"آدم" فى مأزق ... فى بنتين وولد ... مع شقاوه ووايت D:

[white.angel]

بجد موتني من الضحك
حلووووووة اووووووي
و يارب الامور تهدا كدة
لانهم فعلا ذي مانت قولت اتحسدو
و انا بالتحديد حسدتهم ههههههههههههههه
مستنية بقية الحوار
ربنا معاكم و يبارككم و يفرح قلبكم دايما

هههههههههههههههههههه
هو القر دة اللى جابنا ورا :nunu0000:
كويس انك اعترفتِ ان انت السبب ...
عشان نشوف نعمل فيكِ ايه بقى :budo:

عموماً ولا يهمك ... دة مجرد فاصل اعلانى وهنكمل ...
ادعى بضمير بس :smile02
​

 

[white.angel]

لا لا لا انا عارفا ان ده كله فيلم علشان الحسد-- يبقا واجب نبخر :yaka:
و بعدين يا شقاوه قعتدى تقولى هنتعلق اهو بداء ينصب التعليقات اهو ههههههههههههههههه اعتقد ده الوقت المناسب الى ابداء اخد الجلبيه فى سنانى و اطلع اجرى استخبى فى الغيط ههههههههههههههههه
متقلقيش هصليلك من هنااااك:t14:
شيلالك حتى جنبى انت و وايت :smile02

اول واحده تجرى فى الخناقات انت ... الفاتحه على الجدعنه :smile02
عموما خدينى معاك :ura1:
​

 

[white.angel]

ايه ده ؟ القر بتاعى جاب نتيجة سريعة :smile02:smile02:smile02
ده عبود مش اى حد
لا انا عارفه انكوا بتهزروا مع بعض بس انا مستنية الاجابات بقا :t23::t23:

ايه دة ... هو المنتدى كله بيقر علينا ... ايه الناس اللى بتعترف على نفسها تيييييي :act23:

نانسى خدي اللب والفشار وبتاعك واقعدى قزقزى من غير نفس ... طلعت من المشتركين فى جريمة القر :gun:
​

 

[Desert Rose]

ده القر ده هواية ياوايت :smile02:smile02 رياضة :smile02:smile02

لا بأذن يسوع الموضوع هيكمل على خير

 

[white.angel]

ده القر ده هواية ياوايت :smile02:smile02 رياضة :smile02:smile02
لا بأذن يسوع الموضوع هيكمل على خير

بيخسس دة يا نانسى :smile02

هيكمل طبعاً ... هو سوء تفاهم عاتييييييي ... مفيد للصحه :ura1:
​

 

[إيمليــآ]

,.


مش قولتلكم تعآوير بسيطة
أجيب منين شآش وقطن وبيتآدين يكفى كل دآ :t23:



حقيقى آلحوآر ممتع جداً
فلندع مآ نختلف عليه جآنباً ونتفق على آلمتفق عليه
" تهدئة إخوآنية " هههههـ

خلونآ نكمل إستمتآع .. آلله




.،

​

 

[!! Coptic Lion !!]

محدش قالي يعني الحوار ده
خلص كام كام ؟
​

 

[white.angel]

,.


مش قولتلكم تعآوير بسيطة
أجيب منين شآش وقطن وبيتآدين يكفى كل دآ :t23:



حقيقى آلحوآر ممتع جداً
فلندع مآ نختلف عليه جآنباً ونتفق على آلمتفق عليه
" تهدئة إخوآنية " هههههـ

خلونآ نكمل إستمتآع .. آلله




.،

​

ايييه الاجزخانه تييييي ... يابنتى بنقول دة مفيد للصحه :smile02

هو بما ان الموضوع دخل فى "اخوانيه" ...
يبقى ربنا يستر :vava: ههههههههههههههههه

حتى الموضوع مش هيسلم
​

 

[خادم البتول]

أنا يا أخوتي جاءني ملحوظتان، لا واحدة، من صديقتان اثنتان، لا واحدة، عن مشاركتي الأولى هنا.. يمكن الناس مش فاهمه طبيعة علاقتي بعبود، وفيه "شك" إن عبود يفهم كلامي غلط. بالتالي لازم التوضيح وع العام مش ع الخاص:


أولا أنا وعبود ـ هكذا أفترض ـ صديقان.. وأزعم أن صديقي ـ رغم حساسية مشاعره كأي فنان جميل ـ عنده من العقل والنضج ما يكفي تماما لفهم كل ما أقول وتمييز أي مزاح من جد، بالتالي أعتقد أن عبود بالتحديد يمكن يكون أكتر واحد في المنتدى ده فهم رسالتي وفهم كل اللي وراها.

ثانيا أنا أعتذر وبدون أي تردد لعبود وللجميع عن أي إساءة فهم، أو أي تعبيرات يعتقد البعض ـ أو يعتقد الجميع ـ إن من الأفضل تعديلها. (وانا باكتب أصلا الكلام ده على مارجعت لقيتكم عدلتم فعلا وعملتوا كل الواجب! يا حلاوتكم بجد.. ربنا يبارك فيكم :t33!

ثالثا ربنا فقط يعلم لماذا كتبت رسالتي وإيه بالضبط كانت أهدافي وليه وعشان إيه. اسمحولي إني أحتفظ بقى بكل ده لنفسي إذا كان فعلا مش واضح. يكفيني بس اقول شيء واحد: عودة الحوار كما كان عليه هو كل ما كان وما زال يشغلني، مش عشان الحوار ذاته ـ أم الحوار ـ إنما عشان كل المحبة والصداقة والعشم المعروفين بين المجموعة دي بالتحديد، واللي فعلا شكلهم اتحسدوا.. (والعين واضح إنها قوية جدا لدرجة أن أنا كمان اتاخدت في الرجلين :t9!

رابعا وأخيرا لو عبود عايز يزعل أو شقاوة عايزة تنجرح أو وايت عايزة تتئمص، اعملوا يا أصدقائي كل اللي انتو عايزينه في بعض :t32:. ما يمنعش أبدا إن الناس بردو كل فترة كده تتخانق. اعتبروني أنا غلطان. أبوس راس اللي.... أبوس راسكم واحد واحد.. بس لو حصل يبقو انتو فعلا عيال كئيبة.. مالكوش ف الهزار: ما تهزروش. :beee:


على أي حال: مرة تانية بعتذر وبجد، وإذا عايزين تشيلو الرسايل دي خالص قولوا لدونا، فعلا ولا يفرق عندي، ولا زعلان نهائي. بطلو هيافة. أنا نيتي واضحة وكمان رسايلي واضحة. مش واضحة؟ خلاص، شيلوها خالص، أو سيبوها وخدو بالكم إني اعتذرت، ودي حاجة أنا مش بعملها كتير في المواضيع الهزار.. فاهمين يا حلوين؟:nunu0000

بــس!

 

[عبود عبده عبود]

مين اللى قال أن عبود زعل أو شقاوة أنجرحت أو وايت أتقمصت ؟
أنا عارف وواثق ومتأكد وباصم بالعشرة أن شقاوة بتهزر طبعاً ..
هى كانت غير موفقة فى صياغة السؤال وبعض الأسئلة التى تليه ليس الا
فعدلتها بطريقتى ...
وكونى فى مأزق مع بنتين حلوين مش معناها أنى هتكسف أرد ...

 

[sha2awet 2alam]

بداية القصيدة كُفر .. من أول سؤالين دة اللى حصل ! امال هتعمل فيا ايه فى الباقى ؟؟

بغض النظر عن الاوكسجين و القناة التالتة .. مظنش ان واحد بمكانة حضرتك هيقبل الاستضافة فيها .. و سبق و اعترضت على سؤال و انا غيرته .. لو السؤال دة عصبك أوى كدة مطلبتش تغييره ليه ؟؟؟

بس هو واضح أن فيه حاجة فى أجاباتى ( أتغظتى ) منها
ياترى أنا صح ؟:yaka:
والا تشابهة أسماء ؟؟؟؟؟:t33::t33:

واضح ان الرد دة كان اسقاط و ان اللى اتغاظ مش انا :flowers:


هنتغاضى عن اسلوبك الساخر فى الرد و هعتبره مجرد دعابة عشان حضرتك انسان انا بحترمه ( و ان كانت لا ترتقى لمستوى دعاباتك الراقية ) و نتكلم فى الاسئلة نفسها بقا ..

3) احببت امرآه الان .. ؟
الآن ...والأمس ...وغداً ...مش بابطل الصراحة
المثل بيقولك " يموت الزمّار وصوباعه بيلعب " :smile01

اظن دة كان ردك .. الآن و الامس و غدًا .. يعنى انا مش برميك بالباطل ولا بتهمك !و رجعت قولت مشاركتك اللى حضرتك اشرت ليها .. يعنى قولت بتحاول و بعدين قولت مفيش حب حاليًا انتى هتوقفى سوقنا !! لو حضرتك مش شايف ان الكلام بيخالف بعضه يبقى رأيك على راسى بس التعبير خانك

بالنسبة للسؤال التانى التعبير خانى انا .. و لو ضايقك ليه مقولتليش بهدوء ! فى حين اننا كنا بنهذر امبارح .. بس واضح ان حضرتك مخدتش بالك منه غير دلوقتى المهم انا قريت كلامك و عندك حق .. بس اظن من كلامك برضه انك لا تتردد فى الابداء برأيك و اعجابك بشياكة انثى باحترام طبعا .. من امثلتها ال 36 و اعجابك بوزيرة سابقة فى مكتبها كان دة مقصودى .. اسفة لو وصلك بطريقة معجبتكش و وعد حاجات كتير عملتها مش هكررها و بكرة تعرف انى مبوعدش غير اما بوفى

يشرفنى ردك على باقى الاسئلة لو وقت حضرتك يسمح

 

[sha2awet 2alam]

يا جدعان لا تعوير ولا شاش ولا قطن انا فلة و أستاذ عبود على راسى مهما قال .. مهما حصل هيفضل أستاذى و والدى اللى بتعلم منه

كمل يا استاذنا

 

[عبود عبده عبود]

4/ مابين تعدد الزوجات و شريعة الزوجة الواحدة و منع الطلاق .. مش حاسس ان الموضوع بالنسبة لك ممكن يبقى حمل عليك ؟
و هل الموضوع مش فارق معاك عشان مش ناوى تطلق تانى ولا لانك مؤمن بفكرة انه لازم امرأة واحدة لكل رجل ؟

واضح أن جزئية ( طلاق لظروف قهرية / قسرية ) فكرة غير مهضومة أو مفهومة نظراً لأختلاف الثقافة الدينية المتوارثة وأبعادها...
شفتى فيلم " الزوجة التانية " ؟؟
نفس الفكرة وأن أختلفت الأداة والظروف ...
أى انه لولا تلك الظروف شديدة " القسوة " لكان من المستحيل أن أفكر ( مجرد تفكير ) فى طلاقها ...
وبغض النظر عن شريعة التعدد أو الزوجة الواحدة
أمرأة واحدة عاقلة ومُتزنة ...تكفى ونص وتلات أرباع

5/ بكاء الرجل ضعف ؟
بسبب المرأة وأمامها ؟!!!!!.....طبعا ضعف وخراعة وهى عمرها ما هتحترمه تانى ...وهيسقط من نظرها...
عاجلاً أم آجلاً ...

و هل ممكن تبكى قدام واحدة بتحبها ولا لا ؟
بسببها ؟؟؟ .... مستحيل ....وقدامها ..؟؟!!!!! ...مستحيلين ...
ومن ورائها ..قلت مافيش " نصيب " ...

6/ قال نزار " قرأت كتاب الأنوثة حرفًا حرفًا ولازلت أجهل ما يدور برأس النساء "
هل حصل و وقفت قدام زوجتك و مكنتش فاهم هى بتفكر فى ايه ؟

ايوة حصل ...كانت بتطلب منى أعمل حاجة وهى تكون عايزة عكسها
عملتها فيا مرتين تلاتة لغاية مافهمتها ...بعد كدة لما كانت بتقولى عايزة أروح السينما ...أعرف انها عايزة تدخل تنام ..!!!!!!!

7/ " إن كيدهن عظيم " معاها ولا ضدها ؟
أحياناً ....

و هل حصل ان واحدة اتغاظت منك و قررت تنتقم ؟؟
وكمان عملت لى سحر هى وأمها ...أتعملى سحر فى كالون الباب
لكن واضح أنه كان عفريت " توتى " وماقدرش عليا

8/ هل ترأستك مرأة قبل كدة ؟ و هل العمل تحت قيادة إمرأة ممتع أم متعب ؟
لم يحدث ...

( بغض النظر عن كونها جميلة أو لا .. ركز فى الشخصية و لو مرة بالغلط )
راجعى سؤال " وايت " لما قلت لها أن أكثر شئ بيلفت نظرى فى المرأة " موضوعاً " هو ( شخصيتها )
وهذا يعنى أن تركيزى غير خاطئ ..!!!

9/ مابين جمال المرأة و ذكائها .. تختار ايه ؟
أختار الذكاء ...

و ليه ؟؟
لأن المرأة الذكية بذكائها هتكون أجمل الجميلات ...

و هل المرأة الذكية متعبة ؟
هى مُريحة فى كل شئ ومن كافة الوجوه

10/ هقولك صفات و تقولى تنطبق على مين فى وجهة نظرك من بنات و سيدات المنتدى ..

الأجابة هتكون أسماء متعددة ووفقاً لتعاملاتى معهن وحسب ترتيب الحروف الأبجدية

وستجديها فى المشاركة التالية ....

 

[عبود عبده عبود]

وفقاً لتعاملاتى مع الآنسات والسيدات عضوات منتدانا
وحسب ترتيب الحروف الأبجدية
أجابتى علن سؤال الصفات :​

ذكية .....( آنجيل آيز ) ( حوبو ) ( دونا ) ( روزا ) ( شقاوة ) ( وايت ) ( هيفاء )​

دمها خفيف..... ( حوبوا – رانيا – شقاوة – نيفين - هيفاء )​

مثقفة..... ( آنجيل آيز – شقاوة – وايت آنجيل ) ​

تتوقع انها جميلة ....( آنجيل آيز )( جوسبل أوف تروث ) ( دونا ) ( رورو أيهاب ) ​

جريئة....( جوسبل أوف تروث ) ( أيرينى ) ​

قوية ..... ( أمة )( دونا نبيل )( روزا )​

اقرب البنات لقلبك... أمتنع عن الأجابة خوفاً من سوء التأويل ..!!!​

صديقة صدوقة ... ( حوبو ) ( رانيا ) ( شقاوة ) ( نيفين )​

رقيقة... ( دونا ) ( روزا ) ( سيكريت )​

طيبة... بلا منازع وعلى العرش تتربع.... ( حوبوا )​

متهورة.... ( جوسبل أوف تروث ) ( هيفاء )​

عاقلة .... ( أمة )( دونا نبيل )( روزا ) ( وايت آنجيل )​

تتمنى تقابلها...
المقابلة ستكون على المستوى الأُسرى وفى بيت والدتى ومع أبنائى

حيث سيُشرفنى دعوة كل من

( حوبوا مع جوز العفاريت اللى مخلفاهم )

( دونا مع السيد المحترم والدها والمحترم زوجها ودندون الصغنونة )

( رانيا مع سى الأستاذ ممدوح وبناتها الجميلات )

( الأستاذ صوت صارخ وحرمه )

ثم الثلاثى المرح ...( شقاوة ) ( نيفين ) ( وايت ) ​

 

[عبود عبده عبود]

بقى السؤال الأخير ...وهو
11/ أذكر مميزات و عيوب كلا منا على حدة .. المدعوة شقاوة و الاخت الكريمة وايت انجل ..

لو أكتفيتم يبقى أنتهت أجاباتى ...مع خالص تحياتى
لو عايزين الرد هيبقى بكرة لأنى هقفل ناو

 

[sha2awet 2alam]

يشرفنى ردك فى الوقت اللى يعجبك و لو مش عايز هحترم ارادتك فى كلا الحالتين رغبتك هى اللى هتتحقق

 

[عبود عبده عبود]

نما نما نما​

إلى عِلمنا وانتهى
إن شقاوة بنتنا​

أشقى بنات المنتدى
نامت دموع على خدها
وأنى البعيد جرحتها ​

مسحوب لسانى بكلمتين
ملعون مشاركة كتبتها
طب
إنت
يعنى
كنت
فين
شفتها ؟​

ضاربة أوكسجين
فى شعرها ؟!​

والا الضيوف ياكلوا
قفا
على القناة الثالثة ؟​

معقول يا واد زعلتها ؟
اللى المحبة أسمها؟​

شقاوة ياض مش أى
" نون "
ولا أى بت عرفتها​

لو كان زمان يرجعلها
حصلتها
أو مدت هى رجلها
كنت أكيد
هتحبها​

بطل ياعبده تهبيلات
تأسف لها :flowers:
وقولها ​

هارتى حبيبى فى كلمتين
أحلى بنات المنتدى​

توتة وكميلة ماتزعليش
بس اوعى تاخدى
على كدة ...:shutup22:​

 

[عبود عبده عبود]

آخر أجاباتى الليلة فلا تتعجلوا
لأنى باحضر لكم (( زُبد )) القول ....ماعنديش أعز منكوا
انتوا الجوووووووووووووووووووووووووووووووزززز

 

[sha2awet 2alam]

نما نما نما​

إلى عِلمنا وانتهى
إن شقاوة بنتنا​

أشقى بنات المنتدى
نامت دموع على خدها
وأنى البعيد جرحتها ​

مسحوب لسانى بكلمتين
ملعون مشاركة كتبتها
طب
إنت
يعنى
كنت
فين
شفتها ؟​

ضاربة أوكسجين
فى شعرها ؟!​

والا الضيوف ياكلوا
قفا
على القناة الثالثة ؟​

معقول يا واد زعلتها ؟
اللى المحبة أسمها؟​

شقاوة ياض مش أى
" نون "
ولا أى بت عرفتها​

لو كان زمان يرجعلها
حصلتها
أو مدت هى رجلها
كنت أكيد
هتحبها​

بطل ياعبده تهبيلات
تأسف لها :flowers:
وقولها ​

هارتى حبيبى فى كلمتين
أحلى بنات المنتدى​

توتة وكميلة ماتزعليش
بس اوعى تاخدى
على كدة ...:shutup22:​

هههههههههههه ميرسيه يا عبود ربنا يخليك يارب
شرف ليا كلامك الحلو دة و انا اصغر بكتير من ان استاذى يعتذرلى
بس انامعيطتش :smil15:

ميرسيه كمان مرة على الكلام الحلو دة .. ربنا يخليك يا افندم

 

[sha2awet 2alam]

آخر أجاباتى الليلة فلا تتعجلوا
لأنى باحضر لكم (( زُبد )) القول ....ماعنديش أعز منكوا
انتوا الجوووووووووووووووووووووووووووووووزززز

بدأت أقلق من كلمة الجوووووووووووووووووووووووووووووووووووووووووزززز دى :t17:

خد راحتك بس مش أوى و هتبدأ بالمميزات طبعا .. ولو لقيت عيوب ( مع انه احتمال ضعيف ) ممكن تنوه عنها فى آخر الاجابة :blush2: