خواطر مسيحية (متجددة) بقلم/ناجح ناصح جيد

[ناجح ناصح جيد]

اكتب وتكلم بكلمة الله
لا لتشتهر
ولا لاجل ان الاخر ينبهر
بل لتكن الكلمة لديك كمطر ينهمر !!!
​

 

[ناجح ناصح جيد]

زَمَّرْنَا لَكُمْ فَلَمْ تَرْقُصُوا! نُحْنَا لَكُمْ فَلَمْ تَلْطِمُوا!
(مت ١١ : ١٧)
احترت فما العمل
توقفت فى الفم الجمل
نزمر.. نلطم ربى فيك الأمل
ماذا أصنع بعد ما صنعت
والاقرب منى لايرضى بما عُمل
يا الله ارحمنى واعنى فلك ألجأ يامن احمالى تحمل!!!
​

 

[ناجح ناصح جيد]

بيتنا فى غياب محبوبتي

خاطرة
يابيت خلا من احبابه
وحل التراب محل اترابه
ااانت البيت الذى زها
ثلاثون عاما واضاء
اااأنت الحصن الذى حما
عائلة تفرعت وعلت عاليا
رحماك يارب ببيت خبا نوره
فالمحبوبة سافرت واغلقت ابوابه
كلما دخلتك لم اعرفك
كما عرفتك فى وجودها
والحب جيدها* وعنوانها
​

*جيدها= عنقها رمز للعزة والشموخ

 

[ناجح ناصح جيد]

سيظل الابن ابن مهما ساءت حالته
وسيظل الغريب غريب مهما حسن صورته.
...

لأَنَّ ابْنِي هذَا كَانَ مَيِّتًا فَعَاشَ، وَكَانَ ضَالاًّ فَوُجِدَ. فَابْتَدَأُوا يَفْرَحُونَ.
(لو ١٥ : ٢٤)
إِنْ كُنْتُمْ تَحْتَمِلُونَ التَّأْدِيبَ يُعَامِلُكُمُ اللهُ كَالْبَنِينَ. فَأَيُّ ابْنٍ لاَ يُؤَدِّبُهُ أَبُوهُ؟وَلكِنْ إِنْ كُنْتُمْ بِلاَ تَأْدِيبٍ، قَدْ صَارَ الْجَمِيعُ شُرَكَاءَ فِيهِ، فَأَنْتُمْ نُغُولٌ لاَ بَنُونَ. (عب١٢: ٧-٨)
إِذَا حَسَّنَ صَوْتَهُ فَلاَ تَأْتَمِنْهُ، لأَنَّ فِي قَلْبِهِ سَبْعَ رَجَاسَاتٍ. (أم ٢٦ : ٢٥)

 

[ناجح ناصح جيد]

الخدمة مش زعامة
ولا كمان تدفن رأسك فى الرمل زى النعامة
ولا كمان ببغاء شغلك للناس إلهاء
الخدمة... نعمة.... كلمة من الرب للناس التعبانة
ازاى ابقى خادم وازود تعب الناس على تعبهم
واعمل من نفسى اله يتحكم فى الناس لا لا خلينا نبطل شغل الوسواس الخناس لأحسن بالاقدام ننداس
اصلنا يا حبايب فقدنا الاحساس من كتر الاثم والارجاس
يالا نتوب وننضف القلوب لاجل خاطر المحبوب
بلاش التحزب والحروب وبلاش نجر انفسنا وغيرنا للشر والخطوب
اعلن الحق اللى بتعيشه بقيادة روح الحق فى وقت حق .

 

[ناجح ناصح جيد]

حلو انك تبقى صامت والناس تفتكر انك عبيط
وانت كاشفهم وبالبلدي عارف فولتهم
لأنك برا اللى واكلهم فمش متاكل معاهم
سيبك من التفاهات والروايات والحكايات
والناس بتوع هات ومش خد
واتعلم تصمت اكتر لان صمتك بيجنن بعضهم
ده عارف ولا مش عارف
سيب اللى يرط يرط
واوع تنحاز لأحزاب
ولو سألوك انت مع مين اتعلم من اللى سألوه ورد
فَقَالَ: "كَلاَّ، بَلْ أَنَا رَئِيسُ جُنْدِ الرَّبِّ. الآنَ أَتَيْتُ". فَسَقَطَ يَشُوعُ عَلَى وَجْهِهِ إِلَى الأَرْضِ وَسَجَدَ، وَقَالَ لَهُ: "بِمَاذَا يُكَلِّمُ سَيِّدِي عَبْدَهُ؟"
(يش ٥ : ١٤)
خليك للرب فكرا وقولا وفعلا

 

[ناجح ناصح جيد]

يوم ما تفتكر انك القانون يبقى انت بلا قانون
يوم ما تفتكر انك وحيد الأمين
لازم تراجع حساباتك
يوم ما تفتكر انك الضحية يبقى أنت جاني بقدر ما
يوم ما تفتكر ان الخدمة لن تنجح الا بك
يبقى اركن وستري النجاح بعينيك ومش هتكون جزء منه
وبلاش تحارب عمل الله
تثبت انك للرب بأنك تفرح بنجاح عمل الرب حتى من غيرك

 

[أَمَة]

نصائح مفيدة! تسلم ايدك أخي ناجح!

 

[ناجح ناصح جيد]

ياما فى النفوس فسافيس مستخبية ورا الترابيس
ساعة ما تبان تضرب حيص بيص
مفيش وصفة تدوايها طول ما حابسها يا حبيس
اكشفها فى عرش النعمة
تتعالج وياغالى متداريش .

 

[ناجح ناصح جيد]

لو بتخدم علشان معاك فلوس وبتقدم للكنيسة كتير هذه هى (السيمونية)
لو بتخدم علشان معرفتك الكتابية
هذه هى (الفريسية)
لو بتخدم علشان ليك شعبية وحبوب وقطقوط هذه هى (النجومية)
لو بتخدم علشان ليك هيبة وشخطة وبتقول انك رجل الحق هذه هى (الزعامة)
الخدمة مش عاوز ة
سيمون بتاع الدراهم ولا عاوزة الفريسى بتاع الفروض والنواهى
ولا عاوزة النجم اللى يلم الناس حواليه
ولا عاوز الزعيم اللى ينفع فتوة يخوف الناس
الخدمة عاوزة شخص مدعو لها والرب منحه موهبة بالاجمال عاوزة
[ عَبْدٌ لِيَسُوعَ الْمَسِيحِ ........ المفرز لإِنْجِيلِ اللهِ،
(رو ١ : ١)]

 

[ناجح ناصح جيد]

اللى مضى كان ليك وفيك واللى جاى برضه ليك وفيك
ربي وإلهي
لا اتخيل الحياة بدونك
وجودك فى حياتي اعجوبة
وحتى بعد سفر♡ المحبوبة وما اعانيه من صعوبة
انت السند والحياة
الرجاء والنجاة
احبك احتمى فيك وبك
لى فى شخصك رجاء
ان أصل إليك دون عناء
او بؤس واعتلال الحياة
قدس ما بقي وقودنى فى المسير
فأنت إلهي القادر القدير
بشخصك أستجير
فأنت أنت الحياة والمصير .
♡سفرها للسماء للوطن الابدى ١٢ مارس٢٠١٩♡

 

[ناجح ناصح جيد]

عايشين الحياة فى الضحكة والاه
بنقول الله عايشين فى حماه
يسندنا ويسعدنا ويمسح دمعتنا الله
القلب على القلب والايد فى الايد ملناش سواه
عايشين فى مشيئته ومش عاوزين
الا ه*
نحب ونتحب ملناش اعداء
نقضى العمر نطلب وجهه
وفى الابدية بنعمته وياه
.....
*الا هو

 

[ناجح ناصح جيد]

حضرة المعارض الرافض أخى
استعرض، رأيك افرض
وعن اللى يخالفك اعرض
بكرة هتعرف انك مغرض
ليه كل حاجة رافض
ودايما لكل الناس معارض
الحل بسيط
سجود فى عرش النعمة
جلوس امام الكلمة
انتظر الرب يغير الكيان
وبعدها بركته للمكان
حل بسيط ياللى دايما بتشيط
بلاش لف ودوران وشغل الألعبان
بكرة كله قدام كرسى المسيح هيبان
ولا تقدر تخبى او تتظاهر ياانسان

 

[ناجح ناصح جيد]

اى حاجة تيجى ع بالك اعملها
اى حاجة تيجى على لسانك قولها
خلاص بقيت فوضى
والدنيا بقيت غابة وما يعيش فيها الا الديابة
ياعم يا خال خاف ربنا ترتاح البال
حكم عقلك هدئ خاطرك
خدلك هدنة وبلاش فتنة
تتقلب الاحوال يتعب البال
من القيل والقال
للرب تعال اشكيله الحال وقلة المال وتمرد العيال
بلاش تبقى فوضوى وكمان دوشجى
خليك رزين وللتعبان معين
متحطش خل ع الجراح
وتعيد وتزيد فى اللى راح
حياتك وكيانك بلاش تملأه بالاتراح
خدلك اجازة ودايما عند الرب ليك عازة
بس شوية شوية صلح احوالك وفوق من اللى جرى لك
متخليش الاحباط يبقى لك بساط .

 

[ناجح ناصح جيد]

ايه فيها يستاهل
ليه بيها متفائل
افخرها متاعب ومشاكل
ليه حبايبك بتشاكل
كترها زى قلتها يبقى ايه لزمتها من غير الحبايب وفيها مش آمل
من وجودى فيها مالل
عديها يارب بسترك ياللى فى كتابك قايل
احملك فى متاعب وحدتك وشيخوختك حتى لو الكل مش سائل.

 

[حبو اعدائكم]

مفيش حاجه فيها تستاهل---------- كلها متاعب و مشاكل
لكن لو رب المجد للبال شاغل------- هيهون كل الم متاعب و مشاغل

وفجئه تصبح دنيا تستاهل -------- لانها بيه كلها محبه للى عنه سائل

 

[ناجح ناصح جيد]

خيال المآته
خشبة مثل علامة زائد(+)
فى اعلاها علبة صفيح لابسة جلباب موجودة فى الحقول لإخافة الطيور حتى لا تأكل المحصول، ان نزعت خيال المآته من حقلك يتضرر محصولك

وربما يوجد فى حياتنا اشخاص بالنسبة لنا شبه خيال المآتة لا ندرك قيمتهم ولا نعتد بهم بل نتمنى الخلاص منهم

صديقى... صديقتى
لنحذر لأن ما نظن انه أو انها
خيال مآته بكره نعرف قيمته بعد مماته.

 

[ناجح ناصح جيد]

زرعوا الكذب فى القلوب
نشروا الجهل فى العقول
قالوا مش ممكن تنفع
قالوا مش ممكن ترتفع
طيب ايه المطلوب؟؟
تقعد تحت امرهم ، تبقى محبوب
لا و الف لا قوووم ارحل من هذه الدروب
كن لربك كن نفسك ده هو المطلوب
اطرد ملوك النجاسة والخصام
ابعد عن حياتهم دى ظلام
اسمع واتبع المسيح رئيس السلام
وبعد كلامه متصدقش اى كلام!!!
????????
قالوا المرأة دى للرجل إنعاش
وقيمتها تتعرف فى الفراش
قلت وقولى من كلمة الرب
اللى يقول كده كداب وغشاش !!!

 

[ناجح ناصح جيد]

يارب
احفظ
روحى من الضلال
و نفسى من الهوى والأميال
وجسدى من الاعتلال
فأنت أنت إلهى العالم بالحال
فيك ومنك ولك كلي وكذا العيال
فبك تتقدس الأقوال والاعمال
وَإِلهُ السَّلاَمِ نَفْسُهُ يُقَدِّسُكُمْ بِالتَّمَامِ. وَلْتُحْفَظْ رُوحُكُمْ وَنَفْسُكُمْ وَجَسَدُكُمْ كَامِلَةً بِلاَ لَوْمٍ عِنْدَ مَجِيءِ رَبِّنَا يَسُوعَ الْمَسِيحِ.
(1تس ٥ : ٢٣)
أَيُّهَا الْحَبِيبُ، فِي كُلِّ شَيْءٍ أَرُومُ أَنْ تَكُونَ نَاجِحًا وَصَحِيحًا، كَمَا أَنَّ نَفْسَكَ نَاجِحَةٌ. (3يو ١ : ٢)
وَأَمَّا أَنَا وَبَيْتِي فَنَعْبُدُ الرَّبَّ".
(يش ٢٤ : ١٥)

 

[ناجح ناصح جيد]

ازنى واعمل ما بدا لك.. النار الأبدية قاعدة لك
..
عاوز تبقى مهان استسلم لشهواتك زى الحيوان
حكم عقلك ياانسان فيه اولويات واوع تعيش مخدوع من الشيطان
تتهان فى الزمان وفى الأبد كمان
توب وارجع واصرخ من قلبك بإيمان
فى الرب وحده خلاصك وفى ايده السلطان
...
أَمَّا الزَّانِي بِامْرَأَةٍ فَعَدِيمُ الْعَقْلِ. الْمُهْلِكُ نَفْسَهُ هُوَ يَفْعَلُهُ. (أم ٦ : ٣٢)

اُهْرُبُوا مِنَ الزِّنَا. كُلُّ خَطِيَّةٍ يَفْعَلُهَا الإِنْسَانُ هِيَ خَارِجَةٌ عَنِ الْجَسَدِ، لكِنَّ الَّذِي يَزْنِي يُخْطِئُ إِلَى جَسَدِهِ. (1كو ٦ : ١٨)

لِذلِكَ أَسْلَمَهُمُ اللهُ أَيْضًا فِي شَهَوَاتِ قُلُوبِهِمْ إِلَى النَّجَاسَةِ، لإِهَانَةِ أَجْسَادِهِمْ بَيْنَ ذَوَاتِهِمِ. (رو ١ : ٢٤)
​