معلش اسمحولى انا اسفة عندى تعليق انا مش عارفه ليه بندخل الكتاب المقدس فى الاحكام المدنية ؟
الكتاب المقدس لم يعطى اى تشريع او اى كلمة خالص عن احكام اعدام سواء رافضها او قابلها , لان الاحكام ديه احكام مدنية تخضع للدولة والرب بيحترم الدولة ومش بيدخل الايمان فى السياسة ولا فى قوانين الدولة زى ما الرب يسوع قال اعطوا ما لقيصر , لقيصر وما لله لله
لو هنمشى على هذا الخط فى كل حاجة , ونطلعلها قانون من الكتاب المقدس ونقول انه سمح بيها , يبقا كمان مفروض نرجع الرق والعبودية ؟
ما هو ايام بولس الرسول كان فيه عبيد وهو كان بيخاطبهم فى رسايله , معنى كده انه كان موافق على الرق ؟ ولا ان ربنا موافق على الرق والعبودية ؟ لا طبعا انما الله مش هيدخل فى مهاترات مجتمعية ويعقد يحارب فى تغيير قوانين مجتمع لان هدفه الاساسى تغيير الانسان نفسه اللى لما يتغير هيغير هو القوانين الظالمة ديه
اذا وصلنا اننا بنشوف حكم الاعدام انتقام من القاتل يبقا احنا عندنا مشكلة كبيرة , لان المفروض مسيحيا اننا نشوف كل انسان مهما كانت حالته انه محبوب من ربنا وربنا عايز يديله فرص تانية علشان يتوب ويعرفه فيها , وان الله لايُسر بموت الخاطى , نيجى احنا نفرح فيه لما يتعدم ؟ انا عارفه ان الموضوع صعب وان المشاعر الانسانية بتغلبنا , انما مش مفروض نقول ان مشاعرنا ديه هى الصح وان من حقنا نحمل مشاعر انتقام وغضب , انما نعترف بضعفنا ونطلب من ربنا اننا نتغلب على مشاعرنا السلبية ناحية الاخرين .بس كده .
سلام .
