موسوعة خدمة الكورال و التسبيح

[anosh]

ياريت يا جماعه اللى يحمل الترنيمة يقولى رايه فى اللحن و بعد كده يمسحه من على جهازه
و ياريت نكون امناء على خدمة بعض بمعنى ان مافيش اى حد ياخد ترانيم
او اى عمل لشخص تانى و يستخدمه فى الكورال عنده بدون علم

و اتمنى فعلا ان اى حد يطلب لحن او كلمات او حتى توزيع يكون فعلا محتاجها فى الخدمه
مش تضيع وقت و جهد و خلاص


ربنااااااااااااااااااا يبارك خدمتكم لمجد اسمه القدوس ​

 

[emadhakim]

اخى عماد سلام ونعمه ليك
رابط العمل مش شغال

اخى رومانى اعذر جهلى انا ظبت الرابط على مافيش مانع لو اللحن اتغير فيه شوية و اسف على تعبك
http://www.4shared.com/file/108772489/43514467/__online.html

 

[emadhakim]

اختى انجى اشكرك جدا على تعبك الاتنين احلى من بعض معلهش لو سمحتى ادينى وقت ااقعد مع مسؤلى الكورال علشان نختار رغم انهم احسن من بعض ربنا يعوضك و على فكرة انا تحت امرك فى اى حاجة تطليبها منى و ربنا يبارك فى موهبتك

 

[evramman]

+

بسم الصليب عليك يا اخت anosh

بجد فنانة

ربنا يبارك في موهبتك

ويبارك حياتك وخدمتك

صليلي كتير



​

 

[minabobos]

معلش يا جماعه اللى عندو معلومات عن المهرجان يبقه يقولنا عيها تكون خاصة بكورال اعدادى
وربنا يعوضكم

 

[besho55]

بيشـــــــــــــــــــــــــوى
انا ممكن اكرر لك اى عدد من الابيات عادى
هاعملهالك على طول و ابعتهالك

بعد اذنك بس ممكن نعرف كورال كنيسة ايه و منين ؟؟؟؟؟؟؟؟؟؟؟؟

​

ألكورال من كنيسة أبو قسطور القس
بردنوها - مطاى - المنيا

الكورال من سن ثانوى وجامعة

ودى ترانيم من شريط أحبك يارب فى خلوتى للفريق

يوم الصليب



أحبك يارب فى خلوتى - من قصائد البابا

 

[Romany Zakher]

سلام ونعمه يابيشو
جرب كده ترنيمة كنيستنا يامجيده بعد التعديل ورد عليا
أما بالنسبه لتوزيع الاصوات فالاخت أنجى تعرف أكتر منى فيه
وانا واثق انها مش هتقصر معاك فى حاجه

كنيستنا يامجيده​

 

[besho55]

بجد شكرا شكرا يا استاذ رومانى على تعبك
ربنا يعوض تعب محبتك خير
الشغل أكتر من رائع

أتمنى تسمع ترانيم الكورال وتقولى رأيك

فى ردى السابق فى نفس الصفحة وتقولى رأيك

I am waiting

​

 

[besho55]

أنجى انا مستنى رأيك فى موضوع تقسيم الأصوات

على فكرة احنا عندنا 6 كورالات

1- كورال مارجرجس ( أطفال )
2- كورال العدرا ( بنات اعدادى )
3- كورال ابو قسطور ( بنات ثانوى )
4- كورال شباب آفا قسطور ( جامعة )
5- كورال المحبة شباب ثانوى

كمان عندنا كورال للكشافة

عاملين أكتر من شريط

أشهرهم

أحبك يارب فى خلوتى ( يحتوى على أحدث قصيدتين للبابا )
كفاية جراحات

ومجموعة ترانيم أخرى مسجلة خارج شرائط


اختارى اللى يناسب الترنيمة من ضمن الكورالات دى
​

 

[PoNA ELLY]

الاخوه الاحباء كل اللي انضموا
اهلا بيكم معانا نورتوا الموضوع ونتمني نشوفكم
دايما معانا
وربنــ يبارك في خدمتكم ــــــــــــــــــــــــا


+++ صلـــــ من أجلي ــــــــــــــــــــــــــــــوا +++​

 

[Romany Zakher]

رد: اسمحيلي

ترنيمة للسيدة العذراء زي ما طلبت مني اللأخت anosh

يارب تعجبكم ​

اسمحيلي

+ + + + + + +

1 - شوفتك في صورتك بنورك ومجدك عظيم . . جميلة ومليكه وعظمتك اعلي من السمائيين


( ق )

+ اسمحيلي أقولك يا أمي أنا بعشقك . . و في كل صورك . . بشوفك أميرة حتى في حزنك +



2 - وفي صورة تانية بشوفك بحزنك أليم . . رايح بهائك في دمعك وفي كل ملامحك حزن السنين



3 - وفي صورة تانية بوشفك جميلة ببسمة عروسة . . وشايلة طفلك حبيبك صليبك ونورك في نوره



4 - شوفتك في صورة عند الصليب وكأنك مكانة . . حاسة بآلامه مجروحة في آهاته بتزرف في دمعك



5 - وليك عندي صورة ظهور أشوفك بنورك بتبركي شعبك . , يا أمي وحبيبتي أنا بطلبك خليني في قلبك

افرام فانوس​

​

+ + + + + + + + + + + + + + + +





مستني تعليقاتكم وارشاداتكم

ربنا معاكم ويبارك حياتكم وخدمتكم

صلولي كتير


​

بجد يا افرام الترنيمه جميله
وكمان فكرتك جديده
انا لما قراتها بجد سقفت ليك
ربنا يباركك
صلى لاجلى

​

 

[anosh]

اختى انجى اشكرك جدا على تعبك الاتنين احلى من بعض معلهش لو سمحتى ادينى وقت ااقعد مع مسؤلى الكورال علشان نختار رغم انهم احسن من بعض ربنا يعوضك و على فكرة انا تحت امرك فى اى حاجة تطليبها منى و ربنا يبارك فى موهبتك

استاذ عماد
اشكر ربنا ان الالحان عجبتك بس ياريت تبقى تقولى هاتاخد انى واحد لانى ممكن استغل التانى فى عمل تانى
و بصراحه مش فاهمه جملة حضرتك ( على فكرة انا تحت امرك فى اى حاجة تطليبها منى )
مش فاهمه قصدك منها ايه اذا كان على اى خدمه اكيد لو محتاجه اى خدمه من حضرتك هاقولك
و اذا كان قصدك على فلوس ثمن التلحين انا مش باخد فلوس من خدمه او من كورال فى كنيسة يمكن لو كان شغل شريط معلش ده كلام تانى
لكن انا احلى حاجه عندى من كل ده لما بسمع عمل ليا من الحانى او كلماتى بتترنم فى كورال

على العموم انا فى انتظار ردك على اختيار اللحن و خد وقتك براحتك
بس ياريت فعلا لو الكورال قال الترنيمة ديه فى اى عرض اسمعها بصوتهم

على فكرة انا اسمى ( انجى اسحق ) لان حضرتك كنت عايز اسمى علشان اللحن

ربناااااااااااااا معاك و يبارك حياتك و خدمتك
و صلى من اجلى كتييييييييييييييير
​

 

[anosh]

أنجى انا مستنى رأيك فى موضوع تقسيم الأصوات

على فكرة احنا عندنا 6 كورالات

1- كورال مارجرجس ( أطفال )
2- كورال العدرا ( بنات اعدادى )
3- كورال ابو قسطور ( بنات ثانوى )
4- كورال شباب آفا قسطور ( جامعة )
5- كورال المحبة شباب ثانوى

كمان عندنا كورال للكشافة

عاملين أكتر من شريط

أشهرهم

أحبك يارب فى خلوتى ( يحتوى على أحدث قصيدتين للبابا )
كفاية جراحات

ومجموعة ترانيم أخرى مسجلة خارج شرائط


اختارى اللى يناسب الترنيمة من ضمن الكورالات دى
​

بيشوى انتوا لسه عندكم كورال البنات وحده و كورال للولاد لوحدهم حرام عليكم ده احنا فى 2009
يعنى كده مافيش تقسيم ولاد و بنات او صولو بنت و ولد مثلا

المهم الترنيمة تمشى من سن اعدادى عادى لانها كبيره على ابتدائى
هى كويسه لاى مرحله من اعدادى و مادام عندكم البنات لوحدهم و الولاد لوحدهم

خلاص خلى القرار جماعى عادى و البيت صولو تقسيم عادى
بس هى الصولو بتاعها لو ولد يكون احسن لانها قويه و محتاجه صوت قوى مش حنين من البنات
و على فكرة هى كانت نازله فى شباب الانبا رويس رقم 6
علشان لو محتاج تسمعها

ربنا معاك و يبارك خدمتك

على فكرة انا كمان من المنيا بس للاسف عايشه فى مصر
بصراحه المنيا الايام ديه طالع منها مواهب كتيييييييييييييير
مينا صبحى و هايدى منتصر و فريق الكرازة و البقيه تاتى

ربنا يبارك حياتكم و خدمتكم لمجد اسمه القدوس​

 

[anosh]

افرام
ميرسى على الترنيمة بتاعت العدراء

بس بعد اذنك انا غيرت شويه فى القرار انت كنت عامله كده
( اسمحيلي أقولك يا أمي أنا بعشقك . . و في كل صورك . . بشوفك أميرة حتى في حزنك )

انا غيرته كالاتى
( اسمحى ليا يا عدراء انك انتى تكونى امى .....و ابقى ابنك بين ايديكى ارمى احمالى و همى )

على ما اعتقد ان كده اقوى و على فكره انا هاسمى الترنيمة ( البوم صور ) او ( البوم صورك )

و ان شا الله لما اخلص اللحن هارفعهالك تسمع كلماتك ملحنه

و ربنا يبارك فى موهبة الجميع​

 

[anosh]

خــــــــــــــــــــــــــــــــاص بــــــــــــ / استاذ رومانى

بعد اذن حضرتك ديه الترنيمة اللى محتاجه حضرتك توزعها لى علشان الكورال

ياريت حضرتك تحملها و تسمعها انا مسجله بيت و قرار بس و هى عبارة عن عددين و قرار
و على فكرة القرار بيتقال مرتين سواء فى الاول او فى النص او فى الاخر علشان انا مسجلاه مره واحده

على فكرة السلم ( كورد Re ) عادى و بتبداء من ( re sol ) انا عارفه طبعا ان حضرتك مش محتاج شرح بس ساعات فيه ناس بتعانى من الحانى

المهم الترنيمة لمهرجان الكرازة السنه دى و هى لاعدادى و ثانوى يعنى عايزه التوزيع جامد و قوى و فى نفس الوقت مش كئيب طبعا انا عارفه انى شحات و بيتامر بس معلش ههههههههههههههههههههه

ديه الترنيمة مرتين هو هو التسجيل بس الفرق فى نهاية الترنيمة فى كل تسجيل فيه قفله مختلفه
اسمعهم و قولى رايك فى الكلمات و الالحان و شوف قفلة الترنيمة هاتكون اقوى بانى طريقه
و ياريت لو فى التوزيع فى الانترو يكون فيها هامنج ضمن التوزيع يقوم بيه الكورال يعضد الترنيمة

بجد انا عاجزه عن الشكر بجد ربنا يعوضك خير على تعبك
بس ياريت تحاول ماتتاخرش علشان المهرجان و البروفات ​

ربنااااااااااااااااااااااااااااااااااااااااااااااااااااااا معااااااااااااااااااااااااااااااااااااك
و صلى من اجلى

بعد اذن الجميع بعد اذنكم ممنوع تحميل الترنيمة الا لاستاذ رومانى فقط
و ابن الطاعه تحل عليه البركه ​

 

[besho55]

بيشوى انتوا لسه عندكم كورال البنات وحده و كورال للولاد لوحدهم حرام عليكم ده احنا فى 2009
يعنى كده مافيش تقسيم ولاد و بنات او صولو بنت و ولد مثلا
​

لااااااااا الموضوع مش كده خالص

احنا عندنا كورال الجامعيين
وكورال مارجرجس
وكورال الكشافة

مشتركين اولاد وبنات

بس فيه كورالين بنات بس وكورال شباب بس كوكتيل يعنى

بصراحه المنيا الايام ديه طالع منها مواهب كتيييييييييييييير
مينا صبحى و هايدى منتصر و فريق الكرازة و البقيه تاتى


​

انا معاكى ان المنيا اليومين دول طلعت مواهب كتير

والمواهب الأكتر فى الالحان والتوزيع والكلمات مش بس أصوات

عندك مثلا الحان وتوزيع مارك اسحاق وهندسة صوتية جوزيف منير الخ



بس انا برده لسه ماعرفتش رأيك فى الكورال من الترانيم اللى بعتهالك

 

[evramman]

رد: اسمحيلي

بجد يا افرام الترنيمه جميله
وكمان فكرتك جديده
انا لما قراتها بجد سقفت ليك
ربنا يباركك
صلى لاجلى

​

بجد بجد مرسي خالص علي المجاملة الرقيقة دي

ربنا الي بيبعت الكلام انا مبعملش حاجة خالص

صليلي ربنا ينمي موهبتي

ومستني اسمع توزيعكم والحانكم

ربنا يبارك حياتك وخدمتك

​

 

[evramman]

افرام
ميرسى على الترنيمة بتاعت العدراء

بس بعد اذنك انا غيرت شويه فى القرار انت كنت عامله كده
( اسمحيلي أقولك يا أمي أنا بعشقك . . و في كل صورك . . بشوفك أميرة حتى في حزنك )

انا غيرته كالاتى
( اسمحى ليا يا عدراء انك انتى تكونى امى .....و ابقى ابنك بين ايديكى ارمى احمالى و همى )

على ما اعتقد ان كده اقوى و على فكره انا هاسمى الترنيمة ( البوم صور ) او ( البوم صورك )

و ان شا الله لما اخلص اللحن هارفعهالك تسمع كلماتك ملحنه

و ربنا يبارك فى موهبة الجميع​

شكرا جدا علي ردك وتشجيعك


انا شايف ان القرار الاول


" اسمحيلي أقولك يا أمي أنا بعشقك . . و في كل صورك . . بشوفك أميرة حتى في حزنك "


بيخدم فكرة الترنيمة اكتر


وبخدم اسم الترنيمة نفسة ان كان ( البوم صور ) او ( البوم صورك )


عن صور العذارء يعني


وانا مش هعرف اكتر منك اكيد انتي صح


وعلي فكرة انا شايف ان اسمها يكون " البوم صور " هيبقي اجمل


مرسي كتير


ربنا يبارك حياتك وخدمتك


صليلي كتير


​

 

[evramman]

اخت anosh اخ Romany Zakher مستني اسمع اللحن

بتتعبوا كتير ربنا يباركم

ربنا يبارك حياتكم وخدمتكم

صلولي كتير


​

 

[Romany Zakher]

ياريت حضرتك تحملها و تسمعها انا مسجله بيت و قرار بس و هى عبارة عن عددين و قرار
و على فكرة القرار بيتقال مرتين سواء فى الاول او فى النص او فى الاخر علشان انا مسجلاه مره واحده

سلام ونعمه أنجى
لو سمحتى أبعتيلى باقى الاعداد
او الافضل تبعتيلى كلمات الترنيمه كلها
ولو بسرعه يكون احسن لانى الاستعداد للمهرجان بدا
​