المصطبه النسائيه

[هيفاء الهاشمي]

صباح الخير ياشرطيات. انتم شرطيات انتم؟ بلاخيبه.. لو انكم شرطيات كان فزعتم لي قبل يومين لما اتهجم علي واحد سكران

 

[Desert Rose]

هيفاء ايش السالفة ؟
عموما متمشيش فى شوارع لندن بليل لان فيه بيسكرو ويتجننو انا عارفه كده لما زورتها كنت ماشية بليل وخارجة من محطة القطر وراجل رعبنى صحيح هو مجاش ناحيتى بس كان شكله سكران او مجنون

مفروض تعرفى ازاى تدافعى عن نفسك
تعرفى كنت هفتح موضوع عن كده ؟

 

[حبو اعدائكم]

و حياااتك هتلاقى منهم الساعه 10 بليل فى شارع الثوره!!

 

[هيفاء الهاشمي]

روز
امشي في الشوارع ايه ده انا اجبن من كده بكتيررررر .. بخلص الجامعه وعلى طول بنط في السياره وعلى طول تحت اللحاف او السرير
ماببصش يمين وشمال في الشتاء الدنيا خطر مش زي الصيف فيه ضوء وناس تتمشى بكثره
اللي تهجم هو ابن جيرانا الاهبل سكر وقام دق الباب وانا فتحته فكرة حد عادي حد من رويال ميل اي حد.. تفاجأت فيه يدزني ويشتم .. بس انا طلعت اجدع دزيته بقوه وسكرت الباب .. كمان بلغت عنه جيته القرف ..متعوده اشوف السكارى بالليل ده كان سكران على صبح

اه والله محتاجين موضوع عن طرق الدفاع انا ناويه اشتري مسدس وش رايك؟

حبو اسولف عيوني مازعل منج لو شو يصير ام قلب ابيض انتي

 

[Desert Rose]

هيفاء غلطتك انك فتحتى مش مفروض تفتحى الا لما تعرفى مين
مفيش طريقة تعرفي بيها فى السكن اللى انتى فيه يعنى كاميرا تصور مين اللى بره مثلا ؟

اه لازم تعمليله report عند البوليس ضرورى وكمان اذا كررها تعمليله عن البوليس restraining order عدم تعرض يعنى
وممكن البوليس يحددله ميقربش لكام ميل او كام كيلومتر عندكم
متسكتيش

انا حصلتلى قبل كنت فى مطعم ومكانش متأخر وكان معايا ناس كتير
معرفش جيت اروح ال rest rooms انا وواحدة صاحبتى لقينا واحد سكران جاى فى الممر وكان يشتم ويقول كلام قليل الادب وبعدين كان عمال يزنق علينا الطريق صدقينى من الصدمة مش فاكرة حتى ايه اللى خلصنا منه

لا متشتريش مسدس بس اعرفى physically ممكن تعملى ايه
ممكن افتح موضوع عن كده

 

[هيفاء الهاشمي]

الا عندنا سيكورتي نحن فلل فيها حراس وكاميرات على المدخل بس ده ابن الجيران يعني كان يبلبلعع في الحديقه وقام ديدقدق من بعدي راح على غيري.. معاكي حق لكن في الصبح احس بالامان اكدب عليكي لو قلت اني ادقق دايما افتح عكس الليل .. تعلمت درس .. طبعا بلغت انا وغيري..
السكارى بتوع المطاعم والاندر جراوند تحفه دول بئى مساكين وغالبيتهم هومليسس
ياعيوني صدقيني المسدس اهون طلقه وحده ويموت يالهوي لو عملتها تاني يوم في الجرايد الارهابيه الاماراتيه
هيفاء قتلت مواطن بريئ ههههه

تعرفي عمري مافكرت طرق دفاع دي .. هو انتي بتعرفي طريقه؟

 

[Desert Rose]

لا المسدس مش اهون ليه تقتلى انسان وتدخلى فى تحقيقات ودوامات ملهاش اخر ؟
انا اعرف طرق اه للدفاع عن النفس ممكن افتح بيها موضوع هى حاجات بسيطة يعنى مش مصارع حرة

لا السكران اللى قابلته فى المطعم مكانش homeless كان شخص عادى خالص بس سكران واتجنن

 

[Strident]

هو نص الكلام انا مش فاهمه بصراحة....

بس دايماً فيه سؤال مش باعرف اجابته:

طب مثلاً هيفا واحد اتهجم عليها.....هتبلغ البوليس....هتثبت ازاي انه الشخص ده عمل كده فعلاً؟
او في حالتك انتي يا روز، الراجل اللي في المطعم ده....هتثبتي ازاي للبوليس انه اتعرض لك انتي وصاحبتك فعلاً؟

 

[Strident]

لا المسدس مش اهون ليه تقتلى انسان وتدخلى فى تحقيقات ودوامات ملهاش اخر ؟
انا اعرف طرق اه للدفاع عن النفس ممكن افتح بيها موضوع هى حاجات بسيطة يعنى مش مصارع حرة

لا السكران اللى قابلته فى المطعم مكانش homeless كان شخص عادى خالص بس سكران واتجنن

مش انا اللي اسمي راجل اهو؟ لكن عمري ما خدت اي كورسات دفاع عن النفس...ووقت الجد هارتجل improvise وزي ما تيجي بقى بس اعتقد هاعتمد على المفاجأة والضرب المؤذي شوية...في الوش او الcrotch

 

[Desert Rose]

جونى انا مبلغتش شخصيا قبل كده عن حد ولا طبعا الراجل اللى فى المطعم لانى شوفته فى الممر ومشى ومشوفتوش تانى ومعرفش ولا يمكن اعرف هو مين علشان ابلغ

بالنسبة لهيفاء فهى عارفه هو مين لانه جارها وفيه بلاغات تانية عليه من باقى الجيران
بالنسبة للاثبات الى اعرفه من الناس اللى اعرفهم اللى عملو بلاغات زى كده البوليس فى الحالات ديه مش بيدور على اثبات انما بيروح يحقق مع المتهم بمجرد ما يتقدم فيه بلاغ
انا سمعت عن واحدة بلغت عن جارها انه اتحرش بيها وطبعا مكانش فيه شهود ولا اى حاجة
البوليس اخد اقوالها على انها حقيقة وراح حقق مع الراجل ومراته ( لانه كان متجوز ) وبناته وسألو بناته بابا بيتحرش بيكو ولا لا
يعنى هما بياخدو البلاغ بجدية حتى فى حالة عدم وجود شهود
لكن علشان يتعمله قضية و يروح محكمة لازم بقا ادلة وكده
لكن مجرد التحقيق وانهم يعقدو يقرفو فيه فى التحقيق معاه ومع كل اللى يعرفوه ده فى حد ذاته بيطلع عينيه ويخوفه ويقرفه

 

[Strident]

لا انا مش ده قصدي....طب ما كده ممكن مثلاً لو انتي متخانقة مع حد تروحي تضربي بلاغ كاذب....

 

[Desert Rose]

اه طبعا وده بيحصل كتير واعرف حالات زى كده كتير والبوليس بيحقق بجدية
بس محدش هياخد حكم الا لو فيه ادلة
يعنى القضية مش هتروحح المحكمة الا لما ال District Attorney اللى هو المحامى العام يكون عنده ادلة قوية وقضية

 

[Strident]

ماشي...بس مثلاً لو جارك رمى زبالة في الجنينة بتاعتكو مثلاً....ممكن انتي تروحي تدبي بلاغ وتخليه بقى يتعكنن على كده صح؟ حتى لو مش محكمة

 

[Strident]

ماشي...بس مثلاً لو جارك رمى زبالة في الجنينة بتاعتكو مثلاً....ممكن انتي تروحي تدبي بلاغ وتخليه بقى يتعكنن على كده صح؟ حتى لو مش محكمة

ديزي مختفية يا جماعة حد يعرف هي عاملة ايه؟



فكرت اشوف كده ليه عالمياً المهندسات قليلين جداً....مش ف مصر بس على فكرة...

المهم من مواقع كتيرة فيه موقع فيهم افترح الصورة دي: يـﻻ تعليقاتكم بقى اظن هيبقى موضوع حلو

 

[Desert Rose]

انت حاطط صورة ؟
انا مفيش حاجة ظاهرة عندى

 

[Strident]

 

[Desert Rose]

بردو مفيش حاجة ظاهرة

 

[Strident]

انا حطيت الصورة بس هاخش انام بقى ...

يلا تصبحو على خير وبكرة بقى عايز اشوف مناقشة كبييييرة
انا متأكد الموضوع ده هيعجبكو

 

[Strident]

بردو مفيش حاجة ظاهرة

لا هي باينة اهي في تاني مرة اعملي refres h

او شوفيها هنا
http://etherealmind.com/wp-content/uploads/2012/05/so-few-women-engineers-comic.gif

 

[lo siento_mucho]

فين الصوره
مش ظاهره لا هنا ولا هناك