خواطر مسيحية (متجددة) بقلم/ناجح ناصح جيد

[أَمَة]

عيش وموتنى انا
دا شغل الأنا
واللى يسبب العنا
ما تعيش وسيبنى اعيش ونعيش فى هنا .
(لمسة حياة منك ياالله)
......
هنا= هناء

 

[أَمَة]

مش كل اللى بيكتب وعود عاوز يربط دماغك
لا فيه ناس شرفاء عاوزة تربطك بإلهك
ظروف الحياة بتشدك وتهبطك
ناس كتير كلامها وحياتها بتحبطك
صدمات الحياة بتضربك وتخبطك
الرب الاله وحده اللى حاسس بيك وبحبه بيربطك
افتح باب كلمته واستند على نعمته هتلاقى نجاتك من اللى بيقنطك*.
.....
* من القنوط بتصرف

 

[أَمَة]

هات اخرك يا بحر
ما ينوبك الا النحر
لما تظلم ها تظلم نفسك
وللشر ها تتجر
ها يجي يوم وتسلم اللى بلعتهم غدر
تدي حسابك ويديوا حسابهم
للى له النهى والامر

وَسَلَّمَ الْبَحْرُ الأَمْوَاتَ الَّذِينَ فِيه
(رؤيا ٢٠: ١٣)

 

[أَمَة]

فى صمت فى خضوع نلجإ للرب يسوع
تدمع العين يدمي القلب ففيه شفاء لكل قلب موجوع
تسجد الركب ، والذراع لشخصه مرفوع
ينادى القلب يغمره الحب ولا سبيل للخوف فلقد نجانا من فخ الوقوع
فيانفسى لا تجزعى وياعين كفىّ عن الدموع
ففي شخصه الفرح فلنطرح الترح فى محضر ربنا وإلهنا يسوع
(لمسة حياة منك يا الله تشدد تبدد كل ما ليس منك)

 

[أَمَة]

أَيْنَ أَذْهَبُ مِنْ رُوحِكَ؟
وَمِنْ وَجْهِكَ أَيْنَ أَهْرُبُ؟
(مز ظ،ظ£ظ© : ظ§)
وجدتنى رغم هروبي
رغم تيهى
وظنى انى عنك مختبئ
خلف اشجار زيفي
صرت انت حقيقة يقينى
بعد ان ارتعدت أوصالى
وتزلزل كياني!!

احييتنى بعد موتي
بعد ان سرى السم فى اعماقي
نجيتنى بعد زيغاني
لذا
اهتف أنت أنت ربي وإلهي
أحيا لك أعبدك ما بقي فى حياتي

 

[أَمَة]

السنوات والشهور والايام والساعات والدقائق بل والثواني التى لا تروق لنا
لابد ان نعبر من بوابتها يا اعزائي
والا لن ندخل غيرها
فهذه هى الحياة من... إلى.....
فالزمن ليس فيه قفزات او تجاوزات .

 

[أَمَة]

المعلم الاعظم
ليس شرط ان دروسه كلها مأساوية
نعم
الدرس لن ينتهي الا بانتهاء الحياة
واعظم درس هو شخصه فلنتعلمه
فيظل المعلم متعلم مدي حياته
ومن يفقد التعلم يفقد معه كل شئ

 

[أَمَة]

كن مبدعا ولا تكن مبتدعا
فالابداع نور وحياة
والابتداع ظلمة وموت.

 

[أَمَة]

الحياة لا تتجزأ
فعندما تجزأها انت تحطمها .
..
توضيح صريح
أَلَعَلَّ يَنْبُوعًا يُنْبِعُ مِنْ نَفْسِ عَيْنٍ وَاحِدَةٍ الْعَذْبَ وَالْمُرَّ؟.
(يعقوب ظ£: ظ،ظ،)
ألعل من القلب المحب يخرج حب وبغضة
ألعل من الكيان الممتلئ بكلمة الله تخرج كلمات ابليس
العل من فم يسبح تخرج كلمات السباب والانتقام
العل من نفس ذاقت غفران المسيح تخرج مرارة عدم الغفران
ألعل و ألعل
يا نفسى توبى لئلا تقعى تحت تأديب المولي
تَأَدَّبِي يَا أُورُشَلِيمُ لِئَلاَّ تَجْفُوَكِ نَفْسِي. لِئَلاَّ أَجْعَلَكِ خَرَابًا، أَرْضًا غَيْرَ مَسْكُونَةٍ..
(إرميا ظ¦: ظ¨)

 

[أَمَة]

دعاة الموت
أكثر من دعاة الحياة

يستكثرون عليك الحياة
ويربطونك بالموت مدي حياتك
بينما يعطون لأنفسهم الحق كل الحق
فى كل ألوان الحياة .

 

[أَمَة]

عش ما تؤمن و تنادى به
بحسب كلمة الله
فلا تقتطع ما يروق لك فتاخذه
وتتجاهل ما لا يروق لك
لئلا تُحسب منافق .

 

[أَمَة]

فى ظل الظروف
والخطر المحفوف
اكتب بكل الحروف
وقول:
خايف ومش عارف
لكن ثقتي
فى الرب اللى شايف .

 

[أَمَة]

اوع تدور على أيات وحكايات توافق هواك
وتتجاهل اللى بتكشف خطاياك
اوع
لأحسن تفضل فى عماك
وتظن انك هنا ويا ما هناك
ببساطة عايشين فى الخطية
يبقى ايه الحل للعيشة الردية
نقوم من السقطة المؤذية
ونخرج من مَرَاغَةِ الْحَمْأَةِ
يالا نفوق ونعلى لفوق
ويتجدد الحب للرب والشوق
نعيش فى النور وبلاش فتور
وبلاش تهاون لنتجر للقبور
ناخد كلام الرب من كل القلب
منطنش ايات ونختار ايات
ونوهم نفسنا بأننا حكايات

الكلام للكاتب قبل القارئ

 

[أَمَة]

لتكن سوياً
لتكن لك جسارة الأسد وقت المخاطر
ولتكن لك رقة اليمامة وقت المشاعر

اصلح ياسيدي ما افسده إبليس داخلى وتبنيت أكاذيبه
اتبعك اسلمك كل سرداب مغلق فى كياني .

 

[أَمَة]

روح الله يسبر الاعماق
يرفعنا للأفاق
يحضن أوجاعنا
يشفع فى كياننا
يضمد جراحنا
يحملنا ، ينضجنا
يعين ضعفاتنا
يحنو يرق
يمسك ايدينا يهدينا
يعرف دروبنا الوعرة
ويقدر مسالكنا الصعبة
مسئولياتنا من يحملها؟؟
متاعبنا من يقدرها؟؟
اخطاؤنا من يعذرها؟؟
كم انت حلو يا روح الله
كم انت حلو ياأبانا الاب
كم أنت حلو ياعريسنا ورجائنا المبارك
نسلم لك بكل ثقة ويقين
لا فى المنظور
بل فيك يا صخر الدهور
لا بتهور فى الامور
ولا بتبلد وتباطأ وتخوف من يخور
نرفع اعيننا لك يارب
نسلمك الحياة من كل القلب
فأنت انت الامين المعين
تخرج لنا
من الصخرة ماء
ومن الغيمة صفاء
ومن الاضطراب رجاء
من الجدوبة نماء
​

 

[أَمَة]

الحب يظهر فى الكلمات والتعاملات
الحب يظهر فى الضيق والراحات
الحب يشرق فى وقت الجفاء ووقت الصفاء
الحب لا يتجزأ
الحب باق راق واق
يعلو فى الأفاق يضرب جذوره فى الاعماق
الحب عاقل متعقل
مدرك فعال
يتكلم ويعمل
لنفرق بينه وبين الاهواء
ولنترك إنفسنا ليرفعنا حيث مصدره
فهو قيمة وقامة
لتنفتح اعيننا الرمداء فنبصره بكل هيبة ووقار
الحب الصحيح مصدره شخص المسيح
فهو نبع
اَلْمَحَبَّةُ لاَ تَسْقُطُ أَبَدًا.
(١ كورنثوس ١٣: ٨)

 

[أَمَة]

فيه ناس بتدرس ناس
علشان تحنيها وناس علشان تقويها
وناس تعرف ضعفات ناس علشان تهدها وتوطيها
وناس تعرف ضعفات ناس علشان تبنيها وتقويها
وناس تعرفك علشان ترفعك وتبعد عن اللى يوجعك
وناس اه منها قريبة ابليس شاطرة فى الترابيس والغطاريس
وناس للمسيح قلبها وحبها فصيح
سيبك من اللى تدرسك علشان تضرك
او تقولك كلام يغرك وعلى جدور رقبتك تقع يا مرك
وخد الكلام اللى يساوى تقله ذهب يسكن فى قلبك
ويساعدك تتغير
فبلاش تخسر الناس اللى عندها احساس
واوع تطيع ابليس ملك الانجاس
ادخل لربك فى الاقداس واعرف ايه الاساس
واتمسك بالناس اللى قلبها فى غلاوته ماس ومحبتها ليك نبراس
....
الناس طيور
ناس
زى البغبغان بتردد كلامنا
و
ناس
زى الطيور الجارحة بتزيد اوجاعنا
و
ناس
زى الغراب بتوجع دماغنا
و
ناس
زى الكناريا بتريح نفوسنا
و
ناس
زى الدواجن بتملأ بطوننا
فاختر الناس اللى تنفعك وتنفعها يا ابن الناس وما تجبش لنفسك وجع الرأس وعيش اقدس أحساس
ربنا يوفقك فى اختيار الناس .

​

 

[أَمَة]

حلوة!

 

[أَمَة]

فى الزمن المقلوب
الكذب صار مطلوب
والغش بقى مرغوب
والصدق بقى مجبوب
لكن اللى من الرب محبوب
دايما يتمسك بالمكتوب

 

[كلدانية]

روووووعة تسلم ايدك
الرب يبارك خدمتك​