للعزاب والعازبات حصريا.. asmicheal

[asmicheal]

​

الكول سلو
المقادير
4 كوب ملفوف كرنب مقطع
2 ملعقة كبيرة لبن حليب
3 ملعقة كبيرة سكر
ربع ملعقة ملح
جزرة مبشورة

1 وربع ملعقة كبيرة عصير ليمون
ربع حتى 2 ملعقة مايونيز
ثلاث اربع ملعقة كبيرة خل
رشة فلفل اسود


الطريقة
- يخلط السكر والملح والفلفل والليمون والمايونيز والخل حتى يتجانسوا
- نضيف الملفوف والجزر ونقلبه جيدا
- يترك بالثلاجة ساعتين - ثلاث ساعات ثم يستخدم


https://www.youtube.com/watch?v=iR8IFxlP9V0

-------------
لو كرنبة كاملة متوسطة مقطعة رفيع
نصف كوب لبن رايب او حليب
نصف كوب سكر
ملعقة ملح صغيرة
2 جزرة مبشورة غليظ
3 ملعقة كبيرة عصير ليمون
2 ملعقة كبيرة خل
رشة فلفل اسود
نصف برطمان مايونيز



نفس الطريقة بالعمل بس بضع فى الخلاط السكر والملح والفلفل والليمون والمايونيز والخل حتى يتجانسوا
- نضيف الملفوف والجزر ونقلبه جيدا
- يترك بالثلاجة ساعتين - ثلاث ساعات ثم يستخدم




=

 

[asmicheal]

كنتاكى بالضبط

المقادير
فرخة مقطعة 8 قطع
5 بيضات مربوبة
علية كورن فلكس تفرى غليظ
خلطة اسبايسى كامينا الازرق
زيت كثيف للقلى (الزيت يغطى الفراخ عند القلى )

الطريقة السهلة
- تقطع الفرخة 8 اجزاء تخرزيها بالسكين حتى العظم
-تنظف بالفلفل الاسود والدقيق
- يسلق 10 دقائق فقط (يادوب بتشيلى الريمة وترفعيها )
- يترك فى مصفاة حتى يبرد
- تغطى بالدقيق اولا
- يغطى البيض المربوب
ثم خلطة اسبايسى كامينا فراخ مع علبة الكورن فلكس المفرية
يترك بالثلاجة نصف ساعة لتمسك علية الخلطة
- يقلى فى زيت كثيف الى اللون الذهبى

=







=============


الطريقة الالذ





احب اطلعلكوا كل أسراري
النهاردة بجد وجبات كنتاكي ف بيتك
مع فارق النظافة والاطمئنان لان انا اكثر حاجه بتخوفني هو الاكل المقلي برة
يعني مش عارفة الزيت دا اتقلي بيه كم مرة وكمان الدجاج اتغسل كم مرة واذاي
عندي فوبيا م الغسيل بقعد أغسل ف الدجاج يجي عشر مرات بالدقيق والملح والليمون وانقعها شويه
وأهم حاجه ف اي وصفة دجاج يكون فيه تتبيلة
لازم ولابد انك تحطيه ف مصفاة يصفي ماؤه كويس جداً
السر ف ايه من خلال تجاربي المطبخيه انك لو غسلتي الدجاج وحطتيه ف التتبيلة ع طول هايكون ملوش طعم
لان لسه فيه مايه وهاتختلط بالتتبيلة فتقلل من ملحها وتركيزها
دي نقطة بسيطه ولكن بالنسبة لي مهمة
يلا ع المقادير
( التتبيلة)
لكل دجاجة
ليمونه صغيرة
م ك خل
م ك كاتشب يعطي مزازة
2 م ك زبادي
بياله زيت ( بتطري الدجاج)
4 فص ثوم مهروس
ملح + فلفل اسود+ هيل مطحون+ شطة مجروشه+ بابريكا
الطريقة:
نقطع الدجاج علي ثماني قطع وغسلها كويس مثل ماوضحت سابقاً
وانا بعمل شقوق ف كل قطعة بالسكينه لضمان الاستواء
نخلط مكونات التتبيلة مع بعض كويس جداً ثم نضع فيها الدجاج
وندخله الثلاجه قبل بيوم



وكذلك صدور الدجاج
عشان اعمل بيها
فيلية الدجاج الكرسبي
وmighty zinger



خلاص كدة تبلناهم ودخلناهم الثلاجه
نيجي بقي لسر المطاعم اللي بيخلية كرانشي ولذيذ
وده طبعاً من خلال الطرق الكتيير اللي جربتها
اكتشفت ان الدجاج او الفيليه مش بيحطوا فيه
بقسماااااط ابداً
وانا لاحظت دا من نفسي يعني اختراااعي
الخلطة السرية هي :
دقيق مخلوط معه معلقة نشا ونفتت علية كورن فليكس خلي اوعي تطحنيه انا بكسرة بين راحة اليدين
بحيث يكون في شوي ناعم وشوي خشن
وكمان بحط شوية شطه مجروشة وفلفل اسود وسنة ثوم بودر
ويقلب مع بعض كويس
والبهارات اللي مع خلطة التغليف كمان من ضمن الأسرار



ونقلبهم مع بعض
ونكسر ع الدجاج بيضة مخفوقة وكذلك علي الفيليه
ونقلبهم مع بعض ونغمسهم ف الخلطة



والسر الثالث هو
لازم تحطي الدجاج بعد ماغلفناه ف الثلاجة لمدة ساعة ولو مستعجله حطيه ف الفريزر نصف ساعه
عشان يلتصق التغليف ومايفكش منك ف الزيت
ثم يحمر ف زيت غزير
انا صراحة قليته ف القلاية بحس انه بيستوي احسن وتحميره بيكون كويس

 

[asmicheal]

صدور فراخ مقرمشة احلى من كنتاكى

​

صدور فراخ مقرمشة احلى من كنتاكى
المقادير
نصف كيلو صدور فراخ مخلية مقطعة اتخن من البفتيك
عصير بصلة
ربع ملعقة ثوم مطحون
ملح- فلفل -نصف ثمرة مبشورة من جوزة الطيب
ملعقة خل صغيرة
كوب زبادى
علبة كورن فليكس
خلطة اسبايسى كامينا للفراخ بفضل الى علبتها زرقاء لان العلبة الحمراء مشططة بزيادة
2 بيضة مربوبة
دقيق
زيت للقلى

الطريقة
- تضعى البصلة مع الزبادي مع الملح والفلفل ونصف ثمرة مبشورة من جوزة الطيب و ملعقة خل صغيرة فى الكبة او التربو براون يطلع ليكى عصير تخين قليلا
-تغمسى قطع الفراخ فى الخلطة السابقة
- تضعيها بالثلاحة نصف ساعة -الى ساعة
- تربى البيضتين
- تطحنى علبة الكورن فلكس وتضيفى لها خلطة الاسبايسى
- تغمسى القطع فى الدقيق ثم البيض ثم خلطة الاسبايسى بالكورن فلكس
- ترصى القطع المعده للقلى فى سرفيس وتضعيها نصف ساعة فى الثلاجة او ربع ساعة بالفريزر لو مستعجلة اهم جزء دة ليثبت عليها الخلطة ولا تنفصل
-تقلى فى الزيت يغطيها يصير لونها ذهبيا جميلا
- تقدم مع شيبسى او بطاطس محمرة مع سلطة كولسلو او سلطة خضراء
حقيقى جربوها بيكون شكلها زى الصورة بالضبط واحلى وانظف

 

[asmicheal]

شوية افكار للفراولة (12 فكرة )


النوتلا تضعيها فى وعاء وتضعى الوعاء بوعاء اكبر مملوء لمنتصفة ماء (حمام مائى )
وتسخنية على النار = شيكولا سايحة


أغسلي حبات الفراولة وعندما تنشف غطيها بالشوكولا بتغطيسها في الشوكولا السائحة والدافئة وليس الساخنة جدآ..ثم أتركيها حتى تبرد تمامآ ثم أعملي رسوم بخطوط من الشوكولا البيضاء المذوبة.


كباب الفراولة
عند تقديم الحلا للضيوف شكيها في أسياخ ذهبية أو حتى خشبية متوسطة الطول..ضعي حبات من الفراولة ثم قطعة من الأناناس ثم قطعة من الشوكولا وهكذا أو أختاري أنواع أخرى مفضلة عندك ثم قدميها علي طبق صغير

=​

 

[asmicheal]

​

كيكة الفراولة
واحد ونصف كوب دقيق
١ كوب سكر
٢ بيض
١٧٠ غرام زبادي ( 2 زبادى جهينة الواحد 105 جم )
نصف كوب زبدة لينة
٥ فراولة، مقطعة مكعبات صغيرة
١ ملعقة صغيره بايكينغ باودر او باكو كوكس
باكو ملعقة صغيره فانيليا
ربع ملعقة صغيره ملح
للهشاشة يمكنك اضافة 2 باكو نشا الباكو 50 جرام

الطريقة

. في وعاء، تخفق الزبدة، السكر، البيض، الفانيليا والزبادي جيداً للحصول على قوام ناعم.

. في وعاء آخر، يخفق الدقيق، البايكينغ باودر والملح.

. يوضع خليط الزبدة فوق الدقيق ويخلط جيداً ثم تضاف قطع الفراولة ويخلطوا جيداً.

. تدهن صينية بقليل من الزبدة، يسكب فوقها الخليط وتدخل إلى الفرن على درجة حرارة 180 لمدة 25 دقيقة.

. تخرج الصينية من الفرن، تترك كيكة الفراولة لتبرد وتقدم.

- يمكن تزيينها بالكريم شانتية






=

 

[asmicheal]

تريكاتى ل بط روعة بدون زفارة (مسلوق )

​

تريكاتى ل بط روعة بدون زفارة (مسلوق )

نيجى بقى للكلام المهم
تريكاتى ل بط روعة بدون زفارة
تقطعى البطة ل 4 اجزاء
تغسليها بالماء وتضعى الملح والدقيق وعصير الليمون او ملعقة خل
واتركية ربع ساعة
واغسلية
فى صينية حطى ملعقة سمنة تسخن وتضعى الارباع صدمة للبطة لتحتفظ بعصارتها وتتخلص من الزفارة
وتغطيها حتى لا تفرقع وحمرى البطىة المقطعة فيها حتى يتغير لون الجلد خفيف من الناحيتين
تجهزى حلة الضغط او حلة عادية تضعى فيها ماء مغلى 6 - 9 كوب
تنشلى البط من السمنة وتضعيه يتسلق
لما يغلى تضعى الملح وبصلة كبيرة وحبهان وورقتين لورا
تتسلق يعنى تنخزيها بسكين لا تطلع دم
تنشليها وتحمريها بالفرن يادوب ملعقة صغيرة سمنة على جلدها
وتستخدمى شوربتها فى رقاق - محشى - ....

=

الصورة من النت بتكون طريقتى بشكلها وبلونها

=

 

[asmicheal]

​

خطيرة كيكة برتقال صيامى بالصوص
المقادير
3 كوب دقيق
2 باكو بكنج بودر
كوب ونصف سكر
كوب ونصف عصير برتقال
نصف كوب زيت او سمنة صيامى (كريستال روعة )
كوب ونصف عصير برتقال
بشر نصف برتقاله
2 باكو نشا ايزى كوك (الكيس 50 جرام )
الصوص
كوب ونصف عير برتقال
(بيبقى مزز شوية ممكن تخليه نصف عصير برتقال على كوب ماء )
نصف كوب سكر
ملعقة زبيب لو حبيتى بتبقى تحفة

الطريقة
- تولعى الفرن على درجة 200 درجة
- بالخلاط تضربى البرتقال والسكر والزيت
- تضعى الدقيق بالبكنج بودر وقشر البرتقال وكيس نشا 50 جرام وملعقة الزبيب لقوام يعمل شريط لا يسقط
- صينية مدهونة سمنة
- تاخد حوالى 40 دقيقة بالفرن



الصوص
- فى الخلاط تضربى العصير باكيس النشا الثانى
- تضعيه على النار وتقلبية على الهادى حتى يتماسك
- والكيكة سخنة تضعى الصوص وتتركيها تبرد ثم تقطع









=

 

[asmicheal]

​

وجبة صعيدية روعة
كشك الصعيد بالفريك
كشك بحرى بالارز
انا بحب كشك الفريك يقال موجود بمحلات العطارة بشبرا
كشك مقلى بالبيض
المقادير
بيض حسب الرغبة
تبلى الكشك حسب الرغبة فى ماء ساخن
وتتركية قليلا يبوش

ملعقتين سمنة
الطريقة
- تسخنى السمنة
- تصفى الكشك من ميتة
-تحمرى الكشك فى السمنة وتقلبية
- تضعى البيض فى حفر ليكون عيون فى الكشك او تقلبية فيه وعلى نار هادئة تتركية يستوى











=

 

[asmicheal]

​

هنصوم مش معناها لا ناكل بس لا يكون كل اهتمامنا الاكل

الدقة المصرية المحوجة

ربع كيلو لوز نوى المشمش بتكسر النوى وتاخد الثمرة اللى جوه تحمصها باناء على نار هادئة ثم تطحنها
او لوز او بندق محمص

ربع كيلو كزبرة ناشفة صحيحة
ربع كيلو سمسم ابيض نظيف
ربع كيلو سودانى مقشر بدون ملح
ربع كيلو حمص مقشر
ربع كيلو ذرة محمصة (يمكن الاستغناء عنها )
ملح ناعم
ذرة نعناع ناشف نصف ملعقة صغيرة
رشة خفيفة زعتر ناشف
رشة كمون
الطريقة
- ينقى السمسم ويوضع بصينية على نار هادئة حتى اللون الاصفر الذهبى ويترك ليبرد
- نفس الكلام للكزبرة حتى اللون الكاكاو الفاتح
-يقشر السودانى
- يطحن بالكبة غليظ نسبيا
-يضاف الملح
ذرة نعناع ناشف نصف ملعقة صغيرة
رشة خفيفة زعتر ناشف
رشة كمون
ملح خفيف حتى لا تضيعى طعم الدقة
يحفظ فى برطمان
الف هنا

الوصفة بايدك على موبيلك فى مطبخك

The most delicious Egyptian doqaa
الدقة المصرية المحوجة اللذيذة جدا

https://www.youtube.com/watch?v=kde2gMEBZzI&ab_channel=مشمنقول_الوصفةبايدكعلىموبيلكفىمطبخك





=

 

[asmicheal]

​

كفتة بطاطس مقلية رائعة
1 كيلو بطاطس ( حوالى 4-5 بطاطساية )
2 كوب بقسماط مطحون
1 كوب دقيق
ملح و مبشور جوزة الطيب
شبت و بقدونس مفرى
3 ملعقة زيت للعجن
ملعقة كبيرة بودرة ثوم
ملعقة كبيرة بودرة بصل


الطريقة
- تقشر البطاطس وتقطع مربعات وتسلق
- تهرس البطاطس
- يضاف
الزيت والدقيق والبقسماط والخضرة
- البعض يضيف ملعقة زبيب
- تشكل دوائر وتقلى








=

 

[asmicheal]

​

بسيمة صيامى
المقادير
اكوب دقيق
باكو بكنج بودر
1 كوب سكر
2 كوب جوز هند مبشور
2 ملعقة زيت او سمنة نباتى
فانيليا
نصف كوب زبيب
نصف كوب ماء او عصير برتقال
2 ملعقة زيت او سمنة نباتى


الطريقة
- تخلط جميع المقادير الجافة ببعضها
- يضاف الزيت والماء ويعجن
- تدهن صينية بالزيت ويصب بها الخليط وتساوى بالمعلقة
- يدهن وجة الصينية بالزيت
- فرن 200 درجة تسخنية ثم تضعى البسيمة حتى يحمر الوجة
- تقطع وتقدم

الف هنا









=

 

[asmicheal]

​

الكرنب الاحمر
لا يصلح للمحشى
عده طرق لاعدادة من صديقات غاليات اشطر منى مليون مرة

- ممكن تقطعيه سلايت و تعصري عليه ليمون و ترشي علية شوية ملح و كموم و زيت ذرة او عباد و شوية.خل.. بيبقي طعمه تحفة

- قطعيها شرائح رفيعه وجهزى الآتى فى كوب كبير 3معالق كبيره زيت زره ،،ملعقتين خل،،،،رشه ملح وفلفل
يزاب جيد.و جزره مبشوره.
لو عندك اى خضار سوتيه فاصوليا مع كوسه
ضيفى الخليط معا فى حوض كبير السلطه مع اضافه الخليط بالكوبايه. وتبقى سلطه مغذيه جدا فى الصيام .

- خرطيه زي الكول سلو رفيّع و حطي قليل من الزيت و شوحيه و لما يدبل تبليه بشوية فلفل أسود و قليل جداً بالملح ، ثم ضيفي Balsamic vinegar و قلبيه لغاية مايتشربه كله .. وده أحلي side dish .. ممكن تضيفي أيضاً عليه نص بصلاية حمرا و بيكون أحلي طبق سلطة جنب مكرونة .. جربيه علي مسؤليتي .. أنا طباخة شاطرة جداً جداً و مش بس أنتِ

- ممكن تخلطيه مع بصلاية و شوية عدس بجبة من السوهاجي و تقلبيه علي النار مع شوية زيت دوار شمس.. و تحشي بيه دكر بط صيامي و تحمريه بعد ما تسلقيه في زبدة كاكاو ( صيامي اهه) و بالف هنا و شفا..


- سلطة فقط مع التوابل والخل واللمون روعةمع عود نعناع

- رشتين لمون قطعية شرايح وف علبة وف الفريزر ويومين
ونزلية وضيفية للسلطات


- ممكن تعمليها سرنج رول








=

 

[asmicheal]

​

مقدمة حقيقية
كانت بتساعدنى بالبيت ست جميلة قعدت معايا 11 سنة وتقاعدت بسبب السن واكن لها وتكن لى منتهى الحب نشكر ربنا
المهم الجميلة دى كانت بتجهز لى الكرنب لورق يادوب احشية
ومن يوم ما مشيت 2006 لم اعمل محشى كرنب الا بالاونة الاخيرة
وهقول لكم على الطريقة لكل من يحب
الطريقة منقولة بس هى طريقتى بالضبط
اهم حاجه اننا نختار الكرنبه البيضاويه مش المدوره لان المدوره بتكون للسلطه او الكول سلو فنختار البيضاويه اللي بتكون وزنها اخف لان اللي وزنها تقيل ديه بتكون مليانه عروق من جوه ومش هتكون حلوه ونحاول نختار اللي لونها اخضر مش ابيض كده الحمد الله اشترينا الكرنب
مننساش بقي نجيب الخضره معانا بالمره
المقادير:
اولا مقادير سلق الكرنب:
-كرنبه-معلقه صغيره ملح-معلقه صغير كمون
ثانيا مقادير خلطه المحشي:
-كوبان ارز مصري
-حبتين طماطم
-حبيتين متوسطتين بصل
-نصف حزمه من كل من (كزبره -شبت-بقدونس)
-عودين نعناع اخضر فريش
-ثلاثه معالق صغيره ملح
-نصف معلقه فلفل اسود
-معلقه صغيره من كل من (كزبره ،كمون)
-نصف معلقه صغيره من كل من (زنجبيل -كركم-بابريكا)
-رشه قرفه
الطريقه:
هنبدأ بطريقه سلق الكرنب وديه المقادير الكرنبه زي ما انتو شايفين حجمها وسط

-هنجيب حله حجمها اكبر من الكرنبه ونحط فيها معلقه ملح ومعلقه كمون ونخلي الميه تغلي

-واكون محضره جنب الحله اللي فيها ميه بتغلي مصفاه وتحتها حله

-لحد ما الميه تغلي هشطف الكرنبه من بره كويس بالميه وهجيب الكرنبه وادخل السكينه حوالين راسها اغرزها كويس لجوه علي حواف راس الكرنبه وانزل السكينه تحت علي قد ما اقدر

-ولمي الميه تغلي هحط الكرنبه زي ما هي في الميه المغليه واحاول انزلها تحت علي اساس انها تكون كلها فالميه المغليه انا نزلتها بالضغط عليها بالسكينه

-بعد دقيقه كده او كام دقيقه لمي الورق الخارجي احسن انو طري(بس طري مش اتهري) هبدأ اشيل ورقه ورقه بأي ماسك عندي انا استخدمت مساكه الفحم في شيل الورق وطبعا حركه التفريغ حوالين راس الكرنبه ده هيساعدك في شيل الورق

-وهحط الورق اللي شيلتو في المصفاه اللي قلتلكم عليها
محشي كرنب بالتفصيل مع خطوات سلق الكرنب بالصور
Basma 19 أغسطس,2014غير مصنف, وجبات رئيسيه
محشي كرنب
السلام عليكم ورحمه الله وبركاته النهارده ان شاء الله هقدملكم اكله حبيبه الملايين وهي محشي كرنب )
هنتكلم الاول عن سلق الكرنب وتقطيعه بالخطوات وبعدين نبدأ بالخلطه قبل ما نتكلم عن سلق الكرنب عاوزين نتفق علي شويه حجات واحنا بنقي الكرنب من السوق او السوبر ماركت خصوصا للناس المغتربين زيي لان في مصر الكرنب حلو
اهم حاجه اننا نختار الكرنبه البيضاويه مش المدوره لان المدوره بتكون للسلطه او الكول سلو فنختار البيضاويه اللي بتكون وزنها اخف لان اللي وزنها تقيل ديه بتكون مليانه عروق من جوه ومش هتكون حلوه ونحاول نختار اللي لونها اخضر مش ابيض كده الحمد الله اشترينا الكرنب مننساش بقي نجيب الخضره معانا بالمره يالا كفايه رغي ونبدأ بالمقادير
المقادير:
اولا مقادير سلق الكرنب:
-كرنبه-معلقه صغيره ملح-معلقه صغير كمون
ثانيا مقادير خلطه المحشي:
-كوبان ارز مصري
-حبتين طماطم
-حبيتين متوسطتين بصل
-نصف حزمه من كل من (كزبره -شبت-بقدونس)
-عودين نعناع اخضر فريش
-ثلاثه معالق صغيره ملح
-نصف معلقه فلفل اسود
-معلقه صغيره من كل من (كزبره ،كمون)
-نصف معلقه صغيره من كل من (زنجبيل -كركم-بابريكا)
-رشه قرفه
الطريقه:
هنبدأ بطريقه سلق الكرنب وديه المقادير الكرنبه زي ما انتو شايفين حجمها وسط
كرنبه
-هنجيب حله حجمها اكبر من الكرنبه ونحط فيها معلقه ملح ومعلقه كمون ونخلي الميه تغلي
ماء مغلي
-واكون محضره جنب الحله اللي فيها ميه بتغلي مصفاه وتحتها حله
حله
-لحد ما الميه تغلي هشطف الكرنبه من بره كويس بالميه وهجيب الكرنبه وادخل السكينه حوالين راسها اغرزها كويس لجوه علي حواف راس الكرنبه وانزل السكينه تحت علي قد ما اقدر
Processed with Moldiv
-ولمي الميه تغلي هحط الكرنبه زي ما هي في الميه المغليه واحاول انزلها تحت علي اساس انها تكون كلها فالميه المغليه انا نزلتها بالضغط عليها بالسكينه
راس كرنب
-بعد دقيقه كده او كام دقيقه لمي الورق الخارجي احسن انو طري(بس طري مش اتهري) هبدأ اشيل ورقه ورقه بأي ماسك عندي انا استخدمت مساكه الفحم في شيل الورق وطبعا حركه التفريغ حوالين راس الكرنبه ده هيساعدك في شيل الورق
سلق الكرنب
-وهحط الورق اللي شيلتو في المصفاه اللي قلتلكم عليها
مصفاه
-وانا بشيل 3 او 4 ورقات وابدأ اغسلهم تحت ماء جاري واحطهم في طبق علي جنب عشان افضي المصفاه للورق الباقي

-وهكذا افضل اشيل ورقه ورقه بنفس الطريقه واغسل الورق وافضي المصفاه للورق الجديد لحححححححد ما اوصل لجوه الكرنبه

-كده خلصنا مرحله السلق فيه ملاحظه بالنسبه للسلق لو مش عندك حله كبيره قطعي ورقه ورقه قبل السلق واسلقيهم متقطعين واتبعي نفس الخطوات
-هنجيب بقي ورقه ورقه ونتنيها من النص بالشكل ده

-ونقطع العرق بالسكينه بالشكل ده

-ونقطع الورقه بالشكل ده مستطيلات رفيعه

-هنفردهم بقي هيكونو شرايط طويله نقطعهم بقي حسب حجم المحشي اللي عاوزينو بالشكل ده

-وهكذا وهكذا لحححد ما نخلص الاوراق كووولها انا مش عاوزاكو تزهقو ها احنا لسه في الاول هههههههههه واما نخلص الكميه كلها انا بحب احطها في مصفه واديها شطفه بالميه زياده تأكيد كده )) وبعدين بحطهم في طبق واغطيهم انا بصراحه بفضل ادخلهم الفريزر قبل ما استعملهم بيكونو افضل واطري بس ده براحتك ممكن تستخدميهم علي طول
هنا حطتهم في طبق ودخلتهم الفريزر شويه ثلاثه ساعات تقريبا وممكن بقي تحفظوهم بالفريزر اسبوع او اتنين

-الحححححمد الله خلصنا المرحله الصعبه فمحشي الكرنب ندخل بقي فالتقيل قصدي ندخل فالسهل )
-الخلطه بقي ديه مقادير خلطه المحشي

-وديه مقادير توابل الخلطه

-انا بحب اعمل الخلطه ني في ني افضل بالنسبالي اللي عاوز يسبك يسبك براحتكم الاول هضرب الطماطم فالكبه واحطها علي النار مع تقريبا ثلاثه ارباع علبه الصلصه اللي بالصوره واقلبهم واسيبهم علي النار يغلو واوطي النار عليها لحد ما تنشف ميتها خااالص

-هنا لمي ميتها نشفت شايفين مش بقي فيها ولا نقطه يه لاني مش عاوزه ميه خالص في خلطه المحشي
-وبعدين في نفس الكبه اللي ضربت فيها الطماطم من غير ما اغسلها هحط البصل فيها واشيل البصل احط الخضره فيها وبعدين هحط البصل والخضره علي الطماطم اللي نشفت ميتها

–وهحط عليهم التوابل واقلبهم كويس وبعدين في الاخر هحط عليهم كوبيتين شاي ارز مغسول ومتصفي مغسول فقط مش منقوع واقلب براحه عشان مش اكسر الرز

-شايفين خلطه المحشي لونها وشكلها ازاي ومش فيها ولا نقطه ميه

-هحضر الصينيه اللي هعمل فيها المحشي وافرشها من تحت بورق الكرنب اللي تقطيعو مش مظبط او الزايد او اللي فيه عروق بالشكل ده

-هبدا الف الورق زي الصوره

-وارص المحشي فالصينيه اعمل داواير كبيره بدايه من الحواف لجوه واحاول معملش فراغات بين الورق

-وهكذا لحد ما اخلص الصفوق الكوبايتين عملو معايا صفين ونص
-بعد ما اخلص رص الحله احط علي الوش نص معلقه سمن وممكن السمن تحطيها في الاول مع الخلطه مش هتفرق
بعد كده هحضر الشوربه انا كان عندي شوربه بط عملتو بيه وممكن تعمليه بأي شوربه وتكون متنكهه بملح وفلفل ولورا وحبهان بس مش تكون مالحه زياده لو الشوربه مالحه زياده قللو ملح خلطه المحشي واحط الشوربه بعد ما ادفيها علي النار علي المحشي انا حطتها بمصفاه عشان لو فيها حاجه مش تنزل فالمحشي حاجه زي ورق لورا بصل حبهان كده يعني

-هحط شوربه يادوب تكون علي حافه اخر صف مش تغطي اخر صف لا يادوب تلمسه زي الصوره

-واخليها تغلي
تغلي
-لمي تغلي هغطي عليها واوطي عليها خالص ولو متعودين تحطو شياطه تحت الرز حطوا تحت المحشي ده حسب بوتجازكم انا عن نفسي بوتجازي نارو مش عاليه مش بستخدم الشياطه لا في الرز ولا في المحشي بس بوطي علي الاخر وسيبوه يستوي بياخد من 45 ل 55 دقيقه
-هنا بعد 50 دقيقه بالظبط كانت استوت الحمد الله

-عاوزين نتأكد نعمل الحركه المعتاده بتاعتنا ناخد واحده بالمعلقه كده هههههههههه

-وندوقها مستويه والرز شايفين مفلفل ازاي مش معجن عشان مش كترنا لشوربه والطعم مش هقولكم عليه اكيد انتو عارفينو )

-ونقلبو ونقدمو بالهنا والشفا لو عاوزين تقدموه مقلوب عشان يكون شكله حلو خلوه يهدي شويه مش تقلبوه سخن او اقلبوه ورصوه في طبق التقدبيم

=

 

[asmicheal]

​

نييجى بقى للكلام المهم
تريكات الملوخية الناشفة بتطلع اروع من الخضراء
احلى ملوخية ناشفة ملوخية الضحى
المقادير
1 كوب ملوخية ناشفة
3 كوب شوربة (لو صيامى 3 كوب ماء على 3 مرقة خضروات )
ملعقتين سمنة (لو صيامى سمنة كريستال تحفة )
تبشرى طماطماية للتقلية
ملعقة صغيرة ثوم مفرى للتقلية
الطريقة
- التريكة هنا بتطلع خضراء جدا وطعمها روعة تسخنى ملعقة سمنة فى حلة وتطفى النار وتقلبى كوب الملوخية الناشفة فى السمنة
هتلاقيها تخضر اخضرار الملوخية الخضراء

- تغلى الشوربة وتضعيها على الملوخية وتقلبى على نار هادئة على ما تعملى التقلية

-فى طاسة بملعقة السمنه الاخرى تصفرى الثوم تضعى ربع ملعقة منه على الملوخية وتضعى الطماطماية المبشورة على الثوم لتتسبك

-تضيفى الطماطماية المسبكة على الملوخية وتقلبى يادوب تغلى
بالف هنا







الصورة من النت الطريقة بتاعتى روعة جربوها






=

 

[asmicheal]

​

نييجى بقى للكلام المهم
كنت بعمل الطعمية اما معجنة او بتتحرق بسرعة وبعد عدة تجارب وصلت لطعمية روعة
اكتشفت
ان الشبت بيسود الطعمية
ان الخضرة لازم تتضبط زى ما هقول لكم
ان الفرم بتاعها هو اساس هشاشتها وروعتها
بصوا يا ستات
المقادير
كيلو فول مجروش
حزمة كسبرة خضراء
2 العروق ال خضراء لاثنين كرات اجنبى (تشيلى الراس البيضاء للشوربات وتستخدمى الاخضر فقط)
1 بصلة كبيرة
1 ملعقةصغيرة ثوم مفرى
3 ملعقة كبيرة كزبرة ناشفة
ملح وشطة
بشر حباية جوزة الطيب
فيه تريكة هنا
بجمد ورق الكرات المقطع فى كيس
واجمد الكزبرة المقطعة فى كيس
وهما مثلجين بفرمهم بالكويكى او الكبة بيطلع بودرة جميلة
بس تخللى بالك ما يكونش متكتل بيبقى ورق مثلج مفرود
الطريقة
- تبلى الفول المجروش من بليل
- تفرمى بالمفرمة الفول لوحدة
-تقطعى البصلة الخضر الكسبرة والكرات صغير حتى لا تضايق المفرمة
- تفرمى مرة تانية الفول مع الخضرة والبصلة وملعقة الثوم
- تفرمى مرة ثالثة المفرمة افضل
- اللون بيكون اخضر فاتح ليبان طعم الفول دة الللى بيميز الطعمية البيتى
-يمكن حفظها بالفريزر حسب الاكلات انا بقسم الكيلو على 4 اكلات
- تسخنى الزيت تقلى الطعمية وممكن تضعى سمسم خفيف على كل دائرة طعمية
الف هنا

الصورة من النت بتبقى نفس شكلها بس بعمل الاقراص صغيرة بتتطلع نافشة ومستوية احلى


ملحوظة مهمة
هشاشة الطعمية ترجع الى الطحن الصح ولو شطار وتحتكم بتاع طعمية يطحنها لكم بس بمكونات المقادير اللى وضعاها بتطلع تحفة
لو مش تقدروا
و عايزنها زى الجاهزة اللى بتشتريها من برة عجينة جاهز هتيجى تضربيها فى الكيتشن او مضرب كهرباء شوية لحد ما تبقى زى الكريمة









=

 

[asmicheal]

حمص الشام او الحلبسة ​

​

​

​

حمص الشام او الحلبسة تحفه -طريقه سهله وبسيطه جدا

المكونات:-

1/2 كيلو حمص الشام (فايز السوهاجى والضحى هم الاجود )
حبه طماطم تقشريها وتعصريها بالكبة
ليمون
ملح
كمون
شطة
5 فصوص توم كبيره
حبه بصله صغيره

طريقه التحضير:-

جيبى حمص الشام ونقيه واغسليه كويس جدا وانقعيه فى الميه مده طويله يعنى مثلا من بالليل للصبح او من الصبح لبالليل

تاخدى بقى الحمص بميه النقع بتاعته تنقليها فى حله اكبر وتزوديها ميه وترفعيها على النار

وتضعى البصلة والطماطم تشقيها وتضعى الثوم صحيح وتزيليه عند نهاية السواء

بعد تمام السواء
ترمى البصلة

و
اتبل الكوب وقت الاكل بالملح والكمون والشطة وعصير الليمون



بالهنا والشفا



=

 

[asmicheal]

الزقوا ورقة الريجيم على باب الثلاجة لو امكن
ده ريجيم فطاري
رائع ومتنوع
انا فقط ببدل بخضر وفاكهه
للصيام
ملحوظة
د نانسي ممتازه والعنوان مكتوب لكم لمن يحب تجربتها
ده تجربه شخصيه مش اعلان
=

​

=

 

[asmicheal]

​

مش معنى انك بتعمل ريجيم انك فقدت الطعم
بصوا الخضار النىء فى نىء بطريقتى روعة جدا وبلا نقطه سمن او زيت
يصلح للفاصوليا الخضراء والكوسة والبطاطس بس تقطعيها مربعات والبسلة بجزر مع اضافة عودين كرفس مقطعين
وممكن يوضع بالفرن بصينية
الطريقة
- بتشوحى البصلة المفرية حلقات او مبشورة غليظ يادوب تدبل
- تضعى الخضر المقطعه تقلبيها مع البصل
- تضعى عصير 5 طماطماية مقشرة ومعصورة
- بتبل ب 3 مكعب مرقة خضروات
-تغلى توطى النار وتتلركيها تتسبك على نار هادئة
ملحوظة
- لو فطارى تسلقى اللحم بمفردة لو امكن تضعيه بالثلاجة وترمى الدسم من على وجة الشوربة بيكون طبقة مجمدة
وبعد ما تدبل البصلة تضعى قطع اللحم المسلوق يتشوح فيها ثم الخضر ثم عصير الطماطم
=

 

[asmicheal]

​

حاجات نبهتنى ليها الدكتورة كنت لا اعرفها
-الجبن لا يستخدم الا القريش بالريجيم
-اللبن خالى الدسم
- ملعقة الكريمر = ملعقة سمنة لمحبى النسكافية ياخدوه سك
-طبعا ممنوع الشيكولا والكولا احلى حاجة بحبها
- ممنوع المقرمشات والتسالى
- استعمل ربع رغيف عيش بلدى افضل من السن
- الارز والمكرونة مسلوقين انا لا استطعمهم بفضل العيش
- السكر مفروض استعمل الدايت بس لا احبه فتحايلت انى اشرب كوب الشاى اصغر بملعقة سكر واحدة ومرة واحدة فقط الشاى
- السلطة فى كل الوجبات بليمون اكتر وملح اقل



=

 

[asmicheal]

​

ييجى بقى للكلام المهم
السلطة الخضراء اساس الريجيم
ومانعة اى اضطرابات بالمعدة لنقص الدهون بسبب الريجيم
شوفى يا ستى
- اغسلى الخضار كله ونشفيه واحفظية بدرج الثلاجة السفلى
- اغسلى الكابوتشا وقطعى 2 كابوتشا بعلبة بدون ملح او ليمون
تاخدى منها كل شوية للسلطة ممكن تقعد مقطعة لمدة اسبوع بالثلاجة
- الالة اللى بعرضها دى الاروع على الاطلاق بس تقطعى الطماطم 3 شرائح بالعرض والخيار مرة واحدة بالطول والفلفل تشيلى منه البذر وتقطعى قد مربع الالة
روعة الروعة
-يمكنك تقطيع الخضر وتركها بعلبة بالثلاجة بدون ملح او ليمون يوضع وقت الاستعمال
نايسر اند دايسر
ب 85 جنية
=





=