المصطبه النسائيه

[هيفاء الهاشمي]

بمزح روز.. ما اظن اني بشيل مسدس.. بس تعرفين احسن وسيلة للحمايه ان الانسان يمشي جنب الحيط..

 

[Strident]

فين الصوره
مش ظاهره لا هنا ولا هناك

انتو ايه حكايتكو؟! ما الاتنين باينين اهم...

طب اديني اهو رفعتها على مركز رفع الصور...
لو مش ظاهرة هنا بقى يبقى تروحوا تشوفوا ايه المشكلة في لابتوباتكم!

http://files.arabchurch.com/upload/images2012/6583452243.gif

يﻻ بقى انا مستني المناقشة الممتعة وماتنسوش كمان تعلقوا على وشوش الناس في اخر جزء كمان

 

[Desert Rose]

اولا الموضوع ميول واختلافات ما بين الجنسين
وانما فيه جزء منه direction من الناس اللى حوالين الطفل وهما اللى بيشكلو اتجاهاته وهويته فى كتير من الاوقات
فتلاقى الاهل يجيبو للبنت عروسة ويلبسوها pink ويجيبو للولد عربيات ويلبسوه ازرق فبيكبرو بالشكل ده
الطفل ممكن يكون جواه ميول تانية وممكن ياخد طريق من الاتنين يا اما ميوله تكون اقوى من توجيه الاهل ولكن الاغلب هو توجيه الاهل اللى بيغلب على الميول الخاصة وانا اعرف بنات طبيعيين يعنى مكنوش بيحبو يلعبو بالعرايس

وان كنا مننكرش طبيعة البنت عموما اللى بتميل لللاشياء الهادية اللى فيها مشاعر
وان كان بعض اراء دكاترة طب النفس زى دكتور احمد عكاشة بيقولو ان مفيش اصلا فروق نفسية كبيرة زى ما الناس متخيلة بين الولد والبنت وانما اللى بيعمل ال distinction الكبير ده هو توجيه المحيطين بالطفل
وحتى غريزة الامومة فيه اطباء النفس حاليين بيقولو ان مفيش حاجة اسمها غريزة امومة اصلا وان الراجل ممكن يكون عنده مشاعر امومة قوية زى الست بالظبط لو اتوفرت البيئة المناسبة لتنمية المشاعر ديه فيه

بالنسبة للهندسة اعتقد بردو هى نفس الفكرة هو direction غير مباشر من المحيطين بالبنت ان الهندسة حاجة مش مريحة ومش مناسبة للبنت وده على فكرة مش بس فى الشرق ال direction ده بيحصل بردو فى الغرب وان كان اقل حدة من الشرق وفيه مجال ان البنت تكسر القواعد ديه من غير ما حد يقول عليها مجنونة
ده الفرق

 

[Strident]

قبل ما اعلق احب اسألك يمكن تحبي تضيفي:

تفتكري ان فيه ظلم مجتمعي عامة، سواء في مصر او بره، في تربية البنت مابينميش قدراتها زي الولد؟

 

[Desert Rose]

اه طبعا فيه ظلم مجتمعى واقع على البنت فى كل حته فى العالم بس بطرق مختلفة وبنسب متفاوته
فيه اماكن فى العالم البنت قدرت انها تاخد حقوقها فى انها تكون نفسها وتعمل احلامها ولازالت لسه بتحارب فى بعض القضايا التانية اللى لسه مقدرتش تاخد حقها فيها ( زى مثلا امريكا فكرة رئيس الولايات المتحدة واحدة ست فكرة لسه الناس مش قابلاها اوى ولا واخدة عليها )
وفيه اماكن تانية البنت لسه قدامها مشوار طويل علشان تاخد ابسط حقوقها
ال domination كانت للراجل فى كل انحاء العالم وقت طويل من التاريخ والطبيعى انه كان لازم يحصن نفسه من اى وجود انثوى فى السلطة والحكم يهدد سلطته ووجوده

 

[عبود عبده عبود]

وحتى غريزة الامومة فيه اطباء النفس حاليين بيقولو ان مفيش حاجة اسمها غريزة امومة اصلا وان الراجل ممكن يكون عنده مشاعر امومة قوية زى الست بالظبط لو اتوفرت البيئة المناسبة لتنمية المشاعر ديه فيه

أية أزاى يعنى ؟
هيرّضع ؟؟؟
واية هى البيئة المناسبة دى اللى لو توفرت هتخلى الراجل يرضع بدل الست ؟​

 

[Desert Rose]

انا قولت يرضع ؟
وهى الامومة رضاعة بس ؟

 

[عبود عبده عبود]

انا قولت يرضع ؟
وهى الامومة رضاعة بس ؟

مش انتى اللى قلتى ...دة الطب النفسى
طيب اية هى البيئة اللى لو توفرت هيبقى الراجل عنده مشاعر أمومة ؟
​

 

[Desert Rose]

مش انتى اللى قلتى ...دة الطب النفسى
طيب اية هى البيئة اللى لو توفرت هيبقى الراجل عنده مشاعر أمومة ؟
​

هو ده عموما مش كل الطب النفسى اللى بيقول لان الطب النفسى ليه مدارس كتير وده مدرسة منه وليهم اثباتات على كده
البيئة المناسبة يقصدو بيها التربية من البداية زى مابيربو البنت على انها تهتم بعروستها على انا طفل صغير وتهتم مثلا بأخوها او اختها الصغيرة كـأم صغيرة ليه
وتربية البنت على انها أم فى جميع الاحوال حتى لو كانت صغيرة
لو اتربى الولد فى بيئة تسمحله انه ياخد باله مثلا من اطفال صغيرين او اخواته الصغيرين من غير ما يكون ده مرفوض من الاهل او اعتباره عيب او غلط ان الولد يكون كده بيتربى عنده مشاعر قوية زى الام بالظبط , ده طبعا كلامهم ورأيهم

وحكاية ان الامومة مش غريزة هما جابو عليها اثباتات اللى انا فاكراه منها حاليا ( لان ده كان كتاب قريته من فترة ) ان فيه امهات معندهاش اى مشاعر امومة نهائى ناحية اطفالها وممكن توصل لاهمالهم او حتى قتلهم وضربهم من غير اى احساس بأى مشاعر ناحيتهم بالرغم انها مش مريضة نفسيا
وانما نتيجة لانها ممكن تكون اتربت بنفس الطريقة ومظهرتش فى بيئتها اى مشاعر امومة او حب او حنان ناحيتها ففاقد الشئ لايعيطه فهى كمان لما بقت ام عملت نفس الشئ مع اولادها
اذا الامومة مش غريزة انما مشاعر مكتسبة من البيئة المحيطة
ده كلامهم طبعا وفيه حاجات تانية بس انا مش فاكراها

 

[Strident]

هيييييييه ولعت...يلا يا بنات تعالو اتفرجو دي ممتعة جداً



ديزي: تعليق صغير بس على نقطة:
انتي قلتي قبل كده حكاية الام اللي تقتل طفلها....بس انا مش مقتنع بصراحة ودي حالات نادرة جداً ما يتاخدش منها استنتاج في رأيي....لأن حتى الحيوانات القريبة مننا فيها نفس الpatterns دي وعشان كده بنسميها غريزة...والحيوانات مافهاش KNowledge transfer عشان تتوارث قيم اجتماعية (خلي القرود على جنب فيه دراسات عليها لسه) بس القطط والكلاب مثلاً

اعتقد دي تجربة شاطة وعالم واحد خد الاستنتاج ده I don't know why you take it as authoritative

ماعلقتش على حتة الراجل على فكرة عشان دي معنديش اي فكرة عنها...

يلا كملوا براحتكو ده زي تشجيع cheering كده

 

[sha2awet 2alam]

السلام على من اتبع الهدى :fun_lol:

بتتخانقو فى ايه يا حبايبى :new6:

 

[Desert Rose]

No Johnnie I didn't take it as authoritative at all
شوف ردى على عبود انا قولت فيه ان الطب النفسى مدارس واللى بيقولو كده مدرسة من المدارس ديه مش كل الطب النفسى
والعلم ونظرياته بتتغير يوميا
جايز يطلع الكلام ده غلط وجايز يطلع صح
مين قالك انه كان عالم واحد ؟ عالم واحد ازاى ؟ ديه مدرسة فى الطب النفسى مينفعش تكون من عالم واحد

لا الام اللى بتقتل طفلها بتحصل وكتير
وليها اسباب كتير ممكن منها يكون ال Postpartum depressionاللى هو اكتئاب ما بعد الولادة
او زى ما قالو الاطباء دول نتيجة لظروف التربية وغياب مشاعر الامومة حواليها وهى صغيرة

 

[Desert Rose]

اه وعلى فكرة جونى ممكن تكون غريزة فى الحيوانات لكن مش غريزة فى الانسان
متقارنش الانسان بالحيوانات because we are different

 

[بايبل333]

يا جماعة على مر العصور وعلى مر الازمان وعلى مر الاماكن لم نسمع ان فى رجال حصلت لهم حكاية الامومة دى .؟
لان كلمة الامومة هى غريزة بتتولد بيها البنت مستحيل تيجى للولد
يعنى البنت وهى صغيرة بتحب تلعب بالعروسة عمرى ما شفت ولد مسك بنت ولعب معاها نفس الامر الولد بيلعب بالاسلحة والصواريخ ولم نشوف البنات بتحب كدة
وكيف تتوفر الظروق المناسبة للرجل انه يكون عندة الامومة .؟
اومال الامومة يعنى اى .؟
مش هى جاءت من الام
مستحيل يا جماعة

فيه اماكن فى العالم البنت قدرت انها تاخد حقوقها فى انها تكون نفسها وتعمل احلامها ولازالت لسه بتحارب فى بعض القضايا التانية اللى لسه مقدرتش تاخد حقها فيها ( زى مثلا امريكا فكرة رئيس الولايات المتحدة واحدة ست فكرة لسه الناس مش قابلاها اوى ولا واخدة عليها )

صدقينى انا راجل ولا ست مش هتفرق اهم حاجة الكفاءة عندى
حتى لو كان عفريت وخبر وحش طول ما فى الاسلام على الارض اعرفى ان صعب هيكون للمراءة هتاخد حقوقها دولت بيعترضوا ان المراءة تكون فى اول القائمة فى الترشيح وعايزة تاخدى حقوقكم .؟
صعبة

وحتى غريزة الامومة فيه اطباء النفس حاليين بيقولو ان مفيش حاجة اسمها غريزة امومة اصلا وان الراجل ممكن يكون عنده مشاعر امومة قوية زى الست بالظبط لو اتوفرت البيئة المناسبة لتنمية المشاعر ديه فيه

ممكن اعرف مين هولاء الاطباء.؟
وممكن اعرف هل عملوا ابحاث ووفروا ظروف مناخية كويسة للرجال ونجحت .؟

يا اخت نانسى مفيش فى العالم كله ظروف رجاله مناسبة علشان نعرف ان ليهم الامومة قوية مثل الامومة .؟


الواحد يصدق انة يغسل وينشر ويطبخ والاموار هذه لكن ان تكون له الامومة مثل المراة صعبة .؟

 

[Desert Rose]

انتو بتكلمونى انا وكأنى انا اللى قولت ؟ انا قولت فيه اطباء نفس بيقولوا كده
يعنى حتى مقولتش الطب النفسى بيقول كده انا قولت فيه معنى كده ان فيه ناس تانية مش موافقة على الرأى ده
انا عرضت الكلام كفكرة ومش بقولكو صدقوها وده بان اكتر فى ردى على عبود

بايبل كلمة امومة ارتبطت بالام لكن الامومة مش نوع , الامومة مشاعر وحنان واهتمام وحب
يعنى لو قولت على راجل انه عنده مشاعر امومة معناها انه عنده حب وحنان للاطفال زى الام بالظبط او زى الست بالظبط لكن ده مش معناه انه بقا ست
لكن انت ربطت الامومة بالنوع والامومة مرتبطة بالمشاعر والمشاعر على حسب كلام الاطباء دول بتكون مكتسبة على حسب البيئة المحيطة فى كتير من الاوقات

 

[عبود عبده عبود]

هو ده عموما مش كل الطب النفسى اللى بيقول لان الطب النفسى ليه مدارس كتير

طيب مافيش مدرسة من المدارس دى طلعت ( منهج ) تكلمت عن مشاعر ( الأبوبة )
بلاش فى بحث علمى شالله يارب يكونوا كتبوها ع ( السبورة )
:new6::new6::new6:​

الولد يكون كده بيتربى عنده مشاعر قوية زى الام بالظبط , ده طبعا كلامهم ورأيهم

ياستى عارف انه كلامهم رأيهم
بس مش قاد أفهم يعنى لو أبويا قالى خد بالك من أخوك الصغير
هبقى أم كدة ؟؟؟
:fun_lol:​

 

[بايبل333]

What is the so-called "maternal instinct"?

According to Elise Rubenstein, a Philadelphia psychiatrist who counsel new mothers, the term refers to "an innate tendency want to protect and care for children and one." Almost all mothers (human and animal alike) eventually come to feel this way after having a baby.
I have never been a "one child" before. Does this mean that I will be a mother bad?
Landmarks

http://www.babycenter.com/0_will-you-be-a-good-mother-demystifying-the-maternal-instinct_9897.bc

وشهد شاهد من اهلها :t17:
​

 

[Desert Rose]

​

ياستى عارف انه كلامهم رأيهم
بس مش قاد أفهم يعنى لو أبويا قالى خد بالك من أخوك الصغير
هبقى أم كدة ؟؟؟
:fun_lol:​

لا مش هتبقا أم ياعبود

 

[Desert Rose]

What is the so-called "maternal instinct"?

According to Elise Rubenstein, a Philadelphia psychiatrist who counsel new mothers, the term refers to "an innate tendency want to protect and care for children and one." Almost all mothers (human and animal alike) eventually come to feel this way after having a baby.
I have never been a "one child" before. Does this mean that I will be a mother bad?
Landmarks

http://www.babycenter.com/0_will-you-be-a-good-mother-demystifying-the-maternal-instinct_9897.bc

وشهد شاهد من اهلها :t17:
​

ده مش بينفى او يثبت اى شئ ده رأى من ضمن الاراء
وده اللى انا قولته ان الفكرة اللى انا جبتها مدرسة من مدارس علم النفس ومش كل طب النفس
واللى انت جبته هو الرأى المقابل
مفيش اى مشكلة
كل واحد يشوف هو مرتاح لآيه اكتر ويصدقه

 

[عبود عبده عبود]

لا مش هتبقا أم ياعبود

الحمد لله طمنتينى
بس لية واخدة الموضوع جد أوى كدة ؟؟
دة أنا باهزر ...هو فقط أستفزنى بتوع النفساوية دول
:new6:​