا كمان احنا نفسنا نتغير.

​

* * *​

ميرسي يا جميل على الإضافة الحلوة.. لسه ماسمعتش طبعا، إنما كله كوم وبعشق البحر دي بالتأكيد ليها وضع خاص جدا جدا.. يا سلام يا إيمي على ذوقك واختياراتك.. على فكرة "الكنج" ما بيعجبوش العجب، بس جه عند الأغنية دي بالذات ومش بس بيحبها وإنما قرر يغنيها بنفسه، زي ما انتي طبعا عارفه. أد كده دي أغنيه لا يختلف عليها أحد. ​

أما زها بقا (وباقي اللوحات) فدي محتاجة مني شوية مذاكرة.. أعتقد شغل زها ده اللي بيسموه "ألترا مودرن"، يمكن حتى داخل على "سريالي"! شيء عجيب فعلا.. عموما أنا مش عارف أشكرك ازاي على الروائع دي.. ح افتقدك أكيد، لكن عزائي إنك متابعانا من بره.. وعموما ح اديكي تعليق جديد اليومين الجايين على الحصيلة بتاع النهارده دي.. يعني كأنك موجودة بالظبط. ليلتك سعيدة يا قمرتنا وربنا يبارك وقتك وفكرك وتعبك وعلى رأي كريس قريب نشوف زها مصر. ​

* * * * * * * * * * * * * *​

رورو: ميرسي ليكي انتي يا قمر ولذوقك. معلش بقا هي الأيام الجاية عموما كله عنده ظروف.. عشان كده دايما نقول ساعة الحظ ما تتعوضش.

​

كان بدي..... (حلوة "بدّي" دي.. زي "بدي اشكيلك من نار حبي" أغنية الست

) كان بدي اقول سامحيني لأن أكيد التوبيك ده هو سبب تدمير رصيدك، بس اكتشفت إنك رغاية جدا ومضيّعة الفلاشة في الرغي.. حتى لحد امبارح نفسه في دوار العمدة.. بأمارة ما كان ح يحبسكم في السلاحليك.

* * *​

كريس أنا لسه موجود يومين لا تقلق.. ميرسي ليك يا جميل.. وبالنسبة لباقي الأحباء أرجو المعذرة لأني لا أخرج عن هذا التوبيك أبدا سواء بالرد أو التقييم.. (باستثناء توبيك كريس أحيانا).. هذا "التزام".. فقط حتى لا أظهر في موضوع وأغفل موضوع آخر بينما الكل في النهاية أحبائي والكل في قلبي.. فقط لا يسمح الوقت حاليا بأية قراءة أو زيارة هنا وهناك وبحيث تغطي الجميع.. وعليه سامحوني، لأني مثلا لم أضع تقييم لقطعة إيميلي الأخيرة "حمى الكلمات" رغم رؤيتي لها وإعجابي بها.. أيضا لا يمكن أحيانا إعطاء تقييم، حتى لكم هنا، وهكذا.

في أطيب المنى وعلى المحبة نلتقي. :16_4_10:​

​

* * *​

 

[R.O.R.O]

​

ايون هو التوبيك ده وبقيت التوبيكات المجاورة اللى خلصولى رصيدى هههه
بس انا مقدرش اغيب عنكم ابدا يصبح الصبح واشحن الفلاشة
وادخل ع طول محضرالكم شوية حاجات روعة
للعندليب
انت شوفتنا واحنا فى دوار العمدة كريس
بوظناله التوبيك ههههه
بس هو اصلا عامله للرغايين واحنا منتوصاش
مسائكم ورد معطر
انا بسمع نجاة دلوقتى ومنسجمة معاها
بهديلكم اغنية وﻻيصعب على قلبى وعينى اﻻ فراق اﻻحباب
بهديلكم اﻻغنية بس من غير كلمات وﻻ فيديو ههههه

 

[واثقه فيك يارب]

بتول​

مش عارف إيه "الشديد القوي" طبعا بس ربنا معاكي ومعانا

الشديد القوي اني كنت بشتري ستاير مع اختي:fun_lol:
​

مايحرمناش أبدا من طلتك الجميلة. أنا مش كنت عايز اسمع الغنوة أنا كنت عايز بالأحرى أسمع الذكرى اللي بترتبط بالغنوة.

وبعدين إنتي ورورو على ما أذكر كنتم بالفعل عاملين توبيك تســيـيح لبعض، جات على دي يعني؟ احكي يا بنتي فضفضي لاخواتك فضفضي.

ميرسي يا جميل على الغنوة المتميزة طبعا..

ماهو موضوع التسييح بتاعي انا و رورو حماده
والتسييحه بتاعه ذكري الاغنية دي حماده تاني خالص:new6:
​

طبعا.. أما أبو وديع فأنا شخصيا عارف من زمان إنه "الفافوريت".. مفيش مفاجأة اتحرقت ولا حاجة ماتقلقيش.. أكتر من كده أحب أقولك إني أعرف أغانيه من أيام ماكان هو نفسه تقريبا طفل. بس المشكلة إن جورج وسوف ـ وإلى حد ما أصالة السورية ـ فجأة ولسبب غامض جدا لقيتهم بيرتبطوا في مصر فقط بالطبقات الشعبية والدرجات الأدنى تماما في السلم الاجتماعي. بالذات جورج وسوف أصبح هو المفضل عند كافة الصنايعية وسواقين الميكروباص على سبيل المثال.

للاسف فعلا طلع سمعه علي جورج انه بتاع السواقين والطبقات الشعبيه
بس اللي عايزة اقولهولك سواء اللي بيسمعوه سواقين ,
نجاريين , بوابين , سوري زباليين
دا مايقللش ابدا من قيمة هذا المطرب العبقري العظيم
السلطان
​

للأسف مش متابع أعمال جورج الأخيرة بحيث أفهم: هل هو بالفعل "بيخدم" الطبقة دي بالذات عمدا ـ باعتبارها جمهوره ـ أم إنها مجرد صدفة؟

بكل تأكيد صدفه
لان اللي هيسمع الوسوف اكيد هيحبه وهيعرف انا بحبه ليه
​

لكن في النهاية ده في رايي ظلم جورج كتير، لأن الناس اللي مش عايزة تنتمي للطبقات دي ـ حتى لو هم فعلا منها ـ بيبعدوا عنه، بغض النظر هو بيقول إيه فعلا في أغانيه.. يعني من باب "ياي سوفاچ أوي"!

الله ينور عليك هي سوفاج وياي دي:t19:
واساسا بامانه الاغاني اللي بيغنيها جورج
مفيش مطرب يعرف يغنيها اصلا
​

بالتالي تستحقي أحييكي لشجاعتك.. انتي أول "أميرة" في مصر أشوفها بتسمع أبو وديع! ياريت بقا تفسري أو على الأقل تجيبيلنا حاجة تنفي الشبهة دي، علما بأن التوجه الشعبي بالتأكيد مش شبهة ولا خطأ.. طبعا.. إنما هل هو فعلا كده؟ شخصيا

اللي بستغربله اوي بقا
اني اي حد بيعرف اني بسمع جورج واني بحبه اوي كدا
يستغرب جداا لاني بنت وبسمعله وبحبه .. ومش فاهمة ليه!!:thnk0001:
وعشان كدا قبل ماانزلكم حاجه لجورج قولتكم ماتتريقوش:t39:

وبكل تأكيد في المشاركة الجايه هجبلكم حاجات للوسوف
ولاوني محتاره اجبلكم ايه ولا ايه ولا ايه بامانه
لانه موسوعه من الفن والطرب لا تنتهي
وعشقي له لا ينتهي :new8:

وعلي سبيل المثال انا دلوقتي بسمع اغنيه ليه
بيقول فيها :
بيقولوا الصبر طيب كفايه العمر عدي وانا واقف مكاني
واللي يعدي النهارده مش راجع بكرا تاني
واللي اديتهم زماني ,, نسيوا زماني في ثواني
واللي ضحيت عشانهم ,, مضحوش عشاني :shutup22:

ليا عوده مع الوسوف
​

​

 

[واثقه فيك يارب]

وادي اول تحفه فنيه لسلطان الطرب

انا اخترتلكم الاغنيه دي لسببين
السبب الاول انها من كلمات
الشاعر العبقري اللي رحل عن عالمنا من فتره قريبه جداا
الشاعر احمد فؤاد نجم الله يرحمه
السبب التاني : انها بجد بأمانه اغنيه عباره عن كتله
من الاحاسيس والمشاعر والفن والطرب
وقريبه لقلبي جـــــــــــــدا

الاغنيه هي " صياد الطيـــــــــور"
[YOUTUBE]2Sd_fPoxq3A[/YOUTUBE]

ياصياد الطيور ياخالي ,, صوباعك عن زناد الموت
انا العصفور ضعيف الحال ,, ولا اكفيش لعيالك قوت
انا العصفور وليف الخضرة والميه
انا المولود علي كفوف الجنينيه

بقول تغريد نغمها شديد قريب وبعيد
يخدني الشوق علي جناحه ويبقي وحيد

لا عود تاني .. لا انا حيران .. ولا فرحان
ولا محزون .. ولا بشبع غني والحان

ولا بحكي مع النسمة
ولا بشكي من القسمة
واما الدنيا تبكيني
بقول دي مسيرها مبتسمة

واديلي سنين على دة الحال ... بئاسي المر والبطال
يا صياد يا صياد الطيور يا خالي...
بشوف الصقر فارد بالهوى باعو .. وأتباعو
نشرهم في الفضا جاعوا
طيور تانين صغار مساكين ... جواعا لكن لا هم نايمين ولا صاحيين ولا صاحيين
عشان نابو ومخلابو ... تلاقي الكل أحبابو
ودنيا تخاف من القوة ... وجو الدنيا مش هوه
بشوف بلبل غريب في الدوح ... بيرقص رقصة المدبوح
بهفة ريح سقط عشو ... وفين هيروح؟!

يا صياد الطيور حافظ على الخرطوش
دة ميت عصفور كمان قدي ما يستاهلوش
حداك الصقر لو تضرب على وكرو ... تلاقي اللحم متكوم ولابيكلوش
طاوعني ارميها من ايدك .. طاوع وارجع
هزيل لحمي لا هيفيدك .. ولا ينفع
شفلك طير تاني ... شفلك طير تاني
وأعيش أنا مرتاح الباااال ..

والقنبله التانيه
اغنية " سهرت الليل "
12دقيقة و 26 ثانيه
من السلطنة لا تقدر بزمن:new8:
[YOUTUBE]9JIXjv96iqc[/YOUTUBE]

مش هكتب كلماتها كلها
انما هكتب كذا جزء منها

سهرت الليل اناجي طيفك وانا حزين ياليل
ياليل ,, ليل ,, ياليل
ومهما الدنيا تتغير انا ماتغير
وحيد ياليل حيران ياليل ...

ومهما طال .. طال الهجر علينا
شوفنا ليالي ضنا في عنينا أأأأه ياعنينا
اهل السماح ملاح .. ملاح ياناس
ومهما يجري برضو رضينا ...
دا العمر لحظة ونزعل ليه ؟!

قضيت حياتي حزين .. حزين .. حززززين
اتحمل بعدك وقسوتك .. وقولت مسير الزمن هيغيرك
وارجه لقسوتك تاني
لقيتني بعيش بخيالي
دا انا كل ماحبك تكرهني !!
مش هارجعلك ... ولا هفتكرك
انت اللي ضيعت حياتي:shutup22:

ايام الحب بتجمعنا
ايام الهجر بتضنينا
خلينا نحقق احلامنا
خلينا نجدد امانينا
دا العمر قصير
والبخت مصير
واللي يفكر في همومو كتير
يعيش حياته وعمره حزين:shutup22:

الاغاني بتمني تعجبكم
وبكل تأكيد بهديها لكل اخواتي اللي دايما منورين التوبيك
ويارب دايما يفضلوا منورين
وان غابوا عننا يارب مايغبوش كتير
وربنا يرجعهم تاني لينا سالمين غانمين





​

 

["خْرْيْسْتْوْفُوْرُوْسْ"]

؛،؛
"لغز مثلث برمودآ"
"فيلم وثآئقي"
[YOUTUBE]FTiHTc5BMbg[/YOUTUBE]

؛،؛​

 

["خْرْيْسْتْوْفُوْرُوْسْ"]

؛،؛
"صحبة خطيرة"
"فيلم وثآئقي"
[YOUTUBE]vn9Qx7jPHw4[/YOUTUBE]

؛،؛​

 

["خْرْيْسْتْوْفُوْرُوْسْ"]

؛،؛

آفتقآد لكل آميرآت آلتوبيك

"آميره آميره"،،

آفتقآد للقآئد آلخآدم

"خآدم آلبتول"

::تلك آللحظآت هي آقسي من حرآرة آلشمس عند آلخمسين،،::

::ليس لدي نآي يفتقدكم،،::

::وليس عندي لحن لآجلي يصير حزين::،،

::لكن لدي آلله ربي له آصلي

آن يرعآكم وآلجميع يآ آخوتي فى كل حين،،::

**

بمآ آن آلآذوآق مُختلفه وكل ذوق بيبهرنآ بآختيآرآت رآئعه.

فآنآ حآبب آشآركم وآنتوآ بعييييد ف "آلزوآر" حآجآت نمسي ع بعض بيهآآ،،

؛،؛

::مسآءكم ورد يآللي عن آُمسيتنآ غآيبين::

::ضوء آلقمر لحضوركم مشتآق::

::كيف ينسآكم وآنتم آلغآليين::

::وآلله لهمس آلروح آشتقنآ::

::وبنشتآق غدآ وآلحين::

؛،؛

"لطيفه"

-كرهتكـ-

[YOUTUBE]zxASj4aWoi0[/YOUTUBE]

مسآءكم ورد،،

؛،؛
​

 

[خادم البتول]

ظاهرة فلكية رائعة حصلت فجأة من يومين ومع ذلك من ساعتها لا حس ولا خبر.. الشمس شقشقت في عز الليل.. والدنيا برد والناس كلها لسه نايمة! أنا كنت يادوب خارج من المنتدى بعد سهرة طويلة ولقيتها قدامي.. فوجئت بيها فجأة في قلب الليل منوّرة.. حتى رورو هنا كمان شافتها، وموكي وعياد وإيميلي ولارا شافوها.. لكن بعد كده: لا حس ولا خبر!

نقول تاني: الشمس شقشقت في عز الليل، والدنيا برد والناس كلها لسه نايمة. ظهرت فجأة وقالت كلمة واحدة: وحشتوني! بالنسبة لي شخصيا ده كان فعلا الاستثناء الوحيد وكان لازم أخرج من التوبيك عشان أرد السلام ولو بتقييم على الأقل. لكن بعد كده: على ما الصبح طلع والناس صحيت يبدو إن مفيش حد تاني خد باله.. ومن ساعتها شقاوة نفسها اختفت من جديد!

لكن بعد يوم واتنين وتلاته.. والمشهد طبعا في بالي ولسه مش ناسي.. كان لازم أنده عليها طالما عارف صوتي واصل.. أرمي السلام عالي.. وافتح لها في الغناوي شباك...


وحشــتوني:
أهلا أهلا أهلا بأعز الحبايب
أهلا أهلا أهلا بالقمر اللي غايب
يا قمرة وحشتينا.. نوّرتي ليالينا.. واتلموا الحبايب


[YOUTUBE]yMX32tL8hlc[/YOUTUBE]


إلى أختي الغالية وصديقتي الجميلة
شـــقاوة قـــلم

* * *

​

 

[خادم البتول]

أشكرك يا بتول جدا جدا على رسالتك الرائعة وعلى تعبك وكتابتك وتلوينك وبالطبع كل اختياراتك المميزة، لكن أحب أقول إن أكتر شيء عجبني وأسعدني شخصيا هو انتي نفسك وإحساسك ومحبتك للوسوف. طبعا واضح أد إيه الحرارة اللي اتكلمتي بيها واللي كتبتي بيها رسالتك ـ كل حرف في رسالتك! هي المشاعر دي والحرارة دي هو ده يا بتول اللي أنا شخصيا أبحث عنه في الفن، هذه اللحظة من التواصل بين الفنان وجمهوره. الفن في الحقيقة جزأين اتنين مش واحد: الفنان بفنه بكل الأفراد أو المؤسسة اللي وراه، وفي المقابل المتلقي بذائقته بكل الثقافة اللي وراه أيضا. في ألمانيا مثلا أم كلثوم قد لا تطربهم، وبالعكس في مصر بيتهوفن قد لا يطربنا. لكن إذا تحقق الطرب ـ بمعنى التواصل والتفاعل والإعجاب والمعايشة والذوبان والسلطنة ـ هنا بس نكون أمام حالة فن. هنا بس تظهر هذه المشاعر، وهي مشاعر مصدرها بالأحرى حالة من "التطهر" و"التحرر" لا يحققها إلا الفن. وهو ده ببساطة اللي لقيته في رسالتك ـ حالة الفن والمشاعر الجميلة اللي في حد ذاتها أمتعتـني ـ بغض النظر عن رأيي شخصيا كمتلقي أو رأي غيري في جورج وسوف.


كمان أشكرك لأني أخيرا فهمت اللي كنت عايز أفهمه. طبعا أبو وديع قديــر طربيا وموسيقيا زي ما انتي بالفعل قلتي، ودي حاجة أنا كنت عارفها لأنه من صغره كان واضح إنه دارس ومتدرب وفاهم موسيقى كويس. لكن أخيرا عرفت هو ليه "لقط" مع الحرفيين والسواقين إلخ. الحقيقة إنها مسألة موسيقية بحتة، باختصار تتعلق بالصوت نفسه ومخارج بعض الحروف وهكذا.. خاصة بعد ما كبر لأن صوته طبعا اتغير.. يعني لو نفس الأغاني أي حد تاني يغنيها: نفس الجمهور ده لن ينجذب بل حتى يمكن يرفضها. وهنا جورج لازم فعلا يكون رقم واحد عندهم، لأنه مش بيقدم "فن شعبي" أصلا، زي مثلا سعد الصغير، وإنما بالعكس بيقدم فن متكلف ومخدوم كويس جدا، يعني كأن جورج هو بالأحرى "عبد الوهاب" هذه الفئة من الجمهور! هم الحقيقة مش سامعين جورج اللي احنا سمعناه هنا ده ـ في آذانهم وقلوبهم سامعين بالأحرى "العندليب".. "بليغ" الميكروباس.. أو "عمر خيرت" الأسفلت.

ميرسي جدا يا جميل على التجربة الحلوة دي، والأغنيتين بالفعل أحلى من بعض.. أحييكي على اختيارك وتعبك. والجميل يا بتول إنك "سمّيعة" أوي وبتقدري الفن الجيد عموما.

​

* * *
​

زها حديد: هي الخلاصة انتي قلتيها بالفعل يا إيملي ـ دي مش مهندسة دي أولا فنانة. فنانة مبدعة وبكل معنى الكلمة. وطبعا أنا شخصيا لم أفاجأ لما عرفت إنها عراقية.. للأسف ناس كتير جدا مش فاهمين مستوى وحجم الفن والآداب والثقافة وبالإجمال حجم "الحضارة" اللي في العراق! دايما نتكلم على مصر والشام والمغرب العربي باعتبارها مراكز الإشعاع الأخيرة، وأما العراق فتقريبا من يوم ما وعينا على الدنيا وهي بلد بتحارب وبتنزف.. كأنهم فاهمين قدراتها لو ارتاحت واتحدت وقامت وقفت ممكن تعمل إيه! لكن الحقيقة إن العراق فيها مستوى فني وأدبي وثقافي لا يمكن للإنسان إلا أن يصاب بالذهول أمامه، وهو بالضبط ما حدث معي شخصيا منذ سنوات بعيدة.. كانت البداية مجرد "مجلة" عراقية قديمة لقيتها بالصدفة.. مش فاكر اسمها لكن أظن "أقلام".. بدأت باستخفاف أتصفح ويادوب أقرأ أول المقالات واشوف بسرعة اللوحات، لكن صفحة ورا صفحة وأنا دهشتي كل شوية تكبر وذهولي يزيد! لحد ما بقا كل اللي على بالي ساعتها بيتكرر كل شوية في عقلي: "الكلام ده في العراق؟ إزاي؟ إيه؟ إييييه؟؟؟ المستوى ده في العراق؟ إزاي؟ إزااااي؟ إيه؟ إيييييه؟؟؟؟" وهكذا وهكذا!

أهو كله بقا مستوى زها حديد كده يا إيمي، بس في التشكيلي عموما وفي النحت وفي الأدب وحتى في الفكر والتنظير والفلسفة وغيره وغيره....

​

* * *
​

كريس: لسه ما شفتش آخر الإصدارات ميرسي مقدما سمو الأمير.. وأعتذر عن التأخير نظرا لظروف عديدة، ومنها رسالة اليوم نفسها (على سبيل المثال أسمع الآن وفي وقت واحد تقريبا حوالي 7 أغاني معا ـ من مصر ولبنان وسوريا ـ كي أختار منها

).. سأكتفي الليلة على أي حال بأغنية واحدة فقط ورسالة صغيرة نظرا للتأخير.. أعود لمحبتك وأميراتنا بعد قليل وأشكرك مرة أخرى أخي الحبيب.

​

* * *

​