"آدم" فى مأزق ... فى بنتين وولد ... مع شقاوه ووايت D:

[white.angel]

ماعنديش أعز منكوا انتوا الجوووووووووووووووووووووووووووووووزززز

المعزه الكتيره وحشه :2: بلاش منها تيييي :spor24:
المهم متنساش يا فندم ... العيوب اكتبها بالابيض :scenic:
​

 

[عبود عبده عبود]

/ أذكر مميزات و عيوب كلا منا على حدة .. المدعوة شقاوة و الاخت الكريمة وايت انجل ..

اللى هشوفه أنا ميزة ممكن غيرى يعتبره عيب ...والعكس صحيح
لذا هتكلم بصفة عامة عن كل واحدة فيكم من خلال تعاملاتى معها
وبخلاف ( البوقين ) اللى رصتهم أول مشاركة هنضيف هنا الباقى :

هبدأ بـ ( وايت ) علشان هى اللى بدات معايا بالأسئلة ​

وايت مش غريبة عليا لأن عندى منها ( نُسخة ) فى البيت ..!!!
وايت أحياناً بتتأرجح ما بين المكتوب والمنقول ومابين واقع الحياة وماتفرضه
وأحياناً تتخبط مابين محاولات التعرف على خبراتها وخبرات غيرها وما بين الفلسفة التى أختارتها منهاجاً للتفكير
وأسلوباً للحياة تريد فرضه ..أحياناً على نفسها وأحاييين تحاول على غيرها ..

تتميز وايت بمزية أحترام النفس وكيفية وضع ورسم حدود لذاتها ومن ثَمَ حدوداً للأصدقاء وللمتعاميلن من حولها أو معها...
وهى ترسمها بعناية فائقة تُحسد عليها ...
وايت تتميز بالأختيار الصالح لما يحقق لها اهدافها فى الحياة
لأنه ووفقاً لأيامنا هذه يجب أن نضع " مصلحتنا " نَصَب أعيننا

وايت تتميز بالذكاء أيضاً ..وإن كان فى بعض الأحايين يخونها فسرعان ما ترد الخيانة رافعة الرأس بكبرياء أنثوى بليغ
أتوقع لها نجاحاً فى حياتها الأسرية القادمة ولكنه سيكون مُنمقاً فى شكله الخارجى وسيحمل بعضاً من الأحباطات ..
مالم ...
تتنازل عن الفلسفة قليلاً وتترك لقلبها فرصة الأختيار الحُر .. بعيداً عن الكتالوجات " المتخثثة " ..!!!
او بمعنى أدق ...خليه يمسكها يافوزية ...

 

[عبود عبده عبود]

نيجى بقى لحبيب الهارت بتاع الأنا ....( شقاوة ) ​

أنتى موهوبة فى الكتابة فعلاً ...وبتكتبى بأحاسيسك وهى أعلى وأغلى أنواع الكتابات ...
لكن خيالك محدود وخبراتك لاتزال على الدرب ...
أعتقد أنه باكتساب خبرات حياتية من الممكن ان تكونى كاتبة متميزة جداً خلال عشر سنوات تقريباً

ذكية وشقية بطبيعة الحال
تمتلكين بالفعل أحاسيس أنثوية مرهفة جداً ولكنها ( مكبوتة ) عن عمد وسبق أصرار وترصد نتيجة للتدين النمطى الشديد ..!!!
لو أعطيتى لنفسك حقها لتملكت الأنثى الحقيقية من داخلك ولرصدت أروع ما ينبغى ان تكون عليه الإناث ..
أحياناً تخونك التعابير وينفرط عِقد المُفردات اللغوية منك عن غير قصد
تحتاجين الى محاولة السيطرة على قلمك بعض الشئ بقراءة هادئة قبل الرد أو طرح أسئلة بلا تعجل ..

عنيدة من غير تَكبُر ...
خجولة جداً وإن بدى لنا غير ذلك ...
عملية فى الواقع ...حالمة رومانسية فى عالم الأحلام...وهذا هو سر كتاباتها المتميزة ...وإن كانت شحيحة
بنوتة لذيذة ...وأتوقع لك نجاحاً فى حياتك الأسرية ..بلا منغصات تُذكر
م الآخر أنا سعيد بيكم أنتم الأتنين وأتمنى لكم من كل قلبى التوفيق والنجاح فى الحياتين ...العملية والأُسرية ...

كان معكم مراسلكم من " القناة الثالثة " ....عبود عبده عبود

 

[حبو اعدائكم]

ربنا يديم المحبه بين الكل ..و حبيت أشكر وايت و شقاوة
و أشكر عبود كمان كان فلم أكشن. ممتع قى تقطيع ههههههه بس نشكر ربنا قبل بنهاية جميله...
و أحب أشكر العضو إلى ما مش. نأبه غير تقطيع هدومه و هو الباتول.

 

[SECRET ANGEL]

بجد كااااااااااان حوااااااااااار رائع من امتع الحوارات اللي قريتها

اسئلة رائعة

و اجابات متميزة جدا عجبتني موووووووووووووووووت

ربنا يجعلكو متألقين دايما كدة و تسعدونا بجو المحبة الجميييييل ده

ربنا يباركك و يعوضكم و يفرح قلبكم دايما​

 

[R.O.R.O]

بجد حوار من اجمل الحوارات اللى اتعملت
ربنا يديم المحبة بين كل اعضاء المنتدى
ونفضل دايما عيلة واحدة
ويارب دايما متالقين
​

 

[هيفاء الهاشمي]

هو انا حفضل كده مظلومه مسكينه غلبانه ليه كده ياسي عبود متهوره بأمارة ايه ولا عشان اتزنئت في اسم تحطه جنب جوسبل قلت يلا نحط البت هيفا هو يعني عشان
عندي كومة مخالفات على شوية خناقات ابقى متهوره والله يابيه في غالب الاحيان مظلومه:big74:
بس مبلوعه منك متهوره ومالو مش وحش التهور..

ذكيه اكيد وحصوه في العين اللي مايصدقك :t33:

اللي مش قادره ابلعها خفة دم انا فين والخفه دي فين قول لي عليها وابقى ادور عليها.
خد دول
:36_3_15: :36_3_15:
محدش يقول لي عيب بتوزعي بوسات عليه ليه اصل انا وعبود اخوان من رضاعه راضعين حليب نيدو
من نفس البقره الهولنديه بقى مِحرم ههههه

 

[عبود عبده عبود]

اللي مش قادره ابلعها خفة دم انا فين والخفه دي فين قول لي عليها وابقى ادور عليها.
خد دول
:36_3_15: :36_3_15:
محدش يقول لي عيب بتوزعي بوسات عليه ليه اصل انا وعبود اخوان من رضاعه راضعين حليب نيدو
من نفس البقره الهولنديه بقى مِحرم ههههه

والله كدة ياهيوف الموضوع ماوقف علينا بخسارة
تعيشى وتبعتى ....
ان مافيه واحدة منهم فكرت تعملها ...هههههههههههههههههههههههه
راضعين على بعض ؟؟
ههههه
راضعين فى أيدنا سلاح ....دى اغنية بمناسبة حرب اكتوبر اللى هتحل على دماغ عبود

 

[sha2awet 2alam]

نيجى بقى لحبيب الهارت بتاع الأنا ....( شقاوة ) ​

أنتى موهوبة فى الكتابة فعلاً ...وبتكتبى بأحاسيسك وهى أعلى وأغلى أنواع الكتابات ...
لكن خيالك محدود وخبراتك لاتزال على الدرب ...
أعتقد أنه باكتساب خبرات حياتية من الممكن ان تكونى كاتبة متميزة جداً خلال عشر سنوات تقريباً

ذكية وشقية بطبيعة الحال
تمتلكين بالفعل أحاسيس أنثوية مرهفة جداً ولكنها ( مكبوتة ) عن عمد وسبق أصرار وترصد نتيجة للتدين النمطى الشديد ..!!!
لو أعطيتى لنفسك حقها لتملكت الأنثى الحقيقية من داخلك ولرصدت أروع ما ينبغى ان تكون عليه الإناث ..
أحياناً تخونك التعابير وينفرط عِقد المُفردات اللغوية منك عن غير قصد
تحتاجين الى محاولة السيطرة على قلمك بعض الشئ بقراءة هادئة قبل الرد أو طرح أسئلة بلا تعجل ..

عنيدة من غير تَكبُر ...
خجولة جداً وإن بدى لنا غير ذلك ...
عملية فى الواقع ...حالمة رومانسية فى عالم الأحلام...وهذا هو سر كتاباتها المتميزة ...وإن كانت شحيحة
بنوتة لذيذة ...وأتوقع لك نجاحاً فى حياتك الأسرية ..بلا منغصات تُذكر
م الآخر أنا سعيد بيكم أنتم الأتنين وأتمنى لكم من كل قلبى التوفيق والنجاح فى الحياتين ...العملية والأُسرية ...

كان معكم مراسلكم من " القناة الثالثة " ....عبود عبده عبود

ههههههههههه ميرسيه يا عبود ربنا يخليك على ذوقك .. و هفضل قاعدة على قلبك ال 10 سنين دول لحد ما تقولى انتى كدة تمام و هتفضل استاذى اللى بتعلم منه .. بس بطل بخل و متبخلش عليا بتعليقاتك و شرحك لنقط ضعفى عشان اصلحها اول بأول

ميرسيه على روعتك فى باقى الكلام اللى مش هعرف ارد عليه لسبب انت نفسك ذكرته .. (يسامحك ربنا خليتنى احمر من ورا الشاشة :blush2: )

بالرغم من الاكشن اللى حصل بس كعادتك راجل ذكى .. عرفت ازاى تصالحنى بطريقة راقية جدًا و ذكية جدًا .. نولت بيها أعجابى و معاكسة بعض العضوات عينى عينك أهو :fun_oops:.. ( دة غير احتمال الاقيلك بنت الحلال بعد ما اكتشفو انك عملة نادرة على أمل انك لو زعلتهم تكتب فيهم قصيدة عصماء:scenic: )

بدأت اتشائم من القناة التالتة و بفكر اشفّرها :2:

 

[sha2awet 2alam]

ربنا يديم المحبه بين الكل ..و حبيت أشكر وايت و شقاوة
و أشكر عبود كمان كان فلم أكشن. ممتع قى تقطيع ههههههه بس نشكر ربنا قبل بنهاية جميله...
و أحب أشكر العضو إلى ما مش. نأبه غير تقطيع هدومه و هو الباتول.

ميرسيه يا حبو ربنا يخليكى .. و ميرسيه ليكى على الى عملتيه يا قمراية
فكرتينى اشكر خادم البتول و إن كانت مش أول ولا آخر مرة هشكره فيها بس يستحق الشكر فعلا

بجد كااااااااااان حوااااااااااار رائع من امتع الحوارات اللي قريتها

اسئلة رائعة

و اجابات متميزة جدا عجبتني موووووووووووووووووت

ربنا يجعلكو متألقين دايما كدة و تسعدونا بجو المحبة الجميييييل ده

ربنا يباركك و يعوضكم و يفرح قلبكم دايما​

ميرسيه يا موكى شرفتنا متابعتك يا قمراية .. ربنا يباركك

بجد حوار من اجمل الحوارات اللى اتعملت
ربنا يديم المحبة بين كل اعضاء المنتدى
ونفضل دايما عيلة واحدة
ويارب دايما متالقين
​

ميرسيه يا رورو يا جميلة .. و ميرسيه على كل اللى عملتيه معايا ربنا يخليكى .. نورتينى بمتابعتك يا قمر

 

[R.O.R.O]

ميرسيه يا رورو يا جميلة .. و ميرسيه على كل اللى عملتيه معايا ربنا يخليكى .. نورتينى بمتابعتك يا قمر

بجد يا شقاوة استمتعت جدا معاكم
بالحوار الجميل ده
تحياتى ليكى انتى ووايت
:36_3_11:
​

 

[sha2awet 2alam]

هو انا حفضل كده مظلومه مسكينه غلبانه ليه كده ياسي عبود متهوره بأمارة ايه ولا عشان اتزنئت في اسم تحطه جنب جوسبل قلت يلا نحط البت هيفا هو يعني عشان
عندي كومة مخالفات على شوية خناقات ابقى متهوره والله يابيه في غالب الاحيان مظلومه:big74:
بس مبلوعه منك متهوره ومالو مش وحش التهور..

ذكيه اكيد وحصوه في العين اللي مايصدقك :t33:

اللي مش قادره ابلعها خفة دم انا فين والخفه دي فين قول لي عليها وابقى ادور عليها.
خد دول
:36_3_15: :36_3_15:
محدش يقول لي عيب بتوزعي بوسات عليه ليه اصل انا وعبود اخوان من رضاعه راضعين حليب نيدو
من نفس البقره الهولنديه بقى مِحرم ههههه

والله كدة ياهيوف الموضوع ماوقف علينا بخسارة
تعيشى وتبعتى ....
ان مافيه واحدة منهم فكرت تعملها ...هههههههههههههههههههههههه
راضعين على بعض ؟؟
ههههه
راضعين فى أيدنا سلاح ....دى اغنية بمناسبة حرب اكتوبر اللى هتحل على دماغ عبود

يا جماعة مينفعش كدة ... واد يا بلية 2 لمونادة هنا بسرعة و انزل بالشجرة:36_3_18: ... اييييييييييييييييييييييه ربنا يوفق سعيد بسعيدة :smil12:...

كان عندك مأساة فى الجُنحة و بتحاول ؟؟ اتفضل نزلى قصيدة شكر .. جيبتلك العروسة دليفرى أهو :new6:.. عد الجمايل :smil15:

اة معلومة صغننة لا فكرنا ولا هنفكر نعملها .. احنا عيال قتشييييييييمة و معقدين .. بس ممكن نقر أو ننبر فيها دى أوعدك هنعملها على أكمل وجه و من غير توصية و ربنا يقدرنا :spor24:

 

[sha2awet 2alam]

بجد يا شقاوة استمتعت جدا معاكم
بالحوار الجميل ده
تحياتى ليكى انتى ووايت
:36_3_11:
​

ربنا يخليكى ليا يا جميلة
نورتينا بوجودك يا قمر

 

[white.angel]

/ أذكر مميزات و عيوب كلا منا على حدة .. المدعوة شقاوة و الاخت الكريمة وايت انجل ..

اللى هشوفه أنا ميزة ممكن غيرى يعتبره عيب ...والعكس صحيح
لذا هتكلم بصفة عامة عن كل واحدة فيكم من خلال تعاملاتى معها
وبخلاف ( البوقين ) اللى رصتهم أول مشاركة هنضيف هنا الباقى :

هبدأ بـ ( وايت ) علشان هى اللى بدات معايا بالأسئلة ​

وايت مش غريبة عليا لأن عندى منها ( نُسخة ) فى البيت ..!!!
وايت أحياناً بتتأرجح ما بين المكتوب والمنقول ومابين واقع الحياة وماتفرضه
وأحياناً تتخبط مابين محاولات التعرف على خبراتها وخبرات غيرها وما بين الفلسفة التى أختارتها منهاجاً للتفكير
وأسلوباً للحياة تريد فرضه ..أحياناً على نفسها وأحاييين تحاول على غيرها ..

تتميز وايت بمزية أحترام النفس وكيفية وضع ورسم حدود لذاتها ومن ثَمَ حدوداً للأصدقاء وللمتعاميلن من حولها أو معها...
وهى ترسمها بعناية فائقة تُحسد عليها ...
وايت تتميز بالأختيار الصالح لما يحقق لها اهدافها فى الحياة
لأنه ووفقاً لأيامنا هذه يجب أن نضع " مصلحتنا " نَصَب أعيننا

وايت تتميز بالذكاء أيضاً ..وإن كان فى بعض الأحايين يخونها فسرعان ما ترد الخيانة رافعة الرأس بكبرياء أنثوى بليغ
أتوقع لها نجاحاً فى حياتها الأسرية القادمة ولكنه سيكون مُنمقاً فى شكله الخارجى وسيحمل بعضاً من الأحباطات ..
مالم ...
تتنازل عن الفلسفة قليلاً وتترك لقلبها فرصة الأختيار الحُر .. بعيداً عن الكتالوجات " المتخثثة " ..!!!
او بمعنى أدق ...خليه يمسكها يافوزية ...

انا بقى هرد عليك يا باشمهندث لانى لا بحمر ولا بخضر .... معنديش الاوبشن دة :2: .... فوزيه بقى :fun_lol:

بجد مش عارفه اقول لحضرتك ايه ... بس اتبسطت كتير من كلامك .... واتمنى نفضل اصدقاء دايماً .... واتشرفت جداً بلقاء حضرتك ... اللى كان مختلف عن معظم اللقائات الاخرى ... حتى الخناقه ياراجل كانت مختلفه :new6: ...

ميرسى ليك يا استاذ عبود ... واحنا مبسوطين اننا نعرف شخص له عقليتك وفكرك
​

 

[white.angel]

بجد يا شقاوة استمتعت جدا معاكم
بالحوار الجميل ده
تحياتى ليكى انتى ووايت
:36_3_11:
​

ربنا يخليكى يا رورو ... مبسوطين اننا خليناك تنبسطى يا قمره :love45:
​

ربنا يديم المحبه بين الكل ..و حبيت أشكر وايت و شقاوة
و أشكر عبود كمان كان فلم أكشن. ممتع قى تقطيع ههههههه بس نشكر ربنا قبل بنهاية جميله...
و أحب أشكر العضو إلى ما مش. نأبه غير تقطيع هدومه و هو الباتول.

تموتى فى الاكشن انت مش كدة :fun_lol:
هههههههههههههههههههه
ربنا يخليك يا حبوا .. انت جميله ومتابعتك ورأيك حاجة تشرفنا بجد :t17:
​

بجد كااااااااااان حوااااااااااار رائع من امتع الحوارات اللي قريتها
اسئلة رائعة
و اجابات متميزة جدا عجبتني موووووووووووووووووت
ربنا يجعلكو متألقين دايما كدة و تسعدونا بجو المحبة الجميييييل ده
ربنا يباركك و يعوضكم و يفرح قلبكم دايما​

ربنا يخليك يا موكى يا قمره ... يارب دايماً مبسوطه ... ميرسى لزوقك :love34:
​

 

[خادم البتول]

ربنا يديم المحبه بين الكل ..و حبيت أشكر وايت و شقاوة
و أشكر عبود كمان كان فلم أكشن. ممتع قى تقطيع ههههههه بس نشكر ربنا قبل بنهاية جميله...
و أحب أشكر العضو إلى ما مش. نأبه غير تقطيع هدومه و هو الباتول.

​

هو "الباتول" ده المقصود بيه "خادم البتول"؟ يا نهار مدوحس! أنا قريت الجملة ومفهمتش ولا كلمة، حاولت، وبعدين انشغلت. اللي جه على بالي إنه اسم دوا.. زي بنادول وترامادول، قلت يمكن كمان فيه باتول. طبعا جملة غامضة إذا كان اسم دوا، وعليه قررت ارجع تاني بعدين وافهم بالراحة انتي عايزة تقولي إيه بالظبط. :t33:

​

طبعا يا أخوتي أنا مش زعلان من أي حد، ومفيش أي علاقة بين غيابي ـ أو بالأحرى قلة نشاطي ـ وبين اللي حصل هنا. ده مش أكتر من صدفة. الحقيقة يا حبو أنا حتى لو في أجازة ح اقطعها مخصوص عشانك وعشان "الباتول" ده. إذا كان الباتول ده حسب ما فهمت أخيرا هو شخصي المتواضع "خادم البتول" يبقى أنا في الحقيقة مدين ليكي بالشكر مرتين: أولا على إنك فاكراني وعلى إحساسك الجميل بشخصي المتواضع، وثانيا على ظبط حروف اسمي لأول مرة، لأن طول عمري كنت باكتبه غلط: "البتول"، من غير "ألِف"! طبعا بعد "الدرس الكبير" اللي خدته بسبب العربي بتاعك أصبح مفهوم دلوقتي إن "أنا" حاليا اللي بظبط حروف لغتي كلها من جديد، حرف حرف، حسب كلام وتوجيهات سعادتك.. حسب "الدرر" اللي بلاقيها كل فترة في رسايلك. :t33:​

أما تقطيع هدومي فمفيش تقطيع ولا حاجة. صحيح أنا ساعتها خارج من هنا من غير القميص، بس أنا افترضت إنه اتـنـشـل في الزحمة. شوفي يا حبو إنتي أختي مفيش بينا كسوف، خليني احكيلك كل شيء بالتفصيل وبصراحة:​

اللي حصل إن العصابة دي في الأول بعتوا لي هانم شيك أوي (النضارة الشمس والبارفان والحركات اللي انتي فاهماها).. اسمها الحركي "الملاك الأبيض"، وده نفسه من أساليب الخداع بتاع العصابة: كل ما تلاقي الاسم جميل أوي كده كل ما تعرفي بالعكس إن فيه وراه مصيبة. وبعدين لو خدتي بالك شقاوة هي اللي في الصورة وعاملة الزمبليطة وخاطفة عين الزباين، إنما دي ـ الساكته الساهيه دي ـ هي اللي يتخاف منها.

​

​

المهم الهانم دي في الأول جات قالتلي بحنيـّّـة: عايزاك ع الخاص. أنا قلت: خاص؟ قشطة! الملاك الابيض وكمان ع الخاص؟ زغرتي يام بتول. جات ع الخاص تقوللي ما معناه: رسالتك يا معلم فيها "عضم" وعايزين لو سمحت "نشفـّيها" شويه.. انا من سلامة نيتي ـ أو بالأحرى من تغفيلي ـ فاكرها بتستأذن! هانم كيوت وبتستأذن. رحت اكتبلها الرد بمزاج، على ما رجعت لقيت العصابة ساقيين دونا حاجة صفرا وواخدينها ومتجمعين على جنب، كل واحدة في إيدها سكينة، ومش بس شفـّوا الرسالة.. دول قطـّعوها وسلقوها وكلوها! ​

أنا شفت المنظر كشفت راسي وبعلو حسي ناديت: رحمتــك ياربببببب.. يا عالم يا هووووه: براحة يا جبابرة ع الرسالة. يا بشر افهموني: أنا عايز فيها حتتين عضم.. أنا قاصد.. أنا فيه أم حاجة في دماغي بعملها.. والدماغ دي متكلفة مش سهلة يعني كده تعملوا عليها شوربة! :t26:​

لكن المقدر كان وقع.. والمكتوب لا مهرب منه.. وربنا ما يوري راجل حكم الستات. قلت لنفسي خلاص، خليك انت الكبير.. وبعدين دول مسيطرين ع الموقف، ومعاهم سلاح، وكمان واخدين معاهم دونا البرتقاني شخصيا وشكلها أصلا مخطوفة.. ح تعمل إيه انت يعني يا بتاع البتول انت؟ خليها تيجي منك بقى واخلع يا حيلتها بسرعة وانت لسه "كيـوت" كده انت كمان.​

وعليه طلعت فورا من شق التعبان، هربت من المنطقة كلها، بل أخدت أجازة من جميع المنتديات.. ودي كانت نهاية اللي يدخل وسط العصابة.. حتى لو كان قاصد يخدمهم! :t33:​

* * *​

لكن نرجع نقول كله فِـدا الأحبة. راحت الرسالة، وراح القميص، وراحت ثقتي في كل "ملايكة الإنترنت"، لكن كله يهون عشان خاطر "حبابنا" زي اخواتي اللبنانيه ما بيقولوا. حبابنا طبعا الرائع دائما الأستاذ عبود عبده عبود الإنسان الجميل أولا، وثانيا الخبرة الإنسانية الكبيرة، وثالثا القلم المبدع اللي بنستمتع دايما بكتاباته ونعتبره أستاذنا كلنا بالذات في الكتابة الكوميدية (وحتى التراجيدية، لأنه واضح إنه كمان بيكتب تراجيدي ساعات ). كمان البرنسيس وايت أنجــل الـ"كيوت" بتاع المنتديات كلها، الفيلسوفة الضاحكة والنموذج الأخير لـ"الكبرياء الجميل"، وأخيرا وليس آخرا القطة الفاتنة شقشق، روح المنتدى وخلاصة المعافرة وجوهر الشقاوة وتجسدها في العالم الافتراضي.. وحتى العالم الحقيقي: لما ظهرت الشقاوة على الأرض الإنسان مفهمش يعني إيه شقاوة؟ حاول كتير وفشل. ربنا أخيرا خلق "شقاوة قلم" وقاله: شايف دي؟ أهي دي معنى الشقاوة! :t33:​

* * *​

أخيرا حبــو: ..... بس قبل مانسى: أنا ما كنتش أعرف إن عندك جوز مخلفاهم، لكن طالما عرفت يبقا لازم أسألك: هل دخلوا مدرسة وللا لسه صغيرين؟ على أي حال سواء دخلوا بالفعل أو لسه بعدين ح يدخلوا: الضمير والأمانة يحتموا عليّ تجاه الأبرياء دول إني أطلب منك.. بل أتوسـل إليكي.. بل أبوس إيدك: أوعي تساعديهم يا حبو في دروس العربي. لو بيموتوا كده قدامك في العربي سيبيهم، أرجوكي سيبيهم، إنشالله ماتعلموا عربي. :t33:​

أشكرك وأشكر قلبك ومحبتك وكل صفوك وبراءتك ونقائك، حبوا الجميلة، وأشكر إنك فاكراني وشاهدة على قميصي، والمرة دي لا تكفي التيوليب الصغيرة بتاعتي :16_4_10:، إنما ح اجيبلك أحلى تيوليبه في النت كلها، ولو كان فيه مسافة في الصفحة كنت جبت لك كمان أكبر من كده.​

​

وفي الختام: المحبة يا أخوتي مش وردة في عروة الجاكت أو بروش ع الفستان، إنما هي الأساس وكل حياتنا، والغفران والتسامح دول مش كلام إنما "الصلاة" بتاعتنا نفسها، كل يوم واحنا قدام ربنا، يا إما بنضحك عليه، يا إما بجد وبأمانة وبصدق بنقوله "واغفر لنا ذنوبنا كما نغفر نحن أيضا للمذنبين إلينا". ياريتني وياريتنا دايما نفتكر كده! صحيح: ساعات يبقى الواحد مزاجه إنه "لا يغفر"، أو حتى يعاقب نفسيا المُذنب أو المُسيء على رأي أخونا الرائع شــيبرد في موضوعه الجميل عن العقاب. لكن نعمل إيه؟ صلاتنا نفسها كده! "الفيزا" بتاع ربنا عشان نعدي الحدود وندخل عنده هي "الغفران"! يبقى نغفر، وللا مانغفرش؟ أو بالأحرى نغفر، وللا نستهبل؟​

بالتالي ياريت أي حد أسأت ليه سواء بقصد أو بدون قصد يغفر لي، وأما عن نفسي فبالتأكيد مفيش ولا حتى "هبابة" في قلبي ناحية أي شخص في الإنترنت كلها مش بس هنا أو في المجموعة دي.. لكن......​

لكن ده كله مش معناه يا حلوين إن حد يهوّب تاني ناحيتي أو ناحية قمصاني أو رسايلي.. ماشي يا ملايكة؟ :nunu0000: انتو عصابة صحيح، لكن خدوا بالكو كل اللي فات كوم ودلوقتي كوم تاني.. أنا كنت تايه ولقيت نفسي: أنا دلوقتي الباتول. احترسوا من الباتول.​

دايما عامر يا شباب. :16_4_10:


​

 

[white.angel]

هو "الباتول" ده المقصود بيه "خادم البتول"؟ يا نهار مدوحس! أنا قريت الجملة ومفهمتش ولا كلمة، حاولت، وبعدين انشغلت. اللي جه على بالي إنه اسم دوا.. زي بنادول وترامادول، قلت يمكن كمان فيه باتول. طبعا جملة غامضة إذا كان اسم دوا، وعليه قررت ارجع تاني بعدين وافهم بالراحة انتي عايزة تقولي إيه بالظبط. :t33:
​

شمه ريحة تريقه على حبوا .... دة بحقيقى ولا الاكونتج بدأت تعمل شغلها معايا :heat:

أما تقطيع هدومي فمفيش تقطيع ولا حاجة. صحيح أنا ساعتها خارج من هنا من غير القميص، بس أنا افترضت إنه اتـنـشـل في الزحمة. شوفي يا حبو إنتي أختي مفيش بينا كسوف، خليني احكيلك كل شيء بالتفصيل وبصراحة:
اللي حصل إن العصابة دي في الأول بعتوا لي هانم شيك أوي (النضارة الشمس والبارفان والحركات اللي انتي فاهماها).. اسمها الحركي "الملاك الأبيض"، وده نفسه من أساليب الخداع بتاع العصابة: كل ما تلاقي الاسم جميل أوي كده كل ما تعرفي بالعكس إن فيه وراه مصيبة. وبعدين لو خدتي بالك شقاوة هي اللي في الصورة وعاملة الزمبليطة وخاطفة عين الزباين، إنما دي ـ الساكته الساهيه دي ـ هي اللي يتخاف منها.
المهم الهانم دي في الأول جات قالتلي بحنيـّّـة: عايزاك ع الخاص. أنا قلت: خاص؟ قشطة! الملاك الابيض وكمان ع الخاص؟ زغرتي يام بتول. جات ع الخاص تقوللي ما معناه: رسالتك يا معلم فيها "عضم" وعايزين لو سمحت "نشفـّيها" شويه.. انا من سلامة نيتي ـ أو بالأحرى من تغفيلي ـ فاكرها بتستأذن ومش بس شفـّوا الرسالة.. دول قطـّعوها وسلقوها وكلوها!
! هانم كيوت وبتستأذن. رحت اكتبلها الرد بمزاج، على ما رجعت لقيت العصابة ساقيين دونا حاجة صفرا وواخدينها ومتجمعين على جنب، كل واحدة في إيدها سكينة، أنا شفت المنظر كشفت راسي وبعلو حسي ناديت: رحمتــك ياربببببب.. يا عالم يا هووووه: براحة يا جبابرة ع الرسالة. يا بشر افهموني: أنا عايز فيها حتتين عضم.. أنا قاصد.. أنا فيه أم حاجة في دماغي بعملها.. والدماغ دي متكلفة مش سهلة يعني كده تعملوا عليها شوربة! :t26:​

لكن المقدر كان وقع.. والمكتوب لا مهرب منه.. وربنا ما يوري راجل حكم الستات. قلت لنفسي خلاص، خليك انت الكبير.. وبعدين دول مسيطرين ع الموقف، ومعاهم سلاح، وكمان واخدين معاهم دونا البرتقاني شخصيا وشكلها أصلا مخطوفة.. ح تعمل إيه انت يعني يا بتاع البتول انت؟ خليها تيجي منك بقى واخلع يا حيلتها بسرعة وانت لسه "كيـوت" كده انت كمان.​

ساكته وساهيه .... فعلاً ان بعض الظن اثم :smile01

بعتذر لو كان فى تسرع فى "تشفية" رسالتك :smile02 ... بس كان فى الوقت دة يهمنى ان عبود ميتضايقش وقلقت ان رسالتك تؤخذ على محامل اخرى وخصوصاً ان "عضمها كتير" :nunu0000:... ونظراً لانى طباخه ماهره ... ودونا مقصها لا يُعلى عليه ... فشفيناها بمزاج بقى :hlp:

عموماً ليك عليا انى اصالحك .... و بطريقتى :smile01
​

 

[عبود عبده عبود]

​

​

​

​

​

​

​

​

​

​

​

​

​

​

​

​

​

​

​

​

​

بعتذر لو كان فى تسرع فى "تشفية" رسالتك :smile02 ... بس كان فى الوقت دة يهمنى ان عبود ميتضايقش وقلقت ان رسالتك تؤخذ على محامل اخرى وخصوصاً ان "عضمها كتير" :nunu0000:...
​

ههههههههههههههه
بس هو عبود عرف ...والتشفية طرطشت عليه دم

 

[Dona Nabil]

ربنا يديم المحبه
ويديم عليكوا نعمة مقص الرقيب ههههههههه

 

[Desert Rose]

على رأى عبود ربنا يديم المعرو , المعروف يعنى :new4:
معرفش ديه جابها منين ديه ؟ :t17::t17: