موسوعة نصايح مهمه للمطبخ !!!( متجدد )

[ABOTARBO]

صوص سااااخن ده بيختلف كتييييير عن الصوص البارد


ده نص كوباية شوكولاتة في طبق وتغلي نص كوباية كريمة لباني

وتصبيها عالشوكولاتة وتقلبي وتحطي معلقة زبدة كمااااان وبسس
ولو جمد منك تسخنيه على حمام مائي وتصبيه على اي شيء تاني وهكذاااااا

 

[ABOTARBO]

أواني الستينليس من أحسن الإختيارات للطبخ، بس بردو فيه مشاكل لأنه
مخلوط بنيكل وكروم.. يعني 18/10 معناه 18% كروم و10% نيكل. علشان تقللي من
كمية المعادن اللى بتتسرب للأكل، ماتستعملوش أوانى فيها نقر أو خربشة

بالنسبة للتيفال، ماحدش ينساه على النار لأنه بيطلع غازات مضرة بالصحة لما يوصل لدرجة حرارة عاليه أوي

 

[ABOTARBO]

دليلك للتعامل مع اللحوم والطيور وخلافه

الطيور: تتغسل وتتشال.. وتتغسل وتتبل وتتشال برضه عادي.. أحسن طريقة لغسل الفراخ هي النقع أو ال Brining .. وهي انك تنقعي الفراخ أو الطيور في مياه محطوط عليها ملح.. وتسيبيها في التلاجة.. ممكن تبات عادي.. والصبح هتلاقيها بتزيق من النضافة ومفهاش زفارة..

السمك: يتشال كده بدون تتبيل أو غسل لإنه بيفقد قيمته الغذائية.. لو فيه امكانية يتجاب طازة ويتعمل على طول يبقى خير..

الكبد: مش بتتغسل أساسا.. يا دوب يتشال منها حتة الجلدة اللي شبه الاستك دي وتتعمل (أنا بالصراحة باقرف وباشطفها شطفة سريعة).. تتفرز بدون تتبيل وإلا تتهري..

اللحمة: تتشال زي ما هي.. ومش بتتغسل برضه لو من جزار نضيف.. أهم حاجة كشط الريم.. لو ضاني مثلا لأ محتاجة تتنضف جامد..

المشروم (بالمرة ) : مش بيتغسل.. يتمسح بس بفوطة نضيفة.. ومش بيتفرز.. طازة أحسن..

 

[ABOTARBO]

ترغبين بالحصول على مرق صافي وخال من الترسبات والشوائب... إليك الطريقة :

- يجب غسل الدجاج أو اللحم جيدا قبل السلق والتأكد من عدم وجود دم وخاصة في العظم .
- يجب وضع اللحم أو الدجاج في الماء منذ البداية وليس بعد الغليان والتأكد من غسل الخضار المستخدم معهم للنكهة.
- عندما يبدأ السائل في الوصول لدرجة الغليان تقلل الحرارة وذلك لتجنب اختلاط الشوائب أو العكارة (الريم) في حركة الغليان ، ونقوم بقشطها من على سطح المرق .
- عند الانتهاء من إعداد المرق يمكن وضع قليل من بياض البيض المخفوق وكذلك قشر البيض لامتصاص أي عكارة توجد في المرق ، والتخلص منه بعد تركه لمدة بضع دقائق على نار متوسطة الحرارة .
- عند الانتهاء يمكن أن يصفى المرق بشاشة ، ولإزالة الدهون يترك المرق ليبرد وتقشط طبقة الدهن من على السطح.

 

[ABOTARBO]

لما تشتري جبنه بلاش تشتريها شاريح بتبوظ بسرعه وكذلك اللانشون حتي لو في التلاجه طيب نعمل ايه نشتريها قطعه واحده ماسكه بعضها ولفيها كويس وشيليها في التلاجه وقت ما تحتاجي قطعي منها ​

 

[ABOTARBO]

الوان الطعام

الاحمر :عصيرو قشر الرمان
البني الفاتح :الشاي الاحمر
لبني الغامق :ضعي فنجان نسكافيه مركز
البرتقالي : لجزر المفروم مع 3 م ك تانج برتقال
البنفسجي :الكركديه
اخضر باهت : الشاي الاخضر
البامبى : عصير فراوله مركز
البنفسج:العنب الاحمر
الذهبى:قشر التفاح الاصفر
الازرق:توت ازرق

 

[ABOTARBO]

لو مش عايزة تستخدمي بيض في المخبوزات, تقدري تستبدلي كل بيضة بمزيج من ملعقة كبيرة بذرة الكتان المطحونة و ثلاث ملاعق ماء دافيء.
تخلطيهم جيداً و تتركي الخليط لمدة 15 دقيقة ثم تستخدميه.

 

[ABOTARBO]

لو عملتي صلصة أو شوربة و طلعت دسمة أكثر من اللازم, ضيفي لها مكعب ثلج. الثلج حيمتص الدهون الزيادة و يقلل من دسمها.
و لو طلعت مالحة أكثر من المطلوب, ضيفي لها ثمرة بطاطس صغيرة متقشرة و اتركيها لمدة 10-15 دقيقة. البطاطس حتمتص الملح الزائد و مش حتغير طعم الصلصة أو الشوربة.

 

[ABOTARBO]

لو لسة بتتعلمى الطبخ و وانت بتسلقى رز عَجِن منك، ماتقلقيش... زودى عليه لبن، سكر، قرفة و زبيب و بكدة تبقى عملتى رُز بالبن.
​

 

[ABOTARBO]

سكر بالفانيليا

ممكن تعملي سكر بالفانيليا بسهوله هتجيبي عيدان الفانيليا وتفتحيها وتحطيها في برطمان محكم الغلق مع السكر وتقفلي عليه لمده اسبوع وبعد كدا تقدري تستخدميه في عمل الحلويات و المشوبات .​

 

[ABOTARBO]

 

[ABOTARBO]

...لو متجمعين تتفرجو على الماتشات.. فى عجينة "باف بيستري" افردوها ولفوها مع السوسيس ودخلوها
الفرن لمدة 20 دقيقة على حرارة عالية ولما تستوى سيبوها تبرد شوية وقطعوها دواير. بالهنا والشفا

 

[ABOTARBO]

لو بتحبو تاكلو فشار وانتو بتتفرجو عالماتش...مكن ترشو رشة جبنة بارميجان مبشورة عالفشار وهو سخن... Good Luck

 

[ABOTARBO]

اسرار فى المطبخ

- اللوز: لإزالة قشرة اللوز بسهولة انقعيه في الماء الساخن لمدة 15-20 دقيقة

- التفاح: ضعي بعض عصير الليمون على سطح التفاحة المقطعة لمنع تحول لونها إلى البني فتبدو طازجة لوقت أطول

- القرع المر: شقي القرع في الوسط وضعي مزيجًا من الملح ودقيق القمح وخثارة اللبن ودعيها لمدة نصف ساعة من ثم قومي بطهيه

- لكرفس: للحفاظ على الكرفس طازجًا لمدة أطول لفيه بورق ألومنيوم وضعيه في الثلاجة

- الكزبرة/النعناع: يمكنك استخدام الكزبرة الجافة وورق النعناع على شكل بودرة خشنة في طهي الخضار أو الصلصة إذا لم تتوافر طازجة. لتحافظي عليها لوقت أطول لفيها بقطعة قماش من الموصلين وضعيها في الثلاجة

- جوز الهند: انقعي جوز الهند لنصف ساعة في المياه لتزيلي قشرتها

- السمن: تجنبي استخدام السمن أو استبدليه بزيت الكانولا. حتى في تحضير الحلوى يمكنك استبداله بالزيت

- الفلفل الأخضر: للحفاظ على الفلفل طازجًا لمدة أطول أزيلي العنق قبل تخزينه

- البازلاء الخضراء: للحفاظ على البازلاء خضراء ضعيها في كيس بوليثين في الثلاجة

- الفاكهة: للحصول على ثمار ناضجة لفيها بورق جرائد وضعيها في مكان دافىء لمدة يومين أو ثلاثة فإن غاز الإثيلين الذي ينبعث منها سيجعلها تنضج

- الليمون والحامض: إذا كان الليمون والحامض قاسيًا ضعيه في ماء دافىء لمدة 5 إلى 10 دقائق لتسهيل عملية عصره
​

 

[ABOTARBO]

سر الخلطه فى البهارات السبعه
***********
مكونات السبع بهارات
******************
وهى تشكيله توابل وتستخدم مع اللحوم والفراخ والأرز تعطى نكهه متميزه ومذاق رائع وتغني عن اٍضافة أي نوع من البهارات.
يضاف مقدار نصف ملعقة طعام لكل واحد ليتر من ماء الطبخ.
.................................................. ...................
وفى خلطه الفراخ توضع على البصل والملح وتحشى بها الفراخ وتوضع فى الفرن ولا أطيب
أنا بزود عليهم جنزبيل مطحون وورق لاورا << حسب الرغبه >> ولكن << لا >>يوضع فى الفرن مع باقى المكونات
المكونات
-------------
2/1 كوب فلفل أسود حب
2/1 كوب كمون حب
2/1 كوب كزبرة جافة حب
2/1 كوب هيل حب ( حبهان )
4/1 كوب قرفة عيدان
4/1 كوب قرنفل ( مسمار )
ملعقة زعفران ( لا يوضع معهم فى الفرن )
الطريقه
*******
ضعى كل المقادير فى صاج فرن ثم ضعيه فى الفرن لمدة 5 دقائق للتخلص من الرطوبة ثم أخرجيه ليتهدأ حرارته ثم قومى بطحنه فى المطحنة حتى ينعم جدا ثم إحفظيه فى برطمان زجاجى وينصح وضع ملعقة من الأرز الحب فى قاع البرطمان ليمتص الرطوبة
ملحوظة : إذا أردت إستبدال الكوب بالملعقة فلا بأس​

 

[ABOTARBO]

مقادير المحشى عامة

نصف ورق عنب كيلو أرز
وكيلو باذنجان وربع فلفل نصف كيلو أرز
والكرنب بالنظر

 

[ABOTARBO]

تدبيله البانيه

ضعي قطعه الفرخه علي رخامه او بلانشا واضغطي عليها جامد بكف اليد وبعدين رشه دقيق خفيفه من الجهتين وتضربي نصف كيلو لبن ال هو معلب مع خمسه بيض ني كامل ووحده فنليه عشان زفاره البيض ومعلقه ملح صغيره مع معلقه فلفل ابيض بودر وضربيهم ببعض جيدا بمضرب سلك وبعدين ضعي قطع الفراخ بداخلها ثم توضع في بكسومات تجيبي نصف كيلو بكسومات ودضحنيه في كبه جيدا حتي يكون ذي الدقيق وتحطي قطعه الفراح في البكسومات بعد مطلعيها من الخلطه ال ضربتيها ومنها في الزيت بس لازم يكون سخن جدا حتي تاخود لون ذهبي وبعدين تطلعيها والف هنا

 

[ABOTARBO]

طريقة البارفية سهلة :

علبة لبن مكثف مع علبتين قشط بوك او لونا تخلطهم مع بعض جيدا دة صوص البارفية .
يوضع على وجهة كنافة او على الفروت سلاد رائع.

 

[ABOTARBO]

خلطة بهارات الدجاج
مقاديرخلطة بهارات الدجاج (الفراخ )
ملعقة زعتر.
ملعقة روزمارى.
ملعقة بابريكا.
نصف ملعقة فلفل أسود.
نصف ملعقة فلفل أبيض.
نصف ملعقة كسبرة ناشفة
4 فصوص حبهان.
ورقتين لورو.
نصف ملعقة جنزبيل مطحون.
ربع ملقة قرفة مطحونة.
ربع ملعقة بهارات لحمة من السابق تحضيرها.
ربع ملعقة شطة
طريقة التتبيل ببهارات الدجاج:
فى حالة الفراخ البانيه:
يتم بشر بصلة وعصرها وأخذ مياها وإضافتها مع عصير ليمونة إلى ملعقة كبيرة من الخلطة.
فى حالة الفراخ المشوية:
يتم إضافة عصير بصل وعصير طماطم وزبادى لخلطة الدجاج.
فى حالة الفراخ بالطماطم فى الفرن:
تكون نفس المقادير مع إضافة نصف ملعقة قرفة مع نفس البهارات.​

 

[ABOTARBO]

لأعطاء لون فاتح جدا للحمة اثناء السلق قومي بوضع القليل من السكر و هو ايضا يساعد في سرعة الاستواء واعطاء طراوة