حوار واقعي جدا بين (1) و (2)
1: إنت مع حرية العقيدة؟
2: طبعا، إذا كان ربنا قال في القرآن: من شاء فليؤمن ومن شاء فليكفر
1: طيب فيه واحد مسلم عايز يبقى مسيحي، أو لا ديني
2: لأ طبعا، ده كده يبقى مرتد، والرسول قال: من بدل دينه فاقتلوه
1: طيب فيه واحد سني عايز يبقى شيعي
2: لا طبعا، ما الشيعة كفر زيها زي المسيحية والإلحاد، دول بيسبوا الصحابة
1: طيب فيه واحد أصلا مولود وديانته البهائية
2: لا يا عم البهائية مش دين أصلا
1: طيب فيه واحد ملحد، مش مؤمن بالأديان من بابه
2: يعني إيه الكلام ده؟ هو يا إما أبوه وأمه مسلمين فهو يبقى مسلم، يا إما مسيحيين فهو يبقى مسيحي
1: طيب واحد مسيحي أو بهائي أو ملحد عايز يبقى مسلم، أو شيعي عايز يبقى سني.
2: من حقه طبعا، مش قلت لك من الأول إني مع حرية العقيدة.
1: آه صح، انا كده فهمتك ، انت 100 100
ملاحظة: الحوار منقول عن الفيسبوك من الأستاذ "ابن مصرى"
