افضل واسوأ فيلم عربى واجنبى (نقد افلام)

[حبو اعدائكم]

النهاردة ابتديت اول افلام بوليود
واللى مكنتش بحب اتفرج عليها ابدا نظرا لطول مدتها وسخافه بعض المشاهد فيها ( ده كان فى افلام شوفتها من 10 سنين كدة
النهاردة اتفرجت على فيلمKahaani
فيلم يشدك من الاعلان بتاعه
وبياخدك جواه وتبحث معاهم عن الزوج الغائب
فيلم جميل ويليق ببدايه دخولى لعالم بوليود
اللى عنده فيلم تانى مستواه كويس كدة يقولى اسمه وانا هتصرف وانزله

ج
بيك على وايت
هتقوم معاك بالواجب

 

[white.angel]

طلب وايت مدام انتى تخصص هندى كدة
ابعتيلى الافلام التوب اللى شوفتيها
انا مش شوفت هندى من ايام اميتاب باتشان ههههه

النهاردة ابتديت اول افلام بوليود
واللى مكنتش بحب اتفرج عليها ابدا نظرا لطول مدتها وسخافه بعض المشاهد فيها ( ده كان فى افلام شوفتها من 10 سنين كدة
النهاردة اتفرجت على فيلمKahaani
فيلم يشدك من الاعلان بتاعه
وبياخدك جواه وتبحث معاهم عن الزوج الغائب
فيلم جميل ويليق ببدايه دخولى لعالم بوليود
اللى عنده فيلم تانى مستواه كويس كدة يقولى اسمه وانا هتصرف وانزله

يا سلاااااااااام ... واضح ان غزوة الهند هتبدأ تندع مرتدين اهى
وهنجح فى هدايتكم انشاء الله :yahoo:

اللى بيحب الاكشن يشوف دول :
Don
Don 2
Players
Dhoom2
Game
Kahaani
Race
دى اروع افلام اكشن وساسبينس شفتها لبوليوود
قمة المفاجئات والخيانه والخدعه ...

الرومانسى بقى كتير ..
بس دول اروع افلام رومانسيه شفتها :الــ 4K
واطلع عليهم اللقب دة لانهم اروع اربع افلام عملهم كاران جوهر والاربعه بحرف الـ K
Kuch Kuch hota hai
Kabhi kushi kabhi gham
kabhi alvida naa kahina
kal ho naa ho

Dil to pagal hai
Mohabbatin
veer zaara

الكوميدى فى بوليوود مرادف "هبل" بأستثناء قله
House full
House full2
Dhamaal

ولما افتكر حاجة هاجى اكتبها .. طبعاً فى افلام روعه كتير
بس بالنسبالى دة التوب لكل نوع :t31:
​

 

[Twin]

انا دخلت الأسبوع ال فات فيلمين ... وكسبت فيلم dvd من اللعب ههههههههه

دخلت الأول فيلم Safe
فيلم تحفه أخر حاجة
والفيلم التاني The Expendables 2
وانا عندي الجزء الأول ع اللاب ... بس التاني جامد
بجانب أبطال الجزء الأول ... بغياب ستيف اوستن
دخل فندام والواد بتاع المصارعة الروسي -مش فاكر اسمه- وأرنولد وويلز كان ليهم دور في الجزء التاني هنا مش ضيوف شرف
بس الغريب في الفيلم أختفاء لي بعد مشهدين ومظهرش تاني ... شكله كان مشغول

طبعاً أنا حطيت أسماء الأفلام باللينكات بتاعتها ... تقدروا تتبعوا كل حاجة عنها ... وفي أوبشن في الموضوع لتغير اللغة للعربية

​

 

[Twin]

امبارح بقي أنا أتفرجت علي فيلمين عربي ع اللاب ... بصراحة هما مش جمدين خالص
بس هقول محاولات جيدة
فيلم الوعد وفيلم عزبة أدم ​

 

[إيمليــآ]

,.

" Final Destination "

أنآ مش عآرفة أتعمل منهـ كم جزء بآلظبط
بس أنآ شفت 2 & 3 & 4

سلسلة أفلآم رعب
إللى حسسنى إنهآ مختلفة ومميزهـ
آلفكرهـ إللى بتدور عليهآ .. وهى " آلقدر "
وإن إحنآ إللى بنصنع أقدآرنآ
وأى شئ بيتم فى حيآتنآ مهمآ كآن هنلآقيهـ فى آلآخر بيعود لإختيآر .. أو توجيهـ مننآ


.،


​

 

[Desert Rose]

من الافلام اللى كلمة بشعة قليلة عليها هو فيلم كركر
غير انو غبى والقصة تافهه انما ايه الاسفاف ده ؟ الفيلم كلو ايحاءات جنسية وياريتها ايحاءات جنسية عادية ديه كمان شاذة
بجد مش قادرة اصدق اللى بيعملوه فى عقول الشباب ده المشاهد الخارجة ساعات بتبقى ارحم من الايحاءات اللى بتبقى شغالة طول الفيلم ديه
الفيلم very painful بجد

 

[Desert Rose]

وايت انا مش بحب الهندى خالص زمان واحنا صغيرين كان اخويا يحب يشوفها وانا اتخانق معاه لانى مش عايزة اشوفها
افلامهم كانت طويلة مملة معرفش دلوقتى ايه
ده غير انهم بيهزو راسهم بطريقة عجيبة وهما بيتكلمو وديه طريقة الهنود على فكرة فى لحقيقة مش عارفه ازاى مش بيجلهم رجرجة فى المخ ؟:dance:

 

[white.angel]

وايت انا مش بحب الهندى خالص زمان واحنا صغيرين كان اخويا يحب يشوفها وانا اتخانق معاه لانى مش عايزة اشوفها
افلامهم كانت طويلة مملة معرفش دلوقتى ايه
ده غير انهم بيهزو راسهم بطريقة عجيبة وهما بيتكلمو وديه طريقة الهنود على فكرة فى لحقيقة مش عارفه ازاى مش بيجلهم رجرجة فى المخ ؟:dance:

بصى زمان الفيلم كان طويل وكان بيفتقر للحبكه يعنى كان ساذج دة غير ان معظم افلامهم كانت بتعتمد على المبادئ الهندوسيه زى البعث والحياه كزا مره .. الافلام دى لما تشوفيها ناو شخصياً بستمتع بيها ... كأنك بتقرى روايه ... انما زمان كانت وحشه جداً

انما حالياً بوليوود اتغيرت تماماً ... تقدرى تقولى 180 درجه وبدأت مؤخراً تنافس هوليوود .. وخصوصاً انهم بيتفقوا على هوليوود بالأستعراضات ... الفيلم بينزل معاه البوم اغاانى كامل مش اقل من 5 اغانى ... والمطربين يجننوا

هما بيهزوا راسهم بطريقه مختلفه لذيذه .. بحبها D:
​

 

[oesi no]

اتفرجت مؤخرا على فيلم snow white and the huntsman
مدة الفيلم 127 دقيقة بطولة الجميلة Kristen Stewart
الفيلم نوعه فانتازيا وخيال علمى
فيلم مشوق جدا وفيه مجموعه جميله من المناظر المبهره ده طبعا بالاضافة للصراع المعروف بين الخير والشر والقلب الطيب قصاد السحر الاسود
فيلم جميل ومع الاسف فاتنى فى السينما
​

 

[Desert Rose]

فيه فيلم تانى افتكرتو
اسمو when a stranger calls بطولة الجميلة camilla belle
الفيلم رعب بس مش الرعب المعتاد لان الفيلم كلو بيدور جوه بيت واحد ويفضل طول الفيلم يديك الايحاء ان فيه حاجة وحشة هتحصل بس مبتحصلش غير اخر نص ساعة فى الفيلم اسلوب الفيلم عجبنى وشدنى وخلانى اشوفو مرتين رغم انو فى المرتين خلانى قاعدة على اعصابى من كتر ال suspense
غير طبعا جمال camilla belle انا بحبها :flowers:

 

[Desert Rose]

فيه فيلم عربى افتكرته اسمه حبيبى نائما لمى عز الدين :11azy:
طبعا بغض النظر عن تقل دم مى عز الدين الذى لايوصف بالرغم من جمالها وبغض النظر انها مبتعرفش تمثل :shutup22:
الفيلم اصلا مسروق من فيلم اجنبى اسمو shallow hall
طبعا هما بهدلو القصة الاصلية للفيلم بهبل مى عز الدين وتفاهه الاداء

 

[Critic]

The Patriot
لميل جيبسون
الفيلم كله مشاعر وحماس كعادة افلام جيبسون
والمشهد المُخلد , لما بنته الصغيرة (اللى لسة متعلمة كلام جديد) جريت عليه وهو ماشى وهى بتعيط وقالتله هقول اى حاجة انت عايزها بس متمشيش
مشهد مبكى فعلا والبنت كانت مؤثرة وميل جيبسون طبعا مش محتاج وصف لادائه

[YOUTUBE]cSWuFvMdDwQ[/YOUTUBE]

 

[إيمليــآ]

,.

فيلم " بنتين من مصر "

تقريباً أول فيلم عربى يلآمس مشآكل آلمرأة بآلشكل دهـ
وعرف يعرض بشكل رآئع .. آلترآبط بينهآ وبين مشآكل وفكر مجتمعنآ

مميز جداً



.،​

 

[أمواج]

من افضل الافلام في السينما المصرية ولو عملت السينما كل يوم فيلم لن يضاحي جمال وروعة فيلم (افواه وارانب ) للفنانة الرائعة فاتن حمامة
اما اسوأ فيلم فهو للاسف للفنان عادل امام رغم اعجابي لأفلامه الان ان فيلم (عنتر شايل سيف) وفيلم التجربة الدنماركية ) هما من اسوأ الافلام لعادل امام فقط
اما الافلام الجديدة والممثلين الجدد فلا اضيع وقتي لمتابعتهم

 

[grges monir]

Equilibrium فيلم
مميز جدا
بالاضافة الى مستوى الاكشن المميز بة لا انة ذات فكر وعمق للشخصية الانسانية بصورة رائعة

 

[oesi no]

Unconditional
للين كولينز
فيلم اكثر من رائع وانصح الكل بمتابعته
بيتكلم عن الحب بيتكلم عن الامل وبيناقش مشكله الاطفال اللى بلا اب
وهو قصة واقعيه
لسه حاضره حالا وفعلا استمتعت بيه

 

[Desert Rose]

فيلم Game Over ليسرا ومى عز الدين
من اسوأ الافلام اللى حصلت او لسه هتحصل فى تاريخ الانسانية
الفيلم اصلا مسروق من فيلم جينفير لوبيز وجين فوندا Monster in law طبعا النسخة الاصلية من اكتر من رائعة وانصح انكو تشوفوها هيعجبكو

انما ده اسفاف وتخلف وانحطاط فكرى وسيناريو مش راكب على بعضه ومشاهد غبية ومفتعلة وتمثيل يقرف
لا انصح بمشاهدته فهو قد يسبب امراض القلب والشرايين والسكر وتليف الكبد ده غير طبعا التخلف العقلى :new6::new6:

 

[grges monir]

فيلم عبدة موتة
افلام محمد رمضان تقريبا لاتمثل سوى التدنى الفكرى
بلا مضمون واضح
معتمد على الاثارة فقط

 

[Desert Rose]

فيلم Blind Side لساندرا بولوك
انا بحب ساندرا جدا لان تمثيلها هو السهل الممتنع , مش تحس انها بتمثل
simply Sandra
والفيلم قصة حقيقية عن حياة اللاعب مايكل اور
اللى اتبنته عائلة امريكية بيضاء غنية وهو اسود واصبح ابن رسمى ليهم وبسببهم بقا لاعب كرة قدم امريكية كبير جدا ومشهور جدا فى امريكا

الفيلم انسانى جدا جدا , وفيه معانى انسانية جميلة وعميقة جدا وتمثيلهم طبعا اكتر من رائع

الفيلم بيوضح روعة التبنى واجمل مشهد فيه لما ساندرا بتقول لصديقاتها عن الولد الاسود اللى هى هتتبناه وهما بيتريقوا علشان اسود
بتقولهم Shame on you العار عليكم

 

[grges monir]

فيلم mAN ON FIRE
دانيزل واشنطن ممثل فوق العادة بالاضافة ان تركيبة افلامة الدرامية مميزة جدا
فيلم مع ان شكلة بيقول انة اكشن فقط لكن علاقة داينزل بالبنت الصغيرة وازاى اثرت فية وغيرت منة جميل جدا