اين يقع الشرف ؟

[Desert Rose]

كلما قرأت عن الشرف (تقييم حالة الشخص الاجتماعية كما دلل على ذلك المجتمع أن الفرد)، فإنه عادة ما يكون في إطار سلبي
ولابد ان نضع معايير لمفهوم الشرف فلا يصح قول الشرف على فرد هو المجتمع كله
الكارثة لم يعد يدرس مفهوم الشرف للشباب بل في الواقع نادرا ما يستخدم
الكلمة
كثيرون ما يعتقدون ان الشرف انه هو الثروة والعلم والفخر الخ
ولكن من وجهة نظرى الشرف هو التعامل مع النساء بطريقة جدية تنعكس على حياته كلها فيبقى الشرف له قيمة

هو انا مش فاهمه اوى يا بايبل انت تقصد ايه من الكلام
بس انت بتقول ان الشرف مش بقا يتدرس للشباب صح ؟ تقصد ايه ؟

 

[Desert Rose]

عندما كنت مراهقاً كنت أنا أيضاً متحمساً لجرائم الشرف
وكنت أشتعل غضباً عندما أعرف فلانة زانية أو فلانة هربت مع أحدهم .....

ولكن تعرفي بأصدقاء ملحدين ومن ثم تعمقي أكثر بالفكر المسيحي قلب إعتقاداتي 180 درجة

من الحوادث المقرفة التي رأيتها، أحد الآباء يعطي ابنه نقود ليذهب ويزني كي لا يكون "غشيم"
وهو طالب جامعي

هذه الحادثة أثرت بي جداً أين الشرف في هذا التصرف؟
وانتبهت فيما بعد إلى المجتمع الذي يُعتبر مجتمع ذُكوري حصر الشرف في منطقة واحدة من جسم الإنسان وللأنثى فقط دون الذكر

أما الكذب فهو حلال ونحن أكبر شعب كذاب في العالم المجتمعات الغربية التي نعير عليها قلة الأخلاق هم في الحقيقة قمة في الصدق

وحتى الرشوة التي هي سرقة، فالرشوة والسرقة والمحسوبيات في مجتمعاتنا هي حلال بل يقولون "حلال ع الشاطر"

فنحن نكذب ونرتشي ولكننا حصرنا الشرف في منطقة واحدة من جسد الإنسان وتحديداً في جسد المرأة دون الرجل

ليصبح الرجل الذي يمارس الرذيلة بافتخار أمام عيون المجتمع هو الديان الشريف للمرأة

جرائم الشرف ... ليس فيها شيء من الشرف

يااااااااه اب بيدى ابنه فلوس علشان يروح يزنى ؟
وهو نفس الاب اللى لو بنته غلطت ممكن يمشى على السقف ويهيج ويقتلها ؟
فين المعيار هنا ؟ فين المبدأ ؟ مش الشرف ده مبدأ ؟
والمبادئ مش بتتجزأ ؟ او المبادئ مش بتعتمد على مين اللى كسرها سواء ولد او بنت ؟
ايه المعايير المقلوبة ديه ؟
فعلا يا استاذى جرائم الشرف ليس فيها شئ من الشرف
القتل هو القتل مهما كان السبب

صح , والراجل اللى بيرتكب الرذيلة هو هو نفسه اللى بيحكم على المرأة وممكن يقتلها , فكرنى الموضوع بحكاية امينة وسى السيد
سى السيد بيحكم بيته بالحديد والنار وبليل يقضيه مع الرقاصات والعوالم
مفارقات كوميدية

 

[Desert Rose]

عذرا عن اي المجتمعات تتحدثين
ومن قال ان الرجال في مجتمعاتنا لا تتاثر سمعته بما يفعله هو

بتتأثر سمعته بس المجتمع ممكن يغفرله ويقبله تانى على الاقل جزئيا
انما البنت اللى غلطت , ديه بتبقا نهايتها والمجتمع مش بينسالها ابدا غلطتها مهما مرت من سنين
وبعدين انا زى ماقولت انا مشكلتى ان اللى بيحكم على المرأة اذا كانت شريفه ولا لا هو نفسه مش بيطبق على نفسه معايير الشرف ديه اللى بيحكم بيها على غيره
وفى النهاية مش من حق حد الحكم على التانى وادانته , مش ده كلام الكتاب بردو ؟ لا تدينوا كى لا تدانوا
​

غشاء

اعتقد ان هذه المقوله قديمه جدا
الزمن الان مختلف والامور ليست كما كانت قبل عشرات السنين

انا كنت فاكرة كده بردو بس انا لسه بسمع عن مشاكل بسبب الموضوع ده وجرائم قتل كتير وخصوصا فى الاردن وصعيد مصر
​

امته هنبطل
لما نبطل نخاف على بناتنا واخواتنا وزوجاتنا وامهاتنا
لما نبطل نعيش في مجتمع يتطلب ذلك
لما نبطل نسمع بقصص عجيبه وغريبه عن فتيات وتصرفاتهن
لما نبطل نخاف على بناتنا من ذئاب
خارج منازلنا


للاسف
القائمه طويله
جدا
وعذرااا
ليس كل الكلام ممكن كتابته او قوله​

جرائم كتيرة بترتكب تحت مسمى الخوف على بناتنا واخواتنا
ولو هو بيخاف عليها بيقتلها ليه لو غلطت ومش بيقتل ابنه فى نفس الموقف ؟ ولا هو بيخاف على منظره بس علشان هى اللى شايله شرفه فى جسمها ؟
الخوف انا فاهماه وكل واحد بيخاف على اللى بيحبهم
لكن الخوف على حد غير امتلاكه

 

[Desert Rose]

ممكن سؤال دقيقة واحدة
والكل يرد علية
ماذا تفعل يا عزيزى او وجدت زوجتك تزنى .؟
والعكس ماذا تفعلى يا عزيزتى لو وجدت زوجكى يزنى .؟

بكل صدق

لو قدرت وده هيبقا بعد معاناة طبعا انى اسامحة هسامحه
لكن فى الاغلب هنفصل عنه وكل واحد يروح لحاله
القتل مش حل . مينفعش تعالج خطأ بخطأ تانى

 

[Desert Rose]

رَحِم المرأة هو قدس أقداس عملية الخلق! حتى ان الله قديماً شبّه أهولية بالزانية، وإسرائيل و يهوذا كذلك، عندما إبتعدتا عن عبادة الله (إذ زنت العاصية إسرائيل فطلقتها وأعطيتها كتاب طلاقها لم تخف الخائنة يهوذا أختها بل مضت وزنت هي أيضا. ) (أرميا 3: 8) .. وكان الله قديماً يحل بمجده في قدس الأقداس، وهو الموضع (الطاهر) الذي قدسه الله بذاته و جعله مكاناً لحلوله على الأرض، وكان أي (إنتهاك) لحُرمة هذا المكان المُقدس، يكون إنتهاكاً للمكان المُخصص لله، وبالتبعية، عبادة غير الله، وهذا يُعّد .. زنى!

الخطية الوحيدة التي وصفها الرب قديماً بـ (الزنا) هي البعد عن عبادته و السجود للاوثان!.. ولذا إستحقت أهولية و يهوذا و إسرائيل وصف (الزانية) عندما عبدوا الاوثان و إبتعدوا عنه.. وكانت كلماته عنهم (قاسيه) لأبعد مدى، و إختار الله وصف (الزانية) كي يُبيّن لنا بشاعة البُعد عنه!

لذا قدّس الله رَحِم المرأة، وجعله معملاً لإنتاج البشر بعد نفخه فيهم نسمة حياة فيصيروا أنفساً حيه! .. في هذا المكان العجيب (رَحِم المرأة)، المُذهل بكل المقاييس، يُعطي الله الحق للإنسان بمشاركته الخلق!، و من هذا المكان جاء إلى عالمنا الكلمة المتجسد إقنوم الإبن الله الإبن!.

عندما تسمح الفتاة لآخر، أن (يقتحم) قدس أقداسها، دون وجه حق (قديماً، كان الكاهن المنوط بالخدمة هوالوحيد الذي له حق الدخول إلى قدس الأقداس مرة في السنة) أي دون شرعية، يُعّد هذا إعتداء على قدس أقداس الله، الذي فيه تحل (نسمة الحياة) المُعطاه من الله لتتحول قطعة اللحم التي لا تتجاوز سنتيمترات قليلة، إلى كائن بشري حي، يتنفس ويأكل ويشرب !!.

وصارت هذه الحقيقة العقائدية، من الموروثات الاجتماعية، و صار لرحم المرأة قدسية خاصة، و حماية خاصة، وصار الرجل، بصفته الأقوى جسدياً، و رأس المرأة، هو المنوط بحماية قدس الأقداس، ودون أن يشعر أو يفهم، أصبح إختراق قدس الأقداس هذا دون وجه حق (أي دون زواج)، طعنة نجلاء تخترق فؤاده، دون أن يفهم الأسباب الدينية وراء هذا الشعور!! .

كويس انك ذكرت الكتاب المقدس ياطارق لاننا لازم نرجع ليه لان هو فيه الاجابة اللى هتخرجنا من قيم وعادات مجتمعات بعيدة عن قيم الكتاب المقدس لقيم الرب نفسه

واذا هنتكلم على قداسة جسد الانسان يبقا نرجع للكتاب المقدس
الكتاب بيقول " أم لستم تعلمون أن جسدكم هو هيكل الروح القدس "

عن اى جسد بيتكلم هنا ؟ عن جسد المرأة بس ولا على جسد الرجل كمان ؟
وبيقول كمان ان الجسد ليس للزنا بل للرب والرب للجسد
بردو عن اى جسد بيتكلم ؟ محددش لانه بيتكلم عن جسد الانسان سواء رجل او امرأة

وبيقول كمان " الذى يزنى يخطئ الى جسده "
مين اللى بيزنى ؟ بيتكلم عن زنا المرأة بس هنا ؟ ولا على زنا اى انسان عموما ؟

اذا اقدر افهم من كلام الكتاب ان الزنا فى نظر الله واحد سواء صدر من امرأة او رجل
الله مش زينا , مش بيكيل بميكيالين
الشرف عن ربنا واحد
والجسد هو هيكل لروح الله جوانا انت عارف ان فى العهد الجديد اللى احنا فيه الله مبقاش بيسكن فى هياكل مصنوعة من ايادى زى هيكل سليمان انما بحسب عهد النعمة الله بقا بيسكن فى هياكل هو اللى عملها اللى هى جسد الانسان

, الجسد اى جسد مش جسد المرأة بس و جسد الرجل كمان لان هما الاتنين اماكن مقدسة لان الرب بيسكن فيها

رحم المرأة طبعا مقدس انا متفقة معاك جدا , لانه بتحصل فيه عملية خلق انسان جديد
وجسد الرجل ايضا مقدس للاسباب اللى ذكرتها فوق

علشان كده لايمكن تحميل الشرف والحفاظ على قداسة الجسد للمرأة بس والرجل لا يلتزم بالقوانين ديه

وبعدين سواء التزموا او لم يلتزموا بقداسة الجسد , ده اختيارهم وهما يتحملوا نتائجه , ديه الحرية اللى اداها الله للانسان
الله قال قد جعلت امامك الحياة والموت , البركة واللعنة , فأختر الحياة
هو عايزنا نختار الحياة , بس لو اختارنا الموت هيسبنا نختار بحرية

هى لا طعنة نجلاء لفؤاده ولا حاجة
هو لو تخلى عن فكرة انه يمتلك نساء عائلته زى ما بيمتلك عربيته وشراباته , مش هيحس انها طعنة مباشرة ليه هو
هيزعل ويحزن على اخته مثلا انها اخطأت فى حق نفسها وحق ربنا
لكن مش هيحس ان الموضوع يمس شرفه هو شخصيا
لان شرفه هو بس اللى بيحمله قدام نفسه وقدام الله مش حد تانى بيشيله ليه , وهو بس اللى هيتحاسب عليه قدام الرب
والشرف لا يمكن اختزاله فى الغشاء بس

 

[هشام المهندس]

بتتأثر سمعته بس المجتمع ممكن يغفرله ويقبله تانى على الاقل جزئيا
انما البنت اللى غلطت , ديه بتبقا نهايتها والمجتمع مش بينسالها ابدا غلطتها مهما مرت من سنين
وبعدين انا زى ماقولت انا مشكلتى ان اللى بيحكم على المرأة اذا كانت شريفه ولا لا هو نفسه مش بيطبق على نفسه معايير الشرف ديه اللى بيحكم بيها على غيره
وفى النهاية مش من حق حد الحكم على التانى وادانته , مش ده كلام الكتاب بردو ؟ لا تدينوا كى لا تدانوا
​

​

انا كنت فاكرة كده بردو بس انا لسه بسمع عن مشاكل بسبب الموضوع ده وجرائم قتل كتير وخصوصا فى الاردن وصعيد مصر
​

جرائم كتيرة بترتكب تحت مسمى الخوف على بناتنا واخواتنا
ولو هو بيخاف عليها بيقتلها ليه لو غلطت ومش بيقتل ابنه فى نفس الموقف ؟ ولا هو بيخاف على منظره بس علشان هى اللى شايله شرفه فى جسمها ؟
الخوف انا فاهماه وكل واحد بيخاف على اللى بيحبهم
لكن الخوف على حد غير امتلاكه

هناك تحديد على نوع المجتمع في كل كلامك وهو لاينطبق على الكثير من المجتمعات الصغيره والكبيره اي عدم التعميم هنا ضروري وبنفسك تم تحديد هذه المجتمعات

نحن نخاف على بناتنا كنوع من الوقايه وليس كعلاج للحاله

اما من يحكم على من فاعتقد ان الفتاة هي من يحكم على نفسها فالرجل يدافع عن شرفها هي وليس شرفه كما يقال
فالسؤال لماذا تقتل على شرفها
فهي من خسرته اولا بارادتها باغلب الاحوال
​

 

[+إيرينى+]

على خيرة الله....

هنتفصل انا وانتي بكرة

تصبحي على خير

صباح الخير

أحكى لك حكاية حصلت زماااااااااااااااااااااااااااااااااااااااااااان أوي

الحكاية يا سيدى إن واحد عنده 3 أولاد شباب ( عيرة - اونان - شيلة )

الأول (عيرة) إتزوج واحدة و مات و ماخلفش منها عيال

بس ليه مات بأة؟


7. وَكَانَ عِيرٌ بِكْرُ يَهُوذَا شِرِّيرا فِي عَيْنَيِ الرَّبِّ فَامَاتَهُ الرَّبُّ.

أم جه الراجل قال لإبنه التانى(اونان) إتجوزها عشان تجيب نسل لأخيك


9. فَعَلِمَ اونَانُ انَّ النَّسْلَ لا يَكُونُ لَهُ. فَكَانَ اذْ دَخَلَ عَلَى امْرَاةِ اخِيهِ انَّهُ افْسَدَ عَلَى الارْضِ لِكَيْ لا يُعْطِيَ نَسْلا لاخِيهِ.

يعنى أنا متأكدة بس مش عارفة إن إنت أكيد فاهم يعنى إيه أفسد على الأرض ديه

المهم

مات هو راخر ........إنما ليه بأة ؟

10. فَقَبُحَ فِي عَيْنَيِ الرَّبِّ مَا فَعَلَهُ فَامَاتَهُ ايْضا.

يبقى الأول و التانى ماتوا

بس هى ليها ذنب فى موتهما ؟...........................لأ طبعا ..............دا هم اللى يستاهلوا الحرق

يهوذا قال فى نفسه : ديه ولية نحس ...............مع إن العيب فى عياله الاتنين

فقالها روحى أقعدى فى بيت أبوكى
-----------------------------------

بعد زمن كدة جات مدام الأب ماتت

جه هو بأة زنى ........................معلش معذور برضوا

بس زنى مع واحدة لابسة لبس الزانيات اللى هو النقاب

الولية اللى زنى معاها كانت مغطية وشها أثناء الزنى كعادة الزانيات

عشان اللى بيزنى معاها ما يعرفهاش

مش مهم هى بأة تعرفه و لا لأ !!!

المهم أخدت منه خَاتِمُه وَعِصَابَتُه وَعَصَاه الَّتِي فِي يَدِه كرهن

بعد زمن تانى قول حولى 3شهور كدة

وصل له خبر إن كنته حامل !!


يا خرابى يا لهوى

الراجل إتحمأ ..................ليه يا أخ ما إنت راخر زنيت فيه إيه ؟

و قال : اخْرِجُوهَا فَتُحْرَقَ.............................يا سلام دا إنت كمان المفروض يحرقوك بأة

و المفاجأة : إن اللى زنى معاها هى كنته ........................ههههههههههههههههههههههههه

هو قال إيه بأة : هِيَ ابَرُّ مِنِّي لانِّي لَمْ اعْطِهَا لِشِيلَةَ ابْنِي
-----------------------------------------------------------------


الخلاصة :

هو راح زنى

و فى نفس الوقت حكم على كنته لأنها زنت

و لما عرف إن هو الزانى .................لّم الموضوع

---------------------------------------

وصلت الفكرة

و لا تحب أحكى لك قصة تانية

 

[AL MALEKA HELANA]

كويس انك ذكرت الكتاب المقدس ياطارق لاننا لازم نرجع ليه لان هو فيه الاجابة اللى هتخرجنا من قيم وعادات مجتمعات بعيدة عن قيم الكتاب المقدس لقيم الرب نفسه

واذا هنتكلم على قداسة جسد الانسان يبقا نرجع للكتاب المقدس
الكتاب بيقول " أم لستم تعلمون أن جسدكم هو هيكل الروح القدس "

عن اى جسد بيتكلم هنا ؟ عن جسد المرأة بس ولا على جسد الرجل كمان ؟
وبيقول كمان ان الجسد ليس للزنا بل للرب والرب للجسد
بردو عن اى جسد بيتكلم ؟ محددش لانه بيتكلم عن جسد الانسان سواء رجل او امرأة

وبيقول كمان " الذى يزنى يخطئ الى جسده "
مين اللى بيزنى ؟ بيتكلم عن زنا المرأة بس هنا ؟ ولا على زنا اى انسان عموما ؟

الآيات دى بتتكلم عن قداسة جســــد الإنســــان سواء رجل أو إمرأة
وبكل أعضائة ( عين ، أذن .... الخ ) دون إختصاص


18 اُهْرُبُوا مِنَ الزِّنَا. كُلُّ خَطِيَّةٍ يَفْعَلُهَا الإِنْسَانُ هِيَ خَارِجَةٌ عَنِ الْجَسَدِ، لكِنَّ الَّذِي يَزْنِي يُخْطِئُ إِلَى جَسَدِهِ.
19 أَمْ لَسْتُمْ تَعْلَمُونَ أَنَّ جَسَدَكُمْ هُوَ هَيْكَلٌ لِلرُّوحِ الْقُدُسِ الَّذِي فِيكُمُ، الَّذِي لَكُمْ مِنَ اللهِ، وَأَنَّكُمْ لَسْتُمْ لأَنْفُسِكُمْ؟
20 لأَنَّكُمْ قَدِ اشْتُرِيتُمْ بِثَمَنٍ. فَمَجِّدُوا اللهَ فِي أَجْسَادِكُمْ وَفِي أَرْوَاحِكُمُ الَّتِي هِيِ للهِ.



والكتاب المُقدس لما أتكلم عن الزنا لم يقصد الزنا الفعلى فــقــط ، ولكنه قصد زنــــا الروح والذهن ( التفكير ) أيضاً

ومُعلمنا بولس الرسول كان يقول هذه الأمور لا لكي نهرب من الزنا في الجسد فحسب، بل وفي الــــــــــروح و الـــــــــذهن أيضــــــــــــــاً ، فمطلوب منا جميعاً نمتنع عن كل فكرٍ شرير، لكى لا تُنتزع النعمة عنا

فالجســــد والـــــروح يشتركان معاً فى هيـــــــــكل الله ....... بتكريسهما سوياً لتمجيد إسم الله ولسكنى الروح القدس
ولذلك
فيجب على المؤمن أن يحفظ قدسيـــــــة هذا الهيـــــــكل ( جسدياً وروحياً ) ولا يسيء إلى الساكــــن فيه.

خلى بالك
أنا أقصد من كلامى هنا
(( أنه من الممكن أن نقع فى خطأ كبير )) عندما نتكلم عن الآيات من جهه الجســـــــــــد فقط

اذا اقدر افهم من كلام الكتاب ان الزنا فى نظر الله واحد سواء صدر من امرأة او رجل
الله مش زينا , مش بيكيل بميكيالين

الشرف عن ربنا واحد

معلشى يا جميل إستحملى غلاستى مفيش حاجة إسمها ( الشرف عند ربنا واحد )
ممكن تقولى ( قداسة الجسد عند ربنا واحدة ) أو ( قداسة وطهارة جسد الإنسان فى مفهوم الله واحد )
أيوة فعلاً واحدة زى ما ذكرت بالظبط
عفة وطهارة الرجل زيها زى المرأة عند الله ( جسدياً وروحياً ) مش جسدياً فقط مثلما ذكرتِ

ولكن موضوعك بيتكلم عن تقاليد شرقية ونظرة المُجتمع لمصطلح الشرف

ويجب علينا الإعتراف بها وعدم الإعتراض عليها خاصة ، وأنها لا تُعارض العقيدة المسيحية فى شىء

فهناك القديسات اللآتى دافعن عن شرفهن إلى آخر قطرة دماء فى حياتهن ، لدرجة أنهن فضلن الإستشهاد عن فقدان عُذريتهن بالرغم من تعرضهن للعذاب المرير .... قبل الإستشهاد

فلماذا لا نأخذهن قدوة لحياتنا !!!!!؟؟؟؟؟

ونَربطها بعاداتنا الشرقية الجميلة التى وضحت لنا أنها ترجع لأسباب دينية

والجسد هو هيكل لروح الله جوانا انت عارف ان فى العهد الجديد اللى احنا فيه الله مبقاش بيسكن فى هياكل مصنوعة من ايادى زى هيكل سليمان انما بحسب عهد النعمة الله بقا بيسكن فى هياكل هو اللى عملها اللى هى جسد الانسان

, الجسد اى جسد مش جسد المرأة بس و جسد الرجل كمان لان هما الاتنين اماكن مقدسة لان الرب بيسكن فيها

خلى بالك
برضو بتتكلمى هنا عن الجسد فقط .......... بالرغم إن هيكل الله معناه الحقيقى ( الجسد والروح معاً )

رحم المرأة طبعا مقدس انا متفقة معاك جدا , لانه بتحصل فيه عملية خلق انسان جديد
وجسد الرجل ايضا مقدس للاسباب اللى ذكرتها فوق

علشان كده لايمكن تحميل الشرف والحفاظ على قداسة الجسد للمرأة بس والرجل لا يلتزم بالقوانين ديه

وبعدين سواء التزموا او لم يلتزموا بقداسة الجسد , ده اختيارهم وهما يتحملوا نتائجه , ديه الحرية اللى اداها الله للانسان
الله قال قد جعلت امامك الحياة والموت , البركة واللعنة , فأختر الحياة
هو عايزنا نختار الحياة , بس لو اختارنا الموت هيسبنا نختار بحرية

هى لا طعنة نجلاء لفؤاده ولا حاجة
هو لو تخلى عن فكرة انه يمتلك نساء عائلته زى ما بيمتلك عربيته وشراباته , مش هيحس انها طعنة مباشرة ليه هو
هيزعل ويحزن على اخته مثلا انها اخطأت فى حق نفسها وحق ربنا
لكن مش هيحس ان الموضوع يمس شرفه هو شخصيا
لان شرفه هو بس اللى بيحمله قدام نفسه وقدام الله مش حد تانى بيشيله ليه , وهو بس اللى هيتحاسب عليه قدام الرب
والشرف لا يمكن اختزاله فى الغشاء بس

النقطة دى بالأخص إتكلم فيها الأخ طارق
وأوضح لكِ حقيقتها و سبب ارتباطها فى العقيدة المسيحية
وكيف صارت موروثات إجتماعية ؟؟ .......... بالرغم من أنها ترجع إلى أسباب دينية

وصارت هذه الحقيقة العقائدية،
من الموروثات الاجتماعية،
و صار لرحم المرأة قدسية خاصة، و حماية خاصة،
وصار الرجل، بصفته الأقوى جسدياً، و رأس المرأة، هو المنوط بحماية قدس الأقداس، ودون أن يشعر أو يفهم،
أصبح إختراق قدس الأقداس هذا دون وجه حق (أي دون زواج)، طعنة نجلاء تخترق فؤاده،
دون أن يفهم الأسباب الدينية وراء هذا الشعور!! .

 

[Desert Rose]

ازيك ياملكة ؟
توضيح بس لكلامى
طبعا كلامك مظبوط جدا جدا , الايات مش مقصود منها قداسة الجسد بس انما قداسة الروح ايضا والزنى مش مقصود منه زنى الجسد بس انما زنى الروح ايضا
وده كلام منطقى جدا
لان لو الروح زانية , الجسد ايضا ممكن جدا يكون زانى
لان العملية بتدأ من جوه لبره مش العكس
يعنى لو اللى جوه نضيف ,الخارج ايضا هيكون نضيف
بس انا متأكدة انك عارفه انى اخترت الايات اللى كتبتها ديه من رسالة كورنثوس الاولى الاصحاح 6
ولو رجعنا للخليفة اللى اتكتبت بيها رسالة كورنثوس نرجع لاصحاح 5 هنلاقى ان الرسول بولس بيكلمهم على حادثة زنى فعليه حصلت فى كنيسة كورنثوس ان واحد زنى بأمرأة ابيه
فهو بيكلمهم عن مشكلة جسدية حاصله عندهم
ده غير انه بيتكلم فى الاية اللى بتقول ان من يزنى يخطئ الى جسده , بيتكلم حرفيا عن الجسد

ده غير ان القديس اوغسطينوس بيقول ان موضوع الجسد ده الاتى :

أن حياة الجسد هي الروح، وحياة الروح هو الله، فروح الله يحل في النفس وبها يحل في الجسد فيصير جسدنا هيكل للروح القدس المعطي لنا من الله.

لا فيه بعض العادات الشرقية مش كلها ,بتتعارض مع الفكر المسيحى وطبعا فيه عادات فى كل المجتمعات شرقية ولا غربية ولا جنوبية بتتعارض مع الفكر المسيحى
ومن ضمنها موضوع الشرف ده , لانه مش بيساوى بين المرأة والرجل فى الخطأ وبيحاسب المرأة اكتر من الرجل
وده لا اعتقد انه فكر مسيحى او ليه اى اساس فى الكتاب المقدس

حضرتك غيرتى تعليقك الاخير الغير مفهوم وعلشان كده رجعت لتعليقى تانى علشان اعمل فيه بعض التعديلات
نعم انا قريت وجهة نظر طارق وده رأي ويحترم جدا
لكن انا شخصيا مش شايفة من الكتاب المقدس ان الرجل هو المسئول عن حماية جسد المرأة او شرفها
انا شايفة من الكتاب المقدس ان كل انسان مسئول عن حماية نفسه وجسده طاهرا امام الله

وموضوعى اصلا مش عن الحماية
موضوعى ان اختصار معانى انسانية كتيرة تقع تحت اسم الشرف فى الغشاء الموجود فى اجساد النساء فقط
وان الرجل اللى بيرتكب نفس الرذيلة هو نفسه اللى بيحكم على المرأة انها مش شريفه ومش بيحكم على نفسه
وان الرجل اختصر شرفه اللى يشمل حاجات كتيرة اوى , فى الغشاء الموجود فى اجساد نساء اسرته

 

[AL MALEKA HELANA]

ازيك ياملكة ؟

[/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE]

حلو السؤال دة :t33:
أنا تمام يا قلب الملكة
هرد بعدين بقا ، بعد الدراسة والتحليل
إحتمال نمسكوا كل الرجاله ونديلهم علقة سخنة علشان يبطلوا يبصوا لشرفهم عن طريق شرف المرأة

طيب وحضرتك شابفة .. المفروض الراجل ( رب الأسرة ) يعمل إية لما يعرف إن فيه واحدة من أفراد أسرتة فقدت شرفها سواء بإرادتها أو بالتعدى عليها ؟؟؟

عرفينى إية هى وجهة نظرك طالما ترفضين هذة العادات !!![/SIZE]

 

[Strident]

حلو السؤال دة :t33:
أنا تمام يا قلب الملكة
هرد بعدين بقا ، بعد الدراسة والتحليل
إحتمال نمسكوا كل الرجاله ونديلهم علقة سخنة علشان يبطلوا يبصوا لشرفهم عن طريق شرف المرأة

طيب وحضرتك شابفة .. المفروض الراجل ( رب الأسرة ) يعمل إية لما يعرف إن فيه واحدة من أفراد أسرتة فقدت شرفها سواء بإرادتها أو بالتعدى عليها ؟؟؟

عرفينى إية هى وجهة نظرك طالما ترفضين هذة العادات !!!

أول خطوة: انه يتصرف نفس التصرف لو عرف ان ابنه هو اللي بيغلط....

 

[Desert Rose]

هناك تحديد على نوع المجتمع في كل كلامك وهو لاينطبق على الكثير من المجتمعات الصغيره والكبيره اي عدم التعميم هنا ضروري وبنفسك تم تحديد هذه المجتمعات

نحن نخاف على بناتنا كنوع من الوقايه وليس كعلاج للحاله

اما من يحكم على من فاعتقد ان الفتاة هي من يحكم على نفسها فالرجل يدافع عن شرفها هي وليس شرفه كما يقال
فالسؤال لماذا تقتل على شرفها
فهي من خسرته اولا بارادتها باغلب الاحوال
​

عزيزى هشام
انا اللى يهمنى هنا فى كل المجتمع واى مجتمع هما المسيحين اللى فيه
يعنى متهيألى احنا لاز نكون مختلفين صح ؟
بس مفهمتش كلامك الاخير
تقصد ايه بأن بيدافع عن شرفها ؟ ازاى وهو بيقتلها ؟
وبعدين حتى لو خسرت شرفها بأرادتها ده مبرر فى رأيك للقتل ؟
مفهمتش الجزء الاخير ؟

 

[Desert Rose]

حلو السؤال دة :t33:
أنا تمام يا قلب الملكة
هرد بعدين بقا ، بعد الدراسة والتحليل
إحتمال نمسكوا كل الرجاله ونديلهم علقة سخنة علشان يبطلوا يبصوا لشرفهم عن طريق شرف المرأة

طيب وحضرتك شابفة .. المفروض الراجل ( رب الأسرة ) يعمل إية لما يعرف إن فيه واحدة من أفراد أسرتة فقدت شرفها سواء بإرادتها أو بالتعدى عليها ؟؟؟

عرفينى إية هى وجهة نظرك طالما ترفضين هذة العادات !!!

قلب الملكة مرة واحدة ؟ :t17:

ادرسى وحللى براحتك

اكيد التصرف مع بنته مش هيكون بالقتل ولا بالضرب ولا بالحرق
لان الغلط مش بنعالجه بغلط , وبعدين هو نفس الاب ده مش هيقتل ابنه لو وقع فى نفس الغلطة وهيقول ده طيش شباب وبكرة يعقل
هو الغلط بيتغير على حسب مين اللى عمله؟ ولا الغلط غلط فى كل الاحوال ؟

عندنا مثال فى الموضوع ده
الرب يسوع والمرأة اللى امسكت فى ذات الفعل
اليهود جابوها وقالوا مثل هذة تٌرجم
بس هو قالها اما دانك احد ؟ ولا انا ايضا ادينك , اذهبى ولا تخطئى ايضا

الغفران والقبول والرحمة يا ملكة هما اللى بيعالجوا الحالات ديه وخصوصا لو كان الشخص نادم وعايز يتوب ويتغير
انما جلده للابد علشان خطية ارتكبها , ده شئ ممكن يموته وهو حى
وده ممكن نعمله لو كنا كلنا ملايكة مش بنغلط , بس الواقع ان كللللللنا بلااستثناء بنغلط

وبعدين خلى بالك رب الاسرة ممكن يضيق على بنته , متخرجيش , متكلميش , متضحكيش , متبصيش , متتنفسيش , ممكن يتحكم فى جسدها
لكن لايمكن يتحكم فى عقلها ابدا واللى بيدور فيه
واكيد انتى بتسمعى عن بنات من عائلات مضيقة جدا على بناتها وتسمعى ده فلانه هربت مع فلان وغيرت دينها كمان , ليه حصل كده ؟
لان غشاء البكارة فى العقل
لو غشاء البكارة اللى فى العقل سليم , الجسد كمان هيكون سليم
والعكس مش صحيح

 

[REDEMPTION]

محدش فهم انا كتبت إيه !!

 

[Desert Rose]

محدش فهم انا كتبت إيه !!

كتبت ايه ؟ :new6::fun_lol:

 

[هشام المهندس]

عزيزى هشام
انا اللى يهمنى هنا فى كل المجتمع واى مجتمع هما المسيحين اللى فيه
يعنى متهيألى احنا لاز نكون مختلفين صح ؟

ما احنا مختلفين اصلا لكن المشكله وهذه ثاني مره اتكلم عن العادات والتقاليد التي ليس من الممكن تغييرها بسهوله ولا تخضع للديانه بل للمجتمع الذي نعيش فيه وهنا تتباين هذه الامور من شخص لاخر وحسب الغلبه لمن الدين ام التقاليد
​

بس مفهمتش كلامك الاخير
تقصد ايه بأن بيدافع عن شرفها ؟ ازاى وهو بيقتلها ؟
وبعدين حتى لو خسرت شرفها بأرادتها ده مبرر فى رأيك للقتل ؟
مفهمتش الجزء الاخير ؟

القتل بحد ذاته امر مرفوض بكل الاحوال الا دفاعا عن النفس
واذا كان من الممكن تفاديه فيكون احسن
اذن الدفاع عن النفس هذا هو بيت القصيد
فتاة خسرت شرفها بارادتها وبعملها اخسرت عائلتها
الشرف .. الكرامه .. عزة النفس .. القيمه الاجتماعيه .... وهناك الكثير وهي خساره بخساره بدايتها الفتاة وليس اهلها
فما الحل برايك
تقبل الامر وخسارة النفس
ام قتلها دفاعا عن النفس

وسيبقى الموضوع
عادات وتقاليد لايمكن تغييرها بسهوله
​

 

[Desert Rose]

معلش ياعزيزى هشام
بس قتلها دفاعا عن النفس ؟
نفس مين اللى بتدافع عنها بالقتل ؟
ادافع عن نفس بقتلها ؟
عزيزى هشام احنا كمسيحيين مين هو مثالنا ؟ مين هو اللى نمشى وراه اكتر من قيم اى مجتمع ؟
مش الرب يسوع ؟
طيب الرب يسوع عمل ايه مع المرأة اللى امسكت فى ذات الفعل ؟
مش قالها ولا انا ايضا ادينك ؟
مع انه لو كان حكم برجمها بحسب الناموس والشريعة مكانش حد هيلومه خالص ساعتها
لكنه جه علشان يرفع المستوى وزى ما بيقولوا raising the bar يرفع مستوى البشرية من ادانة وقتل الاخرين اذا غلطوا
الى غفران وقبول وعلاج المخطئ

خسارة بخسارة , انت بتتكلم عن انسانة ياهشام , مش كرسى اتكسر فهنرميه
انسانة ليها الحق فى الخطأ والحق فى الحياة بعده لاعطاءها فرصة لتصحيح الخطأ
اذا كان الرب نفسه بيقول واعطيتها زمانا لكى تتوب
احنا مش هندى بعض فرصة ؟

 

[إيمليــآ]

القتل بحد ذاته امر مرفوض بكل الاحوال الا دفاعا عن النفس
واذا كان من الممكن تفاديه فيكون احسن
اذن الدفاع عن النفس هذا هو بيت القصيد
فتاة خسرت شرفها بارادتها وبعملها اخسرت عائلتها
الشرف .. الكرامه .. عزة النفس .. القيمه الاجتماعيه .... وهناك الكثير وهي خساره بخساره بدايتها الفتاة وليس اهلها
فما الحل برايك
تقبل الامر وخسارة النفس
ام قتلها دفاعا عن النفس

وسيبقى الموضوع
عادات وتقاليد لايمكن تغييرها بسهوله
​

آسفة للتدخل بس آلجملة دى أدهشتنى
" تقبل آلأمر وخسآرة آلنفس .. أم قتلهآ دفآعاً عن آلنفس "


لو إتعآملنآ حتى بنفس آلمنطق إن شرفهآ هو شرف آلعيلة وكلهم بيصبوآ فى نفس آلبوتقة
فهل قتلهآ فيه إستردآد للشرف أو دفآع عنه ..؟

أعتقد آلفكرة آلمجتمعية بتقول إن آلبنت لمآ بتغلط أهلهآ بيشتركوآ فى آلغلطة بسبب سوء تربيتهآ
فلو دهـ صحيح .. هل بموتهآ هم كدآ صححوآ خطأهم ..؟
طب ليه مآيموتوش نفسهم مآ دآم مشتركين فى آلخطأ ..؟


مش عآرفة أقآرن آلمنطق دآ بأى شكل بمنطق آلمسيح إللى بيدور على خرآفه آلضآله للنهآية
فين آلغفرآن وفين آلإصلآح وفين حبهم ليهآ إللى يخليهم يسآعدوهآ تقدم توبة صآدقة وترجع لمسيحهآ إللى بتخسرهـ


أنآ آسفة بس شآيفة آلموضوع قصآص شخصى من آلأهل فى بنتهم لإنهآ جآبتلهم آلعآر
ومآفيهوش أى شكل من إعتبآرهآ هى " آلنفس " أو جزء منهم بيدآفعوآ عنه ويهمهم خلآصه ..


وطبعاً مش محتآجة أوضح إننآ مآبنتعملش مع مسيحنآ بمنطق آلمجتمع

..​

​

 

[إيمليــآ]

معلش ياعزيزى هشام
بس قتلها دفاعا عن النفس ؟
نفس مين اللى بتدافع عنها بالقتل ؟
ادافع عن نفس بقتلها ؟
عزيزى هشام احنا كمسيحيين مين هو مثالنا ؟ مين هو اللى نمشى وراه اكتر من قيم اى مجتمع ؟
مش الرب يسوع ؟
طيب الرب يسوع عمل ايه مع المرأة اللى امسكت فى ذات الفعل ؟
مش قالها ولا انا ايضا ادينك ؟
مع انه لو كان حكم برجمها بحس الناموس والشريع مكانش حد هيلومه خالص ساعتها
لكنه جه علشان يرفع المستوى وى ما بيقولوا raising the bar يرفع مستوى البشرية من ادانة وقتل الاخرين اذا غلطوا
الى غفران وقبول وعلاج المخطئ

خسارة بخسارة , انت بتتكلم عن انسانة ياهشام , مش كرسى اتكسر فهنرميه
انسانة ليها الحق فى الخطأ والحق فى الحياة بعده لاعطاءها فرصة لتصحيح الخطأ
اذا كان الرب نفسه بيقول واعطيتها زمانا لتتوب
احنا مش هندى بعض فرصة ؟

أنآ كتبت قبل مآ أشوف مشآركتكـ , وتقريباً هم شبه بعض

إيه آلإحرآج دآ .. شوفيلنآ حل فى آلتوأمة دى بقى:new6::new6:

..​

 

[Desert Rose]

أنآ كتبت قبل مآ أشوف مشآركتكـ , وتقريباً هم شبه بعض

إيه آلإحرآج دآ .. شوفيلنآ حل فى آلتوأمة دى بقى:new6::new6:

..​

ههههههه انا بردو بعد ما شوفت مشاركتك حسيت بنفس الاحراج لنفسى
احنا توأمتنا ملهاش حل ولا علاج :fun_lol:
قولتلك قبل كده تعالى نعمل تحليل DNA وتبقا رسمى :new6: