"آدم" فى مأزق ... فى بنتين وولد ... مع شقاوه ووايت D:

[عبود عبده عبود]

ربنا يديم المحبه
ويديم عليكوا نعمة مقص الرقيب ههههههههه

آآآآآآآآآآآآآمين :flowers:

 

[white.angel]

ههههههههههههههه
بس هو عبود عرف ...والتشفية طرطشت عليه دم

ملييش دعوه انا عملت اللى علينا وخلاص .... كيوت بقى وقلقت انك تضايق من باتول .... هنصالح مين ولا مين احنا :spor24:
​

ربنا يديم المحبه
ويديم عليكوا نعمة مقص الرقيب ههههههههه

هههههههههههههههههههههههههه
ربنا يخليك يا قمر تعيشى وتخدمينا :love45:
​

 

[خادم البتول]

بعتذر لو كان فى تسرع فى "تشفية" رسالتك :smile02 ... بس كان فى الوقت دة يهمنى ان عبود ميتضايقش وقلقت ان رسالتك تؤخذ على محامل اخرى وخصوصاً ان "عضمها كتير" :nunu0000:... ونظراً لانى طباخه ماهره ... ودونا مقصها لا يُعلى عليه ... فشفيناها بمزاج بقى :hlp:

​

​

​

أزعل منك؟ أبدا.. أوعي تكوني فهمتي كده أبدا.. ده "سيناريو" يا وايت، خيالي بالأساس، وكمان الكوميديا فيه بتيجي عن طريق المبالغة أساسا. لكن جديا أنا مش لحقت أشوف حاجة أصلا. وبعدين انتي كان هدفك جميل وده أهم حاجة، وأنا لا أقبل عن نفسي أي حاجة تضايق عبود، فما بالك لو حاجة في رسالتي أنا شخصيا. بالعكس يا برنسيس: جديا يبقى أنا المفروض أشكرك. :16_4_10:​

​

لكن بصراحة يا جماعة بصراحة شديدة جدا وبأمانة، انتو فعلا كوووولكم حساسين جدا. أعتقد إن ده بسبب الإنترنت، لأن جزء كبير من "المعنى" بيكون في "الصوت" و"تعبيرات الوجه" و"لغة الجسد". الكلمات نفسها بتنقل ـ علميا ـ أقل من 10% من المعنى، تصوري؟ ده اللي يمكن فعلا بيخلق سوء الفهم بسرعة، وكمان بيخلي فيه حساسية في الهزار.​

لكن كمان ـ عشان الأمانة، وطالما بنتكلم بجد وبصراحة ـ ساعات بيكون فيه سبب تاني . ده اللي بنلاقيه في "كوت" أو قول مأثور لنجمة أمريكية قديمة، إيثيل باريمور، لما مرة قالت:

​

You grow up the day you have your first real laugh.. at yourself​

تعرف أنك نضجت في اليوم الذي تضحك فيه حقا.. على نفسك!​

الأطفال بس هم اللي بيزعلوا ويغضبوا لما حد يضحك عليهم. الأطفال بس هم اللي يفرق معاهم أوي شكلهم إيه في العالم وصورتهم ازاي في عيون الآخرين. إنما الإنسان الناضج، الواعي، الكبير ـ اللي قوته وشخصيته بياخدها من جواه مش من براه ـ تلاقيه حتى لو الضحك كان عليه هو كمان بيضحك وبيشارك ويمكن بيكمل النكتة على نفسه، خاصة لما يكون فيه حد أدني من المعرفة والثقة بين الناس الحاضرين والمشاركين. أعتقد ده تحديدا كان السبب إني أخدت راحتي مع عبود. ببساطة لأنه ناضج!​

​

شكرا يا جميل على اعتذارك وحساسيتك الجميلة دي.. وشكرا أولا لتنبيهك عن رسالتي إنها ممكن تزعل حد. تعيشي و"تـشــفـّـي" . ده أنا بالعكس رسالتي زادت شرف بلمساتك. :)​

حبو كمان ـ سامحيني يا حبو ـ كانت أول واحدة نبهتني، وبعدين سألت عليّ أكتر من مرة، وبالتالي كان لازم آجي وأشكر محبتها وروحها الطيبة أمام الجميع.​

* * *​

وبعدين يا بشر ياللي عندكم فقدان ذاكرة مش أنا اللي لسه من أسبوع بس كاتب:​

عبود زي الفلفل الأخضر​

فيه منه نوعين: نوع حلو (بارد) ونوع حار (حرّاق)، وانت ونصيبك. لكن حتى لو وقعت في الحراق: صحيح ح يهري مصارينك، لكن تلاقيه فاتح للشهية ومنشط للدورة الدموية. حراق صحيح، بس انت مستمتع!​

ده معناه أولا إن حتى "شقاوة" ممكن تقع في "قرن" من اياهم، بالتالي مانزعلش لو حصل! وده كمان معناه ثانيا إن محدش يبكي بقى على "عبود" لو وقع هو كمان في قرن من نِفسه.. يعني يبقا كله فراولة ومانجا وأناناس؟ ده حتى مش كويس ع الصحة وممكن يعلا عنده "السكر"! :t33:​

* * *​

أخيرا طبعا دونا الجميلة: ميرسي يا قمر.. تسلمي لي ويسلم لي مقصك :16_4_10:.
ranting:)​

​

 

[white.angel]

فى خلال ساعه هيكون معانا ضيفنا اللى هنستأنف بيه موضوعنا

وحلقه جديد مع مناضل جنتل اوى :w00t:

فكروا شويه على ما نبدأ :lightbulb::lightbulb:

 

[Strident]

.....

 

[white.angel]

بعد طول انقطاع دام بتاع 4 شهور ... اكيد وحشناكم زى ما وحشتونا ... ورجعنالكم انهارده مع ادم جديد ... :new6:

نقدر نقول عنه انه غير متكلف ... مناضل ... زوق مع حواء الى ابعد الحدود ... بيقول رأيه بمنتهى الصراحه ولو كان نتيجة دة الرفض :boxing:... عندة طولة بال وصبر واصرار ... لو اراد ان يصل لهدف مفيش حد يقدر يمنعه او يقف قدامه ... :bomb:

مش من االسهل انه يتقبل نصح احد .. ومن ضمن الاسرار اللى اكتشفناها عنه ... ان الوانه كلها داخله فى بعضها :new6: .. وكل "شراباته " لونها اسود :fun_lol: ... كتبلنا خبراته كشاب اعزب فى غربه ... و شرح المفاهيم السياسيه فى 3 اجزاء ...

من الاخر ... راجل جنتل وبسيط كلنا بنحبه وبنتشرف بكوننا اصدقائه ... ضيفنا انهارده هو :t17:

johnnie​

اهلاً بيك يا فندم ... واتمنى اننا منبقاش بدأناها غلاثه :fun_lol: ... ونكون اصبنا فى تقديمك :2: ..... اسيبك مع شقاوه ... ومن كل قلبى بدعيلك :fun_oops:

​

 

[Strident]

بعد طول انقطاع دام بتاع 4 شهور ... اكيد وحشناكم زى ما وحشتونا ... ورجعنالكم انهارده مع ادم جديد ...

نقدر نقول عنه انه غير متكلف ... مناضل ... زوق مع حواء الى ابعد الحدود ... بيقول رأيه بمنتهى الصراحه ولو كان نتيجة دة الرفض ... عندة طولة بال وصبر واصرار ... لو اراد ان يصل لهدف مفيش حد يقدر يمنعه او يقف قدامه ...

مش من االسهل انه يتقبل نصح احد .. ومن ضمن الاسرار اللى اكتشفناها عنه ... ان الوانه كلها داخله فى بعضها :new6: .. وكل "شراباته " لونها اسود ... كتبلنا خبراته كشاب اعزب فى غربه ... و شرح المفاهيم السياسيه فى 3 اجزاء ... من الاخر ... راجل جنتل وبسيط كلنا بنحبه وبنتشرف بكوننا اصدقائه ... ضيفنا انهارده هو

johnnie​

اهلاً بيك يا فندم ... واتمنى اننا منبقاش بدأناها غلاثه :fun_lol: ... ونكون اصبنا فى تقديمك :2: ..... اسيبك مع شقاوه ... ومن كل قلبى بدعيلك :fun_oops:

​

هههههههههههههه لا التقديم اعتقد صح ...
وغلاسة ايه ده مدييييح ما كنتش اتوقعه ابداً

يعني مثلاً انا سعيد اسمع "زوق مع حواء" مع اني باعتبر نفسي، من ردود افعال الناس هنا، محتاج لسه اتعلم كتيييييير عشان ميتقال ليش ده كأنه بيكلم واحد صاحبه

الشرف ليا انا ومستنيين الآنسة شقاوة...

 

[Strident]

على فكرة انا مش حاسه مأزق خالص

 

[Desert Rose]

ايه ده ؟ جونى ؟ يعنى نسن السكاكين ؟ :new6::new6:

ياهلا ياهلا
اختيار حلو ياشقاوة ووايت

 

[Strident]

ايه ده ؟ جونى ؟ يعنى نسن السكاكين ؟ :new6::new6:

ياهلا ياهلا
اختيار حلو ياشقاوة ووايت

ايييي ديزي هتتفرج ومعاها سكاكين؟ ده كده فعلاً بقى مأزق :S

 

[white.angel]

ايه ده ؟ جونى ؟ يعنى نسن السكاكين ؟ :new6::new6:

ياهلا ياهلا
اختيار حلو ياشقاوة ووايت

نانسى :love45: كدة كملت :fun_lol:
منوره يا قلبى وعايزه خط ساخن معانا طول مدة استضافه جونى

صحيح يا جون كنت حاسس بأيه من شويه :new6:
​

 

[Desert Rose]

هههههههه جونى قد وقعت فى الفخ :new6::new6:

وايت انا موجودة فى الخدمة بردو اهو

هو احنا عندنا كام جونى ؟ :new6::new6:

 

[Strident]

نانسى :love45: كدة كملت :fun_lol:
منوره يا قلبى وعايزه خط ساخن معانا طول مدة استضافه جونى

صحيح يا جون كنت حاسس بأيه من شويه :new6:
​

كنت مبسوط ومستني اللحظة دي من زماااااان....بس لما ديزي دخلت بقى خفت على نفسي :S

بس على فكرة دخلوها لو عايزين هتبقى حلقة جامدة انا مش ممانع (ربنا يستر)

هههههههه جونى قد وقعت فى الفخ :new6::new6:

وايت انا موجودة فى الخدمة بردو اهو

هو احنا عندنا كام جونى ؟ :new6::new6:

*مسم* يا سلاااام يا ديزي ... ميرسي انك بتعزيني اوي كده

 

[sha2awet 2alam]

اخيراااااااااااااا منورنا يا جونى بجد .. نأسف على التأخير بس فعلا مكنش بايدينا :fun_oops: .. هبدأ معاك بأول مجموعة اسئلة سهليين كدة ( بنسخن بس:new6: ) و بعدين نبقى ندخل فى الجد :

1/ المرأة بالنسبة لجونى بتمثل ايه فى حياته ؟

2/ " المرأة كائن معقد " مع أم ضد ؟؟ و ليه ؟؟:shutup22:

3/ اغلب البنات بتحب الراجل يحس بيها من غير ما تتكلم .. هل عندك القدرة دى ولالا ؟؟ و تفتكر دى موهبة ولا خبرة ممكن اكتسابها ؟؟:love34:

4/ " بكل امرأة شئ من الجمال " مع أم ضد ؟؟ و هل تعتقد ان فيه بنات معدومى الجمال ؟؟:smil16:

5/ جمال المرأة يمثل كام فى المية فى نظرك ؟؟ و هل جمال البنت اهم من ذكائها ؟؟ :wub:

6/ تظن بعض البنات ان عشق الرجل لجمال المرأة " سطحية و قلة نضج " ترد عليهم تقولهم ايه ؟؟:t17:

7/ مش هسألك عن مواصفات فتاة احلامك ... بس هسألك ايه اللى ممكن تتنازل عنه فى فتاة احلامك ؟؟ و ايه اللى مستحيل تتنازل فيه ؟؟:t23:

8/ اكتر صفة بتكرهها فى المرأة ؟؟ و اضرب مثال بموقف او شخصية معروفة leasantr

9/ هل قابلت بنت فهمتك كويس ؟ سواء صديقة او حبيبة ... ولالا ؟؟ و لو لا ليه ؟ هل لان البنات مش سهل يفهمو الرجالة ولا لان تفكيرك اعلى من ان بنت تفهمه ؟؟:bomb:

10/ صفة فى والدتك تتمنى وجودها فى شريكة حياتك ؟؟ و اشمعنا الصفة دى بالذات ؟

11/ " ان اخطأت فى حق رجل يجب ان تعتذر و لكن مع المرأة حتى و إن اخطأت فى حقك يجب ان تعتذر " - دى معنى الجملة لانى مش فكراها نصًا - ايه رأيك فى المقولة دى ؟ و هل تعتذر لبنت حتى لو مغلطتش لمجرد انك تهديها ؟؟:smi411:

دى مجرد بداية تعارف بيك و ازاى بتفكرفيما يخص المرأة .. هسيبك مع وايت بالمجموعة التانية و ليا عودة

منتظرة اجاباتك على احر من الجمر ​

 

[sha2awet 2alam]

ايه ده ؟ جونى ؟ يعنى نسن السكاكين ؟ :new6::new6:

ياهلا ياهلا
اختيار حلو ياشقاوة ووايت

منورة ياروز .. اتفضلى معانا :new6:

 

[Strident]

اخيراااااااااااااا منورنا يا جونى بجد .. نأسف على التأخير بس فعلا مكنش بايدينا :fun_oops: .. هبدأ معاك بأول مجموعة اسئلة سهليين كدة ( بنسخن بس:new6: ) و بعدين نبقى ندخل فى الجد :

الموضوع منور بأهله الله يخليكي...

دول طلعوا مش سهلين خالص :S
استعنا ع الشقا بالله

1/ المرأة بالنسبة لجونى بتمثل ايه فى حياته ؟

ايه؟ (شفيق ستايل زي التوقيع)

اممم طيب...مبدئياً انا للأسف معنديش أخت...فالمرأة الوحيدة اللي فعلاً ليها تأثير مهم في حياتي كانت ماما

ومثلاً لما كانت تسافر كام يوم....البيت تحسيه كده....يعني نقول الحاجة اللي كانت بتربطني انا وبابا واخويا اختفت...كل واحد فينا بيبقى ف حاله....وكمان تحسي الدنيا جافة وناشفة كده...زي ما نكون احنا 3 احجار مثلاً....والبيت مليان مية احنا عايمين فيها مع بعض...لما تختفي....كل حجر يرقد في حتة لوحدة...

اعتقد المرأة كده فعلاً...
مكان ما هي موجودة تنشر الحب واللطف وكده...

لو الكلام ده جنان سيبكو منه انا مش عارف اعبر بس

2/ " المرأة كائن معقد " مع أم ضد ؟؟ و ليه ؟؟:shutup22:

المراة اعتقد فعلاً معقدة شوية عن الراجل في التفكير...كمان المشاعر مثلاً مش مفصولة عن الذاكرة...
انا مرجعي في ده Mark Gungor والفيديو بتاع قصة عقلين...المرأة لما بتفتكر حاجة...يتطبع في ذاكرتها بسبب المشاعر، ولما بتحكي عن حاجة...هي مش بس بتفتكرها...دي بتعيش اللحظة تاني بكافة المشاعر اللي كانت فيها...عشان كده بتهتم بالتفاصيل...

كمان المرأة صبورة...

الراجل إلى حد ما بيستسهل....وكمان صبره اقل....عشان كده عندي برضو انطباع ان المرأة أقدر على الفن او الحاجات الدقيقة....

اعتقد مثال ممكن يكون الcompression في الصور ع الكمبيوتر...الراجل زي ما تقولي بيحتفظ بquality قليلة اوي...يا دوب كده باين فيها حاجة...ومساحتها بتكون قليلة...وطبعاً ميقدرش يعمل بيها كتير...الست بقى بتحتفظ بالquality زي ما هي 1600 × 900

التعقيد كمان ساعات بيكون في تقلب المزاج...ورغم انه مفهوم وليه اسبابه....بس اللي مالوش اخت زي حالاتي بتاخد منه وقت شوية لحد ما يلاحظها ويفهمها...خصوصاً ان ماما طول الشهر وطول عمرها عمرنا ما حسينا فيها اي اختلاف خالص...عمرها ما جه وقت تتعصب مثلاً او كده...

3/ اغلب البنات بتحب الراجل يحس بيها من غير ما تتكلم .. هل عندك القدرة دى ولالا ؟؟ و تفتكر دى موهبة ولا خبرة ممكن اكتسابها ؟؟:love34:

اعتقد اني عموماً عندي القدرة أفهم اللي قدامي عايز ايه...
واعتقد هي اكتر خبرة بتكتسب من الخبرة والتعامل الكتير وكده...زيها زي اي مهارة اجتماعية...
بس ممكن واحد ليه اخت مثلاً تتطور عنده اسرع واسهل من واحد تاني معندوش كده يعني

4/ " بكل امرأة شئ من الجمال " مع أم ضد ؟؟ و هل تعتقد ان فيه بنات معدومى الجمال ؟؟:smil16:

شيء من الجمال ممكن اه....بس كلمة "كل واحدة جميلة بطريقتها" دي بصراحة مش مؤمن بيها أوي...
الحياة مش عادلة وفيه بنات حلوة وفيه بنات ظريفة وفيه بنات جميلة وفيه بنات وحشة...

معدومي الجمال....نظرياً لأ طبعاً....بس اعتقد فيه بنات معندهاش جمال كفاية او هيعجب ناس قليلة جداً او يمكن محدش..

دي في رايي زيها زي هل كل الناس عندها شيء من الغنى مثلاً؟ لا فيه فقرا وفيه اغنيا

5/ جمال المرأة يمثل كام فى المية فى نظرك ؟؟ و هل جمال البنت اهم من ذكائها ؟؟ :wub:

السؤال الصعب اوي ده....المشكلة اني لو قلت 50% مثلاً....هيتفهم ان كفاية انها تكون جميلة...في حين ان جميلة بس غبية لأ...

معنديش نسبة محددة للأسف بس فعلاً الجمال مهم ليا...
ومش الجمال زي ما السينما بتعرفه...المهم يبقى الجمال على ذوقي انا....تكون جميلة اوي بس على ذوقي انا

الذكاء والجمال الاتنين مهمين...ماقدرش استغنى عن واحدة فيهم...يمكن لما اكبر شوية الجمال تقل اهميته عندي الله اعلم لكن حالياً انا الاتنين مهمين عندي....مع العلم الجمال مش وش بس

6/ تظن بعض البنات ان عشق الرجل لجمال المرأة " سطحية و قلة نضج " ترد عليهم تقولهم ايه ؟؟:t17:

اقول لهم انتو بتحبو الرجالة وال6 -pack دي حاجة...

الحاجة التانية..السطحية ممكن تكون شوية فعلاً في حصرهم للجمال في شوية standards معينة بس...

انما ان الراجل ينجذب لجمال المرأة وانه مهم ليه...لأ دي الطبيعة وغير كده كنا انقرضنا بصراحة

وحتى لو احنا كده فعلاً سطحيين....(بالمقارنة بالبنات) فدي طبيعة الراجل ومستحيل هتتغير اعتقد...

7/ مش هسألك عن مواصفات فتاة احلامك ... بس هسألك ايه اللى ممكن تتنازل عنه فى فتاة احلامك ؟؟ و ايه اللى مستحيل تتنازل فيه ؟؟:t23:

التنازل دايماً صعب....وخصوصاً وانا بافكر في الهوا كده ما قداميش حد...

ممكن اتنازل مثلاً عن المطبخ....

اللي مستحيل اتنازل عنه الجمال الطيبة الذكاء تحمل المسئولية تعرف تتصرف لوحدها شخصيتها مش ضعيفة منطلقة حنونة لذيذة دمها خفيف تعرف تهزر عقلها كبير...واه ماتكونش متزمتة سلفية وكمان تكون علاقتها بربنا بجد مش مجرد حافظة مش فاهمة

8/ اكتر صفة بتكرهها فى المرأة ؟؟ و اضرب مثال بموقف او شخصية معروفة leasantr

همممم.....مفيش حاجة معينة....بس ممكن اقول اكتر حاجة بتتعبني في التعامل مع المرأة بالمقارنة مع الراجل او بتاخد مني مجهود....هي التلكيك...زي انها تفهم المعنى الغلط بدل المعنى الكويس من جملة قلتها مثلاً....كمان تقلب المزاج بيخلي الموضوع صعب شوية....الحساسية لما بتزيد بتبوخ برضو....
او مثلاً: انت ما بتسألش عليا خالص انت وحش...

بس ما اقدرش اقول باكره الصفات دي لأن ببساطة هو ده اللي بيخليها بنت...ولو كانت صفات وحشة ماكناش اتهبلنا عشان نكلم بنت، وزهقنا من الكلام مع الرجالة اللي زينا....

هو بس الصفات دي ما تبقاش زيادة عن اللزوم لأن فعلاً بتبوخ لو زادت عن حدها...

9/ هل قابلت بنت فهمتك كويس ؟ سواء صديقة او حبيبة ... ولالا ؟؟ و لو لا ليه ؟ هل لان البنات مش سهل يفهمو الرجالة ولا لان تفكيرك اعلى من ان بنت تفهمه ؟؟:bomb:

- لا ماعتقدش اني شفت واحدة تفهمني كويس لسه
ليه؟ اعتقد عشان انا مختلف كتير عن باقي الناس (باقي الرجالة يعني)

لا اظن المرأة تقدر تفهم الراجل كويس اووي....بس ساعات كتير بيستهبلوا بدل ما يريحوه ودي حاجة تغيظ على فكرة....كأنك عارفة انه عطشان اوي مثلاً ومخبية منه can pepsi ساااقع ومشبر...وعاملة مش فاهمة يعني ايه كلمة عطشان...دي بتغيظ بصراحة...

تفكيري مش اعلى من بنت او ولد....هو بس مختلف....ومش سهل اوي على ولد او بنت يفهمني...اعتقد يعني....

ليه ما شفتش...لأن باختصار تفكيري مختلف وبكل بساطة مالقيتهاش لسه اتمنى الاقيها يعني

10/ صفة فى والدتك تتمنى وجودها فى شريكة حياتك ؟؟ و اشمعنا الصفة دى بالذات ؟

هي مش صفة واحدة....هي صفااات كتييييرة اوي....مش عارف اقول ايه ولا ايه بصراحة
طيبة حنينة اوي بتعرف تتصرف ذكية خدومة جداً صبووووورة جداً طلعنا عينيها بصراحة وكمان علاقتها بربنا حلوووة اوي...

11/ " ان اخطأت فى حق رجل يجب ان تعتذر و لكن مع المرأة حتى و إن اخطأت فى حقك يجب ان تعتذر " - دى معنى الجملة لانى مش فكراها نصًا - ايه رأيك فى المقولة دى ؟ و هل تعتذر لبنت حتى لو مغلطتش لمجرد انك تهديها ؟؟:smi411:

اللي شفته انه بجد بصراحة....وطبعاً كراجل الموضوع بيبقى عبء عليا لأني موتي وسمي في حياتي عموماً اتحمل حاجة مش ذنبي....انا واحد لما باغلط باعتذر على طول وباتوقع ده من كل انسان قدامي...

بس طبعاً ممكن اه اعتذر عشان الموضوع يفوت....صحيح ممكن هتبقى حقيقية ونابعة م القلب 100% زي لو انا اللي غلطان... بس فعلاً ممكن اعملها عشان تهدا....بس بعد ما تهدا هاعاتبها طبعاً عشان انا مش هاخد كل حاجة على نفسي ما هي كمان لازم تتحمل مسئوليتها برضو...

دى مجرد بداية تعارف بيك و ازاى بتفكرفيما يخص المرأة .. هسيبك مع وايت بالمجموعة التانية و ليا عودة

طب صحيح هابقى اسمع تعليق على كلامي ولا انا بس اللي باتكلم هنا؟ ومش هاعرف اراء الناس؟

منتظرة اجاباتك على احر من الجمر ​

يا رب ماكونش سبتك مستنية كتير عشان الجمر ما يكونش لسعك بس

 

[R.O.R.O]

منوووووووووور يا جونى متابعة جدا معاكم
منورين يا شقاوة ووايت
عاوزاكم تقوموا بالواجب مع ادم اقصد جونى ههههههههههه
متابعة بقيت الاسئلة
​

 

[Strident]

منوووووووووور يا جونى متابعة جدا معاكم
منورين يا شقاوة ووايت
عاوزاكم تقوموا بالواجب مع ادم اقصد جونى ههههههههههه
متابعة بقيت الاسئلة
​

هو كله بيعزني اوي كده ليه؟

وما تقولي رأيك كده على بال ما ينزلوا بالمجموعة التانية؟

 

[إيمليــآ]

..

أيوآ بقى

جونى فى مأزق .... أكيد هنتفرج بضمير :fun_lol:
مش محتآجين توصية يآ بنآتيت ,, وبردو هنكون فى خدمة سن آلسكآكين :new6:



..


​

 

[Strident]

الحلقة دي شكلها هتحقق اعلى نسبة مشاهدات على فكرة....

*حتى انتي يا سيكرت بتسني سكاكين؟