"آدم" فى مأزق ... فى بنتين وولد ... مع شقاوه ووايت D:

[end]

يعني ايه متأنفزين
وحشة متأنفزين ديه

 

[sha2awet 2alam]

مساء الورد
نصحوني كتير مقعش تحت ايديهـ(ـن) بس نعمل ايه , بنات حوا و منقدرش نستغنى عنهن
انا بقدملكم رشوة , بس من غير ما تقولوا لحد
البوكية ده هدية بس بشويش عليّ

ده انا غلبان و عايش اعيش
مبسوط بموضوع الحوار ده , و ربنا يجيب العواقب على خير

اوووووووووووووووووووة .. ميرسيه بجد
طب بالذمة نسأل ازاى بعد الذوق و الرقة دى كلها مفيش حد قبل كدة فكر يجيبلنا وردة ولا حتى كيس جوافة و هو داخل :smile01 و انت جايب البوكيه بحاله :t25:

منورنا .. و اكيد بعد الرشوة الرقيقة دى مقدرش اقولك غير اكيد الاسئلة هتبقى خفيفة

يعني ايه متأنفزين
وحشة متأنفزين ديه

لالا دى يعنى انفيزبل .. مش باينة يعنى
زى حالاتى كدة :smile01

 

[بايبل333]

يا جماعة انا كنت فى محطة البترول بجيب الغاز
تركت الكموبيتر ومشيت
وبقالى ساعة ونصف واول واحد فى الطابور هناك انا
يعنى مرسى السبب ان اقعد ساعة ونصف هنا

 

[white.angel]

ياراجل حمدلله على السلامه قلقنا عليك .. وفى ناس وحشه كدة قالت انك مش هترد وهتخلى بينا :vava:.. بس نقول ايه زمن المعجزات لسه منتهاش :smile01 ..
ولا ايه رأيك يا بايبل - دورك قرب على فكره :nunu0000: -

طبعاً سعيده جداً بتشريفك لينا ... وقبولك دعوتى ... واسمحلى اكون من يبدء معك بالحوار ... حوار هادئ ناخذ به قيلوله او استراحه عما يجرى حولنا

1) اوصفلى المرآه من وجهة نظرك :t23: ...؟

2) هل كونك "محاور" وبتتعامل مع عينات متعبه من البشر انساك كيفية التعامل مع المرآه ... بتتعامل ازاى مع المرآه؟

3) هل المرآه واحده سواء كانت ام او اخت او صديقه .. ام انها تختلف بحسب هويتها ؟

4) "وعدتك الا احبك ثم امام القرار الكبير جبنت"
هل تغنيت يوماً بهذه الاغنيه .. وماذا حدث بعد ذلك ؟

5) سجل هنا اعتراف .. لوالدتك .. واقطع وعداً لزوجة المستقبل !!

6) ما هى اول صفه تبحث عنها فى المرآه التى تتعامل معها ؟

7) ماهى اكثر صفه تمقتها فى المرآه ؟

8) ماهو اول شئ يلفت نظرك فى مرآه تلقاها لاول مره :t25: ؟

9) ماهى مواصفات شريكة حياتك ؟

مارأيك فـــ:close_temـــــى :

​

1) الذكوريه فى بلاد الشرق ... هل ترى اننا نحيا فى مجتمع ذكورى ؟

2) الانفصال بين الزوجين كحل وسط بين الطلاق الشبه مستحيل والحياه المستحيله ,
وهل قد تضطر يوماً الى حل كهذا ان تفاقمت المشاكل الزوجيه يوماً ؟؟

طبعاً دى بدايه عشان بس نتعرف عليك ..
وبعد كدة لنا جلسات مطوله :smile02 ..
اسيبك مع شقاوه
​

 

[+إيرينى+]

متابعة تانى

 

[end]

استعنّا ع الشقا بالله

1) اوصفلى المرآه من وجهة نظرك :t23: ...؟
​

هي كل حاجة و عكسها !
ضحكتها هي الجنّة , و حزنها هو الجحيم .
هي المعاناة المتجسدة في صورة بشر , لكنها بتستحمل معاناتها علشان تظهر بشكل ملاك .
هي الملاك .

2) هل كونك "محاور" وبتتعامل مع عينات متعبه من البشر انساك كيفية التعامل مع المرآه ... بتتعامل ازاى مع المرآه؟

انا دايما اطالب بالعكس .
انا دايما اطالب ان المحاور يكون انسان ناضج مستقر .
من المرات اللي عملت فيها مشاكل - مش مشاكل اوي يعني - , مرة طلبت ان المحاورين تنزع منهم مناصبهم الاشرافية
حسيت ان صفتهم كـ (محاور) تحولت الي (محارب) حتى ف الحوار العادي .
بالعكس , الانسان اللي بيتعامل حلو مع الناس , هو اللي هيكون محاور حلو .
اما انا , فانا بتعامل مع المرأة بحذر

3) هل المرآه واحده سواء كانت ام او اخت او صديقه .. ام انها تختلف بحسب هويتها ؟

اينعم , الصديقة مثل الاخت , و لاحقا ستكون كلاهما ام , الاختلاف فقط في درجة القرابة بحيث اننا بنكون حافظين بعض اكتر .
فصديقة اقرب من صديقة , و الأم اقرب من كليهما .

4) "وعدتك الا احبك ثم امام القرار الكبير جبنت"
هل تغنيت يوماً بهذه الاغنيه .. وماذا حدث بعد ذلك ؟

لا الحقيقة
انا مبوعدش حد اني محبوش , انا بحب اي حد يقابلني
او كما قال الشاعر : انا قلبي مساكن شعبية

5) سجل هنا اعتراف .. لوالدتك ..

احلى حاجة ف الاعتراف اللي هسجّله هنا , انها مش هتشوفه
انا بعترف اني مش هتجوز قبل ما اسيب المحروسة , فبلاش كل شوية تكلميني ف الموضوع ده

واقطع وعداً لزوجة المستقبل !!

I'll never break your heart.

6) ما هى اول صفه تبحث عنها فى المرآه التى تتعامل معها ؟

الذكاء

7) ماهى اكثر صفه تمقتها فى المرآه ؟

الثرثرة

8) ماهو اول شئ يلفت نظرك فى مرآه تلقاها لاول مره :t25: ؟

عينيها

9) ماهى مواصفات شريكة حياتك ؟

انا ممكن اقبل بزوجة في نظر الناس مش جميلة اوي , لكن لا اقبل الا بعروسة ذكية .
بعد المخ , كل شئ ممكن يجي , الازواج طبائعهم بتتغير و تتقارب , لكن المخ مبيتغيّرش .

1) الذكوريه فى بلاد الشرق ... هل ترى اننا نحيا فى مجتمع ذكورى ؟

نحن نحيا في (اللا مجتمع )
مجتمع مفكك , الصفة السائدة فيه هي الأميّة .
في رأيي ان التعليم قادر على حل مشكلة (الكراهية \ الذكورية )
اقصد اننا مجتمع ذكوري كعَرَض لمرض الأميّة , و كلّما زاد العلم , اتجه المجتمع ناحية الاعتدال.

2) الانفصال بين الزوجين كحل وسط بين الطلاق الشبه مستحيل والحياه المستحيله ,
وهل قد تضطر يوماً الى حل كهذا ان تفاقمت المشاكل الزوجيه يوماً ؟؟

من حيث المبدأ انا موافق , لكن انا ازعم انه بين من اخترتها , و بين من اختارتني , لن نصل ابدا الي مرحلة (الخناءة العادية)
لكن و بلا شك مفيش حاجة اسمها حد يعيش مع حد غصب عنه
نظرية (بيت الطاعة) عندي جريمة كاملة الاركان .

 

[end]

يا خبر الاخ ايند هيدخل هنا وهيرد عليكم .؟
انتم بتطلبوا معجزة

البنات بيعملوا معجزات يا بايبل

ياراجل حمدلله على السلامه قلقنا عليك .. وفى ناس وحشه كدة قالت انك مش هترد وهتخلى بينا​

لأ خلاص انا عرّفته السر فوق اهوه

end اختيار ممتاز يابنات وانا منتظرة اجاباته كمان

الحمد لله , حسيت ان حد عايز يقرا الكلام اللي انا بكتبه
ميرسي

انا واثقة انه هيرد و هتندهش دلوقتى :t25:

او كما قال الشاعر : راحت عليكي يا زوزو

ممممممممممممممم
عايز تخمن ...
هو دة لونه

​

بسم الله ما شاء الله , الرجل الاخضر معانا

 

[Strident]

اكتر جملة ضحكتني:

البنات بيعملوا معجزات

ههههههههههههههه



طب تعليق صغير بقى معلش...

بصراحة كده....الاجابات دي حقيقية؟ اصلها مثالية شوية
يعني فعﻻً المخ والذكاء ممكن يغنيك عن اي حاجة في المرأة؟
وممكن تتنازل فعﻻً للدرجة دي عن الجمال والشياكة والدلع والرقة؟

انت قلت انك عايز تسافر بره...طب ولما تبقى بره وستات كتيرة شيك وذكية كمان.....مش هتخاف من اي ضغوط لو زوجتك مش جميلة او شيك او كده، مهما كانت ذكية؟

يﻻ اعترف

 

[حبو اعدائكم]

يااااااااااه end
انا الاسم ده كل شويه يلفت نظرى بلونه(مش بحب اللون ده بحسه خيار مخلل هههههههه) تحت لما ابص على الاعضاء المتواجدين---
مش عارفا ليه وقفت قدام الاسم ده كتير و فكرت فى بالى ياترى ليه إختار الإسم ده تحديدا"end"
هل يقصد إنه شايف إن حياته منتهيا؟؟
و لا يقصد إنه انها حياه الخطيه و بداء مع الرب؟؟
و لا يقصد إنهوضع نهايه لحياته فى مصر و لا رجعى فى هذا القرار و لما يهاجر يغير إسمه إلى

"new start ---- or ---- beginning"
بس الحقيقه مش فاكرا انى شوفت له اى مداخله او يمكن انا مش فاكرا-- بس بشوفه منور كتير تحت---
متابعا طبعا و فرحانه انى هتعرف على شخصيه جديده بالنسب لى من شخصيات المنتدى الجميله

 

[end]

طب تعليق صغير بقى معلش...

بصراحة كده....الاجابات دي حقيقية؟ اصلها مثالية شوية

طب انا العيب الوحيد اللي فيّ اني مثالي , اعمل ايه
لا بجد , اصل الاسئلة سهلة , هاتولي رااااااااااااااااجل
اقصد هاتولي اصعب شوية

يعني فعﻻً المخ والذكاء ممكن يغنيك عن اي حاجة في المرأة؟
وممكن تتنازل فعﻻً للدرجة دي عن الجمال والشياكة والدلع والرقة؟

مش بالظبط
اقصد , انه من بين صديقاتي بنت مبتعرفش تحط مكياج , عارفة لو عندك بنوتة عندها سنتين و اديتيها (صوباع) روج
صديقتي كدة برضه
لكن ديه حاجات بتيجي بالتعليم , سهل التعامل معاها اقصد
حتى لو زوجتي اصرّت تعمل عمليات تجميل ( و مش محتاج اقولك فرق الممثلات و المغنيات قبل التجميل و بعده ) مش هيكون عندي مشكلة .
لكن حد بعيد عن وصف (الذكاء) و هنا انا مقصدش بالذكاء المهارة ف لعب الشطرنج مثلا
لكن هو كل ما هو نقيض للغباء .
ف حالة الغباء انا اشعر بالشلل التام الحقيقة
و ديه بقاه مفيهاش عمليات تجميل , ديه عاهة مستديمة

الجمال نفسه نسبي , اوقات كتير (جدا) اقول ع بنت جميلة و الناس متوافقنيش
و اقول على غيرها مش جميلة , و برضه الناس متوافقنيش
لكن هتفضل البنت الجميلة هي اللي انا بقول عليها جميلة و العكس .

معايير الجمال مختلفة جدا , زمان كان الناس مغرمة بالبنت التخينة و لسه عندنا ف مصر عادة ان البنت الرفيعة (تضرب) كورتيزون عشان تتخن .
في مرحلة ما قررت البشرية تبني النموذج الامريكاني بتاع البنت الرفيعة اوي , عين خضرا و شعر اصفر .

حتى تلاقي الشيوخ عندنا (بيجاهدوا في سبيل الله) بانهم يتجوزوا اللاجئات السوريات , لكن محدش يفكر يتجوز اللاجئات الصوماليات او الافريقيات بشكل عام .

ديه معايير الغرب , انا بشكل ما اميل الي اللون المصري , و بحس بالألفة الشديدة جدا معاه عن ان البنت تكون (بلوند) .
بس افرضي بقاه انها بلوند و ذكية , هضحي و امري الي الله

انت قلت انك عايز تسافر بره...طب ولما تبقى بره وستات كتيرة شيك وذكية كمان.....مش هتخاف من اي ضغوط لو زوجتك مش جميلة او شيك او كده، مهما كانت ذكية؟

و من غير ما اسافر برة
ممكن هتكون الممثلة الفلانية اجمل من مراتي
و ممكن هتكون الأميرة الفلانية اشيك من مراتي
عشان كدة , النقاب هو الحل

الارتباط عندي مش بين احسن اتنين ف الكون
انما بين (انسب) اتنين ف الكون
يعني انا شخصيا مش اوسم شاب , و مبدورش على اجمل بنت .
لكن فيه حد اختارني , و انا اخترت حد , خلاص بقاه قضاء و قدر

ضيفي على ده الخبرات المتراكمة بعد الجواز
الذكريات اللي هتبقى مشتركة
الاولاد و تربيتهم
ده شئ هيميز زوجتي عن اجمل واحدة ف العالم .
او ده هيخلي زوجتي ..... اجمل واحدة ف العالم .

 

[end]

يااااااااااه end
انا الاسم ده كل شويه يلفت نظرى بلونه(مش بحب اللون ده بحسه خيار مخلل هههههههه) تحت لما ابص على الاعضاء المتواجدين---
مش عارفا ليه وقفت قدام الاسم ده كتير و فكرت فى بالى ياترى ليه إختار الإسم ده تحديدا"end"

خيار مخلل ! :a82:
الله يسامحك يا روك
مكنش ينفع يعني يعمل لون المحاور ( موف هاند ميد ) :yahoo:
بس احب اؤكدلك ان انا لوني الحقيقي زي الناس بالظبط

end , اسم اخترته , لاني اخترت اني لما ادخل حوار ( باعتبار اني محاور ) اجيب اخره
وده سبب ان عدد مشاركاتي قليلة , معدش حد بيرد عليا
بس كدة

 

[Strident]

طب انا العيب الوحيد اللي فيّ اني مثالي , اعمل ايه
لا بجد , اصل الاسئلة سهلة , هاتولي رااااااااااااااااجل
اقصد هاتولي اصعب شوية



مش بالظبط
اقصد , انه من بين صديقاتي بنت مبتعرفش تحط مكياج , عارفة لو عندك بنوتة عندها سنتين و اديتيها (صوباع) روج
صديقتي كدة برضه
لكن ديه حاجات بتيجي بالتعليم , سهل التعامل معاها اقصد
حتى لو زوجتي اصرّت تعمل عمليات تجميل ( و مش محتاج اقولك فرق الممثلات و المغنيات قبل التجميل و بعده ) مش هيكون عندي مشكلة .
لكن حد بعيد عن وصف (الذكاء) و هنا انا مقصدش بالذكاء المهارة ف لعب الشطرنج مثلا
لكن هو كل ما هو نقيض للغباء .
ف حالة الغباء انا اشعر بالشلل التام الحقيقة
و ديه بقاه مفيهاش عمليات تجميل , ديه عاهة مستديمة

الجمال نفسه نسبي , اوقات كتير (جدا) اقول ع بنت جميلة و الناس متوافقنيش
و اقول على غيرها مش جميلة , و برضه الناس متوافقنيش
لكن هتفضل البنت الجميلة هي اللي انا بقول عليها جميلة و العكس .

معايير الجمال مختلفة جدا , زمان كان الناس مغرمة بالبنت التخينة و لسه عندنا ف مصر عادة ان البنت الرفيعة (تضرب) كورتيزون عشان تتخن .
في مرحلة ما قررت البشرية تبني النموذج الامريكاني بتاع البنت الرفيعة اوي , عين خضرا و شعر اصفر .

حتى تلاقي الشيوخ عندنا (بيجاهدوا في سبيل الله) بانهم يتجوزوا اللاجئات السوريات , لكن محدش يفكر يتجوز اللاجئات الصوماليات او الافريقيات بشكل عام .

ديه معايير الغرب , انا بشكل ما اميل الي اللون المصري , و بحس بالألفة الشديدة جدا معاه عن ان البنت تكون (بلوند) .
بس افرضي بقاه انها بلوند و ذكية , هضحي و امري الي الله



و من غير ما اسافر برة
ممكن هتكون الممثلة الفلانية اجمل من مراتي
و ممكن هتكون الأميرة الفلانية اشيك من مراتي
عشان كدة , النقاب هو الحل

الارتباط عندي مش بين احسن اتنين ف الكون
انما بين (انسب) اتنين ف الكون
يعني انا شخصيا مش اوسم شاب , و مبدورش على اجمل بنت .
لكن فيه حد اختارني , و انا اخترت حد , خلاص بقاه قضاء و قدر

ضيفي على ده الخبرات المتراكمة بعد الجواز
الذكريات اللي هتبقى مشتركة
الاولاد و تربيتهم
ده شئ هيميز زوجتي عن اجمل واحدة ف العالم .
او ده هيخلي زوجتي ..... اجمل واحدة ف العالم .

ههههههههههههه سوري للدخول كده من غير مقدمات...
اوﻻً انا مش بنت، ثانياً انا جمهور زيي زي حبو....فأسئلتي مش ضمن البرنامج بس شكراً لاجابتها ع العموم...

الكﻻم لسه مثالي برضو
بصراحة الاجابة ما اقنعتنيش اوي وحاسسها مثالية زيادة شوية...

بمعنى انه مش بنتكلم على الممثلين...لكن بنتكلم على ناس وشها ظريف وعموماً اجسامهم حلوة مثﻻً...ده غير الذكاء بسبب التعليم والثقافة وكده.....

انا ما جربتش ولسه ما ارتبطتش عشان افتي....بس بصراحة كله مهم عندي...الذكاء والتوافق واننا نحب بعض جداً، وكذلك الجمال

 

[حبو اعدائكم]

ههههههههههههه سوري للدخول كده من غير مقدمات...
اوﻻً انا مش بنت، ثانياً انا جمهور زيي زي حبو....فأسئلتي مش ضمن البرنامج بس شكراً لاجابتها ع العموم...

الكﻻم لسه مثالي برضو
بصراحة الاجابة ما اقنعتنيش اوي وحاسسها مثالية زيادة شوية...

بمعنى انه مش بنتكلم على الممثلين...لكن بنتكلم على ناس وشها ظريف وعموماً اجسامهم حلوة مثﻻً...ده غير الذكاء بسبب التعليم والثقافة وكده.....

انا ما جربتش ولسه ما ارتبطتش عشان افتي....بس بصراحة كله مهم عندي...الذكاء والتوافق واننا نحب بعض جداً، وكذلك الجمال

مالك و مااالى يا جونى هههههههههههههههه
لا مش زيك زىى بئا -- إنت اخضر و مش بعيد تخلل كمان شويه--
إنما انا زارقا :a63:
الحقيقه مش شايفا فى كلامه مثاليه يا جونى--
إنت الى بشوفك بتطلب المثاليه.. ... و ده شىء مش سهل...

 

[Strident]

مالك و مااالى يا جونى هههههههههههههههه
لا مش زيك زىى بئا -- إنت اخضر و مش بعيد تخلل كمان شويه--
إنما انا زارقا :a63:
الحقيقه مش شايفا فى كلامه مثاليه يا جونى--
إنت الى بشوفك بتطلب المثاليه.. ... و ده شىء مش سهل...

ﻻ العفو انا اقصد اني زيك ف اننا في الموضوع ده جمهور....
اما على العضوية....فكلها يومين ونﻻقيكي انتي مشرفة بتطردينا


- انا باطلب المثالية اه بس معترف اني مش مثالي

- بالنسبة لكﻻم end...
مش عارف انا حاسه اكتر انه وقت الجد، زي اي حد، هيهتم بالجمال مثﻻً او برأي الناس
من غير زعل يعني.....ممكن فعﻻً تكون مثالي

 

[حبو اعدائكم]

ﻻ العفو انا اقصد اني زيك ف اننا في الموضوع ده جمهور....
اما على العضوية....فكلها يومين ونﻻقيكي انتي مشرفة بتطردينا


- انا باطلب المثالية اه بس معترف اني مش مثالي

- بالنسبة لكﻻم end...
مش عارف انا حاسه اكتر انه وقت الجد، زي اي حد، هيهتم بالجمال مثﻻً او برأي الناس
من غير زعل يعني.....ممكن فعﻻً تكون مثالي

يا جونى الحقيقه انا خايفا شقاوه و وايت يجوا يطيرونا إحنى الإتنين-- ههههههههههه
لازم تعرف يا جونى إن فى إختلاف فى التفكير و فى الشخصيات--
و غير إن مثل ما قال الجمال ده نسبى--
يعنى يختلف بين شخص لشخص--مش كل الرجال بيهتموا برأى الناس او بالمظهر الخارجى ده--
و خلى بالك إنت لو إخترت فتاه تتجوزها رشيقه و جميله و ذكيه و كل المواصفات المثاليه الى إنت عايزها-- متعرفش بكره هيكون فيه إيه-- ممكن تفقد رشقتها بعد الخلفه--
ممكن تفقد جمالها من مرض ما مش بيدها!!
هل ساعتها هتندم إنك إتجوزتها؟؟
انا فاكرا مشاركا ليك بردوا علمت معايا لما قولت إنك تتعرف على بنت و لو كل حاجه فى شخصيتها كويسه و نزلت قابلتها لقيتها مش حلوه هتنسهب..
ممكن غيرك مينسحبش و يحس إنه كل المميزات التانيا دى مكفياه-- و بالعكس كمان ممكن هو يشوفها حلوه اوى اوى فى نظره فعلا-- و فى نظر ناس تانيا كتير تبقى مش حلوه--
:kap:
سورى شقاوه سورى وااايت و سورى end
خلاص هسسكت اهووو مش هتدخل تانى--
جونى تعاله بقى نتناقش فى الموضوع ده بره

 

[end]

مش عارف انا حاسه اكتر انه وقت الجد، زي اي حد، هيهتم بالجمال مثﻻً او برأي الناس
من غير زعل يعني.....ممكن فعﻻً تكون مثالي

بص يا صديقي
من واقع الاوساط اللي اتعاملت معاها و اتعاملت معايا , البنت لما بتكون جميلة , مبتهتمش باي حاجة تانية غير جمالها
مبتتعبش و مبتستحملش التعب , لانها بتؤمر و كل حاجة بتجيلها ( ايه الضمان انها تستحمل معاك ضائقة مالية ؟ )
مبتقراش , مبتهتمش تطور مهارتها , بتعتمد على قوة مركزها كـ(بنت جميلة)

ده بيخليها اقل من بنات كتير مش بجمالها .
عشان كدة انا مبتكلمش عن (بنت جميلة) و ف نفس الوقت فيها كل المميزات التانية .
انا بتكلم عن بنت فيها شئ من الجمال و كثير من الذكاء , مقارنة ببنت فيها كثير من الجمال.


و في كل الاحوال هقولك نصيحة , تنفع لأي ولد او لأي بنت
الانسان(ة) اللي هترتبط(ي) بيه(ا) , انجذابك ليه(ا) بيخليك(ي) متشوفـ(ـيـ)ـش عيوبه(ا)
فقبل ما تاخد قرار الارتباط لازم تحدد 3 عيوب فيه(ا) و تختار انك - و بكامل قواك العقلية - هتتعايش مع هذه العيوب

لو طبقت ده , هتتجنب كتير (مراية الحب العامية ) او (الجمال اللي بيبهر العين )
دور على 3 عيوب
و طبعا متضحكش على نفس و تقول ( عيبها انها طيبة , عيبه انه كريم و اللي ف جيبه لغيره )
عيوب بجد .
و ربنا يربطك ببنت الحلال , قول آمين

 

[Strident]

بص يا صديقي
من واقع الاوساط اللي اتعاملت معاها و اتعاملت معايا , البنت لما بتكون جميلة , مبتهتمش باي حاجة تانية غير جمالها
مبتتعبش و مبتستحملش التعب , لانها بتؤمر و كل حاجة بتجيلها ( ايه الضمان انها تستحمل معاك ضائقة مالية ؟ )
مبتقراش , مبتهتمش تطور مهارتها , بتعتمد على قوة مركزها كـ(بنت جميلة)

ده بيخليها اقل من بنات كتير مش بجمالها .
عشان كدة انا مبتكلمش عن (بنت جميلة) و ف نفس الوقت فيها كل المميزات التانية .
انا بتكلم عن بنت فيها شئ من الجمال و كثير من الذكاء , مقارنة ببنت فيها كثير من الجمال.


و في كل الاحوال هقولك نصيحة , تنفع لأي ولد او لأي بنت
الانسان(ة) اللي هترتبط(ي) بيه(ا) , انجذابك ليه(ا) بيخليك(ي) متشوفـ(ـيـ)ـش عيوبه(ا)
فقبل ما تاخد قرار الارتباط لازم تحدد 3 عيوب فيه(ا) و تختار انك - و بكامل قواك العقلية - هتتعايش مع هذه العيوب

لو طبقت ده , هتتجنب كتير (مراية الحب العامية ) او (الجمال اللي بيبهر العين )
دور على 3 عيوب
و طبعا متضحكش على نفس و تقول ( عيبها انها طيبة , عيبه انه كريم و اللي ف جيبه لغيره )
عيوب بجد .
و ربنا يربطك ببنت الحلال , قول آمين

المشكلة بقى في اللي فعﻻً بيﻻقي العيوب، بس بيقرر انه مش هيقدر يتعايش معاها
بالنسبة للبنت الجميلة مش بتتعب....انا هاديك نصيحة لوجه الله....فيه بنات هنا هتقتلك ع الكلمة دي

 

[end]

المشكلة بقى في اللي فعﻻً بيﻻقي العيوب، بس بيقرر انه مش هيقدر يتعايش معاها

شفت , اديك لقيت البنت الجميلة , لكنك قررت انك متكمّلش الطريق لاخره .
شفت بقاه اننا مش مختلفين , الجمال يصلح فقط كبداية , لكن ممكن البدايات تكون مختلفة .

بالنسبة للبنت الجميلة مش بتتعب....انا هاديك نصيحة لوجه الله....فيه بنات هنا هتقتلك ع الكلمة دي

بالعكس البنت الجميلة هي اكتر بنت بتتعب و بتستحمل التعب
متوقعنيش ف الغلط الله يكرمك

 

[Desert Rose]

end اجاباتك ممتازة كعادتك وكتوقعاتنا كلنا فى ذكائك وطريقة تفكيرك
عندى تعليق بس مش كل البنات الجميلة مش بتتحمل المسئولية او دلوعة بزيادة , فيه بنات جميلة وبتتحمل المسئولية عادى جدا ومش بتمشى تقول انا جميلة انا جميلة

جونى ازاى انت بتقول انك مش مثالى وبتطالب بالمثالية ؟ عايز تجننى ؟ leasantrleasantr
وبعدين الجمال نسبى وطرق تفكير الناس مختلفة فاللى بالنسبالك مش معقول ومش ممكن بالنسبة لناس تانية طبيعى جدا وعادى

 

[Strident]

end اجاباتك ممتازة كعادتك وكتوقعاتنا كلنا فى ذكائك وطريقة تفكيرك
عندى تعليق بس مش كل البنات الجيلة مش بتتحمل المسئولية او دلوعة بزيادة , فيه بنات جميلة وبتتحمل المسئولية عادى جدا ومش بتشى تقول انا جميلة انا جميلة

جونى ازاى انت بتقول انك مش مثالى وبتطالب بالمثالية ؟ عايز تجننى ؟ leasantrleasantr
وبعدين الجمال نسبى وطرق تفكير الناس مختلفة فاللى بالنسبالك مش معقول ومش مكن بالنسبة لناس تانية طبيعى جدا وعادى

- شفت يا end? انا حذرتك انت ما شلتش المشاركة عداني العيب

- باطلب المثالية من نفسي ... يعني باعتبر نفسي مقصر لأني مش مثالي....ما قصدتش اني باطلبها من غيري

- هيبان ^_^

انا قلت مهم عندي الجمال بس الجمال يكون على ذوقي....بس المهم انا تكون عاجباني وصعب اتنازل في الحتة دي