موسوعة نصايح مهمه للمطبخ !!!( متجدد )

[ABOTARBO]

فى اوقات كدة سعر البصل والتوم بيبقى رخيص ... هاتى كمية واضربيهم كلهم وحطى البصل ف اكياس كل كيس يا دوب على قد الطبخة ...
والثوم وانتى بتفرميه حطى عليه ملح علشان ميلزقش ف بعضه لما يتجمد وحطيه كله ف برطمان مثلا وكل م تحتاجيه يادوب هتاخدى الكمية اللى انتى عايزاها بالمعلقة حتى وهو متجمد
(ملحوظة تانية ... خلى بالك بقى لما تضيفى الثوم تعملى حساب الملح اللى فيه علشان الاكل ميكونش ملحه زايد)
​

 

[ABOTARBO]

صلصه المكرونه
وانتى بتعمليها تضيفى عليها
شويه خل وشويه توم وبصل بودر
وبابريكاوزعتر وروز مارى
بصراحة بتكون خرافة.​

 

[ABOTARBO]

الملوخيه الناشفه
حلوة في الشتا قوي
طيب علشان تكون حلوه لازم تكون ناعمه جدا ومفيهاش عيدان
انخليها باي حاجة اي مصفاه عندك وشيلي العيدان
هتعمليها عادي زي ما انتي متعودة
بس حطي كسبره ناشفه وفلفل اسود مع التوم قبل تحميره

الاختراع بقى .....
هتضيفي نص معلقة بيكنج بودر علي الملوخيه بعد ما تطفي النار بس متكتريش عن كده
هتديها لون اخضر وقوام حلو وطعم كمان​

 

[ABOTARBO]

افكـــــــــــــار مية مية للمطبخ وتوفير كمان :

الفكره الاولي

البصل لما تبشري البصل بالمبشره عشان تحمريه للصلصة وغيرها بتحسي انه اتعصر شويه وفيه ميه كتير
الميه بتخلي الطعم مر
الفكره اعصري البصل من الميه قبل ما تحطيه في الزيت والعصير اللي بيطلع حطيه علي الشوربه مع ملح وفلفل يبقي الشوربه حلوه وتضيع الزفاره ووفرتي البصل اللي بيتحط في الشوربة وكما البصل هيتحمر بسرعه لانه مفهوش ميه

الفكره الثانيه

لما تسوي البصل في الزيت وعايزه توفري في الزيت ايه اللي بيحص بيحروق منك ويمرر
هنعمل ايه بقي نكتر الزيت براحتنا خالص وبعد ما يستوي هتلاقي الزيت فصل لوحده هتجيبي صفايه وتصفي البصل من الزيت وتضغطي عليه تطلعي روحه... قصدي تطلعي الزيت منه وتستخدميه في اي حاجة تانيه تحمر بيه اللحمه او الفراخ اوتعملي بيه الرز ولسان العصفور وهيكون طعمه حلو بنكهه البصل
وعلي فكره كل ما تكون النار هاديه علي الاكل كل ما يكون طعمه احلي

الفكره الثالثة
لما تضربي الطماطم في الخلاط بتحطي شويه ميه عشان الخلاط يشتغل وطبعا العصير بتاع الطماطم هيكون خفيف وياخد ناركتير في السوي

هنعمل ايه نبشر طماطميتين في المبشره ونبدا بيهم في الخلاط ونشغل الخلاط ونضيف قطع الطماطم واحده واحده الخلاط هيشتغل عادي ويطلع العصير تقيل ما ياخدش وقت ويوفر الغاز وضيفي فصين توم وملح اثناء الخلط لنكهه جميله.

الفكره الرابعه
الدربكه في المطبخ والتاخير في الضبيخ من غير لازمة
الحل لازم تشغلي دماغك يعني تتعودي انك ترتبي مراحل الطبخ قبل ما تبداي يعني تحطي ميه الشوربة علي النار اثناء لغايه ما تغلي تكوني غسلتي الفراخ اواللحمه وحضرتيها
او تعملي البصله وتحطيها بالزيت علي النار هاديه وهي بتستوي تكوني جهزت الخضار والطماطم استخدمي اكثر من عين عشان توفري وقت وقوفك في المطبخ
اول ما تبداي تملي حوض المطبخ ميه دافيه بمنظف وكل ما توسخي حاجة تغسليها في ساعتها بعد ما تخلصي هتلاقي المطبخ زي الفل

الفكره الخامسه
غلي اللبن عشان مش يفور هتجيبي مانع الفوران عشان البوتجاز والعيون بتبوظ اكتر حاجة من اللبن لو معندكيش مانع الفوران تحطي معلقة كبيره مغسولة في اللبن وهو بيغلي او كبشه مش هيفور وتخلي النار واطيه

الفكره السادسة
وانتي بتسلقي البيض عشان ميتكسرش اثناء السلق تفحصي البيضه كويس لو فيها شرخ يبقي بلاش تسلقيها هتبوظ
وبعدين تحطي شويه ملح مع ماء السل هيمنع الشروخ

الفكره السابعة
وانتي بتعملي الباشميل المكرونة بتتاخر في الفرن علي ما تستوي ومش بيحمر الوش بسرعه
فكرتي اولا لازم كل المكونات تكون سخنة يعني مش تعملي المكرونه وتركنيها والعصاج وتركنيه لما يبرد غلط
اولا المكرونه تزودي سواها اكتر من العادي وتكون سخنه
هتضيفي ملعقة باشميل سخن في قاع الصينيه بعده تخلطي نص الباشميل سخن مع المكرونه وتفرشي نصها تحت وعليها العصاج برضه سخن وباقي المكرونة ونص الباشميل التاني هتحطي عليه بيضتين وهو سخن مش هيحصل اي حاجة بس حطيهم بيضه بيضه وقلبي جامد وعلي الوش وبسرعه في الفرن هتلاقيها مش هتاخد نص الوقت وتكون طبعا الفرن سخنه
​

 

[ABOTARBO]

جناش الشكولاته..
كمية كريمة خفق...و نفس المقدار شكولاته متقطعه صغير...يعنى مثلا كوبايه من الاتنين
اغلى الكريمة على نار هادية و ارفعيها من على النار...ضيفى الشكولاته و قلبى حتى تزوب....سبيها تبرد و صوبيها على الكيك او اخفقيها بعد ماتبرد تماما لعمل حاجه كده شبه كريمة الشكولاته
انا بعمل كده فى اى شكولاته جيالى هديه و مش عجبنى طعمها...كده طعمها بيتحسن كتيرررررررررر خصوصا لو اضفتى عليها بندق


​

 

[ABOTARBO]

مووس الفرولة السهل....اخفقى كريمه او كريم شانتيه...دوبى باكو جيلى فرولة فى ربع كوب ماء مغلى....صفى الجيلى المزاب و سيبيه يبرد و ضيفيه بالتدريج على الكريمه​

 

[ABOTARBO]

لصنع كيك سهل تذكرى هذه المقادير...1.2.3.4.....1 كوب ذبده 1 كوب لبن 2 كوب سكر 3 كوب دقيق 4 بيض...و طبعا بيكينج بودر و فنيليا

​

 

[ABOTARBO]

الطريقة المثلى لاذبة اللحوم المجمدة...
​

قد يقوم البعض باخراج اللحوم المجمدة من الفريز ووضعها على طاولة المطبخ لمدة ساعتين او ثلاث لاذابتها وهذا خطأ, حيث ان درجة حرارة المطبخ ستعمل على نمو البكتيريا الضارة على الاطعمة مما قد يؤدي الى تسممها.



وافضل الطرق لاذابة الاطعمة المجمدة هي الآتي:





1- عن طريق وضعها تحت الماء البارد وهذا ما قد يتطلب اهدار الكثير من الماء لذا فان من الافضل وضعها في وعاء عميق في كيس بلاستيكي محكم الاغلاق ووضعها في وعاء عميق مملوء بالماء البارد و(ليس الساخن) مع مراعة تغيير الماء مابين الحين والآخر والتأكد بأن اللحوم المجمدة مغمورة بالماء جيداً.



2- اخراجها من الفريزر ووضعها في وعاء عميق ووضعها في الثلاجة حتى لاتتسرب السوائل وتنتقل البكتيريا الى الاطعمة الأخرى, وهذه الطريقة قد تستدعي الكثير من الوقت لاذابة الثلج لذا يفضل عملها في الليلة السابقة.



3- وضعها في المكيرويف.

 

[ABOTARBO]

نصيحة من ذهب ^^

عند دهن المعجنات بصفار البيض اضيفي قطرات من الخل او ماء الزهر كي لا يبقى اثر لرائحة البيض على المخبوزات مما قد يفسد الشهية ....​

 

[ABOTARBO]

للاحتفاظ بقطع البسكويت مقرمشة ضعي مكعب سكر معها داخل وعاء حفظ بغطاء.​

 

[ABOTARBO]

كيف تحافظين على نظافة الدقيق


للحفاظ على الدقيق نظيفاً... ضعي أوراق الغار أو بضعة قرون من الفلفل الحار المجفف في برطمان الدقيق، تلافياً لتكاثر السوس.


​

 

[ABOTARBO]

فرّادة العجين

لصيانة الفرّادة (النشابة) وتجديدها، امسحيها بفوطة نظيفة للتخلّص من آثار الدقيق، ثم ادعكيها بقطعة من ورق السنفرة الناعم جدا لتتخلّصي من طبقة رقيقة من الخشب. بعدها، اشطفيها بالماء واتركيها في مكان متجدّد الهواء، إلى أن تجفّ.​

 

[ABOTARBO]

عند سلق البطاطس يضاف بعض قطرات من عصير الليمون فى منتصف مدة سلق البطاطس حتى تكتسب اللون الابيض . وعند هرسها يتم ذلك وهى ساخنة لأنه اذا تركت حتى تبرد فأنها ستصبح مطاطة ولزجة وثقيلة القوام.​

 

[ABOTARBO]

للحفاظ على الزبدة لا يتم ترك العلبة الخاصة بحفظ الزبدة فى الثلاجه بدون غطاء لأن الدهون سوف سوف تتحد مع الاوكسجين الموجود بالهواء ، ويترتب على ذلك أن الزبدة ستصبح كريهة المذاق بسبب فسادها .​

 

[ABOTARBO]

عمر البهارات والاطعمة على الأرفف بشكل عام...
​

**********************************



-الطحين الغير مفتوح يبقى صالحاً لمدة 12 شهر وبعد الفتح من 6 الى 8 أشهر..



-السكر الغير المفتوح الى سنتين مع العلم بان السكر لا يتلف وانما قد تتغير النكهة...



-السكر البني الغير مفتوح لمدة 4 شهور...



-الكاكاو الغير مفتوح يبقى صالحا الى أجل غير مسمى ولكن بعد الفتح لمدة 12 شهر...



-التوابل المشكلة من سنة الى 4 سنوات سواء مفتوح أم لا...



-التوابل المطحونة من 2 الى 3 سنوات سواء مفتوح أم لا...



-البابريكا والفلفل الأحمر والفلفل البودرة سنتين...



-البيكينغ صودا الغير مفتوح 18 شهر والمفتوح الى 6 أشهر...



-البيكنغ باودر الغير مفتوح الى 6 أشهر والمفتوح الى 3 أشهر...



-نشا الذرة يبقى صالحا لمدة 18 شهرا سواء مفتوحا أم لا....



-الباستا المصنوعة من دون بيض تيقى صالحة لمدة سنتين غير مفتوحة ومفتوحة لمدة

سنة واحدة...



-النودلز المصنع مع البيض الغير مفتوح لمدة سنتين والمفتوح من سنة الى 2 سنتين...



-متبلات السلطة السائلة الغير مفتوحة من 10 الى 12 شهر ومفتوحة لمدة 3 اشهر محفوظة في الثلاجة...



-العسل لمدة سنة واحدة سواء مفتوح أم لا....



-القهوة المطحونة المعلبة الغير مفتوحة لمدة سنتين والمفتوحة لمدة 2 أسبوعين محفوظة في الثلاجة...



-المربى والجلي الغير مفتوح لمدة 1 سنة واحدة والمفتوح لمدة 6 أشهر اذا حفظت في الثلاجة...



-زبدة الفول السوداني الغير مفتوحة من 6 ال9 أشهر والمفتوح من 2 الى 3 أشهر...

 

[+ماريا+]

موضوع مميز وبجد موسوعة
ربنا يباركك

 

[ABOTARBO]

ازى نجيب الكرنبة تبقى حلوة ونستخدم كل حته فيها ؟؟!

لازم الكرنبة تكون خفيفة فى الوزن
ما يكنش ورقها مكبوس ولما نيجى نشيلها ما تبقى تقيله
مهما كان شكلها كبير
كدة نضمن انه ورقها من جوة مفرق وحلو كمان
ورقها يبقى ناعم ما فهوش عروق كتير





​

 

[ABOTARBO]

كلنا بنحب الجبنة القريش لانها صحية ومفيهاش مواد حافظة وكمان سعرها حنين بس للاسف عمرها قصير لانها بتعمل طبقة صفرة ريحتها وشكلها مش هو

الطريقة دى هتخلى الجبنة القريش تعيش اسابيع فى التلاجة وهى محتفظة بشكل وطعم الجبنة الطازة واجمل كمان

هتجيبى الجبنة وتفرديها عن بعض يعنى كل واحدة بعيد عن التانية ..
وتقطعيها وترشيها ملح

ولما تخلصى الكمية كلها تحطيها فى التلاجة لمدة يوم او اتنين

بعد يومين تطلعيها وتغسليها من الملح وترصيها فى علبة لها غطاء

وتغلى كيلو لبن وبعد مايبرد تدوبى فيه معلقتين ملح او معلقة لو عاوزاها مش حادقة
وتصبيه على الجبنة

وتغطيها وتحطيها فى التلاجة
وتنفع برايب طبعا لو عندك
وممكن تحطى شطة لو عاوزاها مشطشطة
وتاكلى منها بألف هنا

وكل ماتقعد فى اللبن اكتر تحلو اكتر واكتر

على فكرة لما الجبنة تخلص تجيبى تانى وتعمليها بنفس الطريقة فى نفس اللبن وكل ماينقص


​

 

[ABOTARBO]

تجميد البشاميل

اكيد طبعا كتيرمننا بيحب البشاميل سواء كانت فى المكرونة او الكوسة

وفى طريقتين لتجميد البشاميل

ممكن البشاميل يتجمد لوحدة وممكن تجمدى المكرونة بالبشاميل او الكوسة اى شئ معمول بالبشاميل


وطريقة تجميد البشاميل سهلة

وهى انك تعملى البشاميل عادى بالطريقة المعتادة وتوضع فى اكياس وتوضع فى الفريزر

وممكن تحتفظى بيها لمدة اسبوعين واكتر طعمها مبيتغيرش

ووقت متحتاجى تستعمليها بطلعيها من الفريزر وتوضع على النار لمدة دقيقتين لحد ماتفك



والطريقة التانية/ هى انك بتعملى المكرونة او الكوسة او اى شى تحبى تعمليه بالبشاميل

وتضعيه فى الصنية البيركس او ممكن الصوانى الفوايل تكون افضل لان صعب تحطى الصوانى البيركس لفترة طويلة فى الفريز وبعدين تغطة الصنية بالكيس البلاستيك جيداوتوضع فى الفريز
وعند الاستعمال تطلعيها وتتركيها لمدة دقائق حتى تفك وبعدين بتضيفى البيض او الجبنةاو اى شئ تحبى تضيفيه وتوضع فى الفرن

وعن نفسي انا افضل الطريقه الثانيه كي لا يفرول منك البشميل اذا لم تضربيه بالمضرب السلك جيدا

 

[ABOTARBO]

بعض النصائح المطبخيه

​

عند أحتراق الطعام



ارفع ( وعاء الطهى ) من على النار مباشرة واغمسيها فى ماء بارد حتى لا يحمل طعم الشياط الى الأجزاء السليمة.. هذا لو بقى شئ سليم .. ثم يتم نقل الطعام السليم فى وعاء آخر وتستكمل عملية النضج.





لإختبار البيكنج بودر



يمكن إضافة قليل منه إلى الماء ، فاذا أحدث فوراناً فإنه يكون صالحا اما اذا لم يحدث هذا التفاعل فهذا دليل على انتهاء صلاحيته.





ثمرات الليمون الجافة**



إذا جفت ثمرات الليمون يتم نقعها ليلة كاملة فى ماء بارد لتستعيد ليونته





عصير الليمون**



للحصول على أكبر قدر من عصير الليمون الطازج . يوضع في ماء دافىء قبل استعماله بفترة بسيطة مع الضغط باليدين على سطح قاس ثم يعصر بعد ذلك .





عصائر الفاكهة



لاتحفظ بوعاء أو آنية بدون غطاء لأن فيتامين " ج " يفسد بتعرضه للهواء .





لصنع كيكة هشة



يتم اضافة قليلا من الملح الى البيض عند خفقه ويمكن استخدام اللبن الزبادى بدلا من اللبن الحليب وسوف يعطى نفس النتيجة. أو إضافة ملعقة صغيرة من المياه الغازيه ( السفن اب ) الى الكيكة





لتسهيل نزع قشر البطاطس المسلوقة**



يتم وضعها فى ماء بارد بعد النضج مباشرة.





أفضل طرق تقشيرالبصل



وضعه في الفريزر لمدة نصف ساعة . او يوضع في قدر فيه ماء قبل تنظيفه لمدة نصف ساعة وكذلك حتى لاتدمع عيناك عند تقطيعه .





للتخلص من رائحة الثوم والبصل**



من يديك القيام " بفرك " اليدين باليمون . ومن الفم بتناول عيدان البقدونس الاخضر .





أفضل طريقة لشوى اللحوم والأسماك**



يتم وضع صينية بها ماء مغلى أسفل الشواية لأن ذلك يساعد على امتصاص الدخان المتصاعد من الشىء بدلا من انتشاره بالمطبخ ، كما أن نثر قليلا من الملح فى الصينية الموجودة اسفل الشواية يساعد على عدم احتراق المادة الدهنية الناجمه عن عملية الشى ، ولإختصار وقت عملية الشى يمكن شق اللحوم بسكين حاد بخط مائل .





للحد من رائحة قلى الأسماك



للحد من رائحة قلى الأسماك غير المحببة والتي تملأ أرجاء المطبخ يتم إضافة قليل من الخل أو عصير الليمون إلى زيت القلي كما أن إضافة قليلا من قشر الليمون الطازج للزيت يعطى للسمك مذاقا وطعما جميلا





للحفاظ على لمعان الفضة



ضع أصبعا من الطباشير في درج الفضية مع الملاعق والشوك والسكاكين ، اذ انه يساعد على تشرب الرطوبة .





لتخفيف رائحة السمك



عند قليه توضع قطعة فحم غير مشتعلة على الفرن بجانب المقلاة . مع تغطية المقلاة وفتح مروحة الشفط والنوافذ معا.





لتجنب تطاير زيت القلي



أضيف رشة ملح على الزيت





للحفاظ على الكبة متماسكة عند القلي



أضيف ملعقة من نشا الذرة إلى الزيت واقليها مجمدة





الشوربة الباهتة



للتخلص من ذلك يتم وضع ملعقة سكر مع ملعقة ماء فى اناء صغير ويرفع على النار حتى يتبخر الماء ويصبح لون السكر بنيا ثم يضاف هذا المزيج الى الشوربة أو وضع قليلا من القهوة (وهذا لن يؤثرعلى طعم الشوربة بل سيجعل طعمها الـذ).





لتماسك الملوخية والشوربة



أضيف قليلا من النشا ..(نشاء الذرة أو دقيق )





شوربة الخضار



يضاف اليها الدقيق المحمر بالزبدة الذى يعطيها طعما رائعا ، ويتم اضافته رويدا رويدا وعلى مهل وليس دفعة واحدة حتى لايتعجن داخلها واثناء الاضافة استمرى فى تحريك الشوربة .





للحفاظ على الزبدة**



لا يتم ترك العلبة الخاصة بحفظ الزبدة فى الثلاجه بدون غطاء لأن الدهون سوف تتحد مع الاوكسجين الموجود بالهواء ، ويترتب على ذلك أن الزبدة ستصبح كريهة المذاق بسبب فسادها .





لكسر حدة التوابل بالطعام**



فى حالة زيادة التوابل بالطعام ، بكسر حدته بإضافة ملعقة من اللبن الزبادى.





لتخفيف حدة البصل**



هناك بعض الانواع من البصل التى يكون طعمها لاذع ، ولتخفيف هذا الطعم عند تناوله بمفرده يتم وضع شرائح البصل فى قليل من الماء البارد المضاف اليه الخل والافضل خل التفاح ، فأن ذلك يعطيه طعما طيبا .







عند سلق البطاطس**



يضاف بعض قطرات من عصير الليمون فى منتصف مدة سلق البطاطس حتى تكتسب اللون الابيض . وعند هرسها يتم ذلك وهى ساخنة لأنه اذا تركت حتى تبرد فأنها ستصبح مطاطة ولزجة وثقيلة القوام.





للحفاظ على البيض عند السلق



أضيف خل إلى ماء السلق أو ملعقة ملح أو ارمي ملعقة معدنية إلى ماء السلق.





عند الطهي بفرن البوتاجاز



ينصح بعدم فتح باب الفرن على فترات متقاربة ، لأن هذه الطريقة تؤدى إلى تسرب الحرارة المختزنة مما يؤثر على سرعة نضج الطعام . ويلاحظ هذا عند إعداد الكيكه فأن الكيكه تهبط بدرجة كبيرة إذا ما تسرب الهواء إلى داخل الفرن.