سفر هوشع - الأصحاح 3 | Hebrew Old Testament (Tanach)

  • 1. ויאמר יהוה אלי עוד לך אהב־אשׁה אהבת רע ומנאפת כאהבת יהוה את־בני ישׂראל והם פנים אל־אלהים אחרים ואהבי אשׁישׁי ענבים׃
  • 2. ואכרה לי בחמשׁה עשׂר כסף וחמר שׂערים ולתך שׂערים׃
  • 3. ואמר אליה ימים רבים תשׁבי לי לא תזני ולא תהיי לאישׁ וגם־אני אליך׃
  • 4. כי ימים רבים ישׁבו בני ישׂראל אין מלך ואין שׂר ואין זבח ואין מצבה ואין אפוד ותרפים׃
  • 5. אחר ישׁבו בני ישׂראל ובקשׁו את־יהוה אלהיהם ואת דוד מלכם ופחדו אל־יהוה ואל־טובו באחרית הימים׃
أسفار الكتاب المقدس
أعلى