الأبن الحبيب "سرجيوس ".......الحلم ....... بعد المداولة

[grges monir]

مستنى اشوف الاحلام الشقية من دكتورة شقاوة

 

[sha2awet 2alam]

مازلنا منتظرينك يا شقاوة أحضار مستندات احلامك من الادرج والارفف ووضعها على المنصة ليبت فيها استاذنا ومعلمنا المدعى العام الاستاذ صوت صارخ والحلم بعد المداولة

كل دة ؟؟ انا هتضرب ولا ايه :new2:

شوشو حبيبتى على المنصة منتظرة عرض احلامك على احرمن الجمر
​

ربنا يخليكى يا قمر

شقاوتى الشقيه ههههههه مستنيا حلمك يا جمييييل

انا شقية ؟؟ كدة بتطلعى عليا سمعة :t33: ربنا يخليكى يا حبو

مستنى اشوف الاحلام الشقية من دكتورة شقاوة

ميرسيه يا جرجس .. بس احلامى غلبانة صدقنى :t13:

 

[عبود عبده عبود]

هو أنتى لازم ( تعقمى ) الموضوع قبل ما تدخليه ؟
ياللا اتحفينا
بس خدى بالك ...ينزل الموضوع مرة واحدة
من غير أشعات ولا تحاليل
مش أحلام وبعدها تقولى لنا ( أستشارة ) ؟
​

 

[sha2awet 2alam]

نأسف على التأخير .. قعدت افكر ايه احلامى .. اكتشفت ان بقالى 6 سنين مبحلمش بعيش اليوم بيومه و الوقت بوقته .. فقررت احلم عشان الاقى حاجة اكتبها :t33: و بعد احلام يقظة كتيرة راحت و جت قدامى كلها بالنسبة لى حلوة و كلها متناقضة و حقيقى كلها مش مضمون تحقيقها .. و لانى مبحبش أوقف حياتى على حاجة معينة و عمرى ما وقفتها .. و مبحبش احساس الفشل حتى لو كان فى تحقيق حلم .. قولت اخلى حلمى تحقيق هدف بغض النظر عن الطريق اللى همشيه ..

و كان هدفى فى الحياة من أول مابدأت افهم و افكر لحد ما هموت كالآتى : اعيش سعيدة و استمتع بحياتى بكل الطرق المشروعة و اخلى الناس تشوف بساطة المسيحية و جمالها بعيدًا عن الفلسفة و المجادلات اللى بقينا واقعين فيها .. بس كدة .

انا بحب الحياة و الاستمتاع بيها و معنديش ادنى مشكلة انى اقول كدة بالرغم ان الناس بيفترضو ان اى مسيحى متدين لازم يحب الزهد و التقشف بس انا مش كدة .. و شايفة من حقى انى استمتع بحياتى مادام وخداها من ايد ربنا و اعيشها طول و عرض .. و بحب فى المسيحية البساطة .. البساطة اللى بجد .. قلب نقى و محبة غير مشروطة بس كدة .. انا شايفة هى دى المسيحية و دة اللى انا عايزة اعمله احب الناس كل الناس مهما كانو مين و مظنش فى حد حاجة وحشة .. يمكن لسة موصلتش للمرحلة دى بس بحاول حلمى انى اوصلها ..

هو دة حلمى

 

[sha2awet 2alam]

هو أنتى لازم ( تعقمى ) الموضوع قبل ما تدخليه ؟
ياللا اتحفينا
بس خدى بالك ...ينزل الموضوع مرة واحدة
من غير أشعات ولا تحاليل
مش أحلام وبعدها تقولى لنا ( أستشارة ) ؟
​

هو انت كل مرة تفتح الحوار دة و تقلب عليا الجروح .. مفيش مرة تغيّر من سكات .. و بعدين مالها الاستشارة يعنى ؟؟ دة حتى " ماخاب مَنْ استشار ":new6:

 

[grges monir]

الاستمتاع بالحياة ليست ضد المسيحية
الاستمتاع بالحياة فى شخص المسيح قمة اللذة
لم يخلق اللة هذا العالم بجمالة وببهائة لكى لاننظر لة بل لنستمتع ونستفيد منة
انا شايف احلامك مشروعك شقاوة
بعد عرضها على لجنة فتوى الازهر ههههههه

 

[Strident]

يااااا خسااااااااااااارة فاتتني الهيصة اللي قبل ما تخش كنت زيطت زيطة مالهاش حل...

عموماً انا مش عارف ليه كنت متوقع أحلامك هتكون كده...

بس فيه ملحوظة بقى:

بتقولي "بالطرق المشروعة"....

انهي كتالوج بقى؟ منين هتحددي ايه مشروع وايه لأ؟


كمان الكﻻم عام شوية...احب اعرف خططك \ احلامك في النقط دي:

1- الهجرة والسفر
2- الأسرة والارتباط والانجاب
3- مهنتك

 

[white.angel]

نأسف على التأخير .. قعدت افكر ايه احلامى .. اكتشفت ان بقالى 6 سنين مبحلمش بعيش اليوم بيومه و الوقت بوقته .. فقررت احلم عشان الاقى حاجة اكتبها :t33: و بعد احلام يقظة كتيرة راحت و جت قدامى كلها بالنسبة لى حلوة و كلها متناقضة و حقيقى كلها مش مضمون تحقيقها .. و لانى مبحبش أوقف حياتى على حاجة معينة و عمرى ما وقفتها .. و مبحبش احساس الفشل حتى لو كان فى تحقيق حلم .. قولت اخلى حلمى تحقيق هدف بغض النظر عن الطريق اللى همشيه ..

و كان هدفى فى الحياة من أول مابدأت افهم و افكر لحد ما هموت كالآتى : اعيش سعيدة و استمتع بحياتى بكل الطرق المشروعة و اخلى الناس تشوف بساطة المسيحية و جمالها بعيدًا عن الفلسفة و المجادلات اللى بقينا واقعين فيها .. بس كدة .

انا بحب الحياة و الاستمتاع بيها و معنديش ادنى مشكلة انى اقول كدة بالرغم ان الناس بيفترضو ان اى مسيحى متدين لازم يحب الزهد و التقشف بس انا مش كدة .. و شايفة من حقى انى استمتع بحياتى مادام وخداها من ايد ربنا و اعيشها طول و عرض .. و بحب فى المسيحية البساطة .. البساطة اللى بجد .. قلب نقى و محبة غير مشروطة بس كدة .. انا شايفة هى دى المسيحية و دة اللى انا عايزة اعمله احب الناس كل الناس مهما كانو مين و مظنش فى حد حاجة وحشة .. يمكن لسة موصلتش للمرحلة دى بس بحاول حلمى انى اوصلها ..

هو دة حلمى

استمتعى ... ولا ترضخى لاى محاولات اجبار ..
يمكن فى حاجات انت ملزمه بها عن اضطرار ...
ويمكن وقتها مكنتيش تقدرى تتخذى الحريه الكامله فى القرار ...
بس اتمسكى بأنك تحققى حلمك ...

بس يا حبيبتى دة مش حلم .. دة حقك ... فين بقى حلمك
​

 

[sha2awet 2alam]

الاستمتاع بالحياة ليست ضد المسيحية
الاستمتاع بالحياة فى شخص المسيح قمة اللذة
لم يخلق اللة هذا العالم بجمالة وببهائة لكى لاننظر لة بل لنستمتع ونستفيد منة
انا شايف احلامك مشروعك شقاوة
بعد عرضها على لجنة فتوى الازهر ههههههه

هههههههههه هى وصلت انك تحول اوراقى للمفتى ؟؟ اعدام :smil12:

منورنى يا جرجس ربنا يخليك يارب

يااااا خسااااااااااااارة فاتتني الهيصة اللي قبل ما تخش كنت زيطت زيطة مالهاش حل...

عموماً انا مش عارف ليه كنت متوقع أحلامك هتكون كده...

بس فيه ملحوظة بقى:

بتقولي "بالطرق المشروعة"....

انهي كتالوج بقى؟ منين هتحددي ايه مشروع وايه لأ؟


كمان الكﻻم عام شوية...احب اعرف خططك \ احلامك في النقط دي:

1- الهجرة والسفر
2- الأسرة والارتباط والانجاب
3- مهنتك

احسن برضه انك ملحقتش :beee: .. الشرعية انا مؤسستها :yahoo: و انا اللى هحددها ( شوفت السيطرة ) :smil12: .. بس اكيد مش من الشارع يعنى .. حسب تربيتى فى الكنيسة و حسب عقلى انا اللى هوزن الامور و اعرف حدودى و متخطاهاش ..

1- الهجرة و السفر .. جم اهلا و سهلا بس هيفضل ليا بيت فى مصر و اكيد هرجعلها فى يوم دة اتفاقى مع كل عيلتى اننا مهما سافرنا نرجع فى يوم عشان نتجمع تانى

2- الاسرة و الارتباط و الانجاب : موضوع اسرة مرتبط معايا بالحب او اقل تقدير احساس بالارتياح لشخص معين .. لو ربنا اراد و حبيت و قدرت ارتبط بالشخص اللى بحبه هبقى اسعد انسانة و هخليه ملك كونه .. لو محصلش هعيش سعيدة و هدور على السعادة بأى طريقة تانية .. الانجاب برضه بايد ربنا .. ربنا اراد انى ابقى ام هبقى اسعد انسانة و هربى ولادى زى ما والدتى ربتنى .. لو محصلش هعيش سعيدة مع زوجى و ههتم بيه كأنه طفلى و حبيبى و زوجى .. عشان كدة محددتش احلامى لانها مش كلها فى ايدى تحقيقها للاسف خصوصًا السفر و الارتباط من اكتر الحاجات المرهونة بالظروف اكتر من انها مجهود شخصى .

3- مهنتى .. عشان اكون واقعية هترتبط برضه لو حصل ارتباط ولالا و هترتبط بالتخصص اللى هتخصصه باذن ربنا .. ليه بقول كدة ؟ لان انا مهنتى شغل عملى اكتر من انها اعمال مكتبية و محتاجة دراسة مستمرة و تفرعاتها كتيرة و كبيرة .. و كل دة طبعًا بيسحب وقت و مجهود .. فهل لو انا مش مرتبطة و متفرغة هيبقى زى ما متجوزة و معايا طفل ؟ صعب جدًا .. و مع ذلك مستحيل فى يوم اقعد فى البيت و اتخلى عن مهنتى اللى تعبت عشان اوصلها .. لكن الاعتدال حلو .. اشتغل اة بس بفترات ثابتة و بلاش التخصصات اللى ممكن يجيبونى من بيتى الساعة 4 الفجر عشان المريض عايزنى و اسيب زوجى و ابنى ولا بنتى .. لكن لو متفرغة ممكن ابات فى المستشفى اصلا :smil12: .. فيه بنات غيرى يقبلو بيها و يقولو ايه المشكلة حتى لو متزوجة دة يحصل بس بما انى عايزة اربى ولادى زى ما ماماتى ربتنى يبقى لازم اخلقلهم الجو الهادى فى البيت و مظنش جو الطوارئ دة هادى ابدًا ..

منورنى و ايدى وجعتنى :a82:

استمتعى ... ولا ترضخى لاى محاولات اجبار ..
يمكن فى حاجات انت ملزمه بها عن اضطرار ...
ويمكن وقتها مكنتيش تقدرى تتخذى الحريه الكامله فى القرار ...
بس اتمسكى بأنك تحققى حلمك ...

بس يا حبيبتى دة مش حلم .. دة حقك ... فين بقى حلمك
​

لا تقلقى انا بستمتع من دلوقتى اصلا :yahoo: ههههههههههه ماهو فى الحياة اللى احنا عايشينها مجرد انك تاخدى حقوقك بقا حلم

منورانى يا وايت و وحشانى :smil12:

 

[Samir poet]

ربنا يحققلك كل احلامك يا شقاوةواكتر حاجة
عجبتنى فى كلامك
الجملة دى
هخليه ملك كونه
هههههههههههههههههههههههه
ياريت بقى تفهمويا بنات يعنى اية رومانسية
تسلم رومانسيتك يا شقاوة
ويارب تحققى كل اللى نفسك فية

 

[صوت صارخ]

نأسف على التأخير .. قعدت افكر ايه احلامى .. اكتشفت ان بقالى 6 سنين مبحلمش بعيش اليوم بيومه و الوقت بوقته .. فقررت احلم عشان الاقى حاجة اكتبها :t33: و بعد احلام يقظة كتيرة راحت و جت قدامى كلها بالنسبة لى حلوة و كلها متناقضة و حقيقى كلها مش مضمون تحقيقها .. و لانى مبحبش أوقف حياتى على حاجة معينة و عمرى ما وقفتها .. و مبحبش احساس الفشل حتى لو كان فى تحقيق حلم .. قولت اخلى حلمى تحقيق هدف بغض النظر عن الطريق اللى همشيه ..

و كان هدفى فى الحياة من أول مابدأت افهم و افكر لحد ما هموت كالآتى : اعيش سعيدة و استمتع بحياتى بكل الطرق المشروعة و اخلى الناس تشوف بساطة المسيحية و جمالها بعيدًا عن الفلسفة و المجادلات اللى بقينا واقعين فيها .. بس كدة .

انا بحب الحياة و الاستمتاع بيها و معنديش ادنى مشكلة انى اقول كدة بالرغم ان الناس بيفترضو ان اى مسيحى متدين لازم يحب الزهد و التقشف بس انا مش كدة .. و شايفة من حقى انى استمتع بحياتى مادام وخداها من ايد ربنا و اعيشها طول و عرض .. و بحب فى المسيحية البساطة .. البساطة اللى بجد .. قلب نقى و محبة غير مشروطة بس كدة .. انا شايفة هى دى المسيحية و دة اللى انا عايزة اعمله احب الناس كل الناس مهما كانو مين و مظنش فى حد حاجة وحشة .. يمكن لسة موصلتش للمرحلة دى بس بحاول حلمى انى اوصلها ..

هو دة حلمى

مع كل حلم نراه على المنصة نكتشف امر غريب ..... وهو ان الحقوق ..... صارت من الاحلام ..... فياله من زمن ..... نحلم فيه ان نتنفس .....

احلامك التى وضعتيها على المنصة .... مشروعة ... بل من صميم حقوقك ابنتى ...

ما وضعتيه عن زوج المستقبل ..... تفتقده كثير من الزوجات .... تحياتى على ما وضعتيه ...

عليك ابنتى تحديد صاحب الحلم التالى .... ليضع حلمه على المنصة

 

[sha2awet 2alam]

ميرسيه يا استاذى ربنا يخليك

مممممممممم اختار العضوة الطيووووووبة " حبو اعدائكم "

 

[!! Coptic Lion !!]

اخيراً
بقالك كتير اوي بتحلمي
خلصتي الروز والملايكه قامو نص بطن يا ساتر

منوره يا خاله حبو
اكيد حلمه تبقي مدرسه لغه عربي صح هههههههههه
​

 

[عبود عبده عبود]

ميرسيه يا استاذى ربنا يخليك

مممممممممم اختار العضوة الطيووووووبة " حبو اعدائكم "

هااااااااااار أسود عليا وعلى سنينى السووودة
حد يجى يشيل الكى بورد من قدامى
:t33::t33::t33:​

 

[حبو اعدائكم]

هااااااااااار أسود عليا وعلى سنينى السووودة
حد يجى يشيل الكى بورد من قدامى ​

:t33::t33::t33:​

طيب ما نبعت حد يشيلنى احسن و كدا يبقى قطعنا العرق و سيحنا الدم ههههههههههههههههههههههههههههههههههههه مش عارفا بقول ايه--
يساااامحك يا شقاوه :smil13:
استنى لما يجيلى الإستدعى ههه.

 

[sha2awet 2alam]

اخيراً
بقالك كتير اوي بتحلمي
خلصتي الروز والملايكه قامو نص بطن يا ساتر

منوره يا خاله حبو
اكيد حلمه تبقي مدرسه لغه عربي صح هههههههههه
​

اعملك ايه بس .. انا بس رديت فى الموضوع عشان خاطر استاذ صوت بس .. لانى للاسف ورايا بلاوى بشوف النت صدف :smil13:

و متغلسش على حبو .. دى فى حمايتى :beee:

هااااااااااار أسود عليا وعلى سنينى السووودة
حد يجى يشيل الكى بورد من قدامى
:t33::t33::t33:​

مالك نفسه خير من مالك مدينة يا عوبد :t33: امسك نفسك امااااااال :t33: و على الله اسمع نص كلمة تريقة علي احلامها هيبقى فيها تجريثك انت حر .. :beee:

طيب ما نبعت حد يشيلنى احسن و كدا يبقى قطعنا العرق و سيحنا الدم ههههههههههههههههههههههههههههههههههههه مش عارفا بقول ايه--
يساااامحك يا شقاوه :smil13:
استنى لما يجيلى الإستدعى ههه.

هيسامحنى متقلقيش عليا :t33: ... اول ما استاذنا يقولك .. دوووووووووسى و انا فى ظهرك يا كبيرة متقلقيش محدش يقدر يقولك حاجة :spor24:

 

[صوت صارخ]

ميرسيه يا استاذى ربنا يخليك

مممممممممم اختار العضوة الطيووووووبة " حبو اعدائكم "

شكرا للأبنة المباركة sha2awet 2alam ....... ولتتفضل الأبنة حبو اعدائكم بوضع حلمها على المنصة ......

 

[Strident]

ايوا بقى

 

[!! Coptic Lion !!]

احلمي يا حبو
احلمي قبل الحلم ما يغلي وؤتعبي في ازايز
ويتباع لنا بالواحده واهو كل شئ جايز

 

[حبو اعدائكم]

احلمي يا حبو
احلمي قبل الحلم ما يغلي وؤتعبي في ازايز
ويتباع لنا بالواحده واهو كل شئ جايز

يا عياااد يا عيااد من امبارح و انا عماله اضرب دماغى :t19:
يمكن حلم يطلع كدا و لا كدا--------
حاضر حااضر هعبى فى ازايز --- اصدى هحلم هحلم---
شويه بس و هنزل بالاحلام--
عماله اكتب و امسح اكتب و امسح