"آدم" فى مأزق ... فى بنتين وولد ... مع شقاوه ووايت D:

[++ كيرلس ++]

دكتور، البنتين دول سلفيين...بس مفطرين رمضان والعياذ بالله

 

[sha2awet 2alam]

المهم علشان اتعامل معاكى انى من اهل الدار ومسيحية

لازم تقوليلى فى العنعنة ابا عن جد ما اسم جدك الاكبر الذى عاصر البابا ثاؤفيلوس الثالث والعشرين

غير كدا يبقى اكيد مسلمة متخفية وهنضطر نمثل ابراهيم الابيض هنا

يانهار مالهوش لون .. دة انا بتلخبط فى اسم جدى الخامس :new6: انا بقول اضرب واضح انه مفيش امل :boxing:

 

[apostle.paul]

طيب انا نازل مشوار يجى ساعتين اجى الاقى الاسئلة بدل مقدم شكوى للادارة ضدكم فى تشيت الموضوع

فين مولكا يجى يشرف على الموضوع

 

[sha2awet 2alam]

لا الطيب احسن
و وايت بالكتير ساعة و هتكون نزلت بطقم الاسئلة

 

[إيمليــآ]

,.

هههههههههههــ
وآضح إننآ هنشوف إنتقآم من أولآد " آدم " آلمرآدى
كدهـ أحلوت

شدوآ حيلكم يآ بنآتيت



.،
​

 

[amgd beshara]

هااااار اسود
دكتور يوحنا
دة انا بخاف اعملة تقييم

بنتين في مأزق
متابع الانتقام الشرس

 

[white.angel]

مبدأياً كدة جو الارهاب والكباب اللى حصل من صفحتين دة مش بينفع معايا ...
ابسلوتلى :smil15: ... احنا مبنخافش :boxing:... وهنسأل براحتنا وربنا يتولانا :fun_oops: :

اسمحلى اخدك فى جوله الى اعماقك مكونه من 11 سؤال :

1) ماذا تمثل لك المرآه :t23:؟؟

2) بنظرك ماهو الفرق بين الفتاه الشرقيه والفتاه الغربيه
- تيك كير دة الفخ الاول اغلط اغلط :bomb: - ؟؟

3) فى الغرب السلام بيكون عادةً عن طريق تقبيل الانثى للرجل ومصافحة الانثى ...
على عكس ما يحدث فى دول الشرق ... لماذا هذا الاختلاف ... وماذا تتوقع ان يحدث ان اصبح اسلوب المصافحه الغربى هو السائد فى بلاد الشرق :w00t:؟؟

4) تقبل ان يكون لزوجتك اصدقاء رجال .... - ركز اصدقاء مش زملاء - ld:؟؟

5) "الشيطان امرآه " هل هذا الكلام صحيح - تيك كير دة الفخ التانى :hlp:- ؟؟

6) هو ليه الرجل الشرقى عينه "زايغه " :dance:؟؟

لـــــــــــــ مجرد تخيلات ـــــــــــــــــو
​

1) اكتشفت ان زوجتك تخونك ؟؟

2) كنت فى بارتى واكتشفت انه صديق يحتفل بآخر يوم فى عزوبيته
"حفل عزوبيه" - تسمع عن الحفلات دى - ؟؟

3) لامست فتاه بشكل عفوى فى الشارع فصرخت بوجهك وصفعتك ؟؟

4) تجاوز شخص حدوده مع زوجتك فى الشارع وكنت معها ؟؟

5) تم فرض الحجاب كزى رسمى فى مصر ؟؟

دة بس تعارف بسيط كدة .... وهتكمل معاك شقاوه
لى عوده ​

 

[sha2awet 2alam]

دكتور، البنتين دول سلفيين...بس مفطرين رمضان والعياذ بالله

ربنا يقدرك على فعل الخير و يكتبهولك فى ميزان حسناتك ان شاء الله :new6:

,.

هههههههههههــ
وآضح إننآ هنشوف إنتقآم من أولآد " آدم " آلمرآدى
كدهـ أحلوت

شدوآ حيلكم يآ بنآتيت

.،
​

الشدة على الله .. ربنا يسترها و نطلع سالمين المرة دى :fun_oops:

هااااار اسود
دكتور يوحنا
دة انا بخاف اعملة تقييم

بنتين في مأزق
متابع الانتقام الشرس

هههههههههههههههههههههه ايه الصراحة اللى انت فيها دى ؟؟
للعلم بقا بغض النظر عن اى حاجة .. هتشوف جانب اخر خالص فى الدكتور .. و احنا هنشوف النجوم فى عز الظهر :new6:
يشرفنا متابعتك

 

[white.angel]

دكتور، البنتين دول سلفيين...بس مفطرين رمضان والعياذ بالله

ايه دة عرفت ازاى :t33: ... عموماً ربنا يسترك دنيا واخره زى مانت ساترها كدة
​

,.

هههههههههههــ
وآضح إننآ هنشوف إنتقآم من أولآد " آدم " آلمرآدى
كدهـ أحلوت

شدوآ حيلكم يآ بنآتيت



.،
​

مكنش العشم يا سيكرت
تيجى الشماته منك انت :new2:
​

هااااار اسود
دكتور يوحنا
دة انا بخاف اعملة تقييم

بنتين في مأزق
متابع الانتقام الشرس

انت تخاف تقيمه واحنا نستجوبه .... البنات قوامون على الرجال طول عمرهم :yahoo:
​

 

[إيمليــآ]

,.

مش شمآتة خآلص مآلص :love34:
أنآ بس بقول نشوف من آلدكتور رد فعل قوى
يقوم أنتم تكملوآ بأسئلة أقوى

وآلمشآهدين آلغلآبة يسترزقوآ بآلفرجة :new6:


.،​

 

[white.angel]

,.

مش شمآتة خآلص مآلص :love34:
أنآ بس بقول نشوف من آلدكتور رد فعل قوى
يقوم أنتم تكملوآ بأسئلة أقوى

وآلمشآهدين آلغلآبة يسترزقوآ بآلفرجة :new6:


.،​

اصيله من يومك :love45:
​

 

[apostle.paul]

مبدأياً كدة جو الارهاب والكباب اللى حصل من صفحتين دة مش بينفع معايا ...
ابسلوتلى :smil15: ... احنا مبنخافش :boxing:... وهنسأل براحتنا وربنا يتولانا :fun_oops: :

اسالى براحتك ماشى بس لازم تكشى وانتوا بتتكلمى مع ادم فانتى مجرد حواء

1) ماذا تمثل لك المرآه :t23:؟؟

مهى تختلف حسب اختلاف علاقتى بهذة المراة
فبالنسبة للام فهى كل الحنان والطيبة والحب
و بالنسبة اللى بالى بالك لو انا بحبها جدا فهتكون اولى اهتمامتى واهم حاجة فى حياتى
ولو بالنسبة للصداقة فانا فشلت وانا فى مصر انى اكون صداقات مع هذا الجنس
وخلى بالك صداقات مش علاقات
ومش عارف هل المشكلة فى ولا فيهم
بس غالبا الجو البناتى مبتاقلمش معاه فى طبيعة الكلام والاماكن اللى بيخرجوا فيها فبقلشهم بدرى بدرى
بكون بحريتى اكتر مع اصحابى الرجالة

2) بنظرك ماهو الفرق بين الفتاه الشرقيه والفتاه الغربيه

هو مفيش شبه علشان يبقى فى فرق
البنت الاوربية غير الشرقية تماما فى كل شئ
الموضوع بيختلف على انك مهتم بايه
انا شايف ان البنت الاوربية باردة من ناحية خفة الدم دمها واقف
بعكس البنت الشرقية تماما
وبالنسبة للشكل الخارجى بلاش احراج يكفيكم انكوا كنتوا بتتفرجوا على euro 2012
بالنسبة للمبادئ مش هحكم على الكل
بس مبادئ البنت الاوربية ممكن تكون متمسكة بيها اكتر من البنت الشرقية
برا مثلا مفيش " تدين وسطى " يعنى ساعة لربك وساعة لقلبك
برا ياما انت مؤمن حقيقة او منحرف حقيقى
المبدا واحد
انا شايف ان البنت الشرقية تبعا للظروف بتتنازل عن مبادئ ليها ممكن تكون مقتنعة بيها اة بس لسبب ظرف معين تتنازل عنه


هنا فى مميزات وعيوب وهنا فى مميزات وعيوب لكن الميزة والعيب بتفرق حسب اهتمام كل شخص

3) فى الغرب السلام بيكون عادةً عن طريق تقبيل الانثى للرجل ومصافحة الانثى ...
على عكس ما يحدث فى دول الشرق ... لماذا هذا الاختلاف ...

عادى بشوف عادى واعتقد شئ طبيعى لان حسب ما الانسان بيتعود
دى طريقة تربيتهم
ايه السبب؟؟؟؟؟؟؟؟
معرفش
لعل وعسى انهم بيعتقدوا ان تقبيل نفس الجنس فى المصافحة نوع من انواع الشذوذ
لكن السبب الحقيقى انا معرفش

وماذا تتوقع ان يحدث ان اصبح اسلوب المصافحه الغربى هو السائد فى بلاد الشرق :w00t:؟؟

بسيطة هيحصل حاجتين
معدل الطلاق والجريمة للرجالة المتزوجين هيزيد
وثانى حاجة هتتحول مصر ل " مبوسة " نظرا للاحوال الاقتصادية المهببة والشباب العازب التعبان

4) تقبل ان يكون لزوجتك اصدقاء رجال .... - ركز اصدقاء مش زملاء - ld:؟؟

وانا عايش برا
اقبلها بحدود ومع ثقتى فيها

5) "الشيطان امرآه " هل هذا الكلام صحيح

الله اعلم بعباده بس غالبا لا

هو ليه الرجل الشرقى عينه "زايغه " :dance:؟؟

هى العين الزايغة ملهاش علاقة بقومية معينة دى موجودة فى كل العالم
بس اعتقد ان الشرق فعلا متفشى اوى حكاية ان الراجل بيبص لغير مراته او حبيبته لعل وعسى يكون السبب هى البنت نفسها انها مش مالية عنيه
بخلاف الغرب اقلهم بيملى عين التخين

1) اكتشفت ان زوجتك تخونك ؟؟

موقف صعب متخيلتش نفسى فيه قبل كدا

بس مش متخيل رد الفعل اوى بس انا غالبا لما بغضب بعمل حاجتين ضد بعض تماما

1- بسكت وبكتم فى نفسى
2-بتصرف بجنون

حسب الموقف نفسه وتاثيره على

مش متخيل الموقف

2) كنت فى بارتى واكتشفت انه صديق يحتفل بآخر يوم فى عزوبيته
"حفل عزوبيه" - تسمع عن الحفلات دى - ؟؟

هعمل زى اى مصرى بيعمل فى صاحبه لما بيتجوز وبيرحوله الحنة بتاعته

الكلام دا مينفعش يتقال على صفحات المنتدى منعا للرقابة

3) لامست فتاه بشكل عفوى فى الشارع فصرخت بوجهك وصفعتك ؟؟

مهو برا مش هقدر اتكلم هتاسف ولو رد فعلها عنيف يعنى هظهر بعض علامات الغضب وبس

لو فى مصر تبقى تقابلنى لو اهلها شموا عنها خبر

عارف مسلسل " نحن لا نزرع الشوك " هنفذه فيها

4) تجاوز شخص حدوده مع زوجتك فى الشارع وكنت معها ؟؟

همسكه وارميه لاقرب بوليس لان برا فى احترام ومفيش " بلطجة "
لكن فى مصر انا عصبى جدا ومعنديش مانع اطلع عصبيتى عليه والله اعلم باللى هيحصل

5) تم فرض الحجاب كزى رسمى فى مصر ؟؟

انا هعمل ايه يعنى
مليش موقف لى تعليق

لكن الجراءة ان مفيش تقييد للحرية والموقف هيكون جماعى من الرافضين

فين بقة التقطيع انا مش شايف تقطيع ؟؟؟؟؟؟؟؟

 

[sha2awet 2alam]

انا جيت :mus13: .. اجابات فى الجون و لحد دلوقتى ربنا ساترها معانا .. استر على عبيدك يارب فى اللى جاى :yaka:

1/ ايه معنى الانوثة فى وجهة نظرك ؟؟ :t23: و امتى تقول على بنت دى مسترجلة ؟؟

2/ اكتر حاجة بتلفت نظرك :t25:فى البنت اللى قدامك قبل ما تكلمها ؟ طيب و بعد ما تكلمها ؟؟

3/ هل اختلفت وجهة نظرك فى المرأة بـأختلاف الدين ؟ يعنى وجهة نظرك فى المرأة قبل المسيحية اتغيرت بعد المسيحية ولا الموضوع ثقافة مجتمع مالهوش علاقة بالدين ؟

4/ احنا معندناش طلاق طبعا .. يعنى محبوس يا ولدى محبوس .. بس ايه الحاجة اللى لو زوجتك عملتها تقرر تنفصل عنها انفصال نهائى ؟

5/ ممكن تضرب :boxing:بنت لو غلطت ؟ ولا تكتفى بالكلام و الزعيق ؟

6/ بما ان اللى بالى بالك لسة مجتش .. اوصفلنا فتاة أحلامك فى صفحات قليلة :new6:

7/ حبيت قبل كدة ؟:love34:

8/ حضرتك درست الطب بجامعة مصرية ( و الطب وجامعة مصرية عندهم الكفاءة يتوبوك عن جنس البنات كلهم ) كنت شايف زميلاتك حلوين ولا على حد تعبير ولاد الحلال غفر ؟؟ و ليه ؟؟:smil16:

9/ هل البنات تافهيين ؟؟ و ليه ؟؟:ura1:

10/ لو اتعاملت مع بنت مش حلوة شكلاً بس مثقفة و تفكيرها حلو .. هل ذكائها يشفعلها ولا لازال الجمال هو ميراث المرأة ؟leasantr

11/ ايهما افضل و اسهل فى التعامل : المرأة الذكية أم الغبية ؟ مع العلم ان الذكية تحاور (و اوقات تتلامض و توجع قلبك ) لكن الغبية تقبل بالامر الواقع دون جدال ( و تقدر تضحك عليها بكلمتين ) :new6:

ليا عودة بأذن الله .. و منتظرة الاجابات على احر من الجمر :t17:

 

[apostle.paul]

انا جيت :mus13: .. اجابات فى الجون و لحد دلوقتى ربنا ساترها معانا .. استر على عبيدك يارب فى اللى جاى :yaka:

يا اهلا وسهلا
متقلقيش هيسترها

1/ ايه معنى الانوثة فى وجهة نظرك ؟؟

الجمال الطبيعى والرقة الطبيعية فى الكلام
الجمال الطبيعى مفهوم بدون مساحيق الجمال اللى بالكليوات
والرقة الطبيعية فى الكلام ان دا فعلا طريقة كلامها مش عبد العال وبتترسم وتتمايع
دول بالنسبالى مواصفات الانوثة

و امتى تقول على بنت دى مسترجلة ؟؟

لما كلاهما يصبحوا منعدمين
لكن ربما احدهما يشفع لانوثتها
فقد تكون جميلة لكنها " عب عال " فى طريقة كلامها
او رقيقة فى كلامها لكنها مش جميلة اوى
لو الاتنين مش موجودين اذن فهى راجل من ضهر راجل

اكتر حاجة بتلفت نظرك :t25:فى البنت اللى قدامك قبل ما تكلمها ؟

قبل مكلمها مفيش غير شكلها

طيب و بعد ما تكلمها ؟؟

مخها وتفكيرها

هل اختلفت وجهة نظرك فى المرأة بـأختلاف الدين ؟

لا مش اوى لان وانا مسلم كنت متحرر فكريا مش متزمت

يعنى وجهة نظرك فى المرأة قبل المسيحية اتغيرت بعد المسيحية ولا الموضوع ثقافة مجتمع مالهوش علاقة بالدين ؟

كنت زى زى باقى المصريين مسلمين عاديين ومسيحين

بس ايه الحاجة اللى لو زوجتك عملتها تقرر تنفصل عنها انفصال نهائى ؟

معتقدش انى هفكر فى انصال نهائى ممكن تكون زعلة كبيرة شوية بس انا مش من فصيل " المقفل "
الا لو كان شئ يخص كرامتى وانا عارف مثلا انها مشاعرها مع انسان تانى غيرى ومعتقدش ان دا هيحصل لان دا اصلا سوء اختيار من البداية

ممكن تضرب :boxing:بنت لو غلطت ؟ ولا تكتفى بالكلام و الزعيق ؟

لا متضربهاش بس انا شديد شوية وخصوصا كان مع معاملاتى مع الممرضات فى المستشفى وخصوصا لما بيبقى مختص بشئ انا قولته ومتنفذ ممكن امرمط بكرامة اهلها الارض

بما ان اللى بالى بالك لسة مجتش .. اوصفلنا فتاة أحلامك فى صفحات قليلة :new6:

لا هى جت وانا فعلا فى علاقة الان
تحب اوصفهالك؟؟؟؟؟؟
واوصفلك فيها ايه شكلا ولا موضوعا

حبيت قبل كدة ؟:love34:

اة مرتين مرة وانا لسه فى الكلية ومرة لما اتخرجت ب3 سنين
ودى التالتة

كنت شايف زميلاتك حلوين ولا على حد تعبير ولاد الحلال غفر ؟؟ و ليه ؟؟:smil16:

انا كنت فى القصر العينى غالبا هما غفر لان كل اهتمامتهم دراسية بعيدا عن الاهتمامات الانثوية
لكن كان فى طبعا اناث على حق رابونا بس انا اللى لفتت نظرى كلمتها على طول لكن الموضوع فشل

هل البنات تافهيين ؟؟ و ليه ؟؟:ura1:

فى بنات عقولهم بميت راجل
وفى بنات فعلا تفاهه جدا جدا جدا
فى اسلوب الكلام رقم واحد
وفى المواضيع رقم اتنين
فغالبا بتحب تلفت نظر الموجودين بالكلام عن امور تافهه تحسس اللى معاها انها برنسيسة بيها وغالبا بتبقى حاجات عبيطة

اتعاملت مع بنت مش حلوة شكلاً بس مثقفة و تفكيرها حلو .. هل ذكائها يشفعلها ولا لازال الجمال هو ميراث المرأة ؟leasantr

اة اعجب بطريقة تفكيرها وممكن نكون اصحاب لكن لو منجذبتش ليها مش هغصب نفسى احبها
الموضوع دا بيجى لوحده مش بالشفاعة شئ عن شئ

ايهما افضل و اسهل فى التعامل : المرأة الذكية أم الغبية ؟

انا بحب الذكية علشان هتفهمنى
لكن فى ناس بيحبوا الغبية علشان يعيشوا حياتهم


فى اى حاجة تانى؟؟؟؟؟؟؟؟

 

[white.angel]

ويلكم باك بيا :99: .. على الرغم من تحذيرات الكثيرين ... وتحمس الكثيرين ... الا اننى وجدت بأجاباتك شخصيه صريحه وواضحه ... امال كانوا بيخوفونا لييييييييييه :heat:.... دى اخر جوله ليا مع حضرتك واسمحلى اسألك :

1) من تعليق لك وجب على ان اسأل .... هل ترى المرأه كمخلوق من درجة ثانيه ... او هل لأدم اهميه على حواء ؟؟

2) ماذا ستفعل ان استيقظت يوماً وجدت نفسك فتاه ... لمدة يوم ..؟؟؟

3) كيف تصرح لفتاه عن اعجابك بها ... يعنى لو بنت حلوه .. تقولها انت " حلوه " ازاى ؟؟

4) ازاى تخلى البنات تحبك .... ايه اللى بتعمله عشان تلفت نظر بنت :lightbulb: ؟؟

5) هل ملابس المرآه تؤثر على انطباعك عنها ... فى اول لقاء ؟؟

6) مذا يمثل لك ضعف المرآه .... وهل هو حقاً سلاح ؟؟

7) عادةً نرى كم كبير من الحسم والشده اثناء محاورتك مع المسلمين ... هل آثر هذا على اسلوبك العام وحياتك الشخصيه ... ام انك تجيد الفصل بين المحاور والشخص الذى بداخلك ؟؟

8) "اذا كذب الرجل فإن الف امرأة سوف تصدقه واذا كذبت المرأة فلن تجد من يصدقها"
هل حقاً الرجل يتقن الكذب .. وهو فن لا تفهمه المرآه ؟؟

9) هل الخيانه عندك مبرره ... ولماذا دائماً يسمونها الرجال بالنزوه ... هل هناك فرق بين النزوه والخيانه ؟؟

10) "فأذا وقفت امام حسنك صامتاً فالصمت فى حرم الجمال جمال "
هل هناك امرآه ... تقف امامها صامتاً ؟؟

11) لكل انثى صفة تميزها ... فما هذه الصفه التى وجدتها بشقاوه ... واخرى بى ...؟؟

سعدت بك واتشرفت بمحاورة محاور مثلك دكتور يوحنا ... وسعدت اكثر بالتعرف عليك ...
شكراً جزيلاً لقبولك دعوتى

​

​

 

[+Nevena+]

حقيقي اختيار موقف جدا

برافوا يابنات


منور د/ يوحنا

متابعه بشغف طبعا الحوار

 

[white.angel]

حقيقي اختيار موقف جدا
برافوا يابنات
منور د/ يوحنا
متابعه بشغف طبعا الحوار

ياااااااااااه .. اخيراً حد يشجع .. من غير ما يقول هتطلع عينيكوا
هههههههههههههههه
ادعى نخلص على خير ... :vava:
​

 

[apostle.paul]

امال كانوا بيخوفونا لييييييييييه :heat:

اشاعات مغرضة هدفها تشويه صورتى الوديعة

هل ترى المرأه كمخلوق من درجة ثانيه ... او هل لأدم اهميه على حواء ؟؟

لا معنديش المبدا دا دا مبدا رجعى وشوية شرقى واكتر اسلامى " الرجال قوامون على النساء "

ماذا ستفعل ان استيقظت يوماً وجدت نفسك فتاه ... لمدة يوم ..؟؟؟

هنام تانى لغاية ماليوم يخلص

يعنى لو بنت حلوه .. تقولها انت " حلوه " ازاى ؟؟

هحاول انضم للمحيطين بيها وبعد لما تصبح بينا " عشم " ناخدها بهزار " انتى موزة " ومع التكرار هتيجى التاكيد بالاعجاب

ازاى تخلى البنات تحبك .... ايه اللى بتعمله عشان تلفت نظر بنت :lightbulb: ؟؟

تبقى راجل تقيل يجروا وراك
راجل تافه ومعندكش رزانة هيستهفأوك
نص وسامة الراجل فى شخصيته

) هل ملابس المرآه تؤثر على انطباعك عنها ... فى اول لقاء ؟؟

اة طبعا بيبان منها البيئة والمستوى والتربية

البنت الراقية بتبان والمعفنة بتبان من لبسها والاوفر اللى لا مؤاخذة مش مضبوطة برضة بتبان

مذا يمثل لك ضعف المرآه .... وهل هو حقاً سلاح ؟؟

الحاجة تعليم مجانى؟؟؟؟؟؟؟؟
اسمها ماذا
متتكرش الغلطة دى تانى ماشى؟
لا ضعف المراة بيحسسنى بقوتى ومبستغلوش كسلاح ضدها بالعكس انا بخده ميزة انى احسسها باحتوائى ليها

عادةً نرى كم كبير من الحسم والشده اثناء محاورتك مع المسلمين ... هل آثر هذا على اسلوبك العام وحياتك الشخصيه

لا خالص فى اسلوب حياتى العام انا هادى فى طريقة كلامى

بس بتعصب بسرعة من امور انا اعرفها جيدا وبالاخص التقصير فى الشغل من انسان انا كلفته بشئ ومتعملش او شئ يختص بكرامتى او كرامة اللى بعزهم بخلاف دا انا بتقبل اى امر بسهولة

"اذا كذب الرجل فإن الف امرأة سوف تصدقه واذا كذبت المرأة فلن تجد من يصدقها"
هل حقاً الرجل يتقن الكذب .. وهو فن لا تفهمه المرآه ؟؟

مش اوى وملوش علاقة بالجنس
فمتقن الكذب صعب اكتشافه سواء رجلا او امراة
لعل وعسى ان لو واحدة حبت اوى ممكن تكون فاهمها ان حبيبها بيكدب بس بتعدى بمزاجها مش معنى كدا انها مش فهمت لكن ممكن تعدى
لكن انا شايف ان المراة الذكية متفرقش حاجة عن ذكاء الراجل بل وتتعدى عليه فى العلاقات الاجتماعية

هل الخيانه عندك مبرره ... ولماذا دائماً يسمونها الرجال بالنزوه ... هل هناك فرق بين النزوه والخيانه ؟؟

لا مفيش خيانة مبررة الخيانة شئ صعب وبيجرح جدا وفى صميم كرامة الانسان
وتسميتها بالنزوة عند الرجال والخيانة لدى المراة مرتبط بالفكر الشرقى عن ان علاقات الراجل عادى لكن شرف البنت " زى عود الكبريت "
لكن عقليا ومنطقيا واخلاقيا كلاهما قليل الادب وكلاهما خاين

"فأذا وقفت امام حسنك صامتاً فالصمت فى حرم الجمال جمال "
هل هناك امرآه ... تقف امامها صامتاً ؟؟

اة حصلت لكن كان موقف عابر

لكل انثى صفة تميزها ... فما هذه الصفه التى وجدتها بشقاوه ... واخرى بى ...؟؟

شايف انتوا الاتتنين قريبين اوى من بعض فهقول ميزات ليكوا انتوا الاتنين شروة واحدة
شايف فيكوا الجراءة طريقة محترمة فى التعامل مع الاخر بطريقة راقية وفى نفس الوقت متحررة ومش منتقدة
جمعتوا بين التحرر والاسلوب المحافظ فبيخرج اسلوب ساخر وحلو ومضحك ومتحرر ومحافظ

سعدت بك واتشرفت بمحاورة محاور مثلك دكتور يوحنا ... وسعدت اكثر بالتعرف عليك ...
شكراً جزيلاً لقبولك دعوتى

دا انا اللى لى الشرف سيدتى الفاضلة
وتقبلى وافر الاحترام منى لشخصك الكريم

يلا خليها موبايلك بقة

 

[عبود عبده عبود]

هاه ؟؟
شكة دبوس يابنات
حد حس بحاجة بقى ؟ الدكتور أيده خفيفة

 

[sha2awet 2alam]

لسة فيه 11 سؤال .. متضحكش علينا