خواطر مسيحية (متجددة) بقلم/ناجح ناصح جيد

[كلدانية]

خواطر جميلة جدااااا
تسلم ايدك استاذ ناجح
الرب يبارك خدمتك​

 

[ناجح ناصح جيد]

فيه امل فى المسيح... تكملة
مهما :
ساءت الاحوال
فحشت الاقوال
انعدم الضمير وزال
قل الرجال
ساد العيال
انعدم الابطال
تحكم المال
وزلزل الزلزل
فيه امل فى المسيح
فى
ضياع الصحة
فقدان الهمة
وسط الملمة
سيادة الضلمة
انتشار الدعارة والشهوة
ظلم الجيرة
ضياع الشاب والشابة
بغض الزوج والزوجة
الدهشة والحيرة
فيه امل فى المسيح

​

 

[ناجح ناصح جيد]

تصاوير الشيطان اوهام اوهام
ان صدقناها صرنا حطام
ودب فى حياتنا الخصام
قرارات الايمان سلام سلام
ان صدقناها صرنا فى وئام
ودب فى حياتنا الانسجام

​

 

[ناجح ناصح جيد]

عندما يصور لنا العدو ان عالمنا ينهار
ليس لنا الا نقف ونرفع ايادينا
للرب إلهنا فهو فى الحرب جبار
ولابد ان يقودنا فى موكب الانتصار
فلسنا للبوار إنما للاثمار
ولسنا للانكسار انما للانتصار
وان جاز علينا سيف الموت فنحن للحياة
ولنعلن للموت انك ليس الا معبرا
فلقد كسر شوكتك قائدنا بكل أقتدار
هللويا
إلهنا حيٌ غالبٌ قادرٌ جبار


​

 

[ناجح ناصح جيد]

عدت بكل مافيها عدت بمرها وبلاويها
ولا يبقى منها الا الذكريات ويد الرب اللى سندت وسط الازمات
عدت ومرت انقضت واصبحت فى خبر كان
ويارب دايماً انت رئيس الايمان
تسند وتشدد من خار وضعف فى الايمان
نورك ومجدك كائن قبل الازمان
ترفع وترد مجدك للى تعب واتهان
وان وهنت الصحة وخارت الابدان
تلمس بايدك فتصح الابدان وتنهض الهمة والكيان
انت ياسيدى النصرة النعمة القوة ومعانا امس واليوم والى الابد يارئيس الايمان
عدت مضت واصبحت فى خبر كان
لكن سيدى يبقى ولا يعتريه تغيير ولا ظل دوران
هاتعدى الايام والسنين وتمضى الازمان
وندخل الابدية فوق المكان والزمان
بس هاعيشلك وهاكونلك مهما حصل ومهما كان يارب الاكون
رأس الكنيسة رئيس الايمان سيدى وربى انهضنى شددنى فأنت نعم الامان!!
...
.....
فيه امل فى المسيح
2019

 

[ناجح ناصح جيد]

الزواج
التزام مدي الحياة
فى السراء والضراء
فى الضحكة والأه
فى الرحب والضيق
فى الصحة والمرض
فى الانجاب والعقم
عهد دائم بدوام الحياة
لا ينهيه إلا الموت والخيانة
هذا قانون الله لخليقته وليس لمؤمنيه فحسب
قانون من القوانين الطبيعية لكنه تاج القوانين
ان ارتضيت به أكرمك الرب فى حياتك الزوجية
وان لم ترتضى به وكسرته جلبت لنفسك اللعنات والحسرة والأسى فى الدنيا والابدية !!!
#الزواج_مشروع_الهى_عهد


​

 

[ناجح ناصح جيد]

للرب امناء اتقياء
تعرفهم جيدا السماء
وان لم ندركهم فعيوننا رمداء
فى النجوع فى الكفور فى البيداء
للرب اتقياء
وَهُمْ لَمْ يَكُنِ الْعَالَمُ مُسْتَحِقًّا لَهُمْ. تَائِهِينَ فِي بَرَارِيَّ وَجِبَال وَمَغَايِرَ وَشُقُوقِ الأَرْضِ.
(عب ١١ : ٣٨)
لكِنْ مَاذَا يَقُولُ لَهُ الْوَحْيُ؟ "أَبْقَيْتُ لِنَفْسِي سَبْعَةَ آلاَفِ رَجُل لَمْ يُحْنُوا رُكْبَةً لِبَعْل".
(رو ١١ : ٤)

​

 

[ناجح ناصح جيد]

خليك رجل بجد لا ليك فى التهليس ولا التدليس
اعلن سيدك وعيش قديس
لا يهمك بشر ولا إبليس
قول الحق وعيشه من غير تنصيص
وان سقطت قوم وارفع الرأس دا انت تبع رئيس الخلاص
عيش فى النور تكون مستور
عيش فى الحماية تكون فى اعظم رعاية
استر وما تتستر اعلن واوع تفضح
امسك بايد الساقط وكن معونة للعاثر
ودايما للحق كن ناصر
هيعمل ايه فيك البشر مهما دبروا الشر
للخير إلهك يحول افدح خطر
عينيك على رئيس الايمان ولا يهمك مكايد الشيطان
عيش واتمتع ولسقطاتك ودع
اخدم مش بالكلام بالحق واحسن الاعمال
الرب معك يارجل يابنت ياست
الرجولة مش ذكورة لكن نعمة فى الكتاب مذكورة
وياما سيدات ارجل من الذكور
فى الحق ما يهابوا ولو ناسين افتكروا دبورة!!!!


​

 

[ناجح ناصح جيد]

الرب صالح

صالح فى الحياة صالح فى الموت

صالح فى البر صالح فى جوف الحوت

صالح فى المكسب صالح فى الخسارة

صالح وقت الراحة صالح وقت المناحة

صالح فى كل زمان صالح فى كل مكان

صالح فى الايمان صالح فى العيان

صالح فى القلب صالح فى القالب

صالح فى السر صالح فى الجهر

صالح لما الريح تبقى مواتية صالح لما تبقى عاتية

صالح وقت العقم والعقر صالح وقت الانجاب

صالح لما البشر يبقوا اعداء صالح لما يبقوا احباب

صالح وسط الاضداد صالح وسط الاعضاد

صالح فى كل حال صالح فى كل الاحوال

الرب صالح.

​

 

[ناجح ناصح جيد]

كلام ع الورق عمره ما فرق
عامل زى الحبر اللى اندلق
لانه صادر من جوف ما أمتلئ
يفرق لما يكون القلب عمران به
يفرق لما يتغير اللى كاتبه أولاً
كلام ع الورق هيحاسبك عليه اللى خلق
كلام فى كلام ولا كلام مليان حياة
لأنه متأخد من قلب الاله
اللى له مكان ومكانة فى الحياة
مش مجرد كلام وانغام وهيام
اوع تعيش فى اوهام
وقبل ما تقول الكلام عيش فى انسجام
خاضع للإله اللى معاه لا تُضام
فالكلام يبقى مش مجرد حبر على ورق
عيش بجد وبلاش العمر اللى اتسرق!!!


​

 

[ناجح ناصح جيد]

أَيْنَ أَذْهَبُ مِنْ رُوحِكَ؟
وَمِنْ وَجْهِكَ أَيْنَ أَهْرُبُ؟
(مز ١٣٩ : ٧)
وجدتنى رغم هروبي
رغم تيهى
وظنى انى عنك مختبئ
خلف اشجار زيفي
صرت انت حقيقية يقينى
بعد ان ارتعدت أوصالى
وتزلزل كياني!!

 

[ناجح ناصح جيد]

الجنس مبيشبعش
المال مبيدومش
الزعامة والغش والخداع مبيطولش
متعملش حمل وانت ذئب متطمنش
يومك حالك هتكدب على مين متمثلش
فيه أبدية يا ابو الخيبة القوية ماتمسكنش
كله هيتكشف كله هيبان بنار يكش تحس ياللى مبتحسش
راح زمن ردئ يا تتلم وتفوق يا متقومش
هتضحك على مين بالكلمتين الخيبين ياوادتش
#NagehNaseh

 

[ناجح ناصح جيد]

يا بياع الوهم
متزدش الناس هم على هم
وسيب الناس كما هم
فى يوم ها ينهضوا وينزاح الغم
بس ابعد انت عنهم يا عم !!!!
#NagehNaseh

 

[أَمَة]

حلوة، و من صميم المعرفة لبعض الناس. أعجبتني.

قلت بعض الناس عشان مش كل الناس هم هكذا.

 

[ناجح ناصح جيد]

يعتبرون ان :-
التلاعب بالعقول والعواطف فى المجالات الدنيوية مهارة
اما من يفهممون فيعتبرون ان
التلاعب بالعقول والعواطف فى المجالات الروحية فهو فى حقيقة الأمر حقارة .

 

[ناجح ناصح جيد]

مين يفهمك يا وحيد بعد رفيقك
ومين يسعدك يا حزين بعد حبيبك
ومين يحس بك ياتعبان بعد صديقك
يلمح فى عينيك الكلمة من غير ما تقولها
يقرا الفكرة من غير ما تنطقها
يحس بوجعك بفرحك
من قبل ما يترسم على ملامحك
عيش اللى باقى لك موجوع
لا اصرخ بأعلى صوتك وخلى نظرك للسماء مرفوع
تيجى المعونة رغم الوجع والدموع
بس قول ربي يسوع
#NagehNaseh

 

[ناجح ناصح جيد]

كيف يصدقوننا
بينما نتحدث عن السلام
حياتنا تعج بالخصام
كيف يصدقوننا
بينما نتحدث عن المحبة
حياتنا تعج بالبغضة
كيف يصدقوننا
بينما نتحدث عن القداسة
حياتنا تعج بالنجاسة
كيف يصدقوننا
بينما نتحدث عن الايمان
حياتنا تعج بالعيان
كيف يصدقوننا
بينما نتحدث عن الاكتفاء
حياتنا تعج بالبحث المريض عن الثراء
اه يا الله ارحم حياتي البائسة المنافقة
اعطنى المعونة لأتغير لأعيش لك
ثم اتحدث للاخرين عن ما اعيشه .

 

[ناجح ناصح جيد]

٢٦ يونيو ٢٠١٨

تراكمات وغلطات سنين
ومش بيتعظ ولا بيعتبر البنى أدميين
ويجي الوقت ويخلص القديم والجديد
واوع نقول مظلومين
ربنا الحق والعدل
واحنا مش واخدين بالنا عاملين !!!!!

أنا سلطان السلاطين اللى يحكم ويأمر وما يهمه سنين وسنين
ونسى الخايب انه مصنوع من طين
يجي عليه أمر ينداس بالرجلين
فوق با ابن ادم واوع تنسى أصلك وتبقى من الخايبين !!!
قلبى عليك يا ابن ادم ياصاحب الكلمة والأمر والصولجان
كنت امبارح الحاكم الآمر
اللى بتنهى وتحكم وتركن
اصبحت الان متهان
فين الكلمة
فين الامر
فين الصولجان .

هو البشر يعتبر من اللى حصل
ابدا اصله بشر !!!!!

يشخط الشخطة يهز حيطان البشر
وقع الوقعة أتهز من جوه الكيان
قوم ياابن آدم
مش ممكن يقوم ماهو حفر قبره بأيده ولا كان على البال يخطر اللى صاير !!!

يستمعون ويقاومون وعن الحق لاهون
ويصرخون انكم مشتكون ومحاربون
وعندما يتحقق ما سمعوا لا يبالون وينتحبون وكأنهم لم يتحذرون
فهل يستفيقون وهل يتحملون عاقبة ما كانوا فيه منغمسون ؟؟؟؟
ياليتهم ياليتهم سمعوا !!!!
#NagehNaseh

 

[ناجح ناصح جيد]

فى زماننا المعهود
الاخلاص
اصبح نادر الوجود
المصالح هى اللى بتسود
شعار الزمن بيع أنسى
عيش لذاتك واشبع لذاتّك
وأنسى حتى أهلك واخوتك
بدل غير وخلى الكل من ذكرياتك
المخلص ميعملش كده ولا يبعش بأغلى الاتمان
بكرة ياللى بتخون ها تعرف انك متهان
التلاميذ كانوا اتناشر كان فيهم يهوذا واحد
للأسف فى زماننا بقى عدد يهوذا احداشر
احمينا يارب وخلينا نلتصق بك ونخلصلك
فنحب اهلنا وناسنا وما نخون اللى وثق فينا
ونبقى لشخصك من ساسنا لراسنا .
​

 

[ناجح ناصح جيد]

واللى ضال وتاه
مكانه قلب الله
يرجع يلاقيه مفتوح
يسعده ويهنيه بدل النوح
قلب الله مفتوح
يشفى كل الجروح
متبكيش على اللى راح
تعال علشان اللى جاى