عندك مشكلة " عاتييفية " نجرب نحلها سوا

[عبود عبده عبود]

عندك مشكلة " عاتييفية " نجرب نحلها سوا
حلال العُقد مغناطيس المشاكل معاكم ...
لا يوجد تحت السماء مشكلة بلا حل ...​

وبما أننا شعوب لديها ثقافة الشكوى تعالوا نجرب ثقافة الحلول ...

خطوات هامة لمواجهة المشكلة :

(1) - واجه المشكلة بالأبتسامة ...
أبتسم ...مهما كانت المشكلة وحجمها..ماتضربش كف على كف ...
وأنتى كمان ما تلطميش على وشك عشان الميك آب ( الصينى ) ما يبهدلش عينيكى ....
ولا تشدى شعر راسك ( عشان الصبغة ما تطلعش فى أيدك )

(2) أسأل ... أسألى نفسك ..أية أقصى حاجة ممكن تحصل يعنى ؟
عارفين ؟
ولا حاجة ...أقصى حاجة ممكن تحصل هى ( ولا حاجة )
أية اللى هيحصل ؟؟
هتسيبيه ؟
هتسيبها ؟ ..
هتسيبوا بعض أنتو الأتنين ( يُفضل برضه وتريحوا دماغنا )
يبقى مش مكتوب لكم تكونوا مع بعض ...
عرفتوا بقى انها ( ولا حاجة )
هنزعل شوية ونتنكد ونقول هجرتنى وهى تقول مسماحة والحاجات تتييى ؟؟

بكرة يجى لك سيد سيده .... تمرمطى بيه الأرض براحتك ..
وانت بكرة تتعرف على واحدة أحلى منها وتنكد عليها عيشتها
وتنفس عن العقدة اللى جواك تجاه بنات حوا ...

(3) لاتذهب الى الخمارة وتعمل لى فيها شكرى سرحان والا عبد الحليم حافظ

وانتى كمان ...
سيبك من شارع الهرم والكلام الفارغ دة ....
يعنى لما هتهزى وسطك هيرجع لك أسم النبى حارسه وصاينه ؟
والا هيقول عليكى كلام بطال ويبوس أيده وش وضهر
أنه خلع منك قبل ما يشتغل وراكى " طبال " ...؟!!

مين هيبدأ معانا بأول مشكلة ...أتجدعنوا أماااال ...
ياللا حد ينفعنا عشان أثبت لكم أن كلامى صح ...
مين هيستفتحنا ؟؟
وألا أستفتح أنا نفسى ؟؟

ملحوظة : ممنوع أستخدام الخاص ...:fun_lol:
:
:
:
:
:
:
:
:
:

:
:
:
:
( فيه حاجة أسمها موبايلات انتى وهى ) :new6::new6::new6:

 

[+Nevena+]

ايوه يا اسامه

البرنامج بتاعك اتاخر خالص علينا بصراحه
بس كويس انه جه

انا هابدا معاك واقولك مشكلتي
هجرني اهي اهي اهي ( تبكي بقهر ) بس كدا وكدل دلع بنات بقي
كل اللي انا عملته اني كنت بحبه ( وتبكي تاني ) ناويه علي ايه دي مش عارف
ما علينا نكمل
كنا ماشيين مره وايدينا متشبكه
وفجاه سابها عشان يولع سجاره
روحت زعلانه ازاي يسبني عشان سجاره
معقوله هي اهم مني عنده
للدرجه دي مش قادر يستغني عنها
وروحت مروحه وقفلت فوني كمان
وهو لا عبرني اصلا
بجد بجد اعصابي تعبت منه
قولي اعمل ايه معاه

 

[عبود عبده عبود]

ايوه يا اسامه

أسامة ميييين ؟؟؟
أنا ( عبود ) ياحولة ...

البرنامج بتاعك اتاخر خالص علينا بصراحه بس كويس انه جه

بدأنا الدلع وأنما ماليش فى الأنظمة تتيى ...قابلينى ورا المنتدى :new6:

انا هابدا معاك واقولك مشكلتي
هجرني اهي اهي اهي ( تبكي بقهر )

فى ستين داهية أخد الشر وراح ...:fun_lol:

كنا ماشيين مره وايدينا متشبكه
وفجاه سابها عشان يولع سجاره
روحت زعلانه ازاي يسبني عشان سجاره

عشان السيجارة بفلتر وانتى مافيش فلتر على بقك ..
نازلة رغى فى رغى لما صدعتى الواد ...ولع سيجارة
حقه ...

معقوله هي اهم مني عنده
للدرجه دي مش قادر يستغني عنها
وروحت مروحه وقفلت فوني كمان
وهو لا عبرني اصلا

يبقى السيجارة كانت محشية حاجة ....
شربها ...اشتغلت معاه ...شافك على حقيقتك

بجد بجد اعصابي تعبت منه
قولي اعمل ايه معاه

هديكى عنوان غرزة عطيطو بيبع صنف مضروب ...
أنزلى أشترى له توناية يلفها فى سيجارتين
هتبقى ( داليا البحيرى ) فى عينيه ...:flowers::love45:
:
:
:
اللى بعده والا اللى بعدها ....

 

[+Nevena+]

انت شحورت البت في الرد ياولدي
وعطيطو مين دا
ابو شفوره شغال معانا كويس واللي نعرفه احسن من اللي مش نعرفه
ههههههههههههههههه

 

[marcelino]

هو أيه ده ؟
​

 

[+Nevena+]

دا حد بيبع لبن مضروب مش تشتري منه
ههههههههههههههههه

 

[Critic]

عارفين ؟
ولا حاجة ...أقصى حاجة ممكن تحصل هى ( ولا حاجة )

سيبك انت , دى نقطة مهمة جدا , وعلشان الشخص يكون مدركها لازم يكون حاسس من الاول بامان وثقة اصيلة وبانى عليها علاقته , مش العكس , يعنى مش معتمد على العلاقة العاطفية علشان يستمد الاحاسيس دى ,, ما هو (هى) بيترعب وبيحس انها مش "ولا حاجة" وانها نهاية العالم علشان هو "اعتمد" على اللى قدامه , ومن هنا مرعوب لينفصل عنه وحياته "تنهار" !

 

[the shepherd]

طب يا استاذي بخصوص الي عنده فرااااااااااااااااااااااااغ عاطفي
مفيش اي حاجة ممكن تنصحه بيها
" احسن الدنيا مملة قوي من غير المشاكل العاطفية "
​

 

[عبود عبده عبود]

سيبك انت , دى نقطة مهمة جدا , وعلشان الشخص يكون مدركها لازم يكون حاسس من الاول بامان وثقة اصيلة وبانى عليها علاقته , مش العكس , يعنى مش معتمد على العلاقة العاطفية علشان يستمد الاحاسيس دى ,, ما هو (هى) بيترعب وبيحس انها مش "ولا حاجة" وانها نهاية العالم علشان هو "اعتمد" على اللى قدامه , ومن هنا مرعوب لينفصل عنه وحياته "تنهار" !

بالظبط كدة ...هى الصياغة فيها نوع من التبسط والسخرية المقصودة
لأن الكل بيعتقد ساعتها أن حياته توقفت وأنها خلاص مش قادر أو مش قادرة تكمل ...
لكن الحقيقة أنه عادى جداً أن لآ يحدث توافق بين طرفين ما ...
مش نهاية الدنيا ...
أى مشكلة لو فكرت فيها هى ( ولا حاجة ) بجد...
لأن النهار هيطلع والليل هييجى والحياة ستستمر شئنا أم أبينا
شكرا لأثراءك لموضوعى

 

[عبود عبده عبود]

طب يا استاذي بخصوص الي عنده فرااااااااااااااااااااااااغ عاطفي ​

مفيش اي حاجة ممكن تنصحه بيها ​

عندك فراغ عاطفى روح أملاه وتعالى لى أحل لك المشكلة ..
واتمنى ما يكونش عندك مشكلة ...:fun_lol:

" احسن الدنيا مملة قوي من غير المشاكل العاطفية "​

​

مش عارف لية شامم ريحة تريقة :new6:
والا يمكن عندى أنا زُكام ؟؟؟:fun_lol:
من غير العواطف ياشيبرد مايبقاش فيه دنيا من أصله ...
مش تقولى مملة ....
مُملة أية ياراجل ...دى مش عيشة أصلاً ...​

 

[عبود عبده عبود]

الموضوع ياجماعة مفتوح للجميع
مفتوح للرأى الهادئ والنصيحة العادية بأعتبارى رد ( عواطف )
ومافيش مانع أننا نسخر من مشاكلنا اللى فاتت
عشان ننتصر عليها
أعتقد أن الموضوع واضح كدة ؟

 

[عبير الورد]

فعلا احنا نضخم المشاكل وهي ولا حاااااجه
عشان كده هسيبه احسن ويا دار ما دخلك شر

 

[عبود عبده عبود]

فعلا احنا نضخم المشاكل وهي ولا حاااااجه
عشان كده هسيبه احسن ويا دار ما دخلك شر

عملتى طيب ...
أشوف لك غيره ؟؟؟:new6::new6::new6:

 

[عبير الورد]

عملتى طيب ...
أشوف لك غيره ؟؟؟:new6::new6::new6:

لا غيره ولا حاجه
احنا ناقصين هم؟؟؟

 

[white.angel]

انا معنديش مشاكل عاطفيه يا مستر عبود ...
بس هشارك بردو D:

من اكبر المشاكل المسببه للمشاكل العاطفيه :
(1) اننا فاهمين العلاقه العاطفيه غلط :
- شايفين الطرف التانى اله مش بيغلط
- متوقعين انه معندوش غيرنا فى الدنيا ..
مش وراه شغل او مشاكل او حياه وبالتالى بنواجه صدمات متتاليه
وخيبة امل لو حصل منه موقف بشكل عفوى او مقصود حتى

(2) اننا بنستعجل على العلاقه .. الولد او البنت يدخلو الجامعه ..
ويحسوا انهم كبروا .. يبقى لازم نحب بقى .. ونعيش حياتنا
ودة بيخلينا نغلط فى الاختيار ..
لان الهدف مش انى اختار شخص مناسب لحياتى ..
انما الهدف هو انى اعيش علاقه عاطفيه وخلاص ..

موضوع رائع يا مستر عبود ..
اول ما اتكعبل فى علاقه عاطفيه هعمل مشكله عشان اجيلك
​

 

[عبود عبده عبود]

انا معنديش مشاكل عاطفيه يا مستر عبود ... ​

بس هشارك بردو D:​

يخرب بيت مستر عبووود ...قولى

من اكبر المشاكل المسببه للمشاكل العاطفيه :
(1) اننا فاهمين العلاقه العاطفيه غلط :
- شايفين الطرف التانى اله مش بيغلط
- متوقعين انه معندوش غيرنا فى الدنيا ..
مش وراه شغل او مشاكل او حياه وبالتالى بنواجه صدمات متتاليه
وخيبة امل لو حصل منه موقف بشكل عفوى او مقصود حتى​

تمام التمام ....وهو ده بيت القصيد فعلاً ..​

لان الهدف مش انى اختار شخص مناسب لحياتى ..

انما الهدف هو انى اعيش علاقه عاطفيه وخلاص .. ​

ربنا يكملك بعقلك ياوايت ...

موضوع رائع يا مستر عبود ..
اول ما اتكعبل فى علاقه عاطفيه هعمل مشكله عشان اجيلك ​

فيه غطا بلاعة على باب المنتدى أوعى "تتكعبلى" فيه ...:smi420:

لكن مستر عبود قاعد على باب المنتدى ( مادد رجله ) ...:99:​

​

​

 

[عماد شحاته]

عبود موضوعك منور ملها الوساده الخاليه شغاله زي الفل وفيه منها نوع صيني ورخيص للي عايز يشتري ياعم فكك بلا عواطف بلا جملات كلهم بلا ههههههههههههههههههه

 

[بايبل333]

عم عبود والى عندة مشكلة عاطفية لسة لم تحصل .؟
شخص بيتعاطف معاطفة تعاطفية مع معطوفة ....
خايف يتكلم معاها علشان لا تعطف طريقة ويحزن
ربما تعطف طريقة وتفرحة .....
يريد أن يعمل التعاطف قبل ما ياتى عاطف يعطف طريقة ويكون عطفة ذهب
عندة احساس ان عطفة صحيح سيكون عطفة مع معطوفتة هو الصحيح
كل ما يفكر فى التعاطف يجدها حقيقاً لا خيالاً

فهل سينتظر عاطف يعطفة ام يخبرها ......

اها مشكلة عطفية متعطفة بالعواطف ......

 

[oesi no]

انقل الموضوع للترفيهى وانا اقولك مشكله

 

[+Nevena+]

قولها هنا يا جو وخلاص