9 صفحات بقرا فيهم من الصبح حرام عليكم بجد انا داخل افرفش علي النت نكدتوا عليا :ranting:
ليا اكتر من 3 ساعات بقرا كل اللي كتبتوه والردود والمشكله ان كل رد اقراه ابقي عايز اقتبس منه كلام عشان ارد عليه بس هقتبس من ايه ولا ايه
في ايه يا ناس احنا عايشين مع بعض كل ده وكل واحد فينا شايل للتاني سكينه ورا ضهره:t32:
كل واحد عايز فرصه لو جاته هيضرب ياه احنا وصلنا لكده
لاء بصراحه برافوا عليكم كل واحد فيكم بيتفنن ازاي يوضح كرهه للتاني ونجحتوا وعن جداره لاء وايه كمان تحت قياده حكيمه من المشرفين اللي هنا هما بصراحه بذلوا مجهود رائع مش بس عشان يوضحوا الكرهه اللي جوا اللي بيتكلم ويستفزوه اكتر لاء دول كمان ايجابيين سايبين العمليه تمام والسايب في السايب تعالي وادخل واقرا واتعلم ازاي تكره هههههههههه وعجبتني اوي حكايه فلان عضو مطروض لقله الادب وسايبين قله الادب او اللي هما شايفينها قله ادب لاء حد عايز يقراها بردو عشان يتعلم يكرهه
ونعم المشرفين والله
قال جبتك يا عبد المعين عشان تعيني لقيتك يا عبد المعين عايز تنعان:a82:
ما علينا بقولكوا ايه الكلمتين دول كتبهم نزار يعني فكروا فيهم شويه
علي فكره انا قبل ما اقرا لنزار واحبه يعني عليا الطلاق ما كنت اعرف هو مسيحي ولا مسلم جنس مله امه ايه بس قريتله عشان اللي هو كاتبه هاه فاهميني اللي كتبه اجبرني اني اقراله واحترمه
ماشي
اسمعوا يكش يتمر:ranting:
خمسه الاف عام ونحن في السرداب
ذقوننا طويله نقودنا مجهوله عيوننا مرافء الذباب
يا اصدقائي.....
جربوا ان تغسلوا افكاركم
وان تغسلوا الاثواب.
يا اصدقائي.........
جربوا ان تقرؤا كتاب
ان تكتبوا كتاب
ان تزرعوا الحروف والرمان والاعناب
ان تبحروا يوما الي بلاد الثلج والضباب
فالناس يجهلونكم خارج السرداب
الناس يحسبونكم نوعا من الذئاب
يا رب نفكرشويه في الكلمتين دول علي فكره انا عمري ما شاركت في منتديات بدخل اخد اللي عايزه واتكل علي الله بس اعمل ايه انتوا شلتوني لدرجه اني معرفتش اسكت يلا اهي مره ومش هتتكرر باي يا ناس
