سبب العقاب.. هنا "التكـّة" اللي غايبة، أخي الحبيب، مش بس عنك عن ناس كتير. الكلام ده عايز دراسة كبيرة وبالأدلة الكتابية. لكن مؤقتا ح نحاول ببساطة نشرحها على نفس مثالك. الحقيقة هي إن لما جاكس كسر الشباك حصل بنفس القدر كسر تاني "جــوا" جاكس، "داخل" جاكس نفسه. المشكلة إنك إنت مش واعي أبدا إن كسر الشباك (الخطية) بيقابله جواك كسر مساوي تماما، بس عدم وعيك أو إحساسك بيه لا يعني عدم وجوده. هو ده نفس الكسر (الخطية) اللي لما بيزيد جواك تماما الكتاب بيسميه "انطفاء الروح"!
وهي دي أول تكة: إن الفعل خارج الإنسان يقابله أثر داخل الإنسان.
التكة التانية مبنية على الأولى، وهي أصعب شوية لكن ح نجيبها بعون الله:
فيه قانون مستخبي في سفر الأمثال 23 بيقول: "كما يفكر الإنسان في قلبه هكذا يكون"، أو "كما يشعر في نفسه هكذا هو". القانون ده معناه ببساطة إن الكسر اللي جواك ده لازم ينعكس براك. إزاي: مش مهم. أبو جاكس لما ضربه: الضرب ده هو انعكاس للمشكلة اللي "داخل" جاكس. ضرب جاكس سببه الوحيييييد هو الكسر أو الخطية أو بمعنى عام "المشكلة" اللي جوا جاكس، وليس أبدا السبب هو شكوى الجار أو غضب الأب أو أي شيء آخر خارجنا (كل اللي خارجنا ده بيحركه قانون السببية، يعني فيه الحقيقة هنا مجموعة قوانين بتكمل بعض وبتشتغل مع بعض، بس ده موضوع نشوفه بعدين).
تاني: كل الأحداث اللي حصلت في العالم الخارجي من كسر الشباك حتى وقوع العقاب (الشكوي والغضب والضرب وخلافه) كل ده هو مجرد "طريقة" واحدة من طرق لا تنتهي لتوقيع العقوبة، واللي هي في الحقيقة مش عقوبة أصلا، إنما "رد فعل مساوي في المقدار ومضاد في الاتجاه" للخطية. نفترض إن الشباك اتكسر لكن أبو البنت ماشتكاش وأبو جاكس لم يضربه. هل انتهت المشكلة؟ أبدا. ليه؟ لأن زي ما قلنا: المشكلة جوا جاكس مش في العالم الخارجي أساسا. بالتالي العقوبة (إذا جاز نسميها عقوبة) ح تيجي بألف طريقة تانية (لكن لازم تيجي): مثلا البنت اللي بيحبها جاكس ح تسيبه.. مثلا جاكس ح يطردوه من الجامعة أومن الشغل.. مثلا جاكس ممكن ياخد أي فيروس من الجو ويرقد عيان.. مثلا جاكس ممكن يتعرض لحادث من أي نوع.. ألف طريقة وطريقة لتحقيق "التوازن" داخل جاكس وخارجه، واللي اختل أصلا بسبب الخطية/كسر الشباك (وطبعا العكس صحيح لو كانت أعمال جاكس بالعكس كلها بر وصلاح وعطاء وهكذا).
لو فهمنا بس "التكتين" دول ح نفهم القوانين الرئيسية اللي بتحكم حياتنا كلها، والباقي بعد كده نتفاهم فيه: هل هو موت وللا ظلمة خارجية وللا أتون نار وللا بحيرة متقدة... كل ده مش مهم على الأقل في المرحلة دي. المهم بس تلقط إيه هو سبب العقوبة الحقيقي، واللي لو فهمناه ح نعرف أصلا إنها مش "عقوبة" بالمعنى القانوني أو البشري عموما.
إذن ربنا، المحبة، مطلق البر والصلاح والخير، مش بيعاقب حد ولا حتى بيعذب حد.. الحقيقة إن احنا اللي بنعاقب وبنعذب نفسنا بنفسنا، أو بالأحرى بجهلنا.
سامحني إذا طولت عليك، لكن طالما الموضوع ده لسه مفتوح وحي، ورغبتك حقيقية في الفهم، لازم يكون فيه "انعكاس" في الخارج للرغبة دي
، وأرجو بالعكس أن ترد على أخونا الحبيب وتكمل الحوار إذا كان هناك أي إضافة لأني شخصيا أستمتع بحوارك. في النهاية اسمح لي أكرر الخلاصة كما في كلماتك الرائعة: