اين يقع الشرف ؟

[girgis2]

وسيبك حتى لو مقتلهاش ما هو ممكن يطلقها بردو او يعملها فضيحة صح ؟

شيــــئ غريب !!!!!!!!!!!!

يعني القتل ممنوع

والطـــلاق برضة ممنوع لو مش قادر يسامحها

في حين هي من حقها برضة تطلقه لو خانها وهي مش قادرة تسامحه

وبعدين آيه حكاية يعملها فضيحة دي ؟؟؟؟؟؟؟

هي مش إنسانة لها كامل الحرية والأهلية في إختيار الخطأ والمـفـروض تتحمل

عواقب إختيارها ؟؟؟؟؟؟؟؟
​

 

[bb_5]

رَحِم المرأة هو قدس أقداس عملية الخلق! حتى ان الله قديماً شبّه أهولية بالزانية، وإسرائيل و يهوذا كذلك، عندما إبتعدتا عن عبادة الله (إذ زنت العاصية إسرائيل فطلقتها وأعطيتها كتاب طلاقها لم تخف الخائنة يهوذا أختها بل مضت وزنت هي أيضا. ) (أرميا 3: 8) .. وكان الله قديماً يحل بمجده في قدس الأقداس، وهو الموضع (الطاهر) الذي قدسه الله بذاته و جعله مكاناً لحلوله على الأرض، وكان أي (إنتهاك) لحُرمة هذا المكان المُقدس، يكون إنتهاكاً للمكان المُخصص لله، وبالتبعية، عبادة غير الله، وهذا يُعّد .. زنى!

الخطية الوحيدة التي وصفها الرب قديماً بـ (الزنا) هي البعد عن عبادته و السجود للاوثان!.. ولذا إستحقت أهولية و يهوذا و إسرائيل وصف (الزانية) عندما عبدوا الاوثان و إبتعدوا عنه.. وكانت كلماته عنهم (قاسيه) لأبعد مدى، و إختار الله وصف (الزانية) كي يُبيّن لنا بشاعة البُعد عنه!

لذا قدّس الله رَحِم المرأة، وجعله معملاً لإنتاج البشر بعد نفخه فيهم نسمة حياة فيصيروا أنفساً حيه! .. في هذا المكان العجيب (رَحِم المرأة)، المُذهل بكل المقاييس، يُعطي الله الحق للإنسان بمشاركته الخلق!، و من هذا المكان جاء إلى عالمنا الكلمة المتجسد إقنوم الإبن الله الإبن!.

عندما تسمح الفتاة لآخر، أن (يقتحم) قدس أقداسها، دون وجه حق (قديماً، كان الكاهن المنوط بالخدمة هوالوحيد الذي له حق الدخول إلى قدس الأقداس مرة في السنة) أي دون شرعية، يُعّد هذا إعتداء على قدس أقداس الله، الذي فيه تحل (نسمة الحياة) المُعطاه من الله لتتحول قطعة اللحم التي لا تتجاوز سنتيمترات قليلة، إلى كائن بشري حي، يتنفس ويأكل ويشرب !!.

وصارت هذه الحقيقة العقائدية، من الموروثات الاجتماعية، و صار لرحم المرأة قدسية خاصة، و حماية خاصة، وصار الرجل، بصفته الأقوى جسدياً، و رأس المرأة، هو المنوط بحماية قدس الأقداس، ودون أن يشعر أو يفهم، أصبح إختراق قدس الأقداس هذا دون وجه حق (أي دون زواج)، طعنة نجلاء تخترق فؤاده، دون أن يفهم الأسباب الدينية وراء هذا الشعور!! .

رائئئئئئئئئئئئئئئئئئئئئئئئئئئع

 

[girgis2]

لأن من وجهة نظرى الزنى غير مُشبع ................بل هو فاتح شهية

أنا متفق معاكي تماماً بس ليا سؤال بخصوص:-

الثانية : إذا كان فقدان غشاء البكارى فى حادثة ( أيا كانت نوع الحادثة)

ســؤال:

هو نسبة الحوادث اللي من النوع ده واللي بتسبب تهتك الغشاء كــــام ؟؟؟

بلاش

هل الأهل مش هيكونوا عارفين حوادث زي كدة ؟؟؟
​

 

[Desert Rose]

شيــــئ غريب !!!!!!!!!!!!

يعني القتل ممنوع

والطـــلاق برضة ممنوع لو مش قادر يسامحها

في حين هي من حقها برضة تطلقه لو خانها وهي مش قادرة تسامحه

وبعدين آيه حكاية يعملها فضيحة دي ؟؟؟؟؟؟؟

هي مش إنسانة لها كامل الحرية والأهلية في إختيار الخطأ والمـفـروض تتحمل

عواقب إختيارها ؟؟؟؟؟؟؟؟
​

اخ جرجس انت قريت انا كنت بتكلم على ايه وبقول ايه فى المشاركة اللى انت قطعت منها الجزئية ديه ؟
ولا انت بتقطع الكلام اللى انت عايزه وتحطه بالطريقة اللى انت عايزها علشان تبين للناس الفكرة اللى انت عايزها وكأن انا بقول الكلام ده فعلا , كأنك بتقول للناس شوفوا هى بتقول ايه
بلاش الطريقة ديه
وانا هحطلك الاقتباس كامل علشان الناس تعرف انا كنت بتكلم فى ايه

انا متفقة معاكى ان الزنا غلطة فادحة فعلا
بس لو هى متجوزة واحد مش فاهم حاجة فى اى حاجة هيعرف منين مثلا ان الغشاء تم هتكه فى حادث بعيد عن اى علاقة جنسية
انا لسه بسمع عن جرائم كتير فى الاردن بالشكل ده وبردو بسمع فى صعيد مصر
وسيبك حتى لو مقتلهاش ما هو ممكن يطلقها بردو او يعملها فضيحة صح ؟

شوفت بقا ان انا مكنتش بتكلم عن واحدة زنت اصلا
وبرد على كلام ايرينى ان ممكن الغشاء يتمزق لاى سبب تانى غير الجنس بس لو اتجوزت واحد مش عارف حاجة عن الموضوع ممكن لو منزفتش يشك فيها ويقتلها
او حتى ممكن ميكونش عندها غشاء اصلا ( بعض البنات بتتولد كده هنعمل ايه ؟) وفيه بنات مش بتزف اصلا او بتنزف بسيط
انما هو علشان مش فاهم كده ممكن وده الى بيحصل فى جرائم الشرف فى الاردن وصعيد مصر
ان جوزها يقتلها او والدها او اخوها او على الاقل يطلقها او يفضحها وهى اصلا بريئة
شوفت بقا انا كنت اصلا بتكلم فى ايه
وانت قطعت الكلام من سياق الحديث علشان تحطه بالطريقة اللى انت عايزها
على اساس ان انا مش هعرف اجيبها واوضحها للناس
ما بلاش الطريقة ديه
وبعدين حتى لو زنت ايوة من حقه يطلقها لكنه مش من حقه قتلها
وايوة هى انسان حرة وتتحمل نتائج اختيارها
زى ما انت انسان حر وبتتحمل نتائج اختيارك
تحب انت حد يقتلك علشان غلطت ؟

 

[AL MALEKA HELANA]

مفيش حاجة فى المسيحية إسمها قتل الزانية

دى أفكار هبلة دخلت لنا من الإستعمار الإسلامى


{الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ }النور2

 

[girgis2]

وبعدين حتى لو زنت ايوة من حقه يطلقها لكنه مش من حقه قتلها
وايوة هى انسان حرة وتتحمل نتائج اختيارها
زى ما انت انسان حر وبتتحمل نتائج اختيارك
تحب انت حد يقتلك علشان غلطت ؟

أنا مش محتاج أقطع من مشاركتك ولا حاجة

أنتِ اللي بتتكلمي عن كذا حاجة في نفس الوقت وفي نفس الموضوع

شوية تتكلمي عن مأساة بنات بريئة وشوية تانية تتكلمي عن حرية إختيار الخطأ وشوية تالتة تتكلمي عن الطلاق وعن الفضيحة !!!!!!!!!!!!!

وأنا مش عارف أنتِ عايزة توصلي بموضوعك لفــــين بالظبط ؟؟؟

أتفضلي آآآدي مشاركتك:

انا متفقة معاكى ان الزنا غلطة فادحة فعلا
بس لو هى متجوزة واحد مش فاهم حاجة فى اى حاجة هيعرف منين مثلا ان الغشاء تم هتكه فى حادث بعيد عن اى علاقة جنسية
انا لسه بسمع عن جرائم كتير فى الاردن بالشكل ده وبردو بسمع فى صعيد مصر
وسيبك حتى لو مقتلهاش ما هو ممكن يطلقها بردو او يعملها فضيحة صح ؟

طيب لو فرضنا أنتِ هنا بتتكلمي عن البنات المظلومة

هتخليني أسألك نفس السؤال اللي سألته لإيريني

نسبة الحوادث اللي بتسبب تهتك الغشاء أد آيه ؟؟


وهل الأهل مش هيكون عندهم علم بالحوادث دي ؟؟

​

 

[girgis2]

لو اتجوزت واحد مش عارف حاجة عن الموضوع ممكن لو منزفتش يشك فيها ويقتلها
او حتى ممكن ميكونش عندها غشاء اصلا ( بعض البنات بتتولد كده هنعمل ايه ؟) وفيه بنات مش بتزف اصلا او بتنزف بسيط
انما هو علشان مش فاهم كده ممكن وده الى بيحصل فى جرائم الشرف فى الاردن وصعيد مصر
ان جوزها يقتلها او والدها او اخوها او على الاقل يطلقها او يفضحها وهى اصلا بريئة
شوفت بقا انا كنت اصلا بتكلم فى ايه

طيب جميل يبقى نحدد المشكلة ونطرح الحلول الصح ليها

والسبب اللي بتقوليه ده هو الجـــــهـــل

والجهل يتحل بالعـــــــــــلـــم وإني أوعي الناس بالمعلومات دي



مش بإني أقول ياجماعة من حقنا نغلط !!!!

ده موضوع وده موضوع تاني
​

 

[Desert Rose]

أنا مش محتاج أقطع من مشاركتك ولا حاجة

أنتِ اللي بتتكلمي عن كذا حاجة في نفس الوقت وفي نفس الموضوع

شوية تتكلمي عن مأساة بنات بريئة وشوية تانية تتكلمي عن حرية إختيار الخطأ وشوية تالتة تتكلمي عن الطلاق وعن الفضيحة !!!!!!!!!!!!!

وأنا مش عارف أنتِ عايزة توصلي بموضوعك لفــــين بالظبط ؟؟

؟

لالالا انت قطعت من المشاركة وانت عارف كويس انت بتعمل ايه وديه ملهاش علاقة انى بتكلم فى كذا موضوع اصلا , حتى لو بلخبط واخرف وبتكلم فى كذا موضوع , لما تيجى تعلق على مشاركة المفروض انك تاخدها كلها علشان يبان انا بتكلم فى ايه
والموضوع واضح بيتكلم عن اختزال الشرف فى جسد البنت بس بينما الرجل لا , والكيل بميكيالين
والكلام ده كله مرتبط بالموضوع مش بعيد عنه والكلام فى اى موضوع فى المنتدى بيجيب بعضه ومواضيع كتير بتتفتح جوه الموضوع الواحد
​

طيب لو فرضنا أنتِ هنا بتتكلمي عن البنات المظلومة

هتخليني أسألك نفس السؤال اللي سألته لإيريني

نسبة الحوادث اللي بتسبب تهتك الغشاء أد آيه ؟؟


وهل الأهل مش هيكون عندهم علم بالحوادث دي ؟؟

لا متفرضش:t13: , لان انا فعلا فى المشاركة ديه كنت بتكلم عن البنت المظلومة فمفيش مجال للفرضيات هنا

مقدرش اعرف نسبتها ايه , لان ممكن يكون لاسباب كتيرة
وقعت مثلا , مارست رياضة عنيفة , حادثة , وممكن هى تنزف ومتتبقاش عارفه ايه مصدر الدم ده او ممكن يكون نزيف بسيط وهى بردو متبقاش فاهمه هو ايه سببه او ممكن نزيف بسيط مش تشوفه خالص ولا تلاحظه
ده غير فيه بنات بتتولد من غيره اصلا
وبنات تانية النوع عندها مطاطى , يعنى مفيش نزيف خالص
وده بيسبب مشاكل لان جوزها ممكن يشك فيها ويبهدلها

انا سمعت مرة قصة عن اب منع بنته من ممارسة ركوب الخيل اللى بتحبه علشان خاطر غشاء البكارة
يعنى منع بنته انها تمارس رياضة جميلة زى كده وهى بتحبها علشان الاستاذ غشاء البكارة يفضل سليم
فيه كده فى الحياة ؟

​

 

[Desert Rose]

طيب جميل يبقى نحدد المشكلة ونطرح الحلول الصح ليها

والسبب اللي بتقوليه ده هو الجـــــهـــل

والجهل يتحل بالعـــــــــــلـــم وإني أوعي الناس بالمعلومات دي



مش بإني أقول ياجماعة من حقنا نغلط !!!!

ده موضوع وده موضوع تاني
​

لالالالالالا , انا قولتلك بلاش الطريقة ديه
متخادش كلامى من سياقه علشان تبين للناس انى بدعو للفجور
مش احنا اتفقنا زمان اننا منتعاملش مع بعض بالطريقة ديه وقولنا اننا اخوات فى منتدى واحد ومينفعش ؟
انا قولت الاتى , الغلط حرية شخصية
اذا كان ربنا سابنا وبيسبنا نختار الغلط ونتحمل نتائجه
لانه خلقنا بحرية ارادة
وهو قال الاتى " قد جعلت امامك الحياة والموت , البركة واللعنة , فأختر الحياة "
يعنى الله فى قداسته عايزنا نختار الصح والحياة والقداسة والطهارة
لكنه فى نفس الوقت خلقنا بحرية اراده وجعل امامنا كل الاختيارات وحرية الارادة والاختيار لكل انسان سواء ولد او بنت
تشمل اختيار الخطأ وتحمل نتائجه
لكن متجيش تقول ان انا قولت ان الغلط من حقنا وتطلعها بره سياقها علشان يبان قدام الناس وكأنى بقول يلا ياجماعة نزنى
متناسيا تماما كل الايات اللى انا ذكرتها عن ان الامتناع عن الزنا وصية كتابية , ولازم كمسيحيين حقيقيين نتبعها اذا كنا عايزين نتبع المسيح
لكن الكلام ده انا اقدر اطبقه على نفسى
لكن مقدرش افرضه على غيرى
لان ربنا نفسه مش بيفرضه على الناس بالعافية
والا كان اسهل خلقنا ربوتات يحركها بريموت كنترول

 

[AL MALEKA HELANA]

العلاقة بين الاسرة ليست هى فقط لنمو الانسان اخت الملكة بل وعلاقة الانسان بالله روحياً ونفسياً وجسدياً
فهل بعد هذا لا تخافى على اولادكى .؟

/SIZE]

بص يا بايبل ........
الغلط والمُصيبة
لو إهتمينا بتواجد أولادنا فى الكنيسة فقط وإكتفينا بنشئتهم فيها إطمئناناً منا بالدور الكبير الذى تعطية الكنيسة لأولادنا من روحيات وأنشطة ...... دون الإهتمام بتزويدهم من رعاية ومحبة الأسرة لهم
علشان كدة الأسرة والكنيسة المفروض مُرتبطين ومُكملين لبعض فى تربية الأبناء تربية سلبمة

ودة اللى أنا ذكرتة فى كلامى

إحنا بنربى تربية كنسية سليمة سواء الولد أو البنت ( مفيش أى فرق ) ونصادقهم تماماً
وبعدين نسيبهم يعيشوا حياتهم براحتهم خالص مع المراقبة مننا على تصرفاتهم ( من بعيد ) خوفاُ من إنهم يغرقوا فى موقف مُعين ويخجلوا ينادونا

وبعدين طالما البنت والولد درسوا عقيدتهم المسيحية كويس وعرفوا الصح إية والغلط إية
، ما فيش اى خوف عليهم بعد كدة حتى لو سبناهم داخل النار

أنا دمجت دور الكنيسة مع الأسرة

وبضيف كمان إن الغلط اللى أغلب الأسر المسيحية بتقع فيه ، وببترتب عليها للأسف فقدان أولادهم وضياعهم .... خاصة ( مثال ) الأسرة ( المتدينة ) اللى حضرتك ذكرتها

إنهم بينسوا يعرفوا أولادهم بـــ ( الأديان الأخرى ) وخاصة الإسلام

بيكتفوا بإعطائهم مثاليات المسيحية دون أن يعرفوهم على الذئاب الخاطفة التى تلبس حملان

والنتيجة إن الأبناء يضعون ثقتهم فى جميع اليشر بدون إفراز

بالرغم إن السيد المسيح علمنا أن نكون ( بسطاء كالحمام ، وحكماء كالحيات )

طبعاً حضرتك فاكر
الموضوع الى أنا فتحتة فى قسم المياركين ( وأكيد عرفت أنا أقصد إية من الموضوع ده )
الموضوع ده كبير مش صغير .......... تمام كدة
وربنا يحافظ على أولادنا وبناتنا فى كل مكان .... من عدو الخير ،
ـــــــــــــــــــــــــــــــــــــــــــــ
حضرتك سألتنى سؤال
وعارفة إنك عايز توصلى رسالة ( تحذير ) خوفاً منك علي أسرتى ،،، ( مشاعرك الجميلة وصلت )
وأنا بشكرك عليها جدااااااااا
أنا هرد عليك بعبارة واحدة لا غير ، علشان تعرف أولادى
( أنا لى الشـــــــــــــــــــــــــــــــــــرف أن أكون أم لهؤلاء الأولاد )

ويومياً أشكر ربنا على إعطائة لى هذة النعمة التى لا أستحقها ..... والرب يسوع يعلم صدق كلامى [/B]

 

[WooDyy]

موضوع لطيف .. بس يعنى مافيش حاجه جديده
​

 

[girgis2]

ممكن يكون لاسباب كتيرة
وقعت مثلا , مارست رياضة عنيفة , حادثة , وممكن هى تنزف ومتتبقاش عارفه ايه مصدر الدم ده او ممكن يكون نزيف بسيط وهى بردو متبقاش فاهمه هو ايه سببه او ممكن نزيف بسيط مش تشوفه خالص ولا تلاحظه
ده غير فيه بنات بتتولد من غيره اصلا
وبنات تانية النوع عندها مطاطى , يعنى مفيش نزيف خالص
وده بيسبب مشاكل لان جوزها ممكن يشك فيها ويبهدلها

انا سمعت مرة قصة عن اب منع بنته من ممارسة ركوب الخيل اللى بتحبه علشان خاطر غشاء البكارة
يعنى منع بنته انها تمارس رياضة جميلة زى كده وهى بتحبها علشان الاستاذ غشاء البكارة يفضل سليم
فيه كده فى الحياة ؟

كــــــــــللللللللللللل المشـــــاكل دي حلها بحاجة واحدة

قولتهالك وهقولهالك تاني

العــــــــــلم

العلم هو اللي هيوعي الناس بالمشاكل دي وإزاي نتجنبها

يعني أنا أفضِّل إني أقرأ موضوع عن الغشاء وأنواعه على إني أقرأ موضوع زي ده مثلاً مش هيحل حاجة

لأن - الأستاذ غشاء ده - المفروض يفضل سليم سواء في العقل أو في الجسد
​

 

[Desert Rose]

كــــــــــللللللللللللل المشـــــاكل دي حلها بحاجة واحدة

قولتهالك وهقولهالك تاني

العــــــــــلم

العلم هو اللي هيوعي الناس بالمشاكل دي وإزاي نتجنبها

يعني أنا أفضِّل إني أقرأ موضوع عن الغشاء وأنواعه على إني أقرأ موضوع زي ده مثلاً مش هيحل حاجة

لأن - الأستاذ غشاء ده - المفروض يفضل سليم سواء في العقل أو في الجسد
​

وده فعلا اللى بنعمله هنا , علشان نبطل نبص للغشاء على انه الدليل الوحيد للشرف بتاع البنت وبتاع رجال العائلة كلهم , والراجل اللى فى نفس العائلة بيزنى مفيش عليه اى مشكلة ولا يمس شرفه فى شئ

طبعا ليك كل الحق فى تفضيل او عدم تفضيل تقرا ايه او متقراش ايه
مقدرش اجبرك انك تقرا موضوع زى ده او متقراهوش
واذا كنت شايف ان مفيش فايدة ليك منه ده رأيك ويٌحترم جدا طبعا
وانا لم اجبر اى شخص انه يدخل ويقرا الموضوع
سلام

 

[+إيرينى+]

أنا متفق معاكي تماماً بس ليا سؤال بخصوص:-



ســؤال:

هو نسبة الحوادث اللي من النوع ده واللي بتسبب تهتك الغشاء كــــام ؟؟؟

بلاش

هل الأهل مش هيكونوا عارفين حوادث زي كدة ؟؟؟
​

أكيد نسبة قليلة جدا جدا

إحتمال إن يكونوا الأهل عارفين و إحتمال لأ

ثانيا إنت فى فترة الخطوبة مش بتتعامل مع تمثال

إنت بتتعامل مع كيان حى

يعنى الزانية بتبان من تصرفاتها

و المؤدبة بتبان برضوا​

 

[girgis2]

أكيد نسبة قليلة جدا جدا

إحتمال إن يكونوا الأهل عارفين و إحتمال لأ

ثانيا إنت فى فترة الخطوبة مش بتتعامل مع تمثال

إنت بتتعامل مع كيان حى

يعنى الزانية بتبان من تصرفاتها

و المؤدبة بتبان برضوا​

شكراً لإجابتك دي يا أخت إيريني

وخصوصاً خصوصاً دي:

أكيد نسبة قليلة جدا جدا

ملحوظة كدة على جنب: مش عارف ليه ساعات بحس إننا حلال فينا الإخوان

​

 

[Desert Rose]

اخ جرجس الموضوع اصلا مش عن غشاء البكارة وانواعه
الموضوع زى ما انت شايف عن مفهوم الشرف وتوسيعه ليشمل اكتر من مجرد غشاء فى اجساد النساء ويبقا فيه عدل ومساواه بين الولد والبنت فى تحمل مسئولية الشرف اللى هو معنى بيشمل حاجات كتير بس احنا اختزلناه فى حاجة واحدة واهملنا الباقى
ياريت لو الموضوع مش عاجبك , انا اقدر افهم ده واحترمه
لكن اللى مش هينفع انك تاخد الموضوع فى اتجاهات تانية بعيدة عن غرض الموضوع اللى واضح جدا
وشكرا , وانتهى .

 

[Anas2]

كتبت رد طويل ومسحته احتراما لدينيين في المنتدى.. لانو قمة الاستفزاز اعطاء عادات بدوية صبغة دينية فقط لاسكات المراة وتطويقها بقيود الشرف والعرض والادب..
غشاء البكارة ناتج عن تسربات شرقية وفحولة ذكورية مش اكثر لانو ممكن البنت تمارس ما تريده من الجنس وحتى علاقة كاملة من دون ان تفقد عذريتها وفي المقابل هناك من تولد بلا غشاء او من تولد بغشاء سميك فتضطر لاجراء جراحة وتمزيقه لخروج دم الحيض وعدم ترسبه في داخلها ومن تفقده لاسباب اخرى متعددة يمكن ان تكون قليلة لكنها موجودة!! وتذهب الفتيات ضحيتها!!
جسد المراة ملكها فقط ليس ملكية مسجلة لرجال اسرتها... والانسان ليس ملكا لاحد فهو ملك فقط لنفسه ومسؤول على نفسه مدام صار بالغا لكن ثقافتنا للاسف تتعامل مع المراة طول حياتها على اساس انها قاصر... ويمكن التساهل مع اي شيء غير غلطة الفتاة.. ففي بلادنا ما زال المواطن تُداس كرامته كل يوم تُحتل اراضيه تُسلب حقوقه.. وعندما تسأله عن الشرف يقول لك غشاء البكارة!! ليس الشرف في الجسد فقط كما يظن اهل الشرق بل في الكلمة والوعد والعمل والمساهمة في تطور بلادك وخدمة الانسان..

معظم الناس خاصة غير المتعلمين يظنون ان غشاء البكارة جعله الله في جسد المراة لدافع اخلاقي!! وهذا ليس صحيحا.. فهناك حيوانات كثيرة تمتلك غشاء بكارة مثل انثى القرد والحوت.. فهل سبب وجوده عند الحيوانات اخلاقي ايضا؟؟
في الواقع علميا يلعب غشاء البكارة دور حماية للvagina من دخول الجراثيم قبل البلوغ لا اكثر... فالvagina يكون اقل حمضية قبل فترة البلوغ ميما يسهل نمو الجراثيم وادائها للمنطقة.. لكن بعد البلوغ تزيد الافرازات الحمضية التي تقضي على هذه الجراثيم
لكن شرقنا العزيز جعله علامة لشرف البنت بل اسرتها ككل.. وعرفت الصين غبائنا هذا فصدرت لنا اغشية مطاطية بأبخس الاثمنة

لا استحضره في هذه اللحظة غير كلمات القباني الرائعة:
تظل بكارة الأنثى
بهذا الشرق عقدتنا وهاجسنا
فعند جدرانا المهموم
قدمنا ذبائحنا
وأولينا ولائمنا
نحرنا عند هيكلها شقائقنا
قربينا وصحنا و"أكرمتنا" ..