معنا ومعكم الشيف ايموندد (( ايموندد فى المطبخ ))

[aymonded]

شكرا استاذ ايمن على وصفة الليمون لكن كالعادة عندى سؤال معلش زمانك زهقت مننا هههه
اولا ليه استخدمنا مية السلق هى مش المفروض دى بتكون فيها المرارة اللى بقشرة الليمون؟؟!

وليه غسلنا الليمون بمية مثلجة؟
والملح احط اد ايه تقريبا لانه الليمون طبعا لادع بحتار فى معيار الملح واللى عندى تقريبا فى حدو 2 كيلو

هههههههههههههههههه لا زهقت ولا حاجة خالص...

(1) أولاً المية مش هايبقى فيها مرارة زي ما انتِ متخيلة، بالعكس افضل مية تُستخدم علشان الليمون يعيش فترة كويسة هو المية اللي اتسلق فيها وهي هاتحافظ عليه كويس,,,
(2) استخدمنا الماء المثلج علشان يحتفظ الليمون بقوامة ويحتفظ بشكلة مش يتهري...
(3) نستخدم كيس ملح كامل (خشن) الملح الناعم بيهري الليمون لكن الخشن أفضل بكتير ويحافظ عليه

 

[soul & life]

شكرا استاذ ايمن مش عارفين من غيرك كنا عملنا ايه ههههه
ده انا عصرت دماغى عصرعلشان افتكر اسم حبة البركة والعصفور
فاكرة شكلهم كويس لكن مش عارفة اسمهم ايه هههههههههه

 

[aymonded]

هههههههههههههههه ولا يهمك، انا عنويناتي للجميع
بس تأمروا وانا تحت أمركم كلكم بكل تأكيد
​

 

[+ماريا+]

عملت فسيخ ؟؟​

انتى تعملى موضوع تانى وتنافسى استاذ ايمن

 

[+ماريا+]

السميكة الأيمونية
​

المقادير :
* عدد 3 سمكات بلطي أو أربعة مغسولة جديداً بالملح الخشن والخل والليمون
* عدد 5 جزرات مقشرة ومقطعة ترنشات رفيعة
* عدد 3 حبات طماطم كبيرة الحجم مقشرة ومقطعة ترنشاط رفيعة
* عدد 1 حزمة بقدونس مغسولة ومقطعة صغير جدا
* عدد 1 حزمة كزبرة خضراء مقطعة قطع صغيرة جدا
* نصف عدد 1 خس مغسولة ومقطعة قطع متوسطة
* عدد 5 بصلات متوسطة مقشرة ومقطعة حلقات
* نصف راس ثوم مقشرة ونقطع الثوم شرائح طولية متوسطة
* عدد 3 فلفل رومي حلو (أصفر أو أحمر) مقطعه شرائح طولية رفيعة
* عدد معلقتين زيت زيتون أو ذرة

التوابل المستخدمة:
* عدد 1 معلقة صغيرة كمون
* عدد 1 معلقة صغير خولنجان ناعم
* عدد نصف معلقة صغيرة قرفة
* عصير 1 ليمونة متوسطة
* معلقة خل كبيرة
* معلقة ملح صغيرة أو حسب الرغبة مع ملاحظة أن لا نزود الملح كثيراً
* نصف معلقة فلفل أسود مطحون ناعم

الطريقة :
أولا ينظف السمك جيداً ويتم غسيلة كالآتي:
تعصر 2 ليمونة كبيرة أو 4 صغيرين ويضاف لها معلقة خل كبيرة مع 5 معالق ملح خشن (وان لم يوجد يوضع ملح ناعم) مع معلقة قرفة صغيرة ويتم خلطهما معاً، ثم يتم دعك السمك بهما جيداً من الداخل والخارج وتترك لمدة 15 دقيقة فقط ثم تشطف بالماء جيداً جداً...

ثانياً : نعمل قطع مائل (بزاوية 45 تقريباً) في السمكة من ظهرها بالسكين بعد الرأس بمسافة 1 سم تقريباً، وأيضاً قبل الذيل بحوالي 1 سم وذلك من الوجهين مع ملاحظة أن تكون السكين مائلة نحو الذيل بزاوية 45 تقريباً....

ثالثاً : نقوم بخلط مجموعة التوابل السابق تحضيرها كما وصفناها، الكمون مع الخولنجان والقرفة والليمون والخل والملح والفلفل الأسود، ثم ندعك بهما السمك ونحاول ندخل الخلطة في الخطوط الذي عملناها بالسكين في السمكة، وأيضاً داخل الرأس والبطن ونتركها لمدة نصف ساعة على الأقل في الثلاجة (داخل كيس محكم الغلق)

رابعاً: نقلب الخص مع البقدونس مع الكزبرة مع الفلفل الرومي والجزر والبصل والثوم بمعلقة كبيرة زيت ذرة أو زيتون (قابل للتسخين)، مع رشة ملح خفيفة جداً نظراً لوجوده في السمكة، مع رشة كمون خفيفة وفلفل أسود، ونقلبهم جيداً ونحشي بنصف الكمية السمكة في بطنها من عند الرأس لأسفل الفتحة البطنية للسمكة...

خامساً نحضر صينية تكفي السمك وحجمه، ونضع فيها معلقة زيت كبيرة، ثم نضع نصف الطماطم المقطعة في الصينية، ثم نضع من الخلطة السابق أعدادها والذي حشينا بها السمكة، نأخذ النصف ونضعة فوق طرنشات الطماطم، ثم نضع السمك، ثم نضع علية باقي خلطة الحشو من فوقه، ثم باقي الطماطم، ثم نغلف الصينية بورق الفويل ونتركها في الثلاجة لمدة نصف ساعة على الأقل ونجهز الفرن بحيث تكون ساخنة...

ثم نضع الصينية في الفرن على درجة حرارة هادئة، نتركها تقريبا 1/3 ساعة ثم نكشف الفويل ثم نضعها مرة أخرى إلى أن يحمر وجهها خفيفاً... بس خلاص ارموها بقى هههههههههههه
​

طريقه حلوه وسهله استاذ ايمن
عملتها كذا مره وبفشل فيها الصنيه دى لدرجة انى بطلت اعملها بس كنت بجيبها من النت
لكن المره دى لو فشلت فى حد ارمى عليه فشلى:flowers:
بس هجربها كل المكونات موجوده ماعدا (اكيد انت عارف ) الخولنجان بس مش مشكله من غيره

 

[aymonded]

طريقه حلوه وسهله استاذ ايمن
عملتها كذا مره وبفشل فيها الصنيه دى لدرجة انى بطلت اعملها بس كنت بجيبها من النت
لكن المره دى لو فشلت فى حد ارمى عليه فشلى:flowers:
بس هجربها كل المكونات موجوده ماعدا (اكيد انت عارف ) الخولنجان بس مش مشكله من غيره

جربيها هاتعجبك ومش مهم الخولنجان... وممكن تغيري التوابل الموجودة بالتوابل المفضلة عندك...

 

[+إيرينى+]

كل المكونات موجوده ماعدا (اكيد انت عارف ) الخولنجان بس مش مشكله من غيره

اللا
يعنى مش أنا لوحدى

عمالين تشتغلونى

و جرجس بالذات يقولى عيب عليكى تبقى ست بيت و ما تعرفيش الخولنجان
​

 

[soul & life]

ههههههههههه الخولجان حد ميعرفش الخولجان
انا اول مرة فى حياتى اسمع اسمه وهموت واعرف طعمه ايه
خدى بالك البهارات دى اغلبها بتكون منتشرة فى المطبخ العربى اكتر والله أعلم الشيف يصححلنا

 

[+إيرينى+]

ههههههههههه الخولجان حد ميعرفش الخولجان
انا اول مرة فى حياتى اسمع اسمه وهموت واعرف طعمه ايه
خدى بالك البهارات دى اغلبها بتكون منتشرة فى المطبخ العربى اكتر والله أعلم الشيف يصححلنا

أنا خايفة أقول للعطار هات لى خولنجان أضرب بالقباقيب​

 

[soul & life]

هههههههههههه لا متخافيش لسبب لانه حاليا مفيش قباقيب
بصى خدى معاكى الولة احتياطى علشان لو حصل فى الامور امور الوله يدافع عنك ههههههههههههه ولو احتجتينى انا فى الخودمة

 

[aymonded]

يا جماعة الخولنجان معروف جداً عند العطارين هو والسماق، المهم روحوا لعطارين كبار مش دكاكين صغيرة أو بقال...
​

 

[aymonded]

نيجي بقى لوصفة اليوم في الحلقة اللي مش عارف رقمها كام
بتاريخ يوم الجمعة الموافق 5-12-2014
سموكة...

المقادير :
* عدد 3 سمكات بلطي (يتم خليهم) يقطع لحمهم بالسكين من الأمام والخلف ويأخذ العظم من الداخل مع بواقي اللحم
* يتم نقع لحم السمك في (بصل مضروب في الخلاط مع 4 فصوص ثوم وعدد 1 فلفل رومي ومعلقة خل كبيرة ومعلقة سكر صغيرة وعصير ليمونتين ومعلقة مسطردة)
* ثم يضافوا على لحم السمك المخلي ويتركوا على الأقل 4 ساعات في هذه التتبيله (يوضعهم داخل كيس محكم الغلق في الثلاجة)
* عدد 8 بصل أخضر مغسول وتقع كل بصة على ثلاثة أو أربعة قطع كبيرة
* عدد 3 جزرات مقطعين شرائح طولية
* راس ثوم مقشر ومقطع شرائح طولية
* قرن فلفل حار (ممكن الأستغناء عنه)
* عودين كرفس مقطع قطع كبيرة
* 1 مكعب خضروات

التوابل المستخدمة:
معلقة صغيرة زعتر – معلقتين صغيرة خولنجان – ربع معلقة صغيرة كمون ناعم – ربع معلقة صغيرة قرفة – معلقة صغيرة سكر – معلقة خل كبيرة – عصير ليمونتين – معلقة صغيرة كاري – نصف معلقة صغيرة فلفل أبيض – عدد واحد قرن قرنفل – واحد فص حبهان مثقوب ثقب صغير ولا يفرغ محتوياته.

الطريقة:
* توضع حلة على النار وبها حوالي ثلاثة معالق ذرة كبيرة
* ثم يوضع الجزر أولاً ويشوح لمده 3 دقائق مع التقليب المستمر
* ثم يوضع الماء المغلي عليهم ويوضع به كل المقادير مع التوابل وتغطى على نار هادئة وتترك مغطاة لمدة 5 دقائق
* يوضع عدد 1 مكعب خضروات
* ثم يوضع عظام السمك وتترك لمدة ربع ساعة تقريباً ...
*** ثم يُنتشل عظم السمك منها وتصفى وتترك في حلة وحدها لحين تسخينها وتقديمها ***

* ونأخذ الخضار الخارج من التصفية ونضعه في طاسة أو حلة فيها معلقتين زيت ذرة ونضع عليهم السمك الذي تبلناه لمده 4 ساعات، ونضع ملح وشطة حسب الرغبة مع معلقة خولنجان (ممكن الاستغناء عنه) ونتركهم على النار لمده عشر دقائق ثم نضعهم في الفرن إلى أن يجف السائل

تقدم الشوربة ساخنة مع قطع السمك الخارجة من الفرن

وبالهناء والشفاء
ويارب ما تدعوا عليَّ
​

 

[aymonded]

*** نصائح هامة جداً ***
كتبتها زمااااااااااااان في منتدى ارثوذكس وضروري أعيدها تاني
​

1- عند شراء أية معلبات يتم غسلها جيداً قبل الاستخدام بالماء والصابون، وذلك قبل تخزينها وأيضاً نعيد الغسيل مرة أخرى قبل الأستخدام مباشرة، وحتى ولو كانت معلبات بيبسى كولا أو حاجة ساقعة أو معلبات كارتونية، وذلك لأنها تنتقل من يد إلى يد وأحياناً من النقل والتخزين يمر عليها حشرات أو فئران، أو يمسك بها شخص يده ملوثة بفيروس أو فطر أو مرض معدي.
أما أن اضطررنا أن نتناول حاجة ساقعة في هخارج المنزل، في الشارع أو العمل يفضل أن نستخدم: (شليموه)
ولنعلم أن معظم حالات التسمم والإسهال أو المغص الذي نشعر به دائماً ولا نعلم من أين حصلنا على عدوى أو مرض، فلنعلم أن معظمها من المعلبات أو الزجاجات التي نستخدمها دون أن نعتني بغسلها جيداً...

2- عند تناول أي وجبة دسمة أو يوجد فيها سمن أو زيت، لابد من تناول سلطة خضراء بجوارها تحتوي على الثوم والليمون والخل (ونضع هذه المكونات أو بعضها: فجل – جرجير – جعضيض – سريس – خيار – جزر – بقدونس – كزبره خضراء الخ )، وذلك ليتم تسهيل الهضم وتكسير الدهون وعدم تراكم الشحوم أو الدهون على جدران الشرايين أو تخذينها في الجسم ... وأن لم تتوفر السلطة، يتم عصر ليمونتين وشربهم بلا ماء أو سكر، أو شرب جريب فروت، أو برتقال بلدي...

3- عند غسل اللحم أو الفراخ أو السمك، يتم الغسل باستخدام الملح الخشن والليمون والخل الأبيض وذلك لقتل أي مكروبات أو فطريات تراكمت عليها، وإزالة أي زفاره في الحوم والسمك على الأخص، ويتم عمل محلول للغسيل كالتالي:
* عدد 3 ليمونات معصورة، 6 فصوص ثوم مهروس ومفروم، بصلة متوسطة مبشورة، معلقتين خل كبيرة، معلقة كبيرة ملح حشن (أو ملح ليمون)، معلقة صغيرة فلفل أسود أو أخضر (فلفل أخضر حب صغير وهو مثل الفلفل الأسود) ويضرب الجميع في الخلاط معاً ثم يستخدموا في غسل اللحوم أو الفراخ أو الأسماك لمدة عشر دقائق ثم شطفهم جيداً جداً.

4- يفضل دائماً بعد تسييح اللحم والخضروات بعد خروجهم من الفريزير أن لا يعاود تجميدهم مرة أخرى على الإطلاق، لأن ذلك قد يفقدهم جميع الفيتامينات وقد تصبح ضارة أيضاً بسبب البكتريا التي تنشأ من خلال تركهم خارج الثلاجة مدة طويلة، ويفضل تهيئة الخضار وتوزيعه في أكياس للاستخدام المباشر فور خروجه من الفريزر... وهذا أفضل.
​

 

[soul & life]

ايه الوصفة الجوهنمية دى ههههه انا مجربتش اخلى السمك قبل كده مش عارفة هعرف ولا هبوظه هههههههههههه لكن بما انك بتعمل شوربة من عضم او شوك السمك
مش سمك البحر يكون اطعم؟؟
ممكن نستبدل بدل بلطى نعمل بورى مثلا او اى نوع من اسماك البحر؟

والمعلومات هايلة ومهمة .. تسلم ايدك كل وصفة وانت طيب

 

[aymonded]

بلاش بوري جربتة ومش عجبني، ممكن أي سمك تاني... طبعاً أنا مش جربت الطريقة دية غير في البلطي والبوري فقط فمش عارف الباقي هايطلع شكله ايه !!!!!
​

 

[+إيرينى+]

*** نصائح هامة جداً ***
كتبتها زمااااااااااااان في منتدى ارثوذكس وضروري أعيدها تاني
​

2- عند تناول أي وجبة دسمة أو يوجد فيها سمن أو زيت، لابد من تناول سلطة خضراء بجوارها تحتوي على الثوم والليمون والخل (ونضع هذه المكونات أو بعضها: فجل – جرجير – جعضيض – سريس – خيار – جزر – بقدونس – كزبره خضراء الخ )، وذلك ليتم تسهيل الهضم وتكسير الدهون وعدم تراكم الشحوم أو الدهون على جدران الشرايين أو تخذينها في الجسم ... وأن لم تتوفر السلطة، يتم عصر ليمونتين وشربهم بلا ماء أو سكر، أو شرب جريب فروت، أو برتقال بلدي...


​

ld:
أيوه يا جدع

إيه الجعضيض دا ؟؟

​

 

[aymonded]

الجعضيض: هو نبات مغطى بوبر وأوراقه بسيطة مفصصة وحافتها مسننة والقاعدة تحيط بالساق والنورات طرفية صفراء والنبات يحوي لبناً في أنسجته.​

الاسم الشائع: جلوين - عضيد - تيفاف - جعضيض
​

الموسم: فصلي الربيع والصيف.​

الخواص: عديم الرائحة ضارب إلى المرارة الخفيفة - حار الطعم ويحتوي على فيتامين C

الاستخدام الطبي: النبات مسهل قوي ومقوي ومدر للبول، ومضاد للأسقربوط وعصارته تستخدم لعلاج آلام المعدة، ومقاوم للسموم، ويستحدم من الخارج لعلاج الجروح، وعصارة الأوراق لعلاج أمراض الكبد كالصفراء، أما الجذور فطاردة للديدان.​

تحذير: الإكثار منه يجلب الصداع ويولد في الجسم الحرارة الشديدة، لذلك لا ينصح بأكاله وقت الظهر في الصيف.​

 

[+ماريا+]

كام يوم كده مش شامين حاجه
فقولت اجى اسأل
مش طابخين ليه اليومين دول

 

[aymonded]

هههههههههههههههههههههههه واخدين أجازة مطبخية
​

 

[+ماريا+]

انتوا تاخدو اجازه واحنا نجوع يعنى
مش كده كفايه اجازات بقى
اشتغلوا بضمير مش هينفع الدلع ده :smile01