موسوعة خدمة الكورال و التسبيح

[FADY LABIB]

بسم الثالوث الأقدس
أول حاجه أنا مش عارف أشكركم ازاى على المنتدى الجامد ده
تانى حاجه أنا سمعت ان فى المنتدى ده مواهب جامده فى التلحين
فكان ليا عندكم طلب كنت كاتب شوية كلمات و كنت عايز أخد رأيكوا فيها ولو ممكن تتلحن أبقى متشكر !!!!!!!!!
الكلمات : فداك و انت بعته

فداك و انت بعته
شفاك و انت خنته
يا خاطى ليه تترك يسوع
زودت فى عينه الدموع

بعته علشان عدو لعين
و لا عشان تاخد قرشين
سبت حياته و رحت لمين
مش ممكن أبداً ترتاح

تنكره ليه و تجرح فيه
صليبك ليه من الناس تخفيه
ارجع توب و قدم ليه
توبه و معاه دايما أفراح

ولو كده عندى كلمات تانيه
:crazy_pil رجاء الرد بسرعة لو سمحتم

 

[anosh]

فادى لبيب
اولا : اهلا بيك وسط اخواتك و يارب يكون منتدانا الغالى سبب بركه ليك و للجميع
ثانيا : انا اخدت الكلمات و باذن ربنا هالحنهالك و ابعتهالك فى اقرب وقت اخلصها فيه
ثالثا : و ده الاهم ياريت لو انتى فعلا عندك موهبة الكتابه مش مجرد تجربه و خلاص تحاول تنميها
ازااااااااااااااااااااااااااااااااااااى ؟
تحاول تسمع ترانيم كتييييييييييييييييير و تاخد بالك من الافكار و حاول تقراء كتب مختلفه كتير
تحاول تقراء قصص الانجيل و تكتبها فى شكل ترانيم او تقراء الانجيل و تكتب تعاليمه فى ترانيم
حاول تتعمق اكتر فى فكرة الترنيمة مش مجرد كلام معروف محفوظ استهلك من كل كاتب
حاول بكلماتك انك تجبر السامع انه يسمعها من حلاوة الفكر و الالفاظ و القافيه المظبوطه
يعنى مثلا الترنيمة بتاعتك ديه كانت ممكن تكون اقوى من كده و يكون فيها جديد
يعنى مثلا انت بتقول
( فداك و انت بعته
شفاك و انت خنته الجزء ده قوي لكن بعد كده
يا خاطى ليه تترك يسوع
زودت فى عينه الدموع)
ضعيف جداااااااااااااااااااااا على اللى قبلها يعنى انت بتتكلم عن اله حب حتى الموت هو مات و فدانا و احنا بعناه بسهوله سواء بقى علشان قرشين او مناصب فى الحياة او ملذات وقتيه
بعدها تقول ياخاطى ليه تترك يسوع زودت فى عينيه الدموع انت هنا ضعفت موقف السيد المسيح
على الرغم انه العكس صحيح ان اللى باع و خان هو اللى موقفه ضعيف

اتمنى من رب المجد يسوع المسيح
انه ينمى موهبتك اكتر و اكتر لمجد اسمه
و فى انتظار المزيد من كلماتك
ربنااااااااااااااااا معاااااااااااااااااااك
و صلى عنى
​

 

[مريم مكارى]

سلام ونعمة
أنجى أنا عندى موهبة الترنيم ولكنى أحتاج إلى تنميتها ، أنا بالفعل مشتركة فى فريق كورال ولكنى محتاجة لتنمية أكثر . فماذا أفعل ؟
وهل لديكى القدرة على مساعدتى فى ذلك ؟

 

[FADY LABIB]

أنا بجد متشكر يا انجى على اهتمامك
و هابقى آخد بالى فعلا من الملاحظات دى

بس أتمنى بجد تلحنيها بسرعه :689ow:
علشان أقدر أبعت غيرها

 

[anosh]

مريم مكارى
اهلا بيكى وسط اخواتك
بصى ياقمر اى حد بيكون عنده موهبه من اى نوع كتابه او اداء او تلحين بيحتاج انه ينمى موهبته علشان يكون احسن و افضل
و انتى عندك موهبة الترنيم و اكيد صوتك حلو
لكن عايزه تنمى نفسك علشان تكونى افضل
اولا: السن و الخبرة الشخصية بتحكم بمعنى انتى مثلا لو سنك صغير فى ثانوى او اولى كليه لسه صوتك بيكمل
هاتلاقى نفسك كل مابتكبرى هاتفهمى اكتر انتى بتعملى ايه و ازاى و تقدرى تعدلى من نفسك
ثانيا : حاولى تتعلمى موسيقى شويه
ثالثا : اكتر شئ بيدى خبرة سمعيه و صوتيه انك تسمعى كتييييييييييييييييييييييييييييييييييييييييييير كل الاشكال و كل الاصوات و كل الهرمونى اللى بيتعمل فى الترانيم و كل الخطوط و انتى بتسمعى حاولى تقولى معاهم زيهم بالظبط بنفس الدفاء بتاع الصوت و التمكن و الطبقة و صدقينى مره غلط و مره صح
مره على مره هاتلاقى نفسك تقدرى تقولى اى حاجه لان لازم يكون عندك ثقافه و السمع شئ مهم جدااااااااااااا
رابعا : و ده الاهم اطلبى من قائد الكورال عندكم انه يعمل لكم تدريب صوت بالاورج لان ماينفعش التدريب من غير موسيقى لازم صوتك يطلع و ينزل فى الطبقات مع الموسيقى
خامسا : فيه تدريب لتطويل النفس اثناء الاداء انا كنت كتبته هنا تقريبا فى الصفحه اللى قبل ديه او اللى قبلها دورى عليه هنا فى نفس الموضوع و اتبعيه لتطويل النفس اثناء الاداء
سادسا : حافظى على صوتك من اى اجهاد سواء من مشروبات مثلجه او سهر او ارهاق صوتى مثل الزعيق و التكلم بصوت عالى زياده عن اللزوم لان ده كله بيتعب الصوت و الحنجرة و بالطبع بيضعف الاداء

مافيش قوانين معينه لتنمية الصوت لكن اكتساب الخبرة فى الاداء من السمع الكتير و المختلف لكل الانواع

ربنا معاكى و ينمى موهبتك اكتر و اكتر
و صلى من اجلى كتير







​

 

[anosh]

فادى لبيب
انا فعلا بدات فى اللحن
و ان شاء الله تخلص و ابعتهالك قريب جداااااااااااااااااااااا​

 

[FADY LABIB]

:36_1_46:أنوش شكلك نسيتينى!!!!!!!!

 

[anosh]

استاذ فادى الدنيا اتخلقت فى 6 ايام
مش فى يوم و ليله
على ما اعتقد انى قولت لحضرتك انى بخلصها
و صدقنى انا حتى بسجل فى شريطى و مش عندى وقت و ربنا اللى عالم بظروفى
لكن كتشجيع مننا بلحنها لحضرتك

و حضرتك مش مستعجل عليها علشان كورال او عرض او شغل شريط

ربنا معاك و يبارك حياتك و خدمتك
و صلى من اجلى ​

 

[FADY LABIB]

I'm sorry بجد
بس أنا كنت بكنت عايزك تخلصيها علشان كتبت حاجات تانيه
و على العموم أنا آسف لو كنت عطلتك عن أى حاجه
الرب معك و يوفقك فى تمجيد اسمه

 

[فلفل العجيب]

اشكللرك يا اختي العزيزة علي ردك واهتمامك انا باخدم كورال اعدادي وثانوي ومحتاج ترانيم مناسبةللكورال ولو امكن تكون الترانيم مناسبة لموضوعات روحية وعاوز اعرف حد من الموزعين لموسيقي الترانيم لاحتياج الخدمة لموسيقي ترانيم تستخدم في اجتماع الخدمة للشباب ربنا يبارك خدمتكم وضلوا من اجل هذة الخدمة

 

[anosh]

فادى لبيب
مافيش اى داعى للاسف انا هاخلصها و ارفعهالك

الاخ فلفل العجيب
انت محتاج حد يختار لك ترانيم كورالك سامحنى ده صعب
انت عندك النت مليان ترانيم كل الشرايط الجديده و القديمة
و كلهااااااااااااااا ترانيم روحية انت اختار اللى انت عايزه شوف العرض هاتعمله مضمونه ايه و اختار
لكن صعب ان اى حد يختار لك كل ترانيم عروض ثانوى و اعدادى
ده مش طلب سامحنى انت كده عايز حد يمسك الكورال و يختار و يقود مكانك و الا ايه ؟؟؟؟؟؟؟؟؟؟؟؟؟
اما بالنسبه لتوزيعات تخدم اجتماع شباب انا عندى كتير
ربنا يدبر ان شا الله بوقت من عنده و ارفعهم لك

ربنااااااااااااااااا معاكم و مع الجميع
و صلواااااااااااااااااااااااااا من اجلى كتييييييييييييييييييييير ​

 

[minabobos]

مساء الخير معلش يا جماعه كان عندى استفسار
هو ازاى ابعد صوتى عن انه يعمل عربا ف الاداة
وانا بقول الترنتمة
وكيفه عمل العربا بطريقه مبسطه لسن صغير

 

[anosh]

مساء الخير معلش يا جماعه كان عندى استفسار
هو ازاى ابعد صوتى عن انه يعمل عربا ف الاداة
وانا بقول الترنتمة
وكيفه عمل العربا بطريقه مبسطه لسن صغير

اى قائد كورال لما يجى يحفظ اى ترنيمة للكورال لازم يحفظها مظبوطه جداااااااااااا من غير اى عرب او تجويد او تعريب
لكن لما يكون اى مرنم صولو بيقول ترنيمة لوحده بعيد عن الكورال يقول براحته يعرب او يجود زى ماهو عايز
اما بالنسبه انك توصل عربه او حليه لاى طفل صولو فى الكورال قولها انت معاه زى ما انت عايزها
بالظبط و هو يحفظها معااااااااااااااااك زى ما انت بتقولهاااااااااااااااااااا

لكن ماتستناش اى طفل يقول عرب من نفسه الا لو كان هو فعلا موهوب و احساسه عالى فى الاداء هاتلاقيه بيعرب لوحده

ربنا معااااااااااااااااااااااااااااك و يبارك خدمتك و حياتك
و صلى من اجلى​

 

[minabobos]

مساء الخير يا جماعه انا جى النهارده وجايب معاى ترنيمة بصوت واحد صحبى
اسم الترنيمة احكى وقولنا
وبتحكى عن قيامه ربنا يسوع
وهى كلماته
وتوزيع استاذ هانى فرج
واداه صوت عـــادل اســعــد
مستنى رايكم

ده اللينك
http://www.4shared.com/file/104349134/144ff649/___.html
ع فكرة الترنيمة متسجله ف البيت
محتاجين نعرف رايكم ف صوته
وهل يستمر ولا اية رايكم
وربنا يبارك ف خدمتكم

 

[anosh]

جارى التحميل و ابداء الراى ​

 

[anosh]

انا حملتها و سمعتها
صوته كويس و هايكون احسن كمان لو ادرب شويه
بس هو بتهرب منه نوت و هو بيقول يعنى بيخرج بره المقام او السلم بتاع الترنيمة
مش بيقول النوته مظبوطه
و ده دليل على انه مش بيشتغل كتير
يعنى مش بيسمع كتير ولا فيه تدريب ولا فيه اداء كتير
هو كمان التسجيل مش نقى و واضح بس صوته كويس
بس هى لحن مين ؟؟؟؟؟؟؟؟؟؟؟؟؟؟؟؟
المهم انه بيتكلم عن القيامة لكن فى كلماته ذكر الالامات و الصلب مش القيامة
و بعدين و هو بيرنم و بيقول و تفوت سنه بعد سنه بصراحه مش باينه هو بيقول ايه بالظبط
يعنى ياريت تكون مخارج الفاظه واضحه شويه و فيه ركوز شويه على الحروف و نهاية الكلام
ربنااااااااااااا معاه و يبارك حياتكم و موهبتكم

​

 

[monmooon]

انا جيت ​

.........

علي فكرة الموضوع رائع رائع رائع بجد
انا عارفه انجي لما بتخدم .. بتخدم بجد .. ربنا معاكي يا انجي
بجد مجهود رائع لو فضلت اوصف مش هيكفيني يوم كامل
ربنا يباركك .. ​

 

[anosh]

ميرسى مون مون على الكلام الجامد ده كله
اللى انا اصلا ما استحقهوش
بس انتى بتتكلمى كأنك عارفانى شخصيا
من خارج المنتدى
اتمنى لو فعلا انتى شخصيه انا اعرفها تقولى لى
على العموم نورتى موضوعى
و صلواتك معانا
و صلى لى معاكى كتيييييييييييييييييييييييييييييير ​

 

[monmooon]

شكلك نسيتيني بس انا هديلك اماره ...انا طلبت منك الترنيمة بتاعت عيد الرسامه للاباء الكهنه
بس بجد شكراُ علي اهتمامك بخدمه الكورال حقيقي
ربنا يكون معاكي ومنتظرين الشريط الاول ​

 

[anosh]

يعنى انا كده افتكرت شويه بس مش اوى
هههههههههههههههههههههههه
على العموم شرفتى موضوعى
و انا تحت امرك فى اى حاجه
و ربنا معاكى و يباركك و يبارك خدمتك ​