"آدم" فى مأزق ... فى بنتين وولد ... مع شقاوه ووايت D:

[اوريجانوس المصري]

واو حوار فوق الرائع
اسطورة
​

 

[عبود عبده عبود]

واو حوار فوق الرائع​

اسطورة​

ربنا يخليك يا أستاذ
أنت الأروع ...

 

[white.angel]

3) احببت امرآه الان .. ؟
الآن ...والأمس ...وغداً ...مش بابطل الصراحة
المثل بيقولك " يموت الزمّار وصوباعه بيلعب " :smile01

ياعم الزمار ... هتعمل ايه يعنى لو حبيت ... مجاوبتش :act23:
​

 

[عبود عبده عبود]

ياعم الزمار ... هتعمل ايه يعنى لو حبيت ... مجاوبتش :act23:​

آآآآآآآآآه
أعمل أية يعنى لو حبيت ؟؟
أنا ماليش فى الخربطة ...وماليش فى " الدراثات الكتالوجية المتخثثة " لو عجبتنى وهوانا جه على بعضه ...و لو الطريق سالك وما فيش عقبات
باتقدم على طول ..قص جحش كدة ...وزى ما ترسى
شريطة ألا تكون نكددددددية
مش باقولك " يموت الزمار وصوباعه بيلعب " ... !!!!

 

[sha2awet 2alam]

هااااااااااااااااااار اسوح على الاجابات ياعبود ... دة ايه يا راجل الجرأة اللى انت فيها تيييي ... نصاية و انزلك بطقم الاسئلة يا سيدنا:giveup: .

يووووووووة عاجبك كدة كنت هنسى اقولك ميرسيه بجد على رقتك و اسلوبك الراقى :t23:و ربنا يديم المعرو ( المعروف يعنى:smile01 )

 

[sha2awet 2alam]

أنا جيت:t23: .. منورنى يا بودى بجد و بالرغم انى غلبانة و ماليش فى الاسئلة ولا فى الكلام اصلا :vava:.. بس ادينى بحاول اتعلم و اكتب و ربنا يقدرنى عليك قول يارب:smile01

1/ ايه اكتر حاجة بتلفت نظرك فى المرأة شكلاً و موضوعًا ؟:t23:

2/ كام امرأة ملكت قلبك و لم تسطتع الزواج بها ؟ و ماهى العوائق ؟:thnk0001:

3/ ايه الفرق بين الزوجتين من حيث المميزات و العيوب ؟

4/ عبود فى الحب راجل رومانسى ولا عملى ساخر كعادته ؟:giveup:

5/ ياعم الزمار بتحب حاليًا .. هل هنسمع خبر سجنك فى عش الزوجية قريبًا ؟:59:

6/ عندك ولد و بنت ربنا يحميهم .. هل فيه فرق فى معاملتهم ؟ و بصراحة هل فيهم حد أقرب لقلبك من التانى ؟

7/ عوبد .. ايه اسوء عيوب الراجل الشرقى ؟ و افضل مميزاته ؟ ( اياك تقولى مفيش عيوب بدل ما أرصهملك انا قولهم لوحدك احسن )

8/ هل من الممكن انت و ابنك تقعو فى حب امرأة واحدة ؟ و لو حدث ايه رد فعلك ؟

9/ قالت الست شادية الله يمسيها بالخير " القلب يحب مرة ميحبش مرتين " .. ايه رأيك فى الكلام دة يا روميو ؟

10/ ايه اكتر حاجة فيك بتلفت نظر بنات حوا ؟ :new8:

11/ بما انك راجل لك خبرة فى الحياة .. و على حسب كلامك ان البنات متغيروش حتى فى ايامنا الهباب تيي .. اوصف بنات حوا فى صفحات قليلة ( خلى الشباب يستفيدو يا خبرة )

خلصو اول 11 ليا ... يلا جاوب و اسيبك مع كتكوتى الصغننة و ليا عودة ( قولى ترجعى بالسلامة بقا )

 

[grges monir]

استاذنا عبود الجميل المميز الساخر بصورة لم ارها من قبل
منتدى الكنيسة بصراحة كل يوم يثبت تميزة بوجود اعضاء نادرا لما تلاقى مثلهم فى اماكن اخرى
عبود اى مداخلة لية فى موضوع او تعليق لابد ان تتجة الانظار اليها
متابع حوار الساعة مع المذيعيتين المتألقتين شقاوة ووايت
بس ياريت ميحصلش فى الاخرزى محصل مع جيهان منصور والعريان ههههههه

 

[عبود عبده عبود]

أنا جيت:t23: .. منورنى يا بودى بجد و بالرغم انى غلبانة و ماليش فى الاسئلة ولا فى الكلام اصلا :vava:.. بس ادينى بحاول اتعلم و اكتب و ربنا يقدرنى عليك قول يارب:smile01

يارب ياخويا يارب ...

1/ ايه اكتر حاجة بتلفت نظرك فى المرأة شكلاً و موضوعًا ؟
شكلاً : مشيتها وطريقة تسريحة شعرها
موضوعاً : شخصيتها

2/ كام امرأة ملكت قلبك و لم تسطتع الزواج بها ؟ و ماهى العوائق ؟
السؤال دة سألته قبلك ( أم تتر ) ..ولكن لا مانع فى الأجابة عن الشق الثانى ( العوائق ) :
واحدة بقى ياستى أكتشفت أنها ( دلوعة ) آخر حاجة ...خلعت
التانية أبوها طلع عبى وبيمشى ورا كلام الست ..خلعنى هو
التالتة كانت جوازة صالونات ...ماطقناش بعض أول القعدة مع ان البنت كانت أمورة ..

3/ ايه الفرق بين الزوجتين من حيث المميزات و العيوب ؟
الأولانية مافيش فيها أى مميزات الا انها عرفت تخلف وبس ..
التانية بقى تقدرى تقولى كدة " الدنيا وما فيها " يعنى : جمال – جسم - – أدب – ثقافة – علم – عيلة – ستايل – شياكة - مطيعة – هادية – ذكية – منطلقة – مرحة – بتعرف يعنى أية تعامل راجل ...أكمل ؟!!
عيبها الوحيد أنها حبت واحد زييى ...ازاى بقى ؟ مش عارف بجد !!!

4/ عبود فى الحب راجل رومانسى ولا عملى ساخر كعادته ؟
ر – و – م – ا – ن – س – ى
واوعى تقولى ان دة أسم " سينما " ...:act19:

5/ ياعم الزمار بتحب حاليًا .. هل هنسمع خبر سجنك فى عش الزوجية قريبًا ؟
حالياً باحاول أرتكب " جُنحة " جواز ...بس زى ماتقولى كدة سوق " الإجرام " واقف اليومين دول ...

6/ عندك ولد و بنت ربنا يحميهم .. هل فيه فرق فى معاملتهم ؟
الولد غير البنت قطعاً فى التعامل ....

و بصراحة هل فيهم حد أقرب لقلبك من التانى ؟
لأ الأتنين زى بعض

7/ عوبد .. ايه اسوء عيوب الراجل الشرقى ؟ و افضل مميزاته ؟
عيوب الرجل الشرقى أنه أتربى ع السمعِ والطاعة ...يعنى ماينفعش واحدة تبُخ فيه ...إلا قلة قليلة مُندسة من الرجالة ...
واللى يفتح لك كُتب حقوق المرأة وينقل لك منها ....نفضى
مميزاته بقى ( المعظم يعنى ) : غيور – حِمش – راجل بجد – صرييف

8/ هل من الممكن انت و ابنك تقعو فى حب امرأة واحدة ؟ و لو حدث ايه رد فعلك ؟
أزاى يعنى هحب بت فى ثانوى ؟؟؟
لو حدث يعنى هقوله شيل انت ... أنت أولى

9/ قالت الست شادية الله يمسيها بالخير " القلب يحب مرة ميحبش مرتين " ..
وعن أم كلثوم – رضى الله عنها – أنها قالت :
القلب يعشق كل جمييل ...وياما شفتى جمال يا عين :smile01

ايه رأيك فى الكلام دة يا روميو ؟
روميو ؟؟ ...أنا مش روميو خاااالص

10/ ايه اكتر حاجة فيك بتلفت نظر بنات حوا ؟
" الصلعة " ع النبى ...بس لاحظت لما باحلج حلجة " حسام حسن "
البنات بتقع ع الصفين ...

11/ بما انك راجل لك خبرة فى الحياة .. و على حسب كلامك ان البنات متغيروش حتى فى ايامنا الهباب تيي ..
اوصف بنات حوا فى صفحات قليلة ( خلى الشباب يستفيدو يا خبرة )
صفحات قليلة ؟؟؟
لأ اقدر أقولك المختصر المفيد ...الست – أى ست – بتحب الكلمة الحلوة
وبتحب اللى يدادى فيها ويطبطب عليها ويدلعها طبعا بطبيعة الحال
وفى نفس الوقت بتحب الرجل القوى وقت الجد ...
تستوى فى هذا الوزيرة مع مرات البواب ( مع أحترامى طبعاً لكل مهنة شريفة )
القصد أنه مهما كانت شخصية المرأة أو ثقافتها أو منصبها الأدارى ...كلامى عن الشخصيات السوية بطبيعة الحال ...
ولا يمنع من وجود استثناءات فى القاعدة
قلة قليلة مُندسة ومحسوبة بالخطأ على عالم الأنوثة ...

خلصو اول 11 ليا ... يلا جاوب و اسيبك مع كتكوتى الصغننة و ليا عودة ( قولى ترجعى بالسلامة بقا )

بالسلامة بقى ....:bud:

 

[sha2awet 2alam]

2/ كام امرأة ملكت قلبك و لم تسطتع الزواج بها ؟ و ماهى العوائق ؟
السؤال دة سألته قبلك ( أم تتر ) ..ولكن لا مانع فى الأجابة عن الشق الثانى ( العوائق ) :
واحدة بقى ياستى أكتشفت أنها ( دلوعة ) آخر حاجة ...خلعت
التانية أبوها طلع عبى وبيمشى ورا كلام الست ..خلعنى هو
التالتة كانت جوازة صالونات ...ماطقناش بعض أول القعدة مع ان البنت كانت أمورة ..

تؤ سؤال وايت كان عن بنات هما اللى حبوك و محصلش نصيب انا بسأل عن اللى انت حبيتهم و مش شرط يبقى الحب متبادل اصلا

 

[عبود عبده عبود]

تؤ سؤال وايت كان عن بنات هما اللى حبوك و محصلش نصيب انا بسأل عن اللى انت حبيتهم و مش شرط يبقى الحب متبادل اصلا

لأ شرط بقى يبقى متبادل
عندى انا شرط ...:smile01

 

[white.angel]

بقدر استمتاعنا بالحوار الجرئ دة ... بقدر انه بيمر بسرعه ... والامن الى الان مُستتب :boxing: ... نكمل ونقول الو :

1) لو بنت عجبتك وحبيت تغازلها ... هتقولها ايه ... يعنى ايام الشوباب .. كنت بتعاكس ازاى يا شقى :t23: ؟؟

2) هل تؤثر ملابس المرآه فى انطباعك عنها .. طيب ازاى :smile01؟؟

3) الى اى مدى يمكن ان تضحى من اجل امرآه :new8: ؟؟

4) تكمن قوة المرآه فى ضعفها .. ودموعها سلاحها .. من خلال خبرتك هل مؤيد او معارض مع الشرح ؟؟

5) جُنحة جواز ... ما الفرق بين حبك الحالى والزوجة التانيه :mus25: ؟؟

6) هل تقبل ان يكون لزوجتك اصدقاء رجال مقربون :bud:؟؟

7) ماهى اكبر معاناه تجدها عندما تتعامل مع امرآه :thnk0001: ؟؟

8) برأيك ماهو الفرق بين العلاقات العاطفيه داخل مصر وخارج مصر ... وفى الزمن القتشييم والزمن المهبب بتاعنا :mus13: ؟؟

9) اتعرفت ازاى على زوجاتك وحبك الحالى :smile01 ؟

10) متى تخلع عبائة الرجل المثقف لترتدى عبائة الرجل البدائى :giveup: ؟؟

11) من المرآه التى اجبرتك على البكاء حينما رحلت ؟

كدة انت برائه من عندى يا متر .. وكان لقاء حلو
واتمنى مش اكون غلست عليك :t23:
اسيبك مع حبيبتى
​

 

[sha2awet 2alam]

استاذنا عبود الجميل المميز الساخر بصورة لم ارها من قبل
منتدى الكنيسة بصراحة كل يوم يثبت تميزة بوجود اعضاء نادرا لما تلاقى مثلهم فى اماكن اخرى
عبود اى مداخلة لية فى موضوع او تعليق لابد ان تتجة الانظار اليها
متابع حوار الساعة مع المذيعيتين المتألقتين شقاوة ووايت
بس ياريت ميحصلش فى الاخرزى محصل مع جيهان منصور والعريان ههههههه

هههههههههههههه صدقنى لو هيقولى فى الاخر " حقك عليا " انا موافقة نتخانق دلوقتى ... اصلها من عوبد بتبقى حاجة تانية:t23:

منورنا يا جرجس

 

[MIKEL MIK]

من أفضل الحوارات اللي أستمتعت بيها
أسئله ذكيه وأجابات قويه جدااا
تحياتي ليكم
متااااابع ,,,​

 

[sha2awet 2alam]

من أفضل الحوارات اللي أستمتعت بيها
أسئله ذكيه وأجابات قويه جدااا
تحياتي ليكم
متااااابع ,,,​

ربنا يخليك يا مايكل .. تنورنا متابعتك

 

[عبود عبده عبود]

بقدر استمتاعنا بالحوار الجرئ دة ... بقدر انه بيمر بسرعه ... والامن الى الان مُستتب :boxing: ... نكمل ونقول الو :​

1) لو بنت عجبتك وحبيت تغازلها ... هتقولها ايه ... يعنى ايام الشوباب .. كنت بتعاكس ازاى يا شقى ؟؟
تصدقى بأية ؟ ...هتصدقى ان شاء الله
عمرى فى حياتى ماعاكست بنت لا فى شارع ولا فى حارة ولا حتى فى دكانة ...
لكن لو فيه بنت عجبتنى فى مكان عام أو نادى أو ماشابه وفيه فرصة لفتح حوار ...لاأتردد " متلقاً " ...:flowers:
وقريبا وعلشان خاطر عيونك هنزلك موضوع حصل بينى وبين واحدة فى إحدى المقار الحكومية ..!!:t33:

2) هل تؤثر ملابس المرآه فى انطباعك عنها .. طيب ازاى ؟؟
أيوة بتؤثر من ناحية الشياكة ...وعدم الأبتذال ...تنال أحترامى ومن المحتمل أن تنال مجاملتى الرقيقة ...
وحدث بالفعل مع وزيرة سابقة وفى مكتبها ولم أتردد فى الأطراء على شياكتها وشخصيتها ..:love34:

3) الى اى مدى يمكن ان تضحى من اجل امرآه ؟؟
الى مدى يمكننى التغاضى فيه عن نوم القيلولة لو أستدعى الأمر ..!!!:spor22:

4) تكمن قوة المرآه فى ضعفها .. ودموعها سلاحها .. من خلال خبرتك هل مؤيد او معارض مع الشرح ؟؟
الضعف أيوة ...الدموع الوحيدة اللى ممكن تأثر فيا هى دموع والدتى او بنتى ...بخلاف كدة ماباكلش منها ...
هى سلاح كثيراً ما يقع رجالاً ضحية نيرانه ..:blush2:

5) جُنحة جواز ... ما الفرق بين حبك الحالى والزوجة التانيه ؟؟
ومين اللى قال أن فيه حُب حالى ؟؟ ....هتوقفى سوقنا يا وايت :t33:

6) هل تقبل ان يكون لزوجتك اصدقاء رجال مقربون ؟؟
أصدقاء ....؟؟؟؟؟؟؟ ومقربون كمان ؟؟؟؟ ..وألا تقصدى زملاء عمل ؟
زملاء عمل دة عادى جداً طبعاً ...ولو فيه أمر طارئ بيتكلم ع البيت كمان أرضى أو حتى موبايل ..مافيش مشكلة
لكن أصدقاء من نوع ( دة متربى معايا ) و ( دة زى أخويا ) و ( راضعين على بعض ) و ( دة عمرى ما أفكر فيه ) والكلام دة ...!!!!!
باتحول الى الرجل الأخضر مع أضافة جاعورة من اللى قلبك يحبها
سلو بلدنا كدة ...

7) ماهى اكبر معاناه تجدها عندما تتعامل مع امرآه ؟؟
المعاناة الكبرى فى حاجتين – النكد والغباء ..

8) برأيك ماهو الفرق بين العلاقات العاطفيه داخل مصر وخارج مصر ... وفى الزمن القتشييم والزمن المهبب بتاعنا ؟؟
العلاقات العاطفية خارج مصر تتميز بالتحرر والأنطلاق وفى ذات الوقت تتميز بالثقة المتبادلة والأحترام والوفاء والصراحة...
ولما يحبوا يخلعوا من بعض بيعلنوها وش ...
( اواه عزيزتى سوف أهجرك ) واو عزيزى يالها من " سيربرايز " ..لأنى أنا كمان مش طايقة أومك ..!!!

جوة مصر بقى شيلى التحرر والأنطلاق ...وشيلى الثقة والوفاء ..
وكمان شيلى الأحترام ...وأنسى الصراحة ...وشيلى عزيزى وعزيزتى ..وانتى تبقى " زى الفُل " ...:t33:

9) اتعرفت ازاى على زوجاتك وحبك الحالى ؟
الزيجة الأولى كانت صالونات على خلفية من تعارف مسبق
الزيجة التانية كانت فى الأصل حب قديم و " من أول نظرة كمان " بالغيظة فيكوا ...وكنت عايش فى دور " روميو " اللى بيقف تحت شباكها بالساعات ..فرقتنا الأقدار وجمعتنا تانى ...

10) متى تخلع عبائة الرجل المثقف لترتدى عبائة الرجل البدائى ؟؟
لما أشوف أو أتعامل مع غباء مُطلق

11) من المرآه التى اجبرتك على البكاء حينما رحلت ؟
لم ولن يحدث ...

فى أنتظار آآآخر 11 سؤال علشان نروح نشوف أكل عيشنا

 

[عبود عبده عبود]

من أفضل الحوارات اللي أستمتعت بيها​

أسئله ذكيه وأجابات قويه جدااا
تحياتي ليكم

متااااابع ,,,​

أنت راجل ذوق ...سيبك أنت ...عقبالك لما تقع معاهم

 

[sha2awet 2alam]

ليك فى ذمتى 11 سؤال ... بأذن ربنا هنزلهملك بليل

 

[عبود عبده عبود]

ليك فى ذمتى 11 سؤال ... بأذن ربنا هنزلهملك بليل

ومش فاضى لك غير بالليل أنا
وأحتمال يصلك الرد صباح السبت ... إن أمكنا
صفصفت عليا انا وأنت يا جميييييييييييل :t33:

 

[sha2awet 2alam]

ومش فاضى لك غير بالليل أنا
وأحتمال يصلك الرد صباح السبت ... إن أمكنا
صفصفت عليا انا وأنت يا جميييييييييييل :t33:

ههههههه مش عايزاك تفضالى انا .. خليك مشغول ارحم :t33:
مش عارفة قلبى المؤمن بيقولى انك هتستفرد بيا و تدينى علقة مخدهاش حرامى فى جامع :smile02

 

[عبود عبده عبود]

ههههههه مش عايزاك تفضالى انا .. خليك مشغول ارحم :t33:
مش عارفة قلبى المؤمن بيقولى انك هتستفرد بيا و تدينى علقة مخدهاش حرامى فى جامع :smile02

بعد الشر عليكى م العولق والجوامع ..هو أنا أقدر يا دوك ؟
أقولك بلاش أسئلة ومشيها " محاليل " ..وسيبك من " عينات " الأسئلة اللى ببلاش دى :t33: