Jonah - Chapter 2 | Latin Vulgate (Vulgate)

  • 1. {cf2 (2:2)} et oravit Iona ad Dominum Deum suum de utero piscis
  • 2. {cf2 (2:3)} et dixit clamavi de tribulatione mea ad Dominum et exaudivit me de ventre inferni clamavi et exaudisti vocem meam
  • 3. {cf2 (2:4)} et proiecisti me in profundum in corde maris et flumen circumdedit me omnes gurgites tui et fluctus tui super me transierunt
  • 4. {cf2 (2:5)} et ego dixi abiectus sum a conspectu oculorum tuorum verumtamen rursus videbo templum sanctum tuum
  • 5. {cf2 (2:6)} circumdederunt me aquae usque ad animam abyssus vallavit me pelagus operuit caput meum
  • 6. {cf2 (2:7)} ad extrema montium descendi terrae vectes concluserunt me in aeternum et sublevabis de corruptione vitam meam Domine Deus meus
  • 7. {cf2 (2:8)} cum angustiaretur in me anima mea Domini recordatus sum ut veniat ad te oratio mea ad templum sanctum tuum
  • 8. {cf2 (2:9)} qui custodiunt vanitates frustra misericordiam suam derelinquunt
  • 9. {cf2 (2:10)} ego autem in voce laudis immolabo tibi quaecumque vovi reddam pro salute Domino
  • 10. {cf2 (2:11)} et dixit Dominus pisci et evomuit Ionam in aridam
أعلى