موسوعة خدمة الكورال و التسبيح

[emadhakim]

سلام ونعمه يا عماد أنا متشكر خالص على ردك ويشرفنى خالص أنى أشترك معاكم فى عمل للكورال
أبعت الترنيمه فى أى وقت وانشا الله ربنا يدينى والحنها
صلى لاجلى ​

سلام و نعمة يا رومانى و اشكرك على اشتراك معانا و اكيد حناخد بركة بس ياريت نشوف طريقة نبعت بيها الترنيمة على الاى ميل بعد كده و اشكرك مرة تانية
مـــــــا اجملــــــه ربـــــــى يســـوع مــــن ألقــــى طــــوق النجـــــــــــاة
مـــــــا اجملــــــه قــد صـــار لـــــى نـــــوري و دربــــي فـــى الحيـــــاة
مـــــــا اجملــــــه هـــــذا الحبيـــــب مــــن منـــــح لـــــي حبــــــا عجيب
مــــن حمل عنــــــى الصليـــــــب مــــن فتــــح لــــي بــابـــا السمـــــا
مـــن مثلـــــــه عــــــذب الكــــــــلام مــــن صـــــوته نفســـي تطـــــــيب
ان صــــرخ قلبـــــى مـــــــــن الالام فهـــــــو لــــي اعظــــــم طـــــــبيب
هــــــــــــل انســــــــــــــى يوما حبــــــــه لخطئــــــــا ضــــــل الطــــــــــــريق
او كيـــــف انســـــــــــــى حنــــانــه و نبضــــــة القلـــــــب الـــــــــرقيق
ذوقـــــــوا الهـــــــى و انظــــــــروا مـــــا اطيبــــــه مـــــا اجملـــــــــــه
للنفــــــــس صـــــــار المشتهـــــــــا و للفـــــــؤاد هــــــــــو مطلبـــــــــه

 

[anosh]

استاذ عماد
انا خلصت ترنيمة حضرتك
و للاسف النت عندى مش كويس
ربنا يسهل و ارفعها لحضرتك فى اسرع وقت
و على فكرة ياريت لما استاذ رومانى يخلص لحن الترنيمة التانيه
يرفعها هنا علشان عايزه اسمع الحانه لانى اكيد هانتعلم منها

ربناااااااااااااااااااااااااااا معااااااااااااااااااااااكم
و صلوا لى كتيييييييييييييييييييييير ​

 

[evramman]

اهلا بيك وسط اخواتك و فى انتظار كلماتك
و كتابات قلمك المبارك
ربناااااااااا معاااااااااااااااااااك​

مرسي جدا علي الترحيب الجميل ده

بتتعبوا كتير ربنا يحافظ عليكم

ربنا يبارك حياتك وخدمتك

:36_22_26:


​

 

[evramman]

+

بسم الأب والإبن والروح القدس إله واحد أمين

سلام ونعمة

انا اسمي افرام وبالف حجات علي قدي ودي تجربة من تجاربي


+ بحبها اكتر منك +


+ في كل مرة بتوب وبقول . . مش هرجع تاني ليك

بلاقي نَفسي بقول من نِفسي ارجعلك تاني اناديك

( ق )

يا الهي أبعدها عني . . حبها مش عايز يخرج مني

وبحزن ومرارة بقولك . . أسف . . بحبها اكتر منك


+ نفسي اسيبك وأنساك . . و متجيش علي بالي

نفسي يا رب اكون قادر . . امحيها من خيالي


+ كلامك وعد صريح مكتوب . . انا غلبتها وبغلبها

نفسي الكلام ده في قلبي يدوب . . واستقوي عليها واحربها

​

يارب تعجبكم مستني رايكم وتعليقاتكم

ربنا معاكم

صلولي كتير​

 

[Romany Zakher]

سلام ونعمه يا عماد أنا قرات الكلمات جميله جدا وسلسه
وانشاء الله ربنا يدينى والحنهالك فى وقت قريب ونشوف طريقه نبعتها بيها زى ماقلت
صلى لاجلى ​

 

[anosh]

افرام
ميرسى على مشاركتك معانا و يارب نكون سبب بركه ليك
طبعا احنا هنا موجودين كلنااااااااااااااااااا علشان نتعلم من خبرة بعض و مش معنى ان اى حد بينقد شغل او اى عمل انه وحش لالالالالالالالالالالالا خالص بس احنا مش هانتعلم من المجامله لبعضنا لكن هانتعلم من نقد و خبرة بعضنا
اتمنى انك تقبل منى نقدى بصدر رحب
و اتمنى انى اعرف ردك و وجهة نظرك فى كلماتك
نبداء المباراة

بحبها اكتر منك
اولا : الاسم بصراحه مش مقتنعه بيه لترنيمة لاننا احنا مش بنحب الخطيه حب حقيقى ولا بنحبها و احنا مغرمين بيها
لكن احنا بنقع فيها يمكن تكون بتغلبنا او الشيطان بيعرف يوصل لنا بس احنا مش بنحبها
مهما كنت عايز توصل معنى الضياع و حبك للخطيه ماينفعش تقول بحبها اكتر منك
لانك ماينفعش تضع الله و الخطيه فى مقارنه بتحب مين اكتر
الترانيم بتطرح قضايا او مشاكل روحيه و هى بمثابة علاج او بلسم لجروح الناس و للخطايا و الضياع و البعد الروحى ماينفعش تثبت الغلط فى اسم االترنيمة

+ في كل مرة بتوب وبقول . . مش هرجع تاني ليك

بلاقي نَفسي بقول من نِفسي ارجعلك تاني اناديك

انت اكيد هنا بتتكلم عن الخطيه انك مش هاترجع تانى ليها يعنى المفروض (مش هرجع تاني ليكى )
و بعد كده دخلت على طول على الرجوع لربنا
يعنى تحس ان مافيش ترتيب شويه او تدريج فى الحوار و فى المشكله
يعنى انت بتقول (في كل مرة بتوب وبقول . . مش هرجع تاني ليكى )
طيب ايه اللى حصل بعد كده هل فعلا بتقدر ماترجعش تانى للخطيه
و الا بترجع تانى بسرعه و الا ايه؟؟؟؟؟؟؟؟
بعد كده اتنقلت على طول على (بلاقي نَفسي بقول من نِفسي ارجعلك تاني اناديك)
اى حد هايقراها هايحس ان مافيش ترتيب فى سرد الاحداث
( ق )

يا الهي أبعدها عني . . حبها مش عايز يخرج مني ....... لو تبقى ( حبها مش عايز يسبنى ) افضل لانها تدل على مدى سيطرة الخطية علينا

وبحزن ومرارة بقولك . . أسف . . بحبها اكتر منك

برضوا بحبها اكتر منك جمله ضعيفه لان ماينفعش تقارن الله بالخطيه

+ كلامك وعد صريح مكتوب . . انا غلبتها وبغلبها

نفسي الكلام ده في قلبي يدوب . . واستقوي عليها واحربها

مش منطقى ابداااااااااااااااااا انك تقول( كلامك وعد صريح مكتوب) و بعدها ماتذكرش الوعد ده ايه
و بعدها تقول انا غلبتها و بغلبها
طيب غلبتها بايه ؟؟؟ و غلبتها ازاى ؟؟؟؟؟؟؟
هل بقوتك الشخصية و الا اتمسكت بوعود المسيح و الا ايه و الا بقوة الهك
و الا ايه الحل اللى قدمته للمشكله فى اخر الترنيمة ؟؟؟؟؟؟

الترنيمة حكايه قصة ليها نهايه و ليها بدايه
مشكله ليها احداثها و تطوراتها و ليها حل فى النهايه
ولازم بافكارك و تسلسل الافكار و ترتيبها توصل رسالتك للناس

بس انا عايزه اقولك انك بسم الصليب هايجى منك اكتر
لو ركزت شويه كمان

واتمنى انك تقبل كلامى بكل محبة لاننا كل يوم هنا بنتعلم من بعض حاجه جديده
و انا عارفه طبعا انى ولا حاجه بضعفى انى احكم على اى عمل
لكن انا قولت راى من وجهة نظرى و من خلال خبرتى البسيطه

ربناااااااااااااااا معاااااااااااااااااااااك
و ينمى موهبتك اكتر و اكتر

و اول خدمه هاتطلب من حضرتك
انك تكتب لنا ترنيمة عن ام النور العدراء مريم لكورال شباب
لان فيه كورال محتاجهااااااااااااا ضرورى
فى انتظار الترنيمة لو وقتك يسمح
و صلى لى كتيييييييييييييييييييييييير​

 

[minabobos]

شكرا ليكى يا انجى ع كلماتك ومحبتك لينا
ومنتظرين منك خبرات اكتر
ربنا يعوضك

 

[evramman]

الأخت العزيزة anosh اشكرك جدا من قلبي علي النصائح الغالية دي

بجد انت انسانة مش مجاملة وبتقولي الحقيقة ودي احلي حاجة فيكي

انا اخذت بالي من اخطائي

لكن الي انا اقصدة من " بحبها اكتر منك "

ان الانسان بيضعف قدام الخطية واحيانا الخطية بتنسية حب ربنا لية لحد ما بيستعبد اليها وبيحبا بجنون

الي انا اقصدة الشهوة والادمان في النقطة دي

والمقصد في " كلامك وعد صريح مكتوب . . انا غلبتها وبغلبها "

المقصود ان ربنا هو الي غلب الخطية استنادا علي الاية الي بتقول " ولكن ثقوا انا قد غلبت العالم "

وبرد وبقولة ربنا طبعا " نفسي الكلام ده في قلبي يدوب . . واستقوي عليها واحربها "

وعلي العموم انا لما كتبتة مش قاصد اكتب ترنيمة باسلوب اكاديمي

انا كنت بانقل احساسي في وقت معين في اسلوب موزون القفية

وشكرا ليك علي تعبك وردك وارشادك ليا

وعلي فكرة انا مش بقدر اكتب بالافكار قد ما بقدر اكتب بالاحساس

يعني ممكن اقعد شهرين ما امسكش قلم

وممكن اكتب اربع ترانيم او تاملات في يوم واحد

++++++++++++++++++++++++++++

صليلي كتير

ربنا يبارك حياتك وخدمتك ​

 

[evramman]

و اول خدمه هاتطلب من حضرتك
انك تكتب لنا ترنيمة عن ام النور العدراء مريم لكورال شباب
لان فيه كورال محتاجهااااااااااااا ضرورى
فى انتظار الترنيمة لو وقتك يسمح
و صلى لى كتيييييييييييييييييييييييير​

مرسي جدا علي تقدريك وطلبك مني اني اكتب ترنيمة لكرال

مع ان في ناس اقدر واحسن مني علي الخدمة دي

انت عايزة ترنيمة عن العذراء في اي حالة من حلاتها

وهي حزينة

وهي ام

وهي في السماء

عن شفاعتها

؟

انا جات علي بالي فكرة باكتب فيها لسة


ربنا يبارك حياتك وخدمتك

صليلي كتير



​

 

[oesi no]

اولا : الاسم بصراحه مش مقتنعه بيه لترنيمة لاننا احنا مش بنحب الخطيه حب حقيقى ولا بنحبها و احنا مغرمين بيها
لكن احنا بنقع فيها يمكن تكون بتغلبنا او الشيطان بيعرف يوصل لنا بس احنا مش بنحبها
مهما كنت عايز توصل معنى الضياع و حبك للخطيه ماينفعش تقول بحبها اكتر منك
لانك ماينفعش تضع الله و الخطيه فى مقارنه بتحب مين اكتر
الترانيم بتطرح قضايا او مشاكل روحيه و هى بمثابة علاج او بلسم لجروح الناس و للخطايا و الضياع و البعد الروحى ماينفعش تثبت الغلط فى اسم االترنيمة

اللى يحب ربنا ميزعلهوش واللى يعمل الخطيه ويثبت فيها يبقى بيحبها اكتر من ربنا
ودى اللى هى الخطيه الرابضة
علطول معاك
زى السجاير مثلا او الزنا
فيه ناس ممكن تسيب القداس علشان نفسها تشرب سيجارة
وفيه ناس مبتعترفش وتتناول علشان بتزنى ومش هتقدر تبطل زنى
دى بس حاجة بسيطة يمكن القريبيين من ربنا مشافوهاش
​

 

[anosh]

ميرسى يا جورج على توضيحك و مشاركتك
بس انا كان قصدى ان اسم الترنيمة من الافضل انه يكون اسم فيه علاج شويه فيه امل او رجاء
او اتكال او اى شئ ايجابى مش سلبى
لكن مضمون الترنيمة عادى جدااااااااا متاح لاى حد يطرح فيه اى خطية باى شكل
انا معاك ان فيه خطايا بتكون مسكت فينا على طول معانا
بس برضوا هى قدرت تسيطر علينا من ضعفنا
لكن احنا مش مخلوقين بنحبها و مغرمين بيها
انا بس كان قصدى ان اسم الترنيمة
مايكونش بنثبت فيه الغلط لكن يكون فيه رجاء او امل او محبه لربنا
علشان نثبت بيه الحق و الصح
طبعا ده مجرد راى من خبرة بسيطه
و اكيد ارائكم لها كل التقدير و الاحترام
ميرسى مره تانيه
و ربنا معاكم فى الامتحانات
و صلوا لى كتييييييييييير معاكم​

 

[anosh]

افرام
اكتب ترنيمة للعدراء باى فكرة زى ماتحب
بس المهم انها تكون قويه ليها عمق و تنفع لكورال شباب
سواء بقى عن حبها لينا او وقفها جنبنا باستمرار او عن صفاتها و رموزها او عن احتمالها عن اى حاجه تيجى فى بالك حلوه زى ماتحب
و انا فى انتظار الترنيمة

و ربنااااااااا معااااااااااااااااااااك
و ياريت بس تعرفنا عليك اكتر يعنى هل انت من القاهرة
و الا منين؟؟؟؟؟؟؟؟ ...... كنيسة ايه ؟؟؟؟؟؟؟ فى كليه و الا ثانوى يعنى علشان نعرفك اكتر
و ياريت لما تكتب الترنيمة تكتب اسمك افرام ايه ؟؟ علشان الكورال اللى هاياخدها يعرف مين اللى كاتبها
ربنا معاك
و صلى لى كتيييييييييييييييير معااااااااااااااك ​

 

[Romany Zakher]

سلام ونعمه يا افرايم
اتمنى ان نستفيد انا وانت من خبرات وتجارب الاخت أنجى
اما بالنسبه لعملك فهو تجربه زى ماانت قلت وكل تجربه الواحد بيطلع منها بخبرات
لكن اسمحلى انى اتكلم معاك شويه ويريت تقبل كلامى بمحبه
أولا : انت جرىء قوى لما قلت (. وبحزن ومرارة بقولك . . أسف . . بحبها اكتر منك )
حتى ولو كنت تقصد الادمان فكان عليك انك تختار كلمات غير كده زى (غوتنى لبعدى عنك ) مثلا
لان بعد الانسان عن الله هو اللى ييضعفه ويسقطه فى الخطيه
ثانيا: قلت (نفسي اسيبك وأنساك . . و متجيش علي بالي & نفسي يا رب اكون قادر . . امحيها من خيالي)
طيب ايه اللى انت عملته علشان تتحرر من الخطيه انت بتقول (نفسى ) طيب فين الجهاد .
انت شبهته زى طالب الثانويه اللى (نفسه ) يدخل طب وهو مش بيذاكر
ثالثا : قلت ( كلامك وعد صريح مكتوب . . انا غلبتها وبغلبها ) طيب ايه الوعد لازم يكون كلامك صريح وواضح
رابعا : انت ككاتب لازم افكارك تكون مبنيه على بعض وانت تسردها بتسلسل فى اعداد الترنيمه
حتى لما تيجى تحزف عدد او تحط قرار مكان عدد تلاقيها متنفعش لانها متسلسلة الاحداث
خامسا : انت طرحت مشكله واضحه ولكنك لم تطرح الحل بطريقه واضحه (هدف الترنيمه ).

أخى افرايم اتمنى أنك تقبل كلامى بمحبه
واشكرك لانك سمحتلى انى أتكلم معاك
وانت بجد ربنا مديللك موهبه ولازم تعمل على تنميتها
ومستنيين عملك اللى جاى
وربنا يبارك حياتك وينمى موهبتك لمجد اسمه القدوس
صلى لاجلى

​

 

[emadhakim]

استاذ عماد
انا خلصت ترنيمة حضرتك
و للاسف النت عندى مش كويس
ربنا يسهل و ارفعها لحضرتك فى اسرع وقت
و على فكرة ياريت لما استاذ رومانى يخلص لحن الترنيمة التانيه
يرفعها هنا علشان عايزه اسمع الحانه لانى اكيد هانتعلم منها

ربناااااااااااااااااااااااااااا معااااااااااااااااااااااكم
و صلوا لى كتيييييييييييييييييييييير ​

انوش اشكرك على السرعة و يارب تقدرى على ارسلها فى اسرع وقت ممكن بس كنت محتاج اسمك كامل علشان لما نبقى نعرضها باذن الله

 

[emadhakim]

رومانى دى ترنمة كنت عملتها زمان لكن محتاج اعيد توزيعها لو تقدر تعملها اكون شاكر و ممكن للاعضاء يسمعوها لو يحبوا
http://www.4shared.com/file/108772489/43514467/__online.html[/URLhttp://www.4shared.com/file/108772489/43514467/__online.htmlhttp://www.4shared.com/file/108772489/43514467/__online.html]

 

[evramman]

افرام
اكتب ترنيمة للعدراء باى فكرة زى ماتحب
بس المهم انها تكون قويه ليها عمق و تنفع لكورال شباب
سواء بقى عن حبها لينا او وقفها جنبنا باستمرار او عن صفاتها و رموزها او عن احتمالها عن اى حاجه تيجى فى بالك حلوه زى ماتحب
و انا فى انتظار الترنيمة

و ربنااااااااا معااااااااااااااااااااك
و ياريت بس تعرفنا عليك اكتر يعنى هل انت من القاهرة
و الا منين؟؟؟؟؟؟؟؟ ...... كنيسة ايه ؟؟؟؟؟؟؟ فى كليه و الا ثانوى يعنى علشان نعرفك اكتر
و ياريت لما تكتب الترنيمة تكتب اسمك افرام ايه ؟؟ علشان الكورال اللى هاياخدها يعرف مين اللى كاتبها
ربنا معاك
و صلى لى كتيييييييييييييييير معااااااااااااااك ​

مرسي جدا علي اهتمامك

انا خلصت الترنيمة وهرفعها في المشاركة التالية

​

الاسم : افرام فانوس



المدينة : الفيوم



الخدمة :

- خدمة قرية بكنيسة مار جرجس بالفيوم

- فريق خدمة مسرح ( تأليف - اخراج - تمثيل ) بكنيسة مارجرجس بقرية " نقاليفه " بالفيوم

- مركز وسائل الايضاح بكنيسة مار جرجس بالفيوم

- خدمة كشافة

انشغلت عن معظم الخدمات الان بسبب ظروف عملي

صلولي كتير


​

 

[evramman]

شكرا ليك جداااااااااااااا Romany Zakher علي التعليق وانك اظهرتلي اخطائي فين

كلامك جميل جدا انا استفدت بجد من ارشاداتك

وشكرا علي محبتك

صليلي كتير
​

 

[evramman]

اسمحيلي

ترنيمة للسيدة العذراء زي ما طلبت مني اللأخت anosh

يارب تعجبكم ​

اسمحيلي

+ + + + + + +

1 - شوفتك في صورتك بنورك ومجدك عظيم . . جميلة ومليكه وعظمتك اعلي من السمائيين


( ق )

+ اسمحيلي أقولك يا أمي أنا بعشقك . . و في كل صورك . . بشوفك أميرة حتى في حزنك +



2 - وفي صورة تانية بشوفك بحزنك أليم . . رايح بهائك في دمعك وفي كل ملامحك حزن السنين



3 - وفي صورة تانية بوشفك جميلة ببسمة عروسة . . وشايلة طفلك حبيبك صليبك ونورك في نوره



4 - شوفتك في صورة عند الصليب وكأنك مكانة . . حاسة بآلامه مجروحة في آهاته بتزرف في دمعك



5 - وليك عندي صورة ظهور أشوفك بنورك بتبركي شعبك . , يا أمي وحبيبتي أنا بطلبك خليني في قلبك

افرام فانوس​

​

+ + + + + + + + + + + + + + + +





مستني تعليقاتكم وارشاداتكم

ربنا معاكم ويبارك حياتكم وخدمتكم

صلولي كتير


​

 

[evramman]

اللى يحب ربنا ميزعلهوش واللى يعمل الخطيه ويثبت فيها يبقى بيحبها اكتر من ربنا
ودى اللى هى الخطيه الرابضة
علطول معاك
زى السجاير مثلا او الزنا
فيه ناس ممكن تسيب القداس علشان نفسها تشرب سيجارة
وفيه ناس مبتعترفش وتتناول علشان بتزنى ومش هتقدر تبطل زنى
دى بس حاجة بسيطة يمكن القريبيين من ربنا مشافوهاش
​

فعلا دة الي انا اقصدة من الترنيمة

ربنا يبارك حياتك ​

 

[anosh]

افرام
انا اخدت الترنيمة و اكيد هاقولك تعليقاتى كلهاااااااااااااااااااا
بس ماكنش له لازمه كل البيانات ديه
انا بس كنت عايزه اعرف اسمك علشان كلماتك

ربناااااااااااااااا يعوضك على الترنيمة
و فى مزيد من التقدم​