افضل واسوأ فيلم عربى واجنبى (نقد افلام)

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,342
النقاط
0
الإقامة
فى البيداء وحدى
زى ما هو واضح من العنوان
تقدر تقول افضل واسوأ الافلام اللى اتفرجت عليها وتقدر تقول نقد (او مجرد رأى) عن ايجابيات وسلبيات اوسقطات فيلم معين (عربى او جنبى)
والموضوع متجدد يعنى ممكن كل ما تفتكر فيلم ما تدخل تعلق عليه
ممكن تمسك فيلم واحد بس وتفصصه نقد , حسب ما تحب

رأيى

العربى

افضل افلام , او اعلى مستوى , او اكتر الأفلام اللى اتأثرت بيها
اسف على الإزعاج , الجزيرة , افريكانو ,سهر الليالى , تيمور وشفيقة , ظرف طارق, حرامية فى كيجى تو
كل فيلم من دول نجح انه يخلينى انسجم وجدانيا معاه فى اجزاء معينة ومشاعر معينة (وفى المداخلات القادمة هعلق على كل فيلم مهم وعجبنى على حدا)

اسوأ الأفلام , اللى ندمت انى ضيعت وقتى عليها , وكنت على وشك الأصابة بشلل رعاش :
على اسبايسى , قشطة يابا ,معظم اعمال هنيدى , معظم اعمال محمد سعد , ... والقائمة لا تنتهى !!!

ويؤجل الأجنبى

اتمنى يكون فيه تفاعل , وشخصيا بهتم جدا بالأراء فى الأعمال السينيمائية ,فيهمنى ارائكم
 
التعديل الأخير:

Desert Rose

I have a dream
عضو مبارك
إنضم
10 نوفمبر 2010
المشاركات
8,445
مستوى التفاعل
1,984
النقاط
0
ممممممم كريتك موضوع حلو اوى
بص ياسيدى هبتدى بالاجنبى انا عموما فى الافلام احب الافلام اللى اقدر اتفاعل معاها فى المشاعر والوجدان وممكن جزء من الفيلم يأثر فيا جدا واحب الفيلم بسببو
مثلا فيلم للعبقرى الباتشينو scent of a woman الفيلم رغم انو قصتو بسيطة انما اللى عمل روعة للفيلم هو الاداء العبقرى للاباتشينو ( هذا الرجل اعشقو واحسو مدرسة لوحدو ) وخصوصا فى جزء من الفيلم لما كان فى المحاكم بتاعت الولد اللى كان بيراعاه فى المدرسة
لما بدأ خطابو ب ياصناع امريكا ياصناع الرجال اللحظة ديه epic
فيلم تانى شوفت قريب وهو the help الفيلم ده قمة المشاعر الانسانية المعقدة اللى فيه غير عادية من حبى فيه شوفتو اكتر من مرة وهو بيتكلم عن مأساة السود فى امريكا فى الاربعينيات

فيلم تالت وهو changeling لانجيلينا جولى الفيلم ده فظيع لانو قصة حقيقة واداء انجيلينا فيه اكتر من رائع
ليها فيلم تانى اسمو girl interrupted الفيلم نفسو يمكن ميكونش حلو اوى لكن اداء انجيلينا فيه كان epic واخدت عليه الاوسكار وتستحقها فعلا

فيه فيلم تانى لالباتشينو اسمو 88 دقيقة , الفيلم ده انسانى على بوليسى على كلو ده غير طبعا اداء الباتشينو اللى معرفش حتى اوصفو
هرجع تانى بالعربى
 

V mary

عضو مبارك
عضو مبارك
إنضم
5 مايو 2012
المشاركات
1,637
مستوى التفاعل
313
النقاط
0
الإقامة
من مصر دعوت ابني
اولا فكرة ظريفة جداً
اظرف فيلم شفتة هو حب البنات
واكتر افلام بحس انها ليها معني
أسف علي الازعاج والف مبروك رغم ان افكارهم أجنبية لكن تم تمصرهم بشكل جيد جداً
اما أسواء افلام
بوحة وبوشكاش والليمبي٨جيجا كتكوت وكركر
بعتبرهم أسفاف وتقليل من عقول المشاهدين
اما مالا يطلق عليها افلام اصلا
افلام مصطفي قمر كلها
شكرًا
 

إيمليــآ

نحوكـ عيّني ..♥
عضو مبارك
إنضم
21 يونيو 2012
المشاركات
3,792
مستوى التفاعل
1,126
النقاط
0
الإقامة
عآلمى آلخـآص ..~
,.

أمممم
فى آلعربى
معظم أفلآم خآلد يوسف بتعجبنى جداً افكآرهآ ورؤيتهآ
لكن بيؤخذ عليهآ إقحآم بعض آلمشآهد آلغير لآئقة
وأفلآم حلمى مميزهـ

على مستوى آلأجنبى
بتعجبنى جداً أفلآم ميل جيبسون وتوم هآنكس وسآندرآ بوليكـ وأنجلينآ جولى
وفيهـ غيرهم طبعاً



وليآ عودهـ
فكرهـ جميلة
:)


.،
 

white.angel

فيلسوفه مسيحيه
عضو مبارك
إنضم
6 يوليو 2010
المشاركات
3,777
مستوى التفاعل
1,303
النقاط
0
هكتفى بالمتابعه
لانى لا بشاهد العربى ولا الاجنبى
ثقافتى بوليووديه بحته :(
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,342
النقاط
0
الإقامة
فى البيداء وحدى
من ضمن الأفلام العربى الرائعة (ومخدش حقه علشان ذوق الاغلبية هابط) فيلم
" حب البنات"
الفيلم ده عميق جدا وجواه معانى نفسية جامدة عن سيكلوجية الحب العاطفى والطفولة وتأثيرها على الانسان لحد ما يكبر
تمثيل اشرف عبد الباقى (الطبيب النفسى) فيه كان تحفة , كان بيلعب دور الرواى فى الفيلم , وبيساعد بطلات الفيلم التلاتة لتخطى مشاكلهم العاطفية
حنان ترك ابدعت فى شخصية البنت اللى بتحاول تخفى انوثتها (تسترجل) علشان مقتنعة ان الرجالة كلهم خاينين لأن ابوها خان امها وهى طفلة , وازاى الحب غيرها تدريجيا رغم انها قابلت مقاومة كبيرة للتغيير
ليلى علوى برضو لعبت دور هايل , البنت اللى بتهرب من الحب المسئول (الزواج) بحجج ورا التانية , وهى مش واخدة بالها اصلا انها بتهرب , بعنى مشكلتها كانت فى اللاوعى
وهنا شيحة , البنت اللى عاشت فى امريكا ومنفتحة جدا , وعايشة قصة كول وتكتشف فى الآخر انه كان مجرد اعجاب
وازاى الدكتور مر على ال 3 حالات وفى كل حالة بيتعتقد ان ده حب بس بيواجه نفسه انه مجرد تعلق , لحد ما لقى ان موقه تجاه هنا شيحة مختلف تماما وحس انها علاقة مختلفة

الفيلم فعلا epic ومستواه عميق جدا
انصح جدا بمشاهدته :D :D
 
التعديل الأخير:

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,963
مستوى التفاعل
1,989
النقاط
113
الموضوع ده حكايه
هرجعلكم بلسته
كلها اجنبى
هههه
 

the shepherd

عضو مبارك
عضو مبارك
إنضم
8 يناير 2012
المشاركات
872
مستوى التفاعل
355
النقاط
0
افلام انمي ياباني

5 centimeters per second
من اروع الافلام الي استمتعت بمشاهدتها .
بجد فيلم كدة مينفعش تقول اتفرجت عليه الكلمة الوحيدة لوصف تجربه مشاهدته هي : عشت القصة .
بجد بيستعرض الحياة كما هي في الواقع بقسوتها بغموضها , كيف ينمو الحب و كيف يموت ,
كيف تتبدل اشياء و اخري تظل ثابته الي الابد , دون اسباب . ستختبر جبروت الحياة , جمالها وقبحها ,
رقتها و قسوتها . فيلم يعطي معني جديد للحياة .

the girl who leapt through time
الاختيار . في البداية تعتقده فيلم للاطفال حول اله الزمن . و لكن بعد قليل تدرك ان هناك ما هو اعمق من تلك الفكرة الخيالية .
هناك اشياء لا نشعر بقيمتها الا بعد ان نفقدها و للاسف حتي لو استعدنا الزمن لن تسير الامور كما سارت من قبل .
فنحن نقتل ما نريد لنعود فنقتل انفسنا لقتلنا اياه . اكثر من مؤثر و عميق

بس لازم اعترف ان الافلام عميقة قوي . و محتاجة تركيز شديد و انك تغوص مع الفيلم فيما وراء الكلمات و المواقف .
انا بعد ما اتفرجت عليهم فضلت اسبوع اقري تحليل لافكار مختلفة للفيلمين .
يعني مش حابب احرق الفيلم للي حابب يشوفه بس مفيش اتنين هيخرجوا بنفس الرؤية و النتيجة في النهاية .
هيخرج كل شخص بقناعته الشخصية المميزة .
 

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,963
مستوى التفاعل
1,989
النقاط
113
THE CURIOUS CASE of BENJAMIN BUTTON
salt
Inception
the last song
هكتفى بدول ناو
شويه واجى اجيبلك حبه كمان
 

Desert Rose

I have a dream
عضو مبارك
إنضم
10 نوفمبر 2010
المشاركات
8,445
مستوى التفاعل
1,984
النقاط
0
طيب نكمل فى الاجنبى من الافلام اللى اثرت فيا الفيلم ال epic لميل جيبسون brave heart لانو قصة حقيقية ولانو انسانى

فيه فيلم تانى يمكن مش مشهور لبراد بيت وكيت بلانشيت ( انا اعشق هذة الممثلة ) اسمو babel الفيلم معقد شوية لكنو فكرتو جديدة

فيه فيلم تانى يعتبر خفيف او light شوية اسمو julie & julia الفيلم للعبقرية ميريل ستريب ( الست ديه ادائها ملوش حل ) الفيلم رغم انو يبان انو خفيف لكن اداء ميريل الغير المعتاد والمشاعر الانسانية اللى اظهرتها قمة فى الروعة

من الافلام الاجنبية السيئة اللى شوفتها اللى اثرت فيا تأثير سلبى قعد معايا لايام هو فيلم the good son او الابن الطيب فيلم بشع ونهايتو بشعة وبترك تأثير سلبى جدا فى نفس اللى يشوفو

وفيلم the grudge ده مقرف لانو فيلم رعب وكان مشاهد بتاعو مقرفة بشعة
 

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,963
مستوى التفاعل
1,989
النقاط
113
a beautiful mind
The Chronicles Of Narnia
The Shawshank Redemption
The.Pursuit.Of.Happyness
The Notebook
عاوزين تانى ؟؟
 

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,963
مستوى التفاعل
1,989
النقاط
113
هو انتوا عاوزين احرقلكم كل فيلم اكتب اسمه ؟
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,342
النقاط
0
الإقامة
فى البيداء وحدى
لا يا معلم
امسك فيلم عاجبك (او كذا واحد) واحكى عن ازاى اثر فيك ايجابا بقا او سلبا زى ما تحب
 

V mary

عضو مبارك
عضو مبارك
إنضم
5 مايو 2012
المشاركات
1,637
مستوى التفاعل
313
النقاط
0
الإقامة
من مصر دعوت ابني
طبعا كمان من الأفلام اللي عملت نقلة في السينما
افلام السقا
رغم أني ساعات في حاجات مش بتعجبني لكن منكرش
ان مافيا عمل طفرة في صناعة افلام الاكشن في مصر
تيتو كمان
الجزيرة المصلحة
كل دول عملوا تغير في مستوي وجودة الأفلام
اما من الاعمال اللي يعني تحسب علية
الديلير
ابراهيم الابيض
دول بقي المواضيع والحبكة الدرامية والتمثيل كان فيهم مشكلة​
 

Desert Rose

I have a dream
عضو مبارك
إنضم
10 نوفمبر 2010
المشاركات
8,445
مستوى التفاعل
1,984
النقاط
0
اوسى شكرا فكرتنى ب beautiful mind لراسل كرو ادائو مش ممكن ميتوصفش

العربى بقى
عجبنى اسف على الازعاج , الجزيرة وشوية احكى ياشهرزاد وطيور الظلام وامير الظلام

من اسوأ العربى بقى اللى بجد كنت هشنق نفسى بعدها
عمر وسلمى ( ايه البشاعة وقلة الادب والاستظراف ده ؟) المشكلة انو الفيلم مش بس قصتو هبلة ومستهلكة لا ده بيصدر فى عقول الناس افكار مقلوبة عمر مثلا عادى انو يعاكس البنات ويقول كلام قليل الادب وعادى يعنى يعتبرو شاب ممتاز وعادى وقدوة وجميل والمصيبة ان هو كمان وابوه بنفس الطريقة المقززة وكأن قلة الادب والاسفاف حاجات المفروض المجتمع يفتخر بيها والست سلمى حبتو ومتأقلمة معاه ومع ماضيه الاسود عادى جدا ولا علقت قرف

الفيلم بقى التانى رائعة ايظن ايه ده ياناس ده ؟؟؟ ايه الروعة ديه ؟مش لاقية كلمة اوصف بيها مدى قرفى من الفيلم ده بكل اللى فيه :act23:
 

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,963
مستوى التفاعل
1,989
النقاط
113
Equilibrium
Law.Abiding.Citizen
Thick.As.Thieves
Shutter Island
كفايه عليكم كدة النهاردة علشان العقد
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,342
النقاط
0
الإقامة
فى البيداء وحدى
فيلم افريكانو
انا بعتبره من افضل الأفلام العاطفية على الطلاق (على مستوى الافلام المصرية)
منى ذكى _كالعادة_مبدعة !
احمد السقا ادائه كان عالى (مع ان تمثيله فى الادوار العاطفية تعبان) لكن يبدو وكأن منى ذكى علت ادائه
المشهد اللى بينط فيه من الشلال وهو بيقول بحبك كان مؤثر جدا , لدرجة انى فضلت كذا مرة (اقشعر) لما اتفرج على المشهد ده (ودى حالة نادرة بالنسبة لى)
مشهد غيرة منى ذكى وازاى واقفة قدام المرايا بتقيس طقمة وفساتين وبتفكرتظهر قمة انوثتها لأنه اتهمها انه مسترجلة , وفى الآخر تقرر تعاند وتبقى على طبيعتها كان ممتع جدا , جسدت الإنوثة بكل ملامحها
الفيلم ممتع جدا بكل تفاصيله على المستوى العاطفى , الأكشن كان محبوك برضو , لكن الاداء العاطفى كان هو ميزة الفيلم
 
التعديل الأخير:

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,963
مستوى التفاعل
1,989
النقاط
113
ده انتوا عاوزين بقى قعدة وكوبايه شاى علشان اكتب ازاى كل فيلم من دول اثر فيا
the notebook علمنى الحب وسنينه وازاى الواحد يبقى فعلا بيحب ويعنى ايه الاخلاص فى الحب والعطاء والبذل وحاجات حلوة كتير اوووى
 

Twin

عودة
مشرف سابق
إنضم
15 أغسطس 2006
المشاركات
11,130
مستوى التفاعل
981
النقاط
0
الإقامة
هنــــــــــــــــــــــــــاك ... حيث لا يراني أح
عجبتني فكرة الموضوع :)
بس انا هعلق بفيلم واحد بس حالياً ... فيلم أتأثرت بيه كتير ... فيلم شفت في نفسي في أخر زيارة ليا لمصر

فيلم عسل أسود ... للجامد أحمد حلمي
بجد فيلم بيحكي الواقع بشكل بسيط ومنطقي ... وبجد ده حال كل ال عاشوا بره وفكروا ينزلوا أو يعيشوا في مصر تاني
وبرغم كل السلبيات ال ظهرت في الفليم -الواقعية-
برده الفيلم وصلك أحساس بالأنتماء لمصر ... أحساس جياش علقك بالبلد أكتر وبالأكتر بتتمني تعدلها بنفسك
 
أعلى