"آدم" فى مأزق ... فى بنتين وولد ... مع شقاوه ووايت D:

[white.angel]

آدم فى مأزق ... فى بنتين وولد ... مع شقاوه ووايت D:

كثيراً ما بحثوا العلماء ليحلوا ما اسموه "بلغز المرآه"
وامضى الفلاسفه حياتهم ليصلوا الى هذه الحكمه
التى يرضون بها المرآه ...
ولكن ماذا عن الرجل ؟؟؟؟

فى محاولة جديده من الحبيبه شقاوه وانا
لأكتشاف اعماق الرجل
والدخول الى بعد جديد بداخله

نقدم لكم برنامجنا الاسبوعي
"آدم فى مأزق ... فى بنتين وولد ... "

سيكون لنا لقاء اسبوعى مع آدم جديد من اعضاء المنتدى
لنحاورة بالتبادل - شقاوه وانا -

مدة 66 سؤال
شقاوه 33
ووايت33

لنتحدث فيها عن كل ما يخص الرجل
حياته .. عواطفه .. تجاربه .. نظرته لأمور عديده

وبأذن ربنا يكون موضوع خفيف عليكم
ولكل ادم فى المنتدى ... يومك جاى
:bud::bud::bud:

ونرحب بأول ضيف معانا
the shepherd

نقدر نقول عليه "مُفكر"
صادق فى بحثه حيادى فيما يصل اليه دائماً
شخصيه من النادر ان تقابل مثلها فى الحياه عموماً ...
شخصياً من اكثر الناس المعجبين بفكره وقلمه والمتابعين له ...
ودائماً استفيد منه اول بأول

اهلاً وسهلاً استاذى العزيز
يسعدنا انك تكون اول ضحيه
قصدى اول ضيف معانا فى برنامجنا

هتبدأ معاك شقاوه بأول 11 سؤال
انتظرونا :new8:

​

 

[إيمليــآ]

,.

إنتو بتطبقوآ مبدأ للرجل حظ آلأنثتين هههههـ
ربنآ يكون فى عونكـ آدم

فكرة مميزهـ طبعاً
خصوصاً لتميز مقدمتيهآ وضيفهآ ..



متآبعة جداً



.،
​

 

[white.angel]

,.

إنتو بتطبقوآ مبدأ للرجل حظ آلأنثتين هههههـ
ربنآ يكون فى عونكـ آدم

فكرة مميزهـ طبعاً
خصوصاً لتميز مقدمتيهآ وضيفهآ ..



متآبعة جداً



.،
​

ههههههههههههه
احنا بنطبق شويه من اللى بنشوفه منهم حبيبتى :smile01
منوره دايماً :t23:
​

 

[تيمو]

الواحد بحواية مش خلصان فكيف لو صاروا تنتين هع هع ، الله يكون بعونك عمي شيفرد ...

 

[grges monir]

اشمعنا 66 سؤال يعنى
عشان عبارة عن 2 ستات ولا اية ههههه

 

[the shepherd]

بشكرك علي تقديمك الجميل و منحني شرف ان اكون اول ادم في السلسلة
لكن ​

دة مكنش اتفاقنا علي فكرة
و دي اول مرة اشارك في حوار
so please go easy on me

و بشكر الجميع علي محبتهم و دعمهم
و صلوا من اجل ان اعبر التجربة بسلام
​

 

[^_^mirna]

جميله الفكر
متابعه :flowers:

 

[+Nevena+]

قشطه عليكم يابنات

فكره جامده جدا

بس بجد هايصعب عليا ادم
اتنين عليه مره واحده
هههههههههههههههههههه
الله يكون في عونه بقي

وربنا يقدركم علي فعل الخير في ادم دايما



واحيكم اختياركم لشيبرد مميز جداااااااااااااا
منورنا

ومتابعه

 

[Dona Nabil]

فكره جامده واول اختيار فعلا موووفق
بالتأكيد متاااابعه معاكوا ومش هوصيكوااا
عاوزه افترااااااااا على ادم هههههههههههه
يثبت​

 

[+بنت الكنيسة+]

فكره تحففففففففففففففه
متابعه اكيييييد
ربنا معاكوا
​

 

[white.angel]

الواحد بحواية مش خلصان فكيف لو صاروا تنتين هع هع ، الله يكون بعونك عمي شيفرد ...

ركز بقى وذاكر الاسئله
لان اكيد لك دور ولك يوم يا باشا :smile01

اشمعنا 66 سؤال يعنى
عشان عبارة عن 2 ستات ولا اية ههههه

يس .. عشان ننبسط ونسأل فى كل حاجة زى ماحنا عايزين
ومنشلش جوانا اى سؤال
المهم فى الاستضافه نفسيه المستضيفين اللى هما احنا :smile01
هههههههههههههههه

 

[white.angel]

بشكرك علي تقديمك الجميل و منحني شرف ان اكون اول ادم في السلسلة
لكن ​

دة مكنش اتفاقنا علي فكرة
و دي اول مرة اشارك في حوار
so please go easy on me

و بشكر الجميع علي محبتهم و دعمهم
و صلوا من اجل ان اعبر التجربة بسلام
​

ولا تقلق يا فندم
انت استريح ... وهتلاقى الاجابات بتنساب من تلقاء نفسها
واحنا هنقول لدونا تخفف الاضاءه ... وتشغل ميوزك هاديه
ونعمل جو :59:
​

جميله الفكر
متابعه :flowers:

منوره يا قمره

قشطه عليكم يابنات
فكره جامده جدا
بس بجد هايصعب عليا ادم
اتنين عليه مره واحده
هههههههههههههههههههه
الله يكون في عونه بقي
وربنا يقدركم علي فعل الخير في ادم دايما
واحيكم اختياركم لشيبرد مميز جداااااااااااااا
منورنا
ومتابعه

دايماً منوره بالزيطه كلها يا نائب الحزب :smile01
​

فكره جامده واول اختيار فعلا موووفق
بالتأكيد متاااابعه معاكوا ومش هوصيكوااا
عاوزه افترااااااااا على ادم هههههههههههه
يثبت​

ههههههههههه
اطمنى يا حضرة الرجل الثانى :t23:
مش ثبتى الموضوع ... :bud:
سيبى الباقى على ربنا وعلينا احنا البناويت الغلبانين :new8:

فكره تحففففففففففففففه
متابعه اكيييييد
ربنا معاكوا
​

ميررررسى يا توتا
منوره يا قمره

 

[Samir poet]

قلبى معاك يا اخويا اللى يقع تحت ايدامراة يقول يا رحمن يا رحيم
ربنا يسترها اانت وقع فى ايدينا ايدين اتنين وحسبى الله ونعمة الوكيل
هههههههههههههههههههههههه
​

 

[sha2awet 2alam]

شيبرد صديقى اللدود بجد منورنى .. مبسوطة جدًا انى هتناقش معاك على الهوا كدة و بكتب الاسئلة و انا متأكدة انى هستمتع بالاجابات .. و هبدأ بأسئلة خفيفة و عامة و الشخصية هتبقى بعدين :t23:

مبدئيًا ..
1. اول ما بتسمع كلمة مرأة بيجى فى خيالك ايه ؟
2. اوصف دور المرأة من وجهة نظرك
3. ارسم بالكلمات وصف حواء ( اصل النساء كلهم ) متخيلها كانت شكلها ايه بتتعامل ازاى ؟
4. ايه رأيك فى مطالبة المرأة بالمساواة ؟ و ايه حدودها ( لو فيه حدود ) ؟
5. ما معنى الانوثة فى وجهة نظرك ؟ و هل البنات حاليا مفتقدينها ام لا ؟؟
6. أجمل ميزة فى بنات حوا ايه هى ؟
7. اسوء ما فى بنات حوا ايه ؟؟
8. اكتر اسم بناتى بتحبه ؟ واكتر اسم بناتى غريب سمعته ؟
9. اكتر مطربة و ممثلة او حتى مذيعة متابعها و بتحبها ؟:mus25:
10. اكتر شخصية سياسية حالية او تاريخية بتعتبرها رمز للمرأة القوية ؟
11. شوية صفات يقال انها منتشرة بين بنات حوا هذكرهملك و انت تقولى فى وجهة نظرك موجودين فعلا ولالا ؟ ( تيك كير دة فخ :yahoo: و البنات متابعة )
كثرة الكلام ( الرغى )
الدهاء
التفاهة
الاهمال
التناقض
الغموض غير المبرر
الكذب
الخيانة

دى بداية صغننة عشان نتعرف على فكرك بشكل عام .. المرحلة الجاية مع وايت

منتظرة أجاباتك على أحر من الجمر :t23:

 

[+Sameh+]

بتفكرونى بالبتاع دا اللى اسمه "راجل وست ستات"

فكرة كويسة يا وايت وعايزك تقومى بالواجب مع اى ضيف زى ما متوقع ان شقاوة "هتشلفطهم" بكل ما تحمله الكلمة من معنى.

متابع
​

 

[sha2awet 2alam]

بتفكرونى بالبتاع دا اللى اسمه "راجل وست ستات"

فكرة كويسة يا وايت وعايزك تقومى بالواجب مع اى ضيف زى ما متوقع ان شقاوة "هتشلفطهم" بكل ما تحمله الكلمة من معنى.

متابع
​

انا هشلفطهم ؟؟ يا ظالم اديك شايف الاسئلة كلها من المنهج و مفيش حاجة غريبة يعنى !
يلا عقبالك اما تنورنا يا سامح
يشرفنا متابعتك

 

[sha2awet 2alam]

قلبى معاك يا اخويا اللى يقع تحت ايدامراة يقول يا رحمن يا رحيم
ربنا يسترها اانت وقع فى ايدينا ايدين اتنين وحسبى الله ونعمة الوكيل
هههههههههههههههههههههههه
​

بتحسبن علينا يا سمير ماشى ليك يوم هتكون مكانه فحاول تحايلنا عشان نكون طيبيين معاك
منور

 

[bob]

انت وقعت يا شيبرد و محدش سمي عليك

 

[sha2awet 2alam]

انت وقعت يا شيبرد و محدش سمي عليك

عقبالك يا كبير :smile01
منور

 

[the shepherd]

شيبرد صديقى اللدود بجد منورنى .. مبسوطة جدًا انى هتناقش معاك على الهوا كدة و بكتب الاسئلة و انا متأكدة انى هستمتع بالاجابات .. و هبدأ بأسئلة خفيفة و عامة و الشخصية هتبقى بعدين :t23:

شقاوة مش عارف ليه حاسس اننا هنخسر بعض علي نهاية استضافتي " لما دي البداية و لسه بتسخني امال بعد كدة هتعملي فيا اية بالظبط "

1. اول ما بتسمع كلمة مرأة بيجى فى خيالك ايه ؟

هو انا مفركتش قبل كدة بصراحة " انا مش عرف الاسئلة دي جايبنها منين "
بس اخدت بالي " بسبب سؤالك " ان بيجي في بالي زي عملية upgrading للانسان ليكتمل و يصل صورته النهائية .
فهي تجعلني اذهب بفكري الي كل ما ينقصني و احتاج اليه .

2. اوصف دور المرأة من وجهة نظرك

المرأة هي من يضفي الطعم و اللون و الرائحة لحياة كل رجل .
فهي امه التي سهرت علي رعايته و اخته التي اعطته اول دروسه حول معني الرجولة .
و صديقته التي تدفعه نحو الافضل و شريكه حياته التي تتوجه ملكاً علي العالم .

3. ارسم بالكلمات وصف حواء ( اصل النساء كلهم ) متخيلها
كانت شكلها ايه بتتعامل ازاى ؟

مختلفة . فلم تكن نظرتها لنفسها قد تشوهت بعد .
لم تعرف بعد معني ان تكون " مخلوق درجة ثانية " كما يحدث الان .
لذلك لم تستحي من انوثتها او تحاول اخفائها و وضع قيود عليها ,
بل كانت النبع و الحقل الذي سهرت عليه دوماً ترعاه ليقتات منه ادم فلا يجوع لاخر سواها .

4. ايه رأيك فى مطالبة المرأة بالمساواة ؟ و ايه حدودها ( لو فيه حدود ) ؟

دة بيتوقف علي نقطة " المساواة في اية بالظبط "
يعني انا بشوف ان الطبيعي ان كل ما يحل للرجل يحل ايضاً للمرأة .
و لكن رايي الشخصي
و ان كان يحل لها كل ما يحل للرجل لكن لكل منهم مهامة التي خُلق من اجلها .
فالرجل خلق يتعب من اجل المرأة ولكن اعطاه الله ان يكون في تعبه لاجلها راحته و رضاه .
ولكن نجد المرأة تنظر للامر بطريقة مختلفة ,
فهي تري فيما يريد الرجل ان يقوم به من اجلها ضعف و عجز و عدم مساواة لها .
رافضة ن تتقبل انه الاقوي بدنياً و الاكثر قدره علي التعامل مع الضغوط . و انها الاكثر حناناً و عطفاً الاصلح لتربية الابناء .
و تتمني لو تذهب هي للعمل و يظل هو بجانب الابناء في المنزل فقط لتثبت انها " رجل "
اليست تلك هي المساواة التي تتحدثين عنها ام اخطأت انا في فهمي ؟

5. ما معنى الانوثة فى وجهة نظرك ؟ و هل البنات حاليا مفتقدينها ام لا ؟؟

الانوثة لا يمكن اختزالها في بضع كلمات .
فهي روح تلتصق به شخص اي امرأة فيترك لمسته الساحرة عليها .
نري الانوثة في جمال الطبيعة و صفاء السماء و عذوبة المياة و رقة النسيم و اطلالة القمر .
فلعل الله خلق الطبيعة انثي لندرك منها اننا مهما تعلمنا عنها سنظل اطفال امامها لا نستطيع ادراك جميع اسرارها .

6. أجمل ميزة فى بنات حوا ايه هى ؟

انها نبع العاطفة الذي يروي منه الرجل ظمأة .
و لا اقلل بذلك من قدرات المرأة العقلية او احاول اختزالها الي عاطفة مجردة .
و لكن ما يحتاجة الرجل بالاكثر هو قلب يحتويه لا لعقل يتناقش معه .
فاليوم نعلم جميعاً ان العلم قدم لنا الذكاء الصناعي في صورة المختلفة
و لكنه لم يستطيع ان يقدم لنا مشاعر و عواطف صناعية .

7. اسوء ما فى بنات حوا ايه ؟؟

استحائهم من انوثتهم و عملها علي طمس كل معالمها .
و ان كان للمجمتع الدور الاكبر في تنفيذ في تلك الجريمة
لكن لا يمكننا ان ننكر انها شاكرته في ذلك الجرم .

8. اكتر اسم بناتى بتحبه ؟ واكتر اسم بناتى غريب سمعته ؟

مممممممممم لا مش بيفرق معايا الاسماء قد ما بيفرق معايا المضمون .
يعني اياً كان الاسم ما مدي تأثيره علي شخص الاخر ؟؟
بس للصراحة انا لما بفكر في النقطة دي بيجذبني اسم " ايفا = حواء " و دة بسبب معناه " ام كل حي "
اما الاسم الغريب فنشكر الرب مفيش اسم طبيعي الايام دي

9. اكتر مطربة و ممثلة او حتى مذيعة متابعها و بتحبها ؟:mus25:

هما كتير قوي بصراحة بس هكتفي ب
keira knightley
angelina jolie
celine dion

10. اكتر شخصية سياسية حالية او تاريخية بتعتبرها رمز للمرأة القوية ؟

الملكة استير


11

. شوية صفات يقال انها منتشرة بين بنات حوا هذكرهملك و انت تقولى فى وجهة نظرك موجودين فعلا ولالا ؟ ( تيك كير دة فخ :yahoo: و البنات متابعة )

ربنا يسامحك يا ......

كثرة الكلام ( الرغى ) : نو
الدهاء : يس
التفاهة : يس
الاهمال : يس
التناقض : يس
الغموض غير المبرر : يس
الكذب : نو

و طبعاً انا مش بقصد الكل و لكن الاغلبية السائدة .
و لكن علي المستوي الشخصي فهو يختلف من انثي لاخري

دى بداية صغننة عشان نتعرف على فكرك بشكل عام

اية دة و انا الي كنت فاكر اني خلصت و اخدت برآئة و هتشوفوا حد تاي تفتروا عليه