"آدم" فى مأزق ... فى بنتين وولد ... مع شقاوه ووايت D:

[+Nevena+]

هههههههههههه هدي نفسك

انا عن نفسي فهمت انه انتهي

تبقي وايت اللي غلطانه لانها انهيت الحوار
بس اكيد تقصد اسئلتها يعني
صوح يا بطوط

 

[sha2awet 2alam]

هههههههههههه هدي نفسك

انا عن نفسي فهمت انه انتهي

تبقي وايت اللي غلطانه لانها انهيت الحوار
بس اكيد تقصد اسئلتها يعني
صوح يا بطوط

تؤ تؤ تؤ منتهاش
هى خلصت اسئلتها فاضلى 11 العب بيهم براحتى بقا :99: و لن اتنازل عن حقى ابدااااااااااا ld:

 

[+Nevena+]

تؤ تؤ تؤ منتهاش
هى خلصت اسئلتها فاضلى 11 العب بيهم براحتى بقا :99: و لن اتنازل عن حقى ابدااااااااااا ld:

في انتظار اللعبه يا جميل

بسرعه نزلي الاسئله بقي
ودبيسه قبل ما يخلع منكم :99:






والنبي انا
طيبه وبحب اعمل الخير دايما انا :08:

 

[sha2awet 2alam]

في انتظار اللعبه يا جميل

بسرعه نزلي الاسئله بقي
ودبيسه قبل ما يخلع منكم :99:






والنبي انا
طيبه وبحب اعمل الخير دايما انا :08:

و النبى انتى شكلك هتتضربى قبلى انا و وايت عشان طيبة قلبك دى :w00t:

 

[+Nevena+]

و النبى انتى شكلك هتتضربى قبلى انا و وايت عشان طيبة قلبك دى :w00t:

لا مش تقلقي عليا
انا اجدع واحد يدبس ويطلع يجري :08:

 

[white.angel]

لاااااااااا لقاء ايه اللى انتهى
انا نهيت حوارى فقط ..........
لسه باقيله فى ذمتنا 11 سؤال
هههههههههههههههه
دورك يا شقاوتى
​

 

[sha2awet 2alam]

اخر دفعة اسئلة و تاخد بعدها الأفراج .. ( عشان تعرف احنا طيبيين أد ايه )

1/ حضرتك قولت انك لقيت بنت الحلال .. انزل بوصفها جملة و تفصيلاً .. شكلاً و موضوعًا و جنسيةً:t23:

2/ قابلتها ازاى ؟؟ و اخدت فترة أد ايه على ما قررت ان هى دى البنوتة اللى بتحبها ؟:66:

3/ لو رجع بيك الزمان .. تختارها هى تكون حبيبتك الاولى و الاخيرة ؟ ولا تختار حبك القديم تانى ؟

4/ بكاء الانثى .. دموع تماسيح ؟؟ أم ضعف حقيقى ؟ و ليه ؟:smil13:

5/ ايه رد فعلك لو شوفت بنوتة بتبكى ؟:fun_oops:

6/ ايه اكتر صفة البنات بتحبها فيك ؟ و خصوصًا اللى بالى بالك ؟:08:

7/ عمرك عاكست بنت و انت فى مصر ؟ و لو كنت بتعاكس كنت بتقول ايه ؟:99:

8/ و هل عمر بنت عاكستك ؟؟ قالتلك ايه ؟ و كان ايه رد فعلك ؟؟:smile02

9/ ايه نقطة ضعفك قدام البنات ؟

10/ اما ربنا يكرمك و تتجوز حبيبتك و لو جيبت بنوتة .. تحب تورث ايه من والدتها ؟ و تورث ايه منك ؟ و تحب تسميها ايه ؟

11/ هقولك كلمات و تقولى تقولها لمين ( لازم تكون انثى )
- وحشتينى:wub:
- مقدرش استغنى عنك
- ياريتنى قابلتك من زمان :new8:
- بحبك:love45:
- وجودك فى حياتى مجرد تعود
- نفسى اضربك :act23:

خلصت اسألتى للاسف .. كنت مستمتعة جدًا بردودك الصريحة و كانت بتشجعنى اكتب بصراحة اكتر .. اتمنى انك تكون قضيت يومين حلوين و منكونش غلسنا عليك بحاجة .. شرفتنى جدًا بالكلام معاك يا دكتور ..

 

[apostle.paul]

اخر دفعة اسئلة و تاخد بعدها الأفراج .. ( عشان تعرف احنا طيبيين أد ايه )

عشنا وشفنا على اخر الزمن البنات هما اللى بيدوا افراج للرجالة
دا ايه الزمن المنيل دا

حضرتك قولت انك لقيت بنت الحلال .. انزل بوصفها جملة و تفصيلاً .. شكلاً و موضوعًا و جنسيةً:t23:

طيب
بنت الحلال من اهل الشام
سورية الجنسية
مسيحية الديانة
من طائفة الروم الارثوذكس الشقيقة
دكتورة جامعية فى احدى الجامعات الاوربية
اقل منى فى السن مش بكثير
هادئة الطباع
راقية التصرفات
ذكية جدا وبتفهمنى منغير متكلم
حنونة طيبة وتعتز جدا بمبادئها ولا يمكن ان تتنازل عنها
بالنسبة للجمال الخارجى
فهى ايه من الجمال فهى حقا اجمل ما رات عينى
ومش هوصف اكتر من كدا علشان بغير عليها

قابلتها ازاى ؟؟

اثناء بحثى عن الالتحاق باحدى الجامعات الاوربية على الشبكة العنكبوتية او ما يسمى ب "الانترنت "
هى ساعدتنى تقريبا فى كل شئ والموضوع فيما بعد اصبح صداقة ومنها الى اعجاب ومنها الى رغبة كلا منا الارتباط بالاخر " مع قبول ظروفى المهببة "

و اخدت فترة أد ايه على ما قررت ان هى دى البنوتة اللى بتحبها ؟:66:

مش فاكر اوى بس هى كانت مراحل من مجرد استسفارات الى صداقة على النت الى ابداء بالاعجاب الى الدخول فى العمق قليلا
اعتقد استغرق ما بين 4 الى 5 شهور + مدة اقامتى بالخارج

لو رجع بيك الزمان .. تختارها هى تكون حبيبتك الاولى و الاخيرة ؟

نيستهم ومش فاكرهم وانا من النوع اللى مش بيفتش فى الماضى
هختار الواقع

بكاء الانثى .. دموع تماسيح ؟؟ أم ضعف حقيقى ؟ و ليه ؟:smil13:

قد يكون هذا وقد يكون تلك
فى بنات بتحب التمثيل
وفى بنات فعلا بيبقى فى حالة ضعف والدموع بتلغبهم

ايه رد فعلك لو شوفت بنوتة بتبكى ؟:fun_oops:

اكيد مش هبقى متطفل لو معرفهاش بس لو قريبة منى هحاول اساعدها فى المشكلة على قد مقدر

ايه اكتر صفة البنات بتحبها فيك ؟ و خصوصًا اللى بالى بالك ؟:08:

عموما معرفش
خصوصا باللى بالى بالك هى قالتلى انها اعجبت باصرارى على الحق مهما كانت تكلفته صعبة ودا خلاها تثق فى

عمرك عاكست بنت و انت فى مصر ؟ و لو كنت بتعاكس كنت بتقول ايه ؟

وانا لوحدى اكيد لا
فى واحنا فى جروب على سبيل الهزار اة كنا بنبص
والكلام اللى كان بيتقال اللى طبيعى بيتقال من الشباب المصرى " بلاش اقوله علشان الرقابة "
اكثر ادبا " موزة - الجمل - المكنة - الغزال اللى ماشى "
وربك ستار حليم

و هل عمر بنت عاكستك ؟؟ قالتلك ايه ؟ و كان ايه رد فعلك ؟؟:smile02

فى الحقيقة لا
بس فى الفون واحدة كلمتنى وقعدت تتغزل شوية بس معرفش مين
ورد فعلى انى قولتلها انا مش فاضيلك لو عايزة تصيعى هبقى اديكى نمرة واحد صايع زيك
وكانت مرة او اتنين وبس

ايه نقطة ضعفك قدام البنات ؟

لو طلبت طلب بذوق لازم بنفذه

اما ربنا يكرمك و تتجوز حبيبتك و لو جيبت بنوتة .. تحب تورث ايه من والدتها ؟

جمالها وذكائها

و تورث ايه منك ؟

قوة وارادة

و تحب تسميها ايه ؟

اى اسم اوربى من اسماء الست العدرا

هقولك كلمات و تقولى تقولها لمين ( لازم تكون انثى )

طيب لو مفيش اعمل ايه يعنى؟

وحشتينى:wub:

امى

مقدرش استغنى عنك

كاترين

- ياريتنى قابلتك من زمان :new8:
- بحبك:love45:

نفس الشخصية اللى فاتت

وجودك فى حياتى مجرد تعود

مفيش

نفسى اضربك :act23:

شقاوة ووايت

خلصت اسألتى للاسف .. كنت مستمتعة جدًا بردودك الصريحة و كانت بتشجعنى اكتب بصراحة اكتر .. اتمنى انك تكون قضيت يومين حلوين و منكونش غلسنا عليك بحاجة .. شرفتنى جدًا بالكلام معاك يا دكتور ..

وانا تشرفت اكتر بالمحاورة الحلوة دى واعتقد انى كدا مطلعتش زى الاخوان ووفيت بالوعد انى هكون كيوت وظريف ولطيف وصورنا فيلم ابى فوق الشجرة وانتهى نهاية سعيدة رومانتيكية منغير وقوع ضحايا
ودا نادرا لما بيحصل فى اخر اى حوار بدخله فغالبا فى دم بيطرطش فى القسم بغباوة
ربنا رحكم منى والى اللقاء فى حوار اخر
طاب مساءكم

 

[white.angel]

لو طلبت طلب بذوق لازم بنفذه

على يييييييييدى :fun_lol:
​

احنا كمان بنشكرك جداً دكتور يوحنا واستمتعنا كتير بالحوار معك ...
ونشكر ربنا انها جت على اد جد مكنش فى خسائر فى العضويات ...
وغيظنا الشريريييييين اللى اسمهم عبوووووووود ...
كان عايز دم ... وقضيناها ورد :smil15: ههههههههههه

شكراً دكتور .. وعلى وعد اعزائى لقاء قريب وادم جديد فى
ادم فى مأزق

​

 

[إيمليــآ]

,.

إستمتعنآ كتير بحوآركم آلمميز
يلآ يآ بنآت مستنين آلضحية إللى بعدهـآ
:t17:


.،​

 

[+Nevena+]

حقيقي الحوار ممتع جدااااااااااااا
من حيث الاسئله والاجوبه


وفي انتظار الضحيه الجديده
ويارب تكون اللي في بالي ههههه

 

[white.angel]

حقيقي الحوار ممتع جدااااااااااااا
من حيث الاسئله والاجوبه
وفي انتظار الضحيه الجديده
ويارب تكون اللي في بالي ههههه

كرمشيلى اسمه فى تقييم
وانا انزلهولك فى العنوان حالاً :fun_lol:
​

 

[white.angel]

متمــــرد ....
قلعته لها قواعد خاصه .... وقوانين استثنائيه ....
على عكس كثيرين .... يرى ان الحب اساسه الكبرياء ...
يبحث دائماً عمن ترضى غروره ... وتعطه قدره ...
ولا بأس فهذا حقه ....

فهو انسان رائع ... مثقف ...
يملك الاسلوب والرأى المستقل ...يمتعنا برحلة حياته ...
فى اقل من ان تسمى خبرات

دائماً مميز .... عندما يتحدث ....
لماح الى ابعد الحدود ... وله تعليقاته الساخره احياناً
والمؤلمه الحقيقيه احياناً اخرى
​

​

معنا اليوم​

Kerlos-love-Jesus

اهلاً بك اخى الغالى ....
اشكرك لقبولك استضافتى ...

وستبدأ معك جولة الاسئله الاولى شقاوه
ولى عودة :t23:

​

 

[Kerlos-love-Jesus]

بداية احب احطك انتي في مأزق يا اخت وايت
التقديمة اللي انتي ناسخاها دي !
الكلام دة انتي كتبتية عني قبل كدة في موضوع تاني ؟
انتي بتستغلي اني مريض ؟
انا احتج
ـ

ومنتظر شقاوة عشان نحطها في مأزق

خلوا عنوان الموضوع بنتين في مأزق احسن

" ايموشن واحد مغرور "

 

[white.angel]

بداية احب احطك انتي في مأزق يا اخت وايت
التقديمة اللي انتي ناسخاها دي !
الكلام دة انتي كتبتية عني قبل كدة في موضوع تاني ؟
انتي بتستغلي اني مريض ؟
انا احتج
ـ

ومنتظر شقاوة عشان نحطها في مأزق

خلوا عنوان الموضوع بنتين في مأزق احسن

" ايموشن واحد مغرور "

خانك ذكائك ... هى مش كوبى بيست بنسبة 100% :59:
بالأضافه الى ان انطباعى عنك واحد ....
فا مش هغير انطباعى عشان اغير المقدمه :act23:

بألف هنا ... وربنا يقويك مع شقاوه :smile01​

 

[Kerlos-love-Jesus]

خانك ذكائك ... هى مش كوبى بيست بنسبة 100% :59:
بالأضافه الى ان انطباعى عنك واحد ....
فا مش هغير انطباعى عشان اغير المقدمه :act23:

بألف هنا ... وربنا يقويك مع شقاوه :smile01​

المشكلة مش ف النسبة
المشكلة ف انكوا لا تحترمون الضيوف :59:

الله يهنيكي يا اختي
تعالي يا شقاوة
تعالى يا مخاطر
يامي يامي :mus13:

 

[white.angel]

المشكلة ف انكوا لا تحترمون الضيوف :59:

هنشوف :bud:
احنا عندنا كام كيرلس .... :act19:
​

 

[sha2awet 2alam]

المشكلة مش ف النسبة
المشكلة ف انكوا لا تحترمون الضيوف :59:

الله يهنيكي يا اختي
تعالي يا شقاوة
تعالى يا مخاطر
يامي يامي :mus13:

احنا مبنحترمش ضيوفنا ؟؟ دة اللى هو فين دة ؟؟ و انت ايش عرفك باللى حصل مع ضيوفنا الموضوع اتعمل و انت مش بتدخل اصلا .. الا لو كنت بتدخل مستخبى دة يبقى وضع تانى :smile01

مامى ؟؟ الله يرحم :smile01
مع انك داخل شمال بس امرى لله لازم ارحب بيك .. حبة صغيريين و انزلك اول دفعة اسئلة :t23:

 

[Kerlos-love-Jesus]

احنا مبنحترمش ضيوفنا ؟؟ دة اللى هو فين دة ؟؟ و انت ايش عرفك باللى حصل مع ضيوفنا الموضوع اتعمل و انت مش بتدخل اصلا .. الا لو كنت بتدخل مستخبى دة يبقى وضع تانى :smile01

مامى ؟؟ الله يرحم :smile01
مع انك داخل شمال بس امرى لله لازم ارحب بيك .. حبة صغيريين و انزلك اول دفعة اسئلة :t23:

اية يا رمضان
انا بهزر
مبتهزرش :smile01

 

[Farida Farook]

هههههههههههه تسجيل متابعه
لقاء مميز اكيد
​