موسوعة نصايح مهمه للمطبخ !!!( متجدد )

[ABOTARBO]

فكرة لتقديم الايس كريم بالكريب

....عجينة الكريب هى نفس عجينة الكانيلونى مع اضافة بسيطة وهى قليل من السكر
طريقة العجينة موجوده على الموقع ,,الصورة فيها كريب على شكل طبق صغير وفيه الايس كريم والطريقة حلوة فى تقديم الايس كريم كل اللى هتعمليه هتجيبى طاجن صغير من بتاع الزبادى او أى بولة زجاج أو طبق صغير من اللى بيدخلوا الفرن وهتحطى واحدة الكريب فيها على نفس شكل الطاجن او البوله أو الطبق الصغير وتضغطى علشان تاخد الشكل وتثبت وتدخليه فرن ساخن لحد ما ينشف فى الفرن على شكل الاناء وبعد ما يخرج من الفرن ويبرد شيليه من الطاجن هتلاقيه ناشف و واخد نفس شكل الطبق وقتها تحطى فيه الايس كريم وتقدميه​

 

[ABOTARBO]

قدمى لاطفالك ولضيوفك الفاكهه مع العصير بطريقة ايس كريم الاستكس واللوليتا

وطعمها احلى وكمان افيد من الحاجات الجاهزة قطعى الفاكهه واضغطيها فى قوالب تلج كبيرة أو اكواب صغيره وحطى عصير علشان يديها طعم مسكر وكمان يسهل تتماسك وحطى الاستكس "العيدان" الخشب فى النص ودخليها الفريزر لحد ما تتجمد​

 

[ABOTARBO]

وصفة سريعة ولذيذة :

بما اننا فى وقت البطاطا متوفره وكتير مننا بيشويها فى الفرن ممكن تقشريها بعد الشوى وتهرسيها وتضيفى عليها قليل من العسل الابيض او السكر الناعم مع كمية صغيرة لبن وكمية من المكسرات ووضعها فى انصاف برتقال مجوف وتزيينها حسب الرغبه بكريمة أو وضعها فى قالب تارت واضافة طبقة قشده على السطح ووضعها تحت شواية الفرن حتى يحمر السطح​

 

[ABOTARBO]

لطعم أحلى :لما تجيبى سمك مشوى جاهز البيت قبل ما تقدميه علشان طعم أحلى وكمان يبقى اسهل فى تنظيفة


حطى صينينة فيها مياه وملح وشطة حمراء وكمون وعصير ليمون وسيبى المياه تغلى و حطى سمكه سمكه على الجانبين فى الخليط برفق علشان متتكسرش وبعدين شيليها حطيها فى سرفيس التقديم بكده السمك هيبقى ساخن وطعم الملح والليمون هيفرق وهتتخلصى من بعض الرده المحروقة وقشرة السمك هتنفصل عنه بمنتهى السهولة​

 

[ABOTARBO]

طريقة مميزة لتقديم البطاطس البيوريه بعد ما تهرسيها وتضيفى المكونات حطيها فى كيس حلوانى وشكلى بيه وردات فى صينية ودخليها الفرن لحد ما تاخد لون خفيف وتجمد شوية​

 

[ABOTARBO]

الفروالة بالشيكولاته فيه طريقتين الاولى تجيبى شيكولاته طبخ وتقليبها مع ويبينج كريم قليل مع سكر خفيف حسب ذوقك فى حمام ماء دافىء لحد ما تسيح وتكونى غسلتى حبات الفراولة من بدرى و شربات حلويات بعد ما تعملى شقوق صغيرة فى الفروالة و بعد كده تصفيها وتحطيها فى الشيكولاته وتغطيها بيها وتطلعيها تحطيها فى طبق او فى قالب تلج خارج من الفريزر وتسيبها لحد ما الشيكولاته حول الفروالة تجمد وبعدين تحطيها فى علبه مقفولة فى التلاجة لحد وقت التقديم و الطريقة التانيه السهلة تجيبى نوع الشيكولاته ال بتحبيها و تسيحيها فى حمام ماء دافى وتغسلى الفروالة وتنشفيها وبعد ما تغمسيها فى الشيكولاته لحد ما تتغلف وتطلعيها قالب مكعبات التلج او طبق تحطيه فى الفريزر قبلها بربع ساعه و تدخليها التلاجة فى علبة لحد وقت التقديم ملحوظة حمام الماء الدافى تجيبى اناء وتحطى فيه مياه لربعه وتسيبها تسخن وبعد كده تجيبى سلطانيه استانلس اصغر وعميق تحطيه جواه وتحطى فيها الشيكولاته​

 

[ABOTARBO]

ليــــــــــــــفة الأطباق

​

​

*يجب أن تكون أسفنجه مخصصه لغسيل الأطباق ولا تستخدم لاي غرض اخرثم تصبح مليئة بشتى أنواع الفطريات والبكتيريا وتستخدم بعد كده فى غسيل الطباق.​

​

*عدم ترك سلك المواعين بها حتى لاينتج عن الصدا المتخلف عنه اضرار صحيه.​

​

​

​

​

*مساءا يجب غسلهما جيدا بالماء الساخن الجارى وتركها تجف تماما حيث تنمو بعض البكتيريا بها فى حالة تركها مع الفضلات الناتجه عن التنضيف. ويفضل أن يكون ذلك بعد انتهاء مهمه تنظيف المطبخ.​

​

​

*الحرص على تغييرها كل فتره موش طويله يعنى ده موضوع تقديرى يرجع لأستخداماتك .​

​

​

*أرجوكى الأناء التى تستعملينه لوضع الصابون يجوز عليه أيضا النظافه كباقى الأوعيه الموجوده بالمطبخ ويتم ذلك أيضا بعد الأنتهاء من تنظيف المطبخ يغسل جيدا ويترك حتى الصباح لأستعماله مره اخرى وهو فى حاله مقبوله.​

​

​

 

[ABOTARBO]

علشان تتخلّصي من الروائح المزعجة في الخلاط أو المطحنة

طبعا بعد اما بنعمل اى اكل فى الخلاط وخصوصا البصل او الثوم بيكون فى ريحة فى الخلاط. ومهما نغسله بتفضل الريحة دى موجودة. نعمل ايه؟ تخلّصي من روائح الأكل في الخلاط علشان تتخلّصي من الروائح المزعجة في الخلاط أو المطحنة زي ريحة البصل والثوم والبهارات؛ ممكن تطحني
فيهم شوية عيش محمّص
​

 

[ABOTARBO]

فكرة لتقديم التفاح

تفاح مقشر ومقلى فى زبده وعليهم سكر ونقلب كتير مع معلقتين قرفه​

 

[ABOTARBO]

الترمس

الترمس لو حلو بيبقي لونه اصفر باهت ولو مر بيبقي لونه غامق هتقوليلي ايه الفرق هقولك الحلو بيقعد يوم اواتنين بس وتبدأي تاكي منه اما المر فبيقعد علي الاقل اربع ايام

وطريقته
بتنقعي مثلا الترمس في مية بالليل وبعدين لما تقومي بتغيري المية وتحطي عليه مية تانية وتسلقيه وبعدين بعد كدا تصفي المية من عليه وتسيبيه يبرد وبعدين لما يبرد تحطي عليه مية وتسيبيه بقي وكل يوم تغير المية علشان مايبوظش​

​

​

​

 

[ABOTARBO]

لطعم رز مختلف


هاتي معلقتين سكر وحطيهم مع سمن وزيت ولما لونه يبقي بني غامق كراميل يعني

حطي عليهم الرز البسمتي وشوحيه مع ملح ونصف معلقة قرفة ولكل كوب ارز مش منقوع حطي كوب ونصف ماء

ولما يغلي وطي النار وسيبيه يستوي وبالف هنا​

 

[ABOTARBO]

محتارة في أنواع البوتاجازت... مميزاتها وعيوبها... وطريقة استعمال كل منها؟؟؟ _ للشيف اسامة ​

​

(1) البوتاجاز الكهرباء:

تم استخامه منذ سنوات عديدة ومازال البعض يستخدمه حتى الآن، حيث كان عبارة عن ملفات حرارية، يتحول لونها إلى اللون الأحمر عندما تُصبح ساخنة أما الأن، فأصبح البوتاجاز الكهرباء ذو مسطح زجاجي- يشبه ملمس السيراميك-

مميزاته:

- يُستخدم معه أي نوع من الاواني سواء المصنوعة من الاستانلس، الألومنيوم، النحاس أو الحديد الزهر


- سهل التنظيف بعد الاستعمال


- أمن للأطفال، حيث أن به خاصية الاغلاق، التي تمنع الأطفال من تشغيله.


عيوبه:


- يقوم بتسخين مساحة عيون البوتاجاز كاملة وليس مساحة الإناء المستخدم للطهي فقط وبالتالي فهو يستهلك كهرباء بكمية كبيرة.


- لا يقوم بتوزيع الحرارة بشكل متساوي داخل إناء الطهي.





(2) البوتاجاز الغاز:


هو الأكثر تداولاً وشهرة، لسهولة استخدامه ولتميزه بالعديد من المميزات وهي:


- سهولة التحكم في درجة الحرارة وكمية الغاز المستخدمة عن طريق مفاتيح التحكم (أو أزرار اللمس للبوتاجازت بخاصية اللمس).


- يُستخدم معه جميع أنواع أواني الطهي على اختلاف المادة المصنوعة منها


- هو الأفضل على الإطلاق في توزيع الحرارة ، حيث يُوزع الحرارة بشكل متساوي على جوانب الإناء المستخدم وبالتالي يضمن عملية طهي ناجحة.


- الأوفر والأفضل سعراً مقارنة بالبوتاجاز الكهرباء وكذلك الحث Induction


عيوبه:


- صعوبه تنظيفه مقارنة بالأنواع الاخرى من البوتاجازت.


- غير أمن للأطفال حيث أن الشبكة المعدنية الخاصة به تكون حرارتها مرتفعة جداً ، كما أنه يمكن للطفل تشغيل مفاتيح التحكم (ماعدا في حالة البوتاجاز ذو خاصية اللمس والذي يحتوي على مفتاح الغلق الأمن).





(3) بوتاجاز الحث Induction


ليس منتشراً في أغلب المنازل ومازال غير متداول، حيث يعتبر هو الاحدث في عالم البوتاجازت، وهو يعمل بالموجات الكهرومغناطيسية ويتميز بالتالي:


- جيد في توزيع الحرارة بشكل متساوي مقارنة بالبوتاجاز الكهرباء.


- يقوم بتسخين السطح الملامس له فقط وبالتالي فهو آمن للأطفال، فسطح البوتاجاز لا يسخن نهائياً حتى أثناء لمسه وهو يعمل.


- أسرع في طهي الطعام وبالتالي فهو عملي أكثر.


عيوبه


- غالي السعر، فهو الأغلي على الاطلاق.


- صوته مرتفع أثناء التشغيل.


- لا يمكن استخدام أي نوع من الأواني معه عدا أواني الاستانلس استيل.

 

[ABOTARBO]

عند التخلص من ماء السلق :
مثل ماء اللوبيا أو الفاصوليا أو الخضروات الاخرى مثل الكرنب أو القرنبيط عند سكبها فى الحوض أو البالوعة قد يسبب روائح كريهة تظل فترة طويلة وللتغلب على هذه المشكلة يتم اضافة قليلا من الخل قبل التخلص من هذا الماء

 

[ABOTARBO]

كريب و بانكيك ناجح

• يجب مراعاة خلط المحتويات جيدا .
• استعمال الزبد يعطي مذاق افضل .
• استخدام مقلاة غير قابلة للالتصاق وتسخينها قبل وضع الخليط .
• يفضل صب الخليط من إبريق أو براد لسهولة فرده رفيعا في حالة البانكيك .
• عند عمل كمية كبيرة يجب التأكد انه بارد قبل وضع الطبقات فوق بعضها لحفظه .
• يحشى البانكيك بالمربى ويلف أو يطبق ويقدم .
• إليك بوصفة الكريب : 4 بيض 2/1 1 كوب لبن حليب 2/1 1 كوب دقيق 4/1 ملعقة صغيرة ملح 6 ملعقة كبيرة زبد سايح تخلط جميع المقادير جيدا

 

[ABOTARBO]

ماذا نفعل بعد تقطيع البصل؟

ضعى القليل من الخل الأبيض على أصابعك قبل و بعد تقطيع البصل فهو يخلصك من الروائح الكريهة و بسرعة

 

[ABOTARBO]

البابريكا نوع من أنواع التوابل المطحونة المستخلصة من الفلفل الأحمر الحلو بعد استبعاد البذور وتجفيفه، تستخدم في العديد من الأطباق لإضافة اللون والنكهة إليها، وتُسمى في دول المغرب "التحميرة"

​

 

[ABOTARBO]

ادهني مبشرة الجبنة بقليل من الزيت قبل برش الجبنة فهذا يعمل على عدم إلتصاق الجبنة في المبرشة

 

[ABOTARBO]

نصائح للتخلص من رائحة اللحمة في مطبخك

حاولي أولا أن تخصصي مفرمة للحمة بعيدًا عن مفرمة الخضار.
أحضري خبزا محمصًا و أطحنية فى المطحنة أو المفرمة و بعد ذلك أغسليها.
أفركي مفرمة اللحم بالليمون لتتخلصي من الرائحة العالمية فيها.​

 

[ABOTARBO]

هل تعلمى؟
أظهرت نتائج الدراسات الطبية أن الكاري لا يتمتع فقط بمذاقه الطيب ونكهته الخاصة، لكنه يساعد فى علاج الزهايمر والصداع النصفي.​

 

[ABOTARBO]

احرصي إن تتبيلة اللحمة يكون فيها خل أو ليمون؛ لأنهم بيساعدوا في تقليل المواد الضارة اللي بتتواجد في اللحمة المشوية بنسبة 90%، وكمان بيخلوا اللحمة تستوي بسرعة