موسوعة خدمة الكورال و التسبيح

[DoooDooo]

سلام المسيح معاكم جميعا
الموضوع لذيذ جدا وحلو اوى بجد وربنا يثمر خدمتكم كتيييييييييير خالص
انا كان ليا طلب صغير .. انا عضوة فى كورال شباب .. وكان مطلوب منى ادور على كلمات جديدة لمؤلفين فى موضوع النيروز أو للعدرا .. وده لحفلة هيعملها الكورال ..وبما انى مش اعرف مؤلفين فانا لجأتلكم
انا مطلوب منى الكلمات دى تقريبا اول شهر 6 عشان تلحق تتلحن والكورال يحفظها وكده
الموضوع فى ايديكم وارجو انقاذى ​

 

[anosh]

فادى لبيب

انا لحنت لك بيت من الترنيمة بتاعتك
بصراحه سامحنى انا مالاقيتش ترنيمة كامله و مظبوطه بس البيت الاخير مظبوط لحنته
و انا بصراحه مش بحب الحن و خلاص لان ده تضيع للوقت و الفكر و احنا هنا بنخدم لهدف
لانك انت لا محتاجها فى كورال ولا حفله ولا شريط
لكن لانى وعدت انى الحنها لحنتها
كتشجيع مننا ليك و لموهبتك
و لو فعلا انت عايز تخدم معانا ياريت تشوف طلبات اخواتنا
اللى محتاجين كلمات ترانيم و تكتب لهم
على الاقل لما تكتب لخدمه و انا الحن احس اننا بنشتغل لهدف
لان بجد ربنا اللى عالم بوقتى
على العموم ربنا معاك و يبارك حياتك و موهبتك

حمل البيت و اسمعه
و ياريت تقولى انك حملتها علشان امسح اللينك ​

 

[anosh]

دودوووووووووووو

اهلا بيكى وسط اخواتك
و فى كورالك التانى
ماتخافيش ان شا الله باذن المسيح
هاتلاقى معانا كل جديد
من كلمات و الحان
بس ياريت تقولى لنا
محتاجه كام ترنيمة عن ايه بالظبط
و باذن ربنا ابانوب او اى حد بيكتب معانا يكتب لك
و انا هالحن لك الكلمات على طول
بس قولى عايزه كام واحده و عن ايه بالظبط ​

 

[DoooDooo]

سلام المسيح ليكم كلكم
ميرسى خالص على ردك تاسونى انجى وانا اتشرف انى اكون وسطكم
احنا حفلتنا هتتضمن النيروز و ترانيم للعدرا .. انا مش هتقل عليكم لانى عارفة ان الطلبات كتير اوى لكن انا بس محتاجة ترنيمة واحدة لأى موضوع فيهم ..يفضل النيروز لان مش فى كتير دلوقتى بيكتبوا عنه .. ولو فى الوقت والمجهود اللى يسمح لترنيمة للموضوعين( يعنى واحدة للنيروز وواحدة للعدرا يبقى كتر الف خيركم)هى واحدة بس كفاية..
هو انا بس كنت عايزة اعرف هل اول شهر ستة وقت كافى انه على الاقل يكون معايا كلمات من غير حتى لحن ولا ايه؟ لان انا محتاجة الترنيمة يعنى اخرى 5/6 ..
ربنا يفرح قلوبكم وبجد اشكركم على المجهود الكبير خالص والخدمة الحلوة دى
وربنا يعوض خدمتكم كتير
سلام

​

 

[anosh]

اختى الغاليه دودووووووو
باذن ربنا هاتلاقى كلمات زى ما انتى عايزه و متلحنه كمان
ماتخافيش ربنااااااااااا عنده كتييييييييييير ​

 

[anosh]

ابانوب مكرم
و كل عضو موهوب فى كتابة الترانيم
ارجو كتابة ترنيمة للعدراء و كتابة ترنيمة للنيروز والشهداء
لكورال شباب
و ارسال الكلمات لى فى رساله
فى اقرب وقت لتلبية طلب اختنا دودوووووووو
و ربنا يبارك فى كل موهبه لمجد اسمه ​

 

[PoNA ELLY]

الخدام المحبوبين
بنعمة المسيح خلصت ترنيمة العدرا بس هظبها وابعتهالكم في اقرب وقت
وهابدأبرضو في ترنيمه للشهدا
هاخلصهم وابعتهم في أقرب وقت
وسامحوني علي قلة تواجدي معاكم انا داخل علي امتحانات ث ع محتاج لصلاة كل واحد فيكم​

 

[anosh]

ربنااااااااااااا معاااااااااك يا ابانوب
و بالنجاح و التفوق باذن يسوع
و ميرسى على تعبك و اهتمامك و محبتك لخدمتك
ربنا يعوض تعبك خير
و ان شا الله بعد الامتحانات نشوف منك كلمات احسن و احسن
بركة ام النور تكون ويااااااااااااااااااااااااااااااااااااااك
​

 

[monmooon]

بصووووو انا جبتلكم ترنيمه بصوتي ونفسي تسمعوها وتقوليلي أرءكم
انا عارفه اني صوتي مش قد كدا بس انا عارفه انكم ناس بتشجع وياريت يا انجي تقوليلي رأيك وكما تعلقي عليها
علشان استفاد ممكن ؟ الترنيمه اسمها ايدى في ايدك
اللينك بتاع الترنيمه اهو ​

http://www.4shared.com/file/106150173/747870f6/___online.htm

 

[anosh]

monmooon

انا حملتها و سمعتها عايزه اقولك ان بسم الصليب عليكى صوتك مظبوط جدااااااااااااااااااااااا
و بتمشى مع الرتم و الزمن عندك حلو اوى
هو بس نبرة صوتك رفيعة لان ده طبيعة صوتك لكن مظبوط و بتقولى النوت صح فى مكانها
و على الرغم من ان نبرة صوتك رفيعه بس مخارج الالفاظ عندك حلوه و حروفك واضحه و صريحه
ربنا معاكى يا سكر و يبارك فى حياتك و موهبتك اكتر و اكتر
على فكرة حاولى تدربى اكتر لانك اكيد صولو و هايجى منك اكتر و اكتر
ربنااااااااااااااااااااا معااااااااااااااااكى و صلى لى كتيييييييييييييييييير
​

 

[Romany Zakher]

ربنا معاكم بجد الموضوع ده جميل جداااااااااااا
انا علي فكره موزع وملحن ومرنم
وزعت شريط في سكون الليالي اللي فيه ترنيمة محتاج بتاعة ساتر ميخائيل
يسعدني اني انضم ليكم في خدمتكم لو مكانش في مانع
وربنا معاكم​

 

[anosh]

ميرسى يا رومانى كتييييييييييير على انضمامك لينا
و لخدمتنا و شرفت الموضوع بمشاركتك و انضمامك لينا
و يارب يكون المنتدى سبب بركه للجميع
و ربنا ينمى كل موهبه لمجد اسمه
احنا فى انتظار مشاركاتك معانا

و اول خدمه مطلوبه منك
بعد اذنك ياريت ترفع لنا اخر ترنيمة من توزيعك

فى انتظار اخر توزيعاتك
و ربنا معاك و ينمى موهبتك اكتر و اكتر
صلى من اجلى ​

 

[emadhakim]

وقت مــا يملا الحزن القلب القا ف حضنك كل حنـان
وقت الخوف ما نفسى يدب ألقاك حصن و بر أمــان
ايديك دايما سندى ف ضعفى
صوتك هو نجاتي في يأسى
روحك شمعة تنور دربي
و معاك قلبي يكون فرحان
اسمك بــــرج حصين يا إلهي ملجأ ليــــــــــا في وقت الضيق
مهمـــا يــــــــزيد الحمل عليا وعــــــد حبيبي ليــــــــــا رفيق
وسط أتـــــــــون النار أناديك تسمـــــع صـــوتي وتيجى اوام
تمسح دمـــــــع العين بأيدك واشعـــــر وأنــــــا وياك بسلام

 

[FADY LABIB]

ميرسى يا انجى على اللحن
واسف لو كنت أتاخرت فى الرد اعذرونى احنا فى فترة امتحانات
صلوا عنى

 

[monmooon]

بجد شكراً ليك خالص خالص انا اجي ايه في جنبك شكراً علي الكلام الحلو ده ويلا بقي شدى حيلك عاوزين الشريط الاول​

 

[PoNA ELLY]

الفنان الصاعد الواعد روماني زاخر
كملحن.............الحانه جميله جداا
كموزع............. الشريط غني عن التعريف وده كانت البدايه
كمرنم ..............صوت جميل له مستقبل
أروماني زاخر أكتر من أخ انا وهو ف كنيسه واحده بجد انسان جميل جدااااااااا
انا مش بمدح ولا بعمل شغل لأطبعا أروماني فضله عليا كبير جداااااا
يكفي انه الوحيد اللي رضي يعلمني بدايات فنيات الترانيم لما لجأت ليه
اشتركنا مع بعض في أكتر من عمل الحان جميله وتزيعات خارقه
احنا بجد زادنا شرف كبير لأنضمامك لينا يا فنان وربنا يوفقك​

 

[PoNA ELLY]

أنوش0000مونموم
بنعمة المسيح خلصوا الترانيم اللي طلبتيهم يا مونمون
وبعتهملك يا أنوش في رساله خاصه
في انتظار رأيكم
ياريت طبعا أعرف اسم الكنيسه علشان اكتبه في الكشكول عندي عشان لما حد يختار مايختارهمش
وياريت يا جماعه لو قدمتوا الترانيم ما تحرموناش اننا نسمعهم يعني ياريت يترفعوا
علي الاقل للمؤلف والملحن

+++صلــ من أجلي ـــــــــــــــــــــــــــــــــــــــــــوا+++​

 

[PoNA ELLY]

الأخ عماد حكيم
كلمات جميييييييييييييله جدااااااااا من غير شك
ربنا يبارك موهبتك
يسعدنا انضمامك لينا
ويسعدنا أكتر الاستمرار في الخدمه معانا​

 

[anosh]

ربنا معاك يا فادى انت و ابانوب فى الامتحانات و مع كل اللى عندهم امتحانات


عماد حكيم
اهلا بيك وسط اخواتك
و بجد كلمات الترنيمة حلوه و افكار مرتبه و نهايه و بدايه
و كمان القافيه عندك مظبوطه
انا بعد اذنك خدتها و هالحنها
و فى انتظار المزيد من كتاباتك و مشاركاتك معانا باستمرار
و نتمنى انك تخدم معانا فعلا و تستمر ​

 

[anosh]

دودوووووووووووو

ابانوب كتب لك الترانيم
واحده للعدراء و واحده عن الشهداء حسب طلبك
باذن المسيح هاخلص تلحينهم و هابعتهم لك على طول
ماتخافيش مش هاتاخر عليكى
ربنااااااااااااااااا معاكم و صلوا لى كتتتتتتتتتتتتير ​