يا بنتي لو مفكرناش في الي بيحصل حوالينا يبقي احنا مش بنحس ,, علي الاقل نشوف تجاربهم ونتعلم منها
ربنا يارب يحمي جميع ولادة وبناته في كل مكان وزمان
اختلاف الراي يا مرمر لا يفسد للود قضيه بما اننا علطول مختلفين ههههههه
ميرسى جدا على الرد
بس احنا اتكلمنا على المفروض يتعمل بس ايه هو اللى بيتعمل بجد
هوو ده اللى عاوزين نعرفه
وهنعرفه اكتر من الولاد لانهم طبقا للتقاليد القرار فى ايديهم وقبلهم الدين طبعا
مش عارفه الولاد باين معندهاش ردود
مشفناش ولاد ردت
يا بنتي لو مفكرناش في الي بيحصل حوالينا يبقي احنا مش بنحس ,, علي الاقل نشوف تجاربهم ونتعلم منها
ربنا يارب يحمي جميع ولادة وبناته في كل مكان وزمان
اختلاف الراي يا مرمر لا يفسد للود قضيه بما اننا علطول مختلفين ههههههه
اوك يا سبارووووو
بس ارجع واقول مش كل حاجة نقعد نفكر فيها بالشكل دة تحصل واعمل اية والتفكير دة لية بس
ميرسى ليكى يا تينا
لطرحك لموضوع مهم ومثير للأراء زى كده
الموضوع مش سهل ابدا ومش بيقل خالص بل وكل يوم نسمع عنه اكتر
لكن اه مش بيكونوا فى وعيهم لسبب ما اما مخدرات او عدم وعى نتيجه اى شىء
لكن البنات ملهمش ذنب ابدا
وزى ما قالت سباروو
هما مش نتيجه لبس او غيره والدليل الاطفال وغيرهم
بجد الموضوع مش سهل ويمكن احنا دلوقتى بنقول عادى وميسبهاش وكده
لكن برضه ساعتها بيكون الراجل سواء كان زوج او خطيب
فى حاله وحشه وكفايه نظره المجتمع ليه
وبجد عايزين نشوف اراء الشباب المسيحين فى الموضوع ده وبكل صراحه
ميرسى يا كتكوته علىكلامك الجميل ده واللى قولنا مسبقا انه المفروض ده اللى يحصلالصراحة مجرد التفكير فى الموضوع دة حاجة تضايق بس بردة لازم نواجه واقعنا وافتكر اهم حاجة انها تصارحه وهو لازم ييجى على نفسه شوية ويعاملها باسلوب متحضر لان دة مش ذنبها ...... تانى حاجة بالنسبة للمتزوجة لازم زوجها يقف جنبها وهى كمان تبقى صريحة معاه وتقوله باحساسها لان ان ماكانش هو يقف جنبها ويقدر احساسها فى اللحظة دى مش هتلاقى حد معاها فى الدنيا ولازم يحاولوا ينسوا اللى حصل وتبقى علاقتهم تمام سوا ومايسمحوش لانسان ماعندهوش ضمير يفرق علاقتهم
بالنسبة بقى للمخطوبة دى حالتها بردة صعبة بس برد لازم تصارحه و دة هيبقى اختبار فعلا لرجولته ولشهامته لانه لو وقف جنبها يبقى فعلا دة انسان كويس وكمان دة هيبقى اختبار لكل الكلام الحلو اللى بيقوله الخاطب لخطيبته لانه لو كان هو ملجأها فى المحنة دى يبقى كان انسان صادق فى كلامه
وبالنسبة لرأى الدين افتكر ان الدين بيقف مع البنت او الزوجة المغتصبة لانها ماغلطتش
شكرا على الموضوع ياتينا وياريت الشباب يردوا
ربنا يباركك
سلام ونعمه
سلام واهلا بيكبصى يا تينا انا هرد باللى هعمله لو كنت فى المواقف دى
شرفت الموضوع بردك
اولا : لو كنت الزوج
ساعتها هقبل بالامر الواقع .. خصوصا لو كنت بحب الزوجه .. وهطلب منها انها تبلغ وتاخد حقها .. وانا كمان هستعمل طرقى ومعارفى علشان انتقم لها ..
وحياتكم هترجع زى الاول عادىثانيا : لو كنت خطيبها او حبيبها
ولا هتتغير بعض الشئ
فى الحاله دى برضه هسامحها .. بس فى الحاله دى انا هطلب منها فى شبه امر انها متبلغش البوليس . تسالونى ليه .. لانها هنا هتفضح نفسها وحتى انا لو كنت بحبها فاهلى ومعارفى هيقفوا ضدى فى الجوازه دى .. وانا لا عايز اخسرها ولا اخسر اهلى كمان .. علشان كده هخليها تسكت .. اما موضوع العمليه ده فده موضوع غبى اساسا .. لانى هكون بحب البنت .. وولا عمليه ولا الف ممكن تغيير نظرتى ليها ..
وجه نظر برضوا
ثالثا لو كنت الاب او الاخ
فى الحاله دى لو كانت متزوجه .. فخيرها بين تقول لجوزها او لا هى حره
اما لو كانت البنت غير متزوجه .. فانا سانصحها بان تخبر عريسها فقط .. لو ارادت ... واذا ارادت ان تعمل العمليه اوك عادى .. لان الموضوع فى الحاله دى بين الخطيب وبينها وهى ملهاش ذنب ...
موضوع حساس فعلا يا تينا ..... ربنا يرحمنا
المشكلة فى الموضوع انها حقيقة
وحقيقة مرة وبتحصل كل يوم بقيت حاجة عادية
لكن الى بيعيش فى الموقف هو اكتر الناس الى حاسس بالخوف من كل حاجة
بتخاف من الفضحية ورد فعل الناس ليها ونظرة المجتمع ليها ازاى هتقدر تعيش فى المجتمع
بس فى الاول وفى الاخر فى الحالتين الصراحة لازم تتقال لازم دى تقول لجوزها وتقول لخطبها
والا هتبقى خيانة وفى الحالة التانية حكاية الحمل دى الدين المسيحى هوة الى يحكم فيها
ولو خطبها بيحبها هيكمل معاها والحكاية بتبقى فى اولها صعبة لكن بعد كدة الكل هينسى
المجتمع والناس والكل هينسى
وربنا يحافظ علينا كلنا
على فكرة المسلسل ده جميل جدا من حيث القضية اللي بيناقشها
ولكن المخرج سارح شوية بخياله وعامل ان الامن ده بطل
وقال ايه العقيد متابع مع المجني عليها القضية وبيعرفها باي تطورات جديدة بنفسه وساعات كمان بيتصل بيها
ولا النكنة الاكبر انه راح زار المجني عليها (عبلة) بالمستشفى وجاب لها ورد كمان ههههههههههههه
ياسلام لو الامن يبقى كده بجد في الحقيقة مش المسلسلات بس :t33:
وشكرا يا tina_tina على الموضوع الجميل اللي فتحت لنا مناقشة جميلة
صدقوني ياجماعه الكلام سهل محدش يقدر يقرر هيعمل ايه ولا يقول ايه الا اللي في الموقف كل الاراء كويسه بس كله بيتكلم وهو بعيد لكن لما تكون في الموقف النظره هتفرق ونت الوحيد اللي هتقرر وشكرا ياتينا الموضوع روعه ربنا يحفظك
:yaka::yaka::yaka::yaka::yaka:
الاول احب اشكرك على ردك ومرورك
بس تعالى نتكلم اه الكلام سهل اوى بس فى حاجة اسمها على الاقل مبدأ
هل ممكن تغفر لحبيبتك؟
هل هتقبل على نفسك كده ؟
احنا عارفين المعظم هيقول اه هسامح وهغفر ولازم هقف جمبها بس وقت القدر يعمى البصر زى ما بيقولوا وده اللى محتاجين نسمعه ونعرفه
بعد الشر علىى الجميع بس حط نفسك فى الموقف ده تخيل الموقف
وقولى رد فعلك
الانتقام
الاخفاء علشان الفضيحة
البعد
ايه ممكن يكون رد فعلك
منتظرة اجابات الشباب
لو بحبها بجد انا هفضل معاها مش هقول هسامحها لانها مظلومه معملتش شئ غلط ومش محتاجه غفران هي محتاجه حد جنبها ونا المفروض اولي الناس اني اكون جنبها
ياسلام على الشهامة والجدعنة
بس اوعى يكون كلام وبس
وميرسى علىالرد
طيب لو ياشباب سامحتها وخلاص واكتشفت مثلا الحمل
برضوا هتكمل؟
ولو هتكمل هترضى تكمل الحمل وتربى الطفل ده وتكتبه بأسمك؟
منتظرة الاجابة