ناخد فاصل مع أ/ بتول:
شوفي يا أ/بتول أنا رفعت امبارح 12 كليب لكل مطربة 4 كليبات.. مع ذلك بعون ربنا وبحكم خبرتي بصنف النسا اقدر اقولك من هنا وحالا دلوقتي انتي إيه الاتنين اللي شدوكي تسمعيهم بالذات دونا عن الباقي كله! بقا يا ستي كل اللي رفعته امبارح كان "أوديو" فقط مجرد صوت، ما عدا كليبين اتنين بالعدد كانوا "تسجيل حي"، يعني فيديو بتظهر فيه المطربة وتغني وتتحرك قدامك.. أهو هم دول تحديدا الأغنيتين اللي حضرتك "سمعتيهم"!
لا للاسف مش دول معلش تخمينك خانك المراديليــــــــــــه؟
لأن أي بنت رغبتها الأولى مش تسمع، وإنما أولا تشوف "أختها" وتعاين بنفسها.. أوماااال.. لازم أولا تستطلع وتفحص وتعمل مسح "سكان" شامل بحركة رادارية مش موجودة غير في مخ الأنثى وبحيث تجيب الضحية من ساسها لراسها في جزء من الثانية.. أنا حتى لو قلت أحلى صوت في الدنيا: ما ترتاحش الست تماما إلا لما تشوف بعنيها الخِلقة والهدمة والقـَصة والجزمة وكبيرة تيتا وللا لسه توته وحلوة وللا ملتوته وفِـرعه وللا سفروته وناشفه وللا بطوطه وكئيبه وللا مبسوطه وسليمه وللا مخبوطه و.....
يا ستي بقولك أجمد صوت في الكون.. لكن أبدااااا.. لسه.. بالذات لو طلعت المطربة من دول حلوة ونِغشه.. هنا بقا لازم "دوبل تشيك": عينيها وللا عدسات، رموشها وللا صناعي، شعرها وللا باروكه، صبغة وللا طبيعي، سيليكون وللا رباني، دهب وللا عِـيرة، لولي وللا فالصو، ألماظ وللا كريستال..................
ومين قال لحضرتك ان اي بنت بتعمل كدا اصلاا ؟
مفتكرش ان كل البنات بتعمل كدا الا الصغيرين في السن مثلا بجانب (التافهيين)
هما اللي بيحبوا يشوفوا المطربه النيولوك الجديد بتاعها عامل ازاي
ولابسة ايه , ولون شعرها ايه , والقصه ازي ,والميكب اخباره ايه..
اما الناس اللي ليها في "الفن والابداع" مش بيركزوا غير بس في كلمات الاغنيه . الصوت , اللحن , .. وبيعشيوا معاها حتي لو بيسمعوا الاغنيه دي في الراديو مثلا .. يعني بعيدا عن الكليبات وشكل المطربه نفسها
بقا بذمتك بذمتك فيه بنت في الدنيا تقعد وتكتفي تسمع "أوديو" لمطربة بينما فيه قدامها "فيديو"؟!!
وحياة مامتي فيه
واقربها انا لاني مش من هِوات الفيديو والكليبات اساسا
أنا ولا أعرف يا أختي.. أنا لقيتك انتي بتكتبيلي أ/خادم قلت اكتبلك أنا كمان أ/ بتول! هي إيه دي يا أختشي الـ(أ) دي؟ غالبا دي اختصار "أسطى".. صح؟
وليه ماتكونش "أفندي" مثلابقا أنا يا أ/بتول اتعقدت خلاص من البنت المصرية: لما تيجي مثلا بنت تقوللي "أستاذ خادم" واقولها بلاش "أستاذ" دي، تقوم المحروسة تفهم إن غرضي نشيل "أستاذ" عشان نشيل التكليف وشوية شوية ندوّب النشا ونفك الشمع وناخد على بعضينا نبقا سمن وعسل.. بالتالي أول ما اطلب كده: الاقي البنت من دول تقمصت شخصية أمها "خضرة الشريفة" وغالبا تبص لي من فوق لتحت زي ما يكون بقولها عايز اتجوزك عُرفي.. ابتدي أنا بسرعة أشرح وافسر:
- يا ستي أبدا مفيش في دماغي أي غرض.. أنا بس "أستاذ" دي لا متعوّد عليها ولا عايز أتعود عليها، ولا باسمعها من صغير ولا من كبير.. لكن ما تفهميش غلط، صدقيني مفيش في دماغي أي حاجة...هنا تبتدي البنت تنظر لي نظرة بلاهة تامة مالهاش أي معنى.. لكن لو ركزت كويس في عينيها ألاقيها بتقول في عقلها:- إزاي يعني مفيش في دماغك أي حاجة؟ مش عاجباك أنا وللا إيه؟ دانا حلوة ومُزة.. إنت أصلا تطول يا بأف!
وهكذا يستمر هذا الحوار العبثي السريالي بين وبين الآنسة بلغة الألسن والعيون ويضيع وقتي وعمري وفكري وأعصابي، وهي أمامي أيضا: تحزن وتفرح وتجرحها كلماتي وتشفيها بمعدل عشر مرات في الدقيقة.. وكل ده فقط لأني تجرأت وطلبت إسقاط "أستاذ" من الحوار، واللي هو في الغالب كله أساسا مالوش أي لازمة!
وليه حضرتك فكرت كدا في تفكيرها ؟؟؟
ومفكرتش انك اما بتطلب منها تشيل كلمه استاذ دي
بتفكر فيك علي انك انسان"متواضع"
يعني لا نشا ولا شمع ولا خضرا الشريفه ولا جواز عُرفي ولا كل الحوار
اللي دار منك لنفسك كدا ؟!
انا فعلا مش فاهمة ليه والحكاية ابسط من كل دا بكتيررر !!!!!
أما على الإنترنت فالأمر أصعب وأعقد.. لأني لا شايفك أصلا ولا عارف تعبير وجهك ولا لغة عينيكي.. بالتالي هنا أصبحت اقول للبنت مرة مرتين بالكتير "بلاش أستاذ دي"، فإذا بعد كده لقيتها مُصرة: خلاص، أنا كمان آخدها من قاصرها واقول "أستاذة".. تكتب لي (ا) أكتب لها (ا).. تكتبها بهمزة (أ) أكتبها بهمزة (أ).. والله إذا كان احترام: يبقا احترام باحترام.. نشا: يبقا نشا بنشا.. غتاته: يبقا غتاته بغتاته.. وفي النهاية العين بالعين والسن وبالسن والهمزة بالهمزة.
لا اصعب ولا اعقد ولا نشا خالص ولا غتاته ولا اي حاجه من دي
صدقني الحكاية ابسط من كل دا بكتير جداا يااستاذنا..
كل الفكرة اني انا اتعودت اما بكلم اي حد هنا بقوله استاذ, حضرتك
(وخصوصا اما اكون معرفهوش اوي وماليش كلام معاه كتير)
بجانب اني من ساعه ماشوفت حضرتك وفي اي حوار دار بنا كنت بقولك يااستاذ (لانك فعلا استاذ كل مواضيعك وتعليقاتك تشهد علي كدا وكل الاعضاء اللي يعرفوك يشهدوا علي كدا يعني مابجبش حاجه من عندي)
يعني عادي انا من ساعه ماشوفتك وبقولك يااستاذ مفيهاش حاجه غريبه يعني
لكن انا اللي استغربتله انك تكتب (أ) قبل اسمي
لان حضرتك مش كتبتها قبل كدا !!
ولو صدفت وحد في المنتدي قالي استاذه او حضرتك
بقوله في تقييم او بدخله خاص وبقوله بلاش الكلمة دي لاني ماستحقهاش .. ودا مش تواضع مني انا فعلا مستحقهاش
ورحم الله من عرف قدر نفسه
عموما مدام بتضايق من الكلمة دي يبقا انا هحترم رغبتك
وهسحبها من كل كلامي اللي فات واللي جاي "لو ربنا اراد"
* * *
أشكرك يا سمو الأميرة على تقديرك الكبير لمشاركاتي المتواضعة.. كلها بالأمانة هي نتاج تفاعلكم ومن وحي مشاركاتكم جميعا.. وفي النهاية وكما أقول دائما أنا مجرد "بوسطجي".. لا أنا اللي كاتب الرسايل وللا حتى أنا اللي باعتها.. كل ما يعنيني شخصيا هو فقط التوقيع بالاستلام مع الشكر.
* * *
العفو كل الشكر ليك اكيد ياسمو الأمير علي مجهودك الرائع اللي بتبذله في التوبيك بصفه عامة
وعلي وقتك اللي ضيعتوا وانت بتكتبلي الفاصل دا بصفة خاصة
لان كل البنوتات اللي في المنتديبصفة عامة وفي التوبيك دا بصفة خاصة اكبر بكتيررر من انهم يفهموا كلامك اللي كتبته علي انه عليهم
ومش عارفه بقا ردود الفعل اللي قولت عليها دي تلقيتها فعلا
ولا فكرت فيها وتخيلتها منك لنفسك كدا ؟!
.......
المهم بقا نرجع لمرجوعنا الاصلي اللي هو الفن والابداع
الاغاني اللي رورو اختارتها جميله وخصوصا اغنية "كلمات" مبدعه بجد
والاغاني اللي اختارها خادم كالعاده رائعه وخصوصا اغنيه"عاللي جري" بشعه حقيقي
وكمان صور عمرو دياب وهو صغير حلوة اول مره اشوفها
ابقا شوفلي صورتين لأبو وديع وهو صغير برضو
وبما ان مودي مش تمام خالص(صلولي) ولسه ماليش نفس اشارك في المنتدي
كنت بتمشي عالانتر نت وبعمل سيرش علي موضوعا ما
ولفتت نظري صورة تنحت وسرحت قدامها بمنتهي الامانة مش اقل من ربع ساعه
ممكن بعضكم يقول ايه الصورة النكدية دي اللي منزلها في توبيك للفن والابداع !
هقولكم ان اللي هيركز في الصورة اصلا هيلاقي فن وابداع
واهي الصورة
دي طفلة عندها "كانسر"ربنا يشفيها يارب ويشفي كل مريض
وزي مانتوا شايفين واقفة ياحبيبتي بترسم عالمريا شعر لنفسها
الابداع هنا (من وجهه نظري طبعا) في تفكير الطفلة دي
ابداع في انها تحقق امنية نفسها فيها حتي لو كانت مجرد امنية مرسومة!
...
بعتذر علي الاطاله وفوتكم بعافيه
وعلي وقتك اللي ضيعتوا وانت بتكتبلي الفاصل دا بصفة خاصة
وعلي فكرة توضيحك اللي كتبته في التعليق دا مكانلوش لزومأنا بس رجعت عشان افتكرت حاجة مهمة: لما كتبت "التصنيف الشعبي" للمرأة استغربت من بعض ردود الفعل..
لان كل البنوتات اللي في المنتديبصفة عامة وفي التوبيك دا بصفة خاصة اكبر بكتيررر من انهم يفهموا كلامك اللي كتبته علي انه عليهم
ومش عارفه بقا ردود الفعل اللي قولت عليها دي تلقيتها فعلا
ولا فكرت فيها وتخيلتها منك لنفسك كدا ؟!
.......
المهم بقا نرجع لمرجوعنا الاصلي اللي هو الفن والابداع
الاغاني اللي رورو اختارتها جميله وخصوصا اغنية "كلمات" مبدعه بجد
والاغاني اللي اختارها خادم كالعاده رائعه وخصوصا اغنيه"عاللي جري" بشعه حقيقي
وكمان صور عمرو دياب وهو صغير حلوة اول مره اشوفها
ابقا شوفلي صورتين لأبو وديع وهو صغير برضو
وبما ان مودي مش تمام خالص(صلولي) ولسه ماليش نفس اشارك في المنتدي
كنت بتمشي عالانتر نت وبعمل سيرش علي موضوعا ما
ولفتت نظري صورة تنحت وسرحت قدامها بمنتهي الامانة مش اقل من ربع ساعه
ممكن بعضكم يقول ايه الصورة النكدية دي اللي منزلها في توبيك للفن والابداع !
هقولكم ان اللي هيركز في الصورة اصلا هيلاقي فن وابداع
واهي الصورة
دي طفلة عندها "كانسر"ربنا يشفيها يارب ويشفي كل مريض
وزي مانتوا شايفين واقفة ياحبيبتي بترسم عالمريا شعر لنفسها
الابداع هنا (من وجهه نظري طبعا) في تفكير الطفلة دي
ابداع في انها تحقق امنية نفسها فيها حتي لو كانت مجرد امنية مرسومة!
...
بعتذر علي الاطاله وفوتكم بعافيه