موسوعة نصايح مهمه للمطبخ !!!( متجدد )

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
نصايح ستات للتوفير

اشتري الخضار فالموسم بتاعه وخزينيه عندك ارخص وانظف


الفكة يا محلى الفكة بجد جمعيها في مكان لوحدها بعد كل مرة تشتري فيها حاجه وشوفيي لما تحتاجيها هتلاقي ايه؟ بجد انا مجربها ومفيدة جدا

اعملى عصاير طبيعية وقللى المشروبات الغازية ... واعملى تمر هندى وخروب وعرق سوس كمان .



المفروض يكون فية 5 كيلو سكر 3 زيت كل لما ينقصوا كل شهر اقوم جأيبة و اكمل مش بستنى لما يخل

عودوا ولادكم على جميع الاكل ومفيش حاجه اسمها اصله بيحب ده ومبيحبش ده فانا اعمل نوع كمان من الاكل علشان ياكل حاولى انك متسمعيش كلامهم جسمهم محتاج كل الاكل وقوليله ان لازم تاكلزى ما بناكل احنا مش هنحصص حد لان بيتهيئلى ان ده
بيزود فى الاصراف بردو





 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
صلصة "البشاميل" خلال 5 دقائق


لإعداد صلصة "البشاميل": تخلط ملعقتان كبيرتان من الدقيق مع كوب من الحليب البارد حتى يتشكّل مزيجاً لا يحتوي على كتل.ثم، تحمى ملعقة كبيرة من الزبدة، وتوضع في وعاء عميق يضاف إليه مزيج الدقيق والحليب على البارد. يقلّب هذا المزيج على نار متوسطة حتى يبدأ بالتكاثف، وصولاً حتى القوام المطلوب.
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
معلومة يمكن قديمة لكن للتذكرة..البيركس او اواني الطبخ الزجاجية لو عايزاها ترجع لرونقها ادعكيها بالفويل بعد ما تكرمشيه في ايدك (زي الصورة) وبالصابون طبعا



6912558586.jpg
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
لو الكيكة اتحرق الوش بتاعها
________________________
______
بديل لسطح الكيكه المحترق

- إذا احترق سطح الكيك, فيمكن إزالته بالسكين تم نثر سكر ناعم
علي سطحه وإعادته للفرن من خمس إلي عشر دقائق
فيتكون له سطح جديد شهى


 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
لبقع الزيت اللى على الهدوم ...
___________________________________

نضع علي البقعة ونغطيها ببودرة التلك ونتركها عليه فترة طويله وبعدين نفركها ونغسلها عادي في الغساله
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
خلطة لتنظيف السجاد تحفة هيلمع من غير غسيل
___________________________________________

معلقة كاربوناتو+شوية خل+فيرى او بيريل بس مش كتير + كلور الوان

حطيهم فى طبق وعليهم ميه وهاتى فرشة البلاط
وامسحى السجاد بعد ما تمشى عليه بالمكنسة


 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon


1- لما تيجى تعملي فراخ بانيه او بوفتيك افردي كيس بلاستك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول كدة هتوفري غسيل طبق كمان هتحمى حوضك من الانسداد بسبب البقسماط اللي بيقع في الحوض اثناء الغسيل

2- لو وقعتى زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت

3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماما

4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن

5- ما تمسحيش رخامات المطبخ بالكلور امسحيها بالخل بيقتل الجراسيم ومادة طبيعية

6- لو عندك حاجة نحاس متجبيش نحيتها مايه بنص ليمونة وادعكيها هترجع جديدة

7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وفوطة مبلولة امسحى الرواسب اللي خرجت حتلاقيها رجعت جديدة

8- عاوزة عيون البوتجاز الاستانلس تبرق انقعيها مع قشر ليمون ومايه سخنة في طبق وبعدين بصابونة وش لوكس او كامى او اى حاجة حطى منها حته على ليفه وادعكى حترجع جديدة

9- لبسي الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم

10- دايما خلى عندك فرشةبايد

وهاتى علبة شاور جل او شامبو فاضيه وحطى فيها سائل تنظيف انا بحط كلوركس كلين اول ووانتى بتغسلي وشك الصبح حطى شوية سائل وادعكى الحوض في اقل من دقيقة بقى زى الفل

11- اول ماتصحى الصبح وانتى لسه بتلبسي شبشبك عدلي ملاية السرير والمخدات وبكدة تكونى خلصتى من مهمة يومية من غير ماتخدي باللك

12- وانتى واقفه تعملى الشاى ولا النسكافيه على ما الماية تغلي روقى ضلفة واحدة في المطبخ تكون عاوزة تتظبط



 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
ايه السر اللي يخلي الشربااااات مستحيييييييييل يتكتل

ما تقلبيش ابدااااااااااا
حطي كباية السكر على كباية مية و على اعلى نار لحد ما تغلي و بعدها وطي النار و سيبيه خمس دقايق بالضبط و اعصري عليه نص ليمونة و سيبيه تلات دقايق يغلي و طفي النار و سيبيه مكاااااااااانه
لحد ما يبرد و بعد كده ممكن تفضيه في اي حاجة او تستخدميه على طول

لو كنتي عايزاه تقيل يبقى كبايتين سكر و كباية مية

 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
صلصه المكرونه
تضيفى عليها
شويه خل وشويه توم وبصل بودر
وبابريكا وزعتر وروز مارى
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
علشان اللحمه المسلوقه طعمها يبقى حلو
شوحيها مع طماطميه وبصل وجزر وعود قرفه
صغير وفلفل تشويحه بسيطه
وحطى المياه والبهارات
واول ماتغلى غلوتين
وطى عليها وسبيها تستوى
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
سلطة ذبادي بالحمص

حمص مسلوق ومقشر +عصير ليمونة +رشة كمون +ملح +2 علبة ذبادي


نخلط المكونات ونقدمها وعلي الوش زيت زيتون وفلفل رومي احمر
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
الفانيليا
لو ضيفناها على اي حاجة بتخليها خيال
على العصاير خصوصا لو اي حاجة فيها لبن
بلح_جوافة_موز اي عصير هتحسي طعمه زي اللي بتشربيه في احلى الكافيهات

وعلى البشاميل

وعلى عجينة البيتزا طعمها بتكون ولا بيتزا هت

وممكن نضيفها على الفيشار بس

 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
اما بسيح السمن بضيفله ورق لورى وحبهان
بيديله ريحة حلوة اوي ويتخزن لمدة سنة بنفس الريحة


صلصة الكشري اما بعملها وتخلص بعملها طشة توومة بكزبرة كتيير بتفرق في طعم الكشري كله
وده سر من اسرار الكشرى بتاعى


اما تشتري اللبن وتحسي او تشكي انه ممكن يكون رايب
او هيروب وهو بيغلي اول ماتحطيه عالنار ضيفيله معلقة بيكنج بودر كبيرة وقلبيها فيه
ان شاء الله مش هيروب خالص


حفظ الخضروات الورقية زي الشبت والبقدونس والجرجير انا بغسلهم وانشفهم في فوطة نظيفة بس مش يكون فيه نقطة مية واحدة والفها في ورق ابيض نظيف مش كيس علشان الكيس بيعمل بخار مية وينزل عالخضار يسوده ويبوظه

بواقي الكيك
لو عندي بواقي كيك بفتته واعمله تورتة جيلي
بعمل في قالب جيلي واما يجمد بفتت عليه نص الكيك وبعدها طبقة كريم شانتي وبعد كده باقي فتافيت الكيك واصب باقي الجيلي واسيبه يبرد في التلاجة تاني


الملوخية انا بضيفلها كزبرة خضرا وتتخرط معاها بتكون لذيذة اوي

اما تخزني خضار او فاكهة في الفريزر ما تنسيش تخرجي الهوا اللي في الكيس علشان الحاجة اللي جوا ما تسودش وتفضل محتفظة بلونها

لو عاوزة تعملي اكلة شكلها شيك وموفرة في نفس الوقت ممكن تعملي الشيش طاووق بس بدل الفراخ تحطي بطاطس مكعبات وطعمها يجنن وشكلها جمييل

لو عندك بواقي رز ممكن تضيفي عليه بيضة وبهارات وتعمليها في الكبة تكوريها زي الكبيبة وتفتحيها من النص وتحشيها جبنة بزيتون وفلفل وتقليها في زيت

لو السويسرول اتكسر او اتفتت منك وانتي بتلفيه اعمليه تورتة مستطيلة اقسميها اتنين بالطول واعمليها زي ما بتعملي التورتة عادي احشيها كريم شانتي من النص وضيفي النص التاني وزوقيها على زوقك انا عملت معايا كده وقلبتها تورتة بالشكل ده


لو هتعملي رز بالخلطة ومكسلة تعملي الكراميل انا بضيفله معلقتين عسل اسود طعمه بيكون حلو اوي بجد


اما بعمل شوربة لسان عصفور بحمرها واسيبها شوية علشان لو ضيفت عليها الشوربة على طول لسان العصفور بشقق كانه مكسر كده
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
شوحي بصلة...





كلمة بنسمعها في وصفات كتير، تعرفي بقى ان البصلة دي ممكن تفرق فرق التنين في طعم الاكل اللي بتعمليه؟! لو شوحتيها في نار هادية (زي ما كل الوصفات بتقول) بحيث تاخد لها 10 دقايق على الاقل ح تستفيدي ان الريحة ح تكون جميلة والطعم غني ومسكر ومتجانس! لكن لو شوحتيها في نار عالية فالطعم ح يكون عادم وفيه نكهة مش حلوة، ونفس النتيجة ويمكن أسوأ لو حطيتي البصل مع الطماطم او اي حاجة سائلة مباشرة من غير تشويح منفصل.





السبب؟ البصل يحتوى على جزيئات الكبريت، والتقطيع والتشويح على نار هادية بيكسر الجزيئات دي الى ثنائي السلفيدات اللي طعمها مسكر، وبيدي فرصة لبعض الجزيئات اللي بتسبب رائحة سيئة انها تتطاير.


النار الأعلى مش بتعمل كده عشان مش بتاخد وقت كافي، وبالتالي بتحافظ على النكهة السيئة في البصل.


والسلق او التشويح في وجود سوائل بيمنع الجزيئات انها تتطاير وبالتالي برضو نكهتها السيئة ح تفضل موجودة.





شوحي بصلة في نار هادية :) وبالهنا والشفا

 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
طريقه لابعاد الذباب الصغير اللى بيتولد كتير ف الحر واكيد ف المطبخ .....

تجيبى نص ليمونه وتغرسى فيها عيدان قرنفل واتركيها وشوفى تأثيرها بيطرد الذباب
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
إعملى مفروم فلفل حار او بارد ومتبل بملح وليمون
وضيفى منه على اى طبيخ بيخلى طعمه تحفة
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,089
النقاط
0
الإقامة
Je rêve que je suis un papillon
اى حاجة بانيه ممكن متستخدميش فيها اى بيض !
بتتبل اللحمة او الفراخ وعليهم حبة زيت صغيرين وبعدين فى البقسماط او الدقيق وبيطلع تحفة زيه زى بتاع كنتاكى
 
أعلى