خواطر مسيحية (متجددة) بقلم/ناجح ناصح جيد

[ناجح ناصح جيد]

لما تموت الفكرة
والوجود يبقى نكرة
وناس تصطاد فى المياه العكرة
اقفل بابك واسجد لرب النهاردة وبكرة

 

[+Nevena+]

ربنا يبارك ياناجح
كلمات رائعه ومعزيه
متابعه

 

[ناجح ناصح جيد]

وسط الزحمة
وسط الخنقة
وسط السقطة
لما العيون متشوفش
لما القلوب متحسش
لما الطرق تبقى ضباب
اطلب وبثقة رب الارباب
وحده رفيق وسط الصعب
وحده اللطيف وسط العذاب
وحده وحده الراعى ضد الذئاب
وحده يشبع القلوب حبيب الاحباب

​

 

[ناجح ناصح جيد]

قاله تعال فى الهيافة و اتصدر
واللى بمعاك يالا اتفشخر
ولو جاتك هدايا بيها اتمنظر
ولو حد قالك كلمة اتزرزر
واتجاهل كل الكلام اللى بينذر
وعيش على هواءك يا قرقر*
والنهاية متاعب وجنابك تتفزر*
اسكت واتلم يا شرشر !!!
â™،â™،â™،â™،â™،â™،
*قرقر مشتقة من القراقير = القراميط اللى بتزفلط كل ما تحاول تمسكها كناية عن المراوغة.
* جنابك تتفزر... من كتر الغيظ هيطرشق... هيتفجر

 

[ناجح ناصح جيد]

نكتب و نؤلف و نعظ بروعة
عن
الاكتفاء
و
العزاء
و
النماء
لكن لنكن صرحاء
هل نعيشه؟؟؟
ان لم نعيشه فيا احباء فلا نعدو عن كوننا
مجرد خطباء... شعراء !!!!

 

[ناجح ناصح جيد]

ان لم تجد النميمة اذن تحتويها لخرس لسان النمام !!!
#NagehNaseh

الْوَجْهُ الْمُعْبِسُ يَطْرُدُ لِسَانًا ثَالِبًا. (الأمثال ٢٥: ٢٣)

لمزيد من التوضيح:-

♡ناشد حنا
ثالبين. هذه صفة الشيطان. المذمة ومسك السيرة والشكوى على الآخرين. الشيطان إسمه المشتكي. والإنسان يتشبه به ولا ينظر إلى نفسه لكن يثلب سيرة الآخرين ويتهجم عليها ويريد أن يرتفع على أكتاف الغير.
......
◇ماكدونالد
( ثالبون: يشيعون كلامًا مزوّرًا وخبيثًا.)
.......
♡وليم إدى
ثَالِبِينَ أي ذامين بغير حق (1تيموثاوس 3: 11).

.....
♡ديفيد كوزيك
النَّاسَ يَكُونُونَ... ثَالِبِينَ: لطالما نشر الناس الأكاذيب المؤذية عن أناس آخرين، ولكن في يومنا الحاضر تم رفع مستوى الاغتياب والنميمة في وسائل الإعلام والسياسة لتصل إلى كل من الشركات الكبرى والثروة.
• أما في مجال السياسة فإن المرشحون يقومون بتشويه مواقف خصومهم بشكل روتيني وعن معرفة، وذلك لمجرد جعل منافستهم تبدو سيئة. وهم لا يشعرون بالسوء على الإطلاق بشأن الكذب إذا كان ذلك يساعد في انتخابهم. أما في وسائل الإعلام فيعمل المحررون ومديرو الأخبار كمدعين عامين وقضاة وهيئة محلفين وجلادين للأبرياء المشتبه بهم عن خطأ. وعادة ما يرفضون الاعتذار عندما يثبت أنهم مخطئون.

 

[كلدانية]

راااائع جداااا ماتقدمه لنا من خواطر جميلة استاذ ناجح
الرب يبارك خدمتك المميزة

 

[ناجح ناصح جيد]

من الذكاء عدم إذكاء الشقاق بين الاشقاء
بل
تمكين المحبة و الاخاءبل
..
٢٥ لِكَيْ لاَ يَكُونَ انْشِقَاقٌ فِي الْجَسَدِ، بَلْ تَهْتَمُّ الأَعْضَاءُ اهْتِمَامًا وَاحِدًا بَعْضُهَا لِبَعْضٍ. ٢٦ فَإِنْ كَانَ عُضْوٌ وَاحِدٌ يَتَأَلَّمُ، فَجَمِيعُ الأَعْضَاءِ تَتَأَلَّمُ مَعَهُ. وَإِنْ كَانَ عُضْوٌ وَاحِدٌ يُكَرَّمُ، فَجَمِيعُ الأَعْضَاءِ تَفْرَحُ مَعَهُ. ٢٧ وَأَمَّا أَنْتُمْ فَجَسَدُ الْمَسِيحِ، وَأَعْضَاؤُهُ أَفْرَادًا.
(١ كورنثوس ١٢: ٢٥-٢٧)

 

[كلدانية]

ربنا يبارك استاذ ناجح

 

[ناجح ناصح جيد]

الهم
بيجي من انك تخلي المهم
مش مهم و اللى مش مهم مهم
و انك تطّلع للى يفتر العزم
فأوع تخلي من اللى مش بأيدك تتغم
ارجع للمذبح و رمم
فترجع و تكون بلا هم !!!

 

[ناجح ناصح جيد]

الكتب موجودة بس اللى يقرأ
الأفكار موجودة بس اللى ينفذ
الإمكانيات موجودة بس اللى يستفيد
المواهب موجودة بس اللى يستثمرها
البركات موجودة بس اللى يطلب
الأسئلة موجودة بس اللى يجاوب
..... موجودة بس اللى...........

 

[ناجح ناصح جيد]

عيش و بالرب و عطاياه استمتع
و لا ترتبك بالاحداث ولا تجزع
و لا تدع سوط العدو لكيانك يلسع
اعط قلبك للرب و له اسمع
دع روحه يقودك و لا ترتع
و لا تدع المخاوف لنفسك توجع
قرر و اعزم وعن الايمان لا ترجع
انظر لرئيس الايمان وإياه اتبع

 

[ناجح ناصح جيد]

مزاد مزاد بت حلوة هتدفع كام يا أض
قيمتي فى حلاوتي غلاوتي فى مفاتني
و اللى يدفع اكتر ما يغلي عليه البعاد
زود فى المزاد و على السعر يا عواد
مش مهم تكون مين ، مش مهم تكون زين
الأهم الدهب الثمين و ياريت تزود التأمين
و انا الولد اللى ما اتولد زيه اتفرجى يا اسعاد
الجيب بيشخلل المزاج عالى و الجنيه صياد
تركع قدامي ست البنات و ابقى كمان من الاسياد
الذكر ما يعيبوش غير جيبه دى م ميراث الاجداد
فتح المزاد و الهبلة اتجوزت المنيل تحيا المزاد
قضت كام شهر و ظهر المستخبي يا شداد
زين الملامح بقى مرار طافح يا حماد
فين اللى شخلل جيبه و قلة ادبه فى ازدياد
اشربي يا بخرة ما هو سعرك سعر بقرة فى المزاد
شيل الطين يا أبوها اتخانق يا اخوها و الحياة عناد
يا رب
صلح الفكر و ألغي المزاد
و نور القلب و فتح البصيرة اللى صابها انسداد
تبقى حياتنا و جوازاتنا منك مش مزاد !!!

#المزاد_خراب_بيوت_وضياع_كتابات_ناجح

 

[ناجح ناصح جيد]

خاطرة حول الاحداث الدائرة
حين تحيط بك النوائب
فالتمسك بالرب صائب
فلا ترتبك و لاتستسلم لما هو دائر
و اتبع الرب فهو امامك سائر
و لا تكتفى بالقنوط و اليأس
فالرب يصنع منك جبار بأس
قل كلامك بثقة و إيمان
و ارفع عينيك لرئيس الايمان
و لا تحمل هم الزمن و الايام
فالرب وعدك بالمعية على الدوام

 

[كلدانية]

خاطرة مميزة وكلام راائع جداا ربنا يبارك حياتك استاذ ناجح وكل اعمالك يارب

 

[أَمَة]

جميل جدا يا مبارك ناجح ناصح جيد !

 

[ناجح ناصح جيد]

فى سوق الناس
اجساد ونفوس للبيع
معرض واستعراض
سوق وتسوق
تجارة وتجار ومشترين
مزاد
من يدفع أكتر
واللى يدفع يتخدم ويملك
وَيَبْكِي تُجَّارُ الأَرْضِ وَيَنُوحُونَ عَلَيْهَا، لأَنَّ بَضَائِعَهُمْ لاَ يَشْتَرِيهَا أَحَدٌ فِي مَا بَعْدُ........
وَأَجْسَادًا، وَنُفُوسَ النَّاسِ. (رؤ١٨: ١١، ١٣)
هل أنت وانتِ كائن حى
ام جسد و نفس للبيع
جسد حلو
جسد مفتول العضلات
نفس مضحكة
خفيف الظل
نفس ذكية
للبيع.... للبيع
بالعملة المحلية او الاجنبية
بالسوط اللاسع
او
بالصوت المعسول

 

[كلدانية]

مع الاسف صح هذه حقيقة
ارحمنا يارب
راائع جدااا الرب يبارك عمل يديك استاذ ناجح

 

[ناجح ناصح جيد]

آهِ يَا رَبُّ خَلِّصْ! آهِ يَا رَبُّ أَنْقِذْ! (المزامير ١١٨: ٢٥)

آهِ يَا رَبُّ خَلِّصْ! آهِ يَا رَبُّ أَنْقِذْ:-
من الصراع
من الضياع
من الاوجاع
من البعد عن الاحضان الإلهية
من فتور المحبة الاخوية
من الضلال و التعاليم الهرطقوية
من حياة الفساد و الشهوات الردية
من اثقال و قيود الخطية
من المشاكل الأسرية
من الصراعات النفسية
من الامراض الجسدية
من الاعواز و الديون و الخسائر المادية
من انعدام الذرية
من الخراب و التخريبات العمدية

آهِ يَا رَبُّ خَلِّصْ! آهِ يَا رَبُّ أَنْقِذْ!

 

[كلدانية]

امين استجب يارب
الرب يبارك خدمتك ومجهودك الرااائع استاذ ناجح