"آدم" فى مأزق ... فى بنتين وولد ... مع شقاوه ووايت D:

[white.angel]

..

شقآوة وكورس .. دآ إحنآ هنتفرج بجد بقى ^_^

..
​

اوعى تعرفيها انى قولت حاجة .. دة سر :smil12:
​

 

[Strident]

صورتك دي خلااااااص راحت يا end....انصحك ما تفكرش فيها تاني...

 

[عبود عبده عبود]

جزر وخيار ومخللات ...
حلو حوار " البرطمانات " اللى داير دة
هى واحدة بس السبب ...أكيد عارفينها
:t31::t31:
باللا ربنا معاكوا و " تفتحوا " نفسنا على اللقاء دة
عايزين أسئلة " مشطشطة "
​

 

[إيمليــآ]

جزراية واحدة؟! هههه دي متعرفنيش!

انا كنت باجيب كيلو وكان بيخلص في يومين تلاتة :S
انا اموت في الخل والشطة

اه نسيت اقول لأ انا في بالي ان الطرشي ده المشطشط ... لفت وجزر وكده وبيبقى مشرشر

المخلل بيبقى مالح وكده زي الخيار المخلل مثلاً او الجزر المخلل

انا غاوي طرشي اكتر

كلهم على بعض مخلل بآلنسبآلى
وهى جزريآية وآحدة مفيش فصآل
​

اوعى تعرفيها انى قولت حاجة .. دة سر :smil12:
​

هو إنتِ قولتى حآجة ..؟
إنتِ وأنآ مش هنآ أسآساً ^_*

..
​

​

 

[حبو اعدائكم]

جزر وخيار ومخللات ...

حلو حوار " البرطمانات " اللى داير دة
هى واحدة بس السبب ...أكيد عارفينها
:t31::t31:
باللا ربنا معاكوا و " تفتحوا " نفسنا على اللقاء دة
عايزين أسئلة " مشطشطة "
​

اووووووعا تكون تقصد انى انا السبب يا عبود
:cry2: دا انا غلباااااااان

 

[sha2awet 2alam]

خيار مخلل و هجرة و طرشى و كورس و مثالى و آبة فى الجمال و ثرثرة و عينيها و مشطشطة و اتدشدشت و صورة و نسا ( يفضحك ربنا يابعيدة ) :a82:

اسيبلكم الراجل يوم ارجع الاقيكم مفصصينه ..فيه ايــــــــــــــــــــــــه كلكم عليه ولا ايه :t32:

5 و انزل بطقم الاسئلة الجديدة

انتظرونا :smil12:

 

[Strident]

تصدقي فكرتيني بالآية في الجمال...انا كنت نسيت خالص

كلمتهالنا يا عم end ولا ايه؟

 

[end]

تصدقي فكرتيني بالآية في الجمال...انا كنت نسيت خالص

كلمتهالنا يا عم end ولا ايه؟

و نا اللي زعلان على صورتي
دنا مبقيتش محاور
دنا بقيت كدة

 

[Strident]

يا بخت مين وفق راسين في الحلال

 

[Strident]

انا باقول نبدأ خدمة matchmaking هنا في الفورم

خاطبة يعني

 

[sha2awet 2alam]

عدنا مع اول مجموعة اسئلة منى و بعتذر جدًا على التأخير .. اجاباتك رائعة مش مثالية بس راقية جدًا جدًا .. و نظرًا لرقتك و رُقيك و بوكيه الورد :wub: فانا مضطرة آآآسفة انى اسأل بــهداوة

1/ " قلبى مساكن شعبية " ..هل تقصد بيها انك دنجوان ؟؟ و حبيت كام مرة ؟؟ ( حب رومانسى مش حب بابا و ماما و ربنا ):smil12:

2/ واضح من اسلوبك الرقى و التهذيب .. ازاى بتعاكس بنوتة حلوة فى نظرك ( شكلا و مضمونا ) تقولها ايه ؟؟:yahoo:

3/" اسوء عيوب المرأة الثرثرة " ... بتتعامل ازاى مع البنت الثرثارة ؟؟ ( حاول متخبطش اوى و خليك فاكر انى نصحتك ):kap:

4/" الغباء عاهة مستديمة " .. ماذا لو وقع فى حظك مديرة غبية .. هتتصرف ازاى ؟:a63:

5/ عندك اخوات بنات ؟؟ و لو عندك هل فكرت فى مرة تضرب واحدة فيهم لاى سبب ؟؟:t32:

6/ ايه اكتر صفة فيك بتشد البنات لصداقتك ؟؟ ( و بليز متقوليش روحى اسأليهم ):wub:

7/ اذكر 3 عيوب تستطيع احتمالهم فى شريكة حياتك ( على سبيل المثال ) .. و 3 عيوب لا تستطيع التعامل معاهم مطلقًا ( غير الغباء ) :a82:

8/ هل تعتبر نفسك راجل غيور ؟؟ و ايه رايك فى الغيرة ؟؟ هل اسبابها شعور بالنقص ؟

9/ من الذكاء ان تتظاهر بالغباء فى بعض الاوقات .. ايه رايك فى الكلام دة ؟ مع او ضد ؟؟:a82:

10/ ماذا لو : حبيبتك كانت غيورة و طلبت تقلل من علاقات الصداقة و الزمالة مع البنات .. هيكون ايه رد فعلك ؟؟:cry2:

11/ صفة فى والدتك تتمناها فى شريكة حياتك ( غير الذكاء و الجمال ) .. و اشمعنا الصفة دى بالذات ؟:t13:

اهو اسئلة خفيفة خــــــــــــــــالـــــــــــــــــص عشان متقولش علينا مفتريين ولا حاجة .. اسيبك مع وايت و باقى الاسئلة :t31:..

 

[Strident]

تسيبيه مع وايت ومع الجمهور

على فكرة بقى الحلقة دي الجمهور قايم بالواجب اكتر منكو بكتيييييير

 

[end]

1/ " قلبى مساكن شعبية " ..هل تقصد بيها انك دنجوان ؟؟ و حبيت كام مرة ؟؟ ( حب رومانسى مش حب بابا و ماما و ربنا )

عندي نظرية بتقول ان جوهر الحب واحد
يعني ( حب بابا و ماما و ربنا ) نفس حب صديقي نفس حب حبيبتي .
و اؤيد ذلك باني بسأل المعترض(الولد) سؤال : لو صديقك(الولد برضه) كان معاك ف رحلة مائية و وقع و هيغرق , هتنقذه ولا لا ؟
و الاجابة دايما باه , و هنا بقوله انك بتعرض حياتك للخطر عشانه , تفتكر ايه الحب اللي اكتر من الموت , علشان نقسم الحب درجات ؟

الحب مش درجات كما يشع , الحب اشكال
شكل حب الاهل غير شكل حب الاصدقاء غير شكل حب النص الحلو
انما جوهر الحب واحد , هو حاجة اقوى من الحياة .

و اجابة عن سؤالك , اكتر من خمسة , لكن الحب الرومانسي عندي مرتبط ب(الارتباط) و بما اني مش واخد قرار الارتباط , فمحصلش اني اعلنت لاي حد اني بحبه
حب افلاطوني يعني

2/ واضح من اسلوبك الرقى و التهذيب .. ازاى بتعاكس بنوتة حلوة فى نظرك ( شكلا و مضمونا ) تقولها ايه ؟؟

انا فاكر اني عاكست ف حياتي مرتين , و كنت ف ابتدائي وقتها
مرة كانت ايام ما كانت المعاكسة ان الولد يسأل البنت : هي الساعة كام , و تاني مرة بتاعة احلى واحدة فيكم اللي لابسة جزمة صفرا , و نشوفهم بيبصوا على رجليهم
هم دول المرتين , برئ يا بيه

3/" اسوء عيوب المرأة الثرثرة " ... بتتعامل ازاى مع البنت الثرثارة ؟؟

لو منعرفش بعض , بتورط اني ف حوار بقاله ربع ساعة مثلا مفيهوش كلمة مفيدة
بعمل ايه بقاه ؟ بسأل ف وسط الكلام سؤال غريب و بسرعة , بتتلخبط شوية
اكون فكرت ف سيناريو الحوار و ركزته ف اسئلة متتالية , اسألها الاسئلة متلاحقة , ثم ابتسم ابتسامة بسيطة و اقولها تمام ثم اهرب

لو نعرف بعض , حتى لو هي صفتها الكلام الكتير , بتختصر معايا عشان عارفاني
لو بقاه هي اللي عندها مشكلة و عايزاني اسمعها - و مقولكيش بقاه لما يجي البنات يحكوا عن مشاكل , بيحكوها بكل الانفعالات النفسية اللي حصلت و اللي بتحصل و اللي هتحصل - هكون اناني لو مسمعتهاش
بسمع و امري الي الله

( حاول متخبطش اوى و خليك فاكر انى نصحتك )

بس طيبين اوي اوي اوي يعني

4/" الغباء عاهة مستديمة " .. ماذا لو وقع فى حظك مديرة غبية .. هتتصرف ازاى ؟

انا اساسا اشتغلت مع 4 مدراء لحد دلوقتي , محدش فيهم يعرف عني حاجة ولا يعرف اني موجود اصلا
انا بخلص شغلي بسرعة , ثم بختفي .

5/ عندك اخوات بنات ؟؟ و لو عندك هل فكرت فى مرة تضرب واحدة فيهم لاى سبب ؟؟

معنديش .
ف فترة الطفولة بيظن الطفل ان الضرب هو وسيلة مناسبة خصوصا مع 3 حاجات

1- الميديا بتقول كدة
2- لو ديه طريقة الاب و الام مع الابناء
3- الفرق البدني بين الاخ و الاخت

فاظن ان الضرب بين الاخوات حلال
اقصد انه غالبا ضرب غير مسئول و غير مؤذي .
لكن بعد النضج , ففكرة التعامل بالايد بتتحول لفكرة غير انسانية اساسا , و اللي بشوفه ان الاخوات لما بيكبروا - بعد ما الولد بيكون قطع شعر اخته و البنت بهدلته ضرب - ان الاخوات بيكونوا من اقرب الاصدقاء بالنسبة لبعض .

6/ ايه اكتر صفة فيك بتشد البنات لصداقتك ؟؟ ( و بليز متقوليش روحى اسأليهم )

انا سعيد انك سألت السؤال ده
الواحد بقاه يقعد يمدح ف نفسه للصبح
هن دايما بيقولوا عني اني حد (محترم)
انا معرفش محترم ديه يعني ايه
بس اعتقد ان هيه ديه اكتر صفة .

7/ اذكر 3 عيوب تستطيع احتمالهم فى شريكة حياتك ( على سبيل المثال ) .. و 3 عيوب لا تستطيع التعامل معاهم مطلقًا ( غير الغباء )

انا اظن ان بعد اللي ميتسماش اي حاجة تانية تهون و ممكن التعامل معاها
لكن نقدر نقول ال(سِّمّاوية ) \ الحِشريّة \ الحسد .

8/ هل تعتبر نفسك راجل غيور ؟؟ و ايه رايك فى الغيرة ؟؟ هل اسبابها شعور بالنقص ؟

اعتقد اني غيور , و يقينا له علاقة بالنقص اكتر من مجرد الشعور بالنقص , و كلنا ننقص اشياءََ بشكل او باخر .
الشعور بالنقص او الدونية inferiority مختلف عن ان الانسان فعلا يكون عنده نقص ف شئ ما .
و بتجاوز الغيرة ديه اني اكمّل نقائصي .

9/ من الذكاء ان تتظاهر بالغباء فى بعض الاوقات .. ايه رايك فى الكلام دة ؟ مع او ضد ؟؟

موافق
بل ده م التكتيكات اللي بستعملها سخسيا

10/ ماذا لو : حبيبتك كانت غيورة و طلبت تقلل من علاقات الصداقة و الزمالة مع البنات .. هيكون ايه رد فعلك ؟؟

لا ازعم ان في علاقاتي ما يستوجب الغيرة , لكن لو طلبت هقاوح شوية
ثم هخليها تبقى صديقتهن اكتر , يبقى صديقاتها هي مش انا
و لو كل ده منفعش , هسمع الكلام ...... مؤقتا

11/ صفة فى والدتك تتمناها فى شريكة حياتك ( غير الذكاء و الجمال ) .. و اشمعنا الصفة دى بالذات ؟

الطبيخ
اعتقد اني مش هقدر استغنى عن اكلات اتعودت عليها طول عمري , خصوصا ان سمعة بنات اليومين دول ف الطبيخ ..... انهم بيعتمدوا ع الدليفري ... زييينا يعني

بس عموما , انا اتعلمت الطبيخ , و بعمل الاكلات اللي بحبها , استعدادا للمواقف اللي بنسمع عنها

 

[حبو اعدائكم]

إجابااات جميله جدا و صريحه جدا
احب اعلق حبه حجات بس

و تاني مرة بتاعة احلى واحدة فيكم اللي لابسة جزمة صفرا

مش هنسا الموقف ده طووول حياتى كان محرج جدا جدا و ضحكنا على نفسنا للصبح هههههههههههههههههههههههههههههههههههههه
إنت منهم بئا :warning:

تانى جزء

اللي بشوفه ان الاخوات لما بيكبروا - بعد ما الولد بيكون قطع شعر اخته و البنت بهدلته ضرب - ان الاخوات بيكونوا من اقرب الاصدقاء بالنسبة لبعض .

عندك حق و فكرتنى بعلاقتى بأخويا فعلا كنا بنقطع بعض وانا الى كنت بكسب و ببهدله ههههههههههههههه
متابعا بقيت الاسئله

 

[white.angel]

رجعتلك تانى للمرة الاخير .. بكل اسف .. واتمنى تكون مستمتع معنا بالحوار ..

1) ماسبب فشل علاقات الحب الخمس .. ولِمَ لم تنجح احداهم فى التحول الى ارتباط :love34:؟

2) كيف كان رد فعلك عندما اخبرتك امك انها وجدت لك عروس ملائمه .. ويتوجب عليك رؤيتها ..
او كيف سيكون رد فعلك ان حد هذا فى المستقبل leasantr؟

3) لِم نجد ازدواجيه فى شخصيه الرجل .. فهو يصادق راقصه وعندما يريد الزواج يبحث عن امرآه فاضله :dntknw:؟

4) اذا احببت فتاه واردت لفت نظرها او التعبير عن مشاعرك لها .. كيف ستقوم بهذا :mus25:؟

5) هل انت عصبى .. وماذا قد تفعل وانت فى ثورة غضب:a82: ؟

6) هل تقبل بلقب "جوز الست" :smil16:؟

7) اذا استيقظت يوماً ووجدت نفسك امرآه .. ماذا ستفعل:smile01 ؟

8) كنت فى المترو .. محطة السادات كدة :heat: .. الدنيا زحمها ولقيت بنت ..
ضربتك بالقلم :vava:.. وقالتلك "احترم نفسك" .. كيف سيكون رد فعلك :gun:؟

9) فى الوقت الحالى .. من هم اهم ثلاث سيدات فى حياتك :t31: ؟

10) الذكاء هو اهم صفه تبحث عنها فى شريكة حياتك .. هل تقبل بها ان كانت تفوقك ذكاء :lightbulb:؟

11) هل تؤثر بك دموع امرآه .. وهل حقاً قوة المرآه تكمن فى ضعفها :t23:؟

سعدت جداً بحضرتك:give_rose .. وبهذا الحوار الراقى:give_rose ..
اسيبك مع شقاوه
​

 

[end]

رجعتلك تانى للمرة الاخير .. بكل اسف ..

ايه ده خلاص كدة ؟
للأسف انا حاسس احساس حسن الهلالي و هو بيقول .....

الأول

لا بجد , كنت سعيد اني كنت في استضافتكما

1) ماسبب فشل علاقات الحب الخمس .. ولِمَ لم تنجح احداهم فى التحول الى ارتباط ؟

هو محدش عرف اني كنت بحب حد , زي ما قلت , انا اساسا مكنتش واخد قرار الارتباط , فلم اصارح اياََ من بنات حواء بهذا السر الخطير

2) كيف كان رد فعلك عندما اخبرتك امك انها وجدت لك عروس ملائمه .. ويتوجب عليك رؤيتها ..
او كيف سيكون رد فعلك ان حد هذا فى المستقبل ؟

هي ماما شافت مني كل ردود الافعال بصراحة
مرة قلتلها اه طبعا يلا بينا , فهي فهمت اني بهزر
مرة قلتلها متفكريش ف الموضوع ده دلوقتي فهي زعلت شوية
و هكذا كل مرة حاجة جديدة .
ف المستقبل ,مممممممممممممممممممممممم
اعتقد اني لازم اسافر قبل ما ندخل ع المرة الجاية

3) لِم نجد ازدواجيه فى شخصيه الرجل .. فهو يصادق راقصه وعندما يريد الزواج يبحث عن امرآه فاضله ؟

من ناحية , فهو تصرف عقلاني , يعني فعلا المفروض يبحث عن امرآه فاضلة
من ناحية تانية , فهو تصرف سافل , لان النص الاولاني متصل بغريزته و بيقرر وقتها انه يلغي عقله شوية .
ده صراع مستمر بين الغريزة و تلبيتها بشكل رخيص , و بين العقل و المعايير اللي بيفرضها .
و ده مجرد شكل من اشكال الصراع مش هو الشكل الوحيد
مثله مثل المجاهد في سبيل الله , اللي قرر ان الكدب هو الطريق اللي هيعلي بيه كلمة الله !

4) اذا احببت فتاه واردت لفت نظرها او التعبير عن مشاعرك لها .. كيف ستقوم بهذا ؟

غالبا هيكون بطريقة مفاجئة قاتلة تشلّها عن الحركة و تخليها توافق ع طول
يعني بعد ما اتطمن انها مرتاحة لي , و انها مش مرتبطة , هدخل ف الموضوع على طول
تصور الموقف مضحك جدا , بس اعتقد اني هعمل كدة
طبعا مش بشكل منفّر , لكن ممكن يكون المدخل " لو جالك عريس امّور و حليوة زيي هتقولي ايه ؟ "

5) هل انت عصبى .. وماذا قد تفعل وانت فى ثورة غضب ؟

كنت عصبي
انا دلوقتي من ابرد عِباد الله
و لو حصلت المعجزة و غضبت , فهعمل زي ما كنت بعمل , يا اما بلعب ضغط , يا اما بنزل اجري ف الاستاداو ف الشارع , برجع تعبان , بنام , بصحي زي الفل

6) هل تقبل بلقب "جوز الست" ؟

هو انا وضعي لا يسمح بالبقاء كدة, و بعد فترة من التعامل معايا بقدر افرض نفسي .
لكن لو ف اللقاء الاول و هي معروفة اكتر مني , فبالعكس ده يسعدني انها تكون شخصية مميزة
مؤقتا برضه

7) اذا استيقظت يوماً ووجدت نفسك امرآه .. ماذا ستفعل ؟

هنام تاني هههههههههههههههههههههههههه leasantr
لا حقيقة , هحاول استمتع بالحياة الجديدة , اتعلم الثرثرة بقاه و كدة
من وجهة نظر تانية انا بعذر البنات ف الرغي , المجتمع مبيديلهمش اي شغلانة بديلة عن الكلام .
لا ينفع تعمل رياضة ولا تتسكع ف الشارع زيينا و كدة , معذورات برضه.

8) كنت فى المترو .. محطة السادات كدة .. الدنيا زحمها ولقيت بنت ..
ضربتك بالقلم .. وقالتلك "احترم نفسك" .. كيف سيكون رد فعلك ؟

هضرب اللي جنبي عشان الشبهة تروح عليه

للأسف , زمان كان ممكن الواحد يخاف من موقف زي ده , كان المتحرّش بيتعلّق
دلوقتي بقت دايما البنت هي السبب , و الناس بتبص و تمصمص شفايفها و بس .

9) فى الوقت الحالى .. من هم اهم ثلاث سيدات فى حياتك ؟

ماما , تيتا
و الست اللي ماسكة دفتر الحضور و الانصراف ف الشغل عندي

10) الذكاء هو اهم صفه تبحث عنها فى شريكة حياتك .. هل تقبل بها ان كانت تفوقك ذكاء ؟

هقبل و معنديش ادنى شك
هيكون تحدي ممتاز , و انا بحب التحدي
بالاضافة اني هكون متطمن جدا على اولادنا .

11) هل تؤثر بك دموع امرآه .. وهل حقاً قوة المرآه تكمن فى ضعفها ؟

و مين مبيأثرش فيه الدموع من رجل او ست ؟
لكن مش ده بس قوة المرآه , هو بس فيه تقاليد الستات بيتناقلوها بين بعض لاستغلال المسألة ديه .
الست نفسها تقدر تكون قوية و تجيب حقها , لكن الستات بيقولوا لبعض اعملي نفسك منكسرة و ضعيفة و الراجل هيجيبلك حقك من غير ما تتعبي .
و كلنا بنقع ف الفخ ده بصراحة

 

[sha2awet 2alam]

بغض النظر عن حسن الهلالى بس وايت بس اللى خلصت انا لسة ليا دفعة اسئلة :99:

اجاباتك كانت رائعة بجد و موتنى من الضحك و خصوصًا فى :

هضرب اللي جنبي عشان الشبهة تروح عليه

:new6::new6::new6:​

و الست اللي ماسكة دفتر الحضور و الانصراف ف الشغل عندي

كلنا بنحترم الست دى احترام مبالغ فيه الحقيقة :fun_lol:

هو بس فيه تقاليد الستات بيتناقلوها بين بعض لاستغلال المسألة ديه

احب اقولك انهم مش محتاجين يتناقلو حاجة .. دى بالفطرة :smile01


انتظرنى مع آآآآآآخر اسئلة ليك معانا :t23:

 

[sha2awet 2alam]

رجعتلك مع آخر مجموعة اسئلة .. و المرة دى الاخيرة بجد .. :smi420:

1/ ايه رأيك فى جواز الصالونات ؟؟ و هل تقبل بيه ولا لازم جواز عن حب ؟؟30:

2/ هل الجواز هدف اساسى فى حياتك لتكوين اسرة ولا ممكن تعيش عاذب لو قدرت تخدم نفسك ؟:heat:

3/ " الصداقة بين الولد و البنت حب على نار هادئة " .. ايه رأيك فى الكلام دة من واقع الصداقات اللى حواليك ؟؟ :Love_Letter_Open:

4/ " البكاء ضعف " .. مع أم ضد ؟ و هل ممكن فى يوم تبكى قدام بنت ؟:closedeye

5/ كررت كلمة " مؤقتا " فى ردود كتير .. و ماذا بعد ؟؟ يعنى بعد المؤقت ايه اللى هيغير الحال ؟؟ بالنقاش ولا فرض الامر الواقع ؟؟:t9:

6/ هل حصل و بنت عاكستك قبل كدة ؟؟ و لو حصل قالتلك ايه ؟؟ و كان ايه رد فعلك ؟؟:11azy:

7/ ماذا لو : وقعت فى المحظور و حبيت بنوتة جدًا ثم قالتلك " انا اسفة مش عايزة اسافر برا مصر عايزة اعيش هنا " ... هتضحى بمين فيهم ؟؟ بحبك ولا بحلم الهروب ؟؟:smi411:

8/ لو متاح ليك تقابل 3 شخصيات نسائية تاريخية او مشهورة .. تختار مين ال 3 ؟؟ و اشمعنا ؟

9/ سؤال من باب الدعابة لا اكثرولا اقل .. افترض انك بتكتب اعلان طلب جواز فى جريدة .. بتذكر فيه مميزاتك و المواصفات اللى طالبها فى البنت اللى تكلمك ... يلا ابدع :new6:

10/ من خلال معاملتك او متابعتك ( دة لو افترضنا انك متابع او بتسمع عن اى بنت فى المنتدى هنا ) هقولك صفة و تقول شايفها فى مين او متوقعها فى مين ( بنات فقط ) ::99:
- طيبة
- دمها خفيف
- قوية
- جميلة
- ذكية

11/ اخر سؤال خالص .. بنطلب من حضرتك رأيك فى العبدة لله و فى الاخت وايت :closedeye.. مع ذكر العيوب و المميزات .. و يفضل ذكر المميزات اولا طبعا :smile01

خلصت اسئلتنا و خلصت حلقتنا منتظرة اجاباتك جدًااااا و اتمنى اننا نكون مش ضايقناك فى حاجة .. بجد اتشرفنا جدًا بوجودك معانا و كانت من امتع الحلقات اللى قدمناها .. مش هقولك نكررها بدل ما تضربنى:11azy: بس هقولك اننا كسبنا اننا اتعرفنا على شخصية جميلة و محترمة زى حضرتك

 

[end]

1/ ايه رأيك فى جواز الصالونات ؟؟ و هل تقبل بيه ولا لازم جواز عن حب ؟؟

الناس ظروفها مش زي بعضها
انا متفهم جدا لظروف الزيجات التقليدية و لكن لا اظن انها تتناسب معايا

2/ هل الجواز هدف اساسى فى حياتك لتكوين اسرة ولا ممكن تعيش عاذب لو قدرت تخدم نفسك ؟

لا , ع الاقل ف المرحلة اللي انا فيها الجواز مش هدف اساسي .
الجواز ملوش اي علاقة بالخدمة خالص , برضه انا متفهم تماما للي بيتجوزوا كدة , لكن مش انا

3/ " الصداقة بين الولد و البنت حب على نار هادئة " .. ايه رأيك فى الكلام دة من واقع الصداقات اللى حواليك ؟؟

ديه مشكلة من مشاكل حياتي
في الوسط اللي انا فيه , مفيش حاجة اسمها صداقة , بيعتبروا الصداقة (مشروع جواز)
و ان كنت افضّل طبعا ان الزيجات تتم بين الاصدقاء , لكن الازمة ان بمجرد صرف النظر عن الزواج , الصداقة بتنتهي .
قيمة الصداقة مفقودة ف الوسط عندي , و بالتالي اه هو (مشروع حب) , و ده انا مش موافق عليه .

4/ " البكاء ضعف " .. مع أم ضد ؟ و هل ممكن فى يوم تبكى قدام بنت ؟

انا مؤمن بالالتزام بقيم المجتمع
فمدام البكاء ضعف مجتمعيا , يبقى البكاء ضعف
عندي هو ليس ضعفا , لكن لاننا عايشين وسط ناس فلازم نحط ف دماغنا اعتباراتهم .
و عليه , فكلنا بنتحاشى البكاء قدام اي حد مش بس البنات
اما لو حدث جلل و بكيت , او حتى شفت فلم لمسني فبكيت , انا شخصيا مبكونش مكسوف .

5/ كررت كلمة " مؤقتا " فى ردود كتير .. و ماذا بعد ؟؟ يعنى بعد المؤقت ايه اللى هيغير الحال ؟؟ بالنقاش ولا فرض الامر الواقع ؟؟

واحد مننا هيغير طبعه
ده الملاحظ بين كل الازواج , بنقارن بينهما قبل الزواج و بعده , و بيتقاربا بشكل مدهش
فانا شخصيا معنديش مشكلة ان انا اللي اتغير , مبيكونش حسب خطة مسبقة و مبيكونش بالنقاش ولا بالامر الواقع
اعتقد انه بيتم بتأثير الجاذبية الارضية
يعني شوية من هنا و شوية من هنا عشان الدنيا تمشي .

6/ هل حصل و بنت عاكستك قبل كدة ؟؟ و لو حصل قالتلك ايه ؟؟ و كان ايه رد فعلك ؟؟

هو انا اكتر مرة فاكرها , كنت ماشي مع واحد صاحبي , فالبنت عاكست صاحبي بصراحة

7/ ماذا لو : وقعت فى المحظور و حبيت بنوتة جدًا ثم قالتلك " انا اسفة مش عايزة اسافر برا مصر عايزة اعيش هنا " ... هتضحى بمين فيهم ؟؟ بحبك ولا بحلم الهروب ؟؟

هو الصراع هنا مش بينها و بين الحلم
هو الصراع هيكون ف حكمي على قدراتها العقلية

لكن نفرض مثلا انها فتاة احلامي , و انها مش هتسافر لارتباطها باسرتها مثلا .
اعتقد اني مش هسافر , اعتقد انها هتكون اللؤلؤة اللي هبيع الباقي عشانها .

8/ لو متاح ليك تقابل 3 شخصيات نسائية تاريخية او مشهورة .. تختار مين ال 3 ؟؟ و اشمعنا ؟

هو انا مش بختار احسن 3 لكن هختار اول 3 يجو ف بالي

1- مريم العذراء ,.............. يوووووووووووووووووووووووووه ديه هتبقى حكاية , اسألها عن مشاعرها مع الطفل يسوع , يا نهار ابيض , حكاية فعلا .


2- سعاد حسني , سعاد عندي من رموز الحياة , اعتقد انها حد جمييييييييييييييييل جدا حتى في اسوأ حالاتها .


3- الأم تريزا ,
- الصوفية الرهبانية القبطية تتميز انها ذكورية , و انها منعزلة عن العالم و ان كانت لا تعاديه غالبا
لكن تريزا بتمثل عندي النموذج اللي بنفتقده , الصوفية العامِلة , اللي بتشوف يسوع وسط البشر , في رأيي ان العالَم محتاج لنقل الخبرة ديه .

9/افترض انك بتكتب اعلان طلب جواز فى جريدة .. بتذكر فيه مميزاتك و المواصفات اللى طالبها فى البنت اللى تكلمك ... يلا ابدع

تكون جميلة عشان Libertus ميزعلش
روحها مصرية , بتفكر , بتقرا
و يفضل تكون عايزة تسافر

10 - 11
معلش اعذروني , زي منتم شايفين انا متمركز ف القسم الحواري و اعتقد اني غير مؤهل للحكم على حد من خلال المنتدى , بس لو لي اخوات بنات , كنت احب يكونوا ف شقاوتكما
اعتقد انكما بهذا الجمال , مهما كان المظهر

اتمنى ليكم كل سعادة , و زي ما بدأنا بالورد , نختم بالورد

 

[حبو اعدائكم]

حوار جمييل إستمتعت بيه الحقيقه--
و برافو يا بنانيت اسئله جميييله جدا جدا--
شكرا للكل