Haggai - Chapter 2 | Latin Vulgate (Vulgate)

  • 1. {cf2 (2:2)} in septimo mense vicesima et prima mensis factum est verbum Domini in manu Aggei prophetae dicens
  • 2. {cf2 (2:3)} loquere ad Zorobabel filium Salathihel ducem Iuda et ad Iesum filium Iosedech sacerdotem magnum et ad reliquos populi dicens
  • 3. {cf2 (2:4)} quis in vobis est derelictus qui vidit domum istam in gloria sua prima et quid vos videtis hanc nunc numquid non ita est quasi non sit in oculis vestris
  • 4. {cf2 (2:5)} et nunc confortare Zorobabel dicit Dominus et confortare Iesu fili Iosedech sacerdos magne et confortare omnis popule terrae dicit Dominus exercituum et facite quoniam ego vobiscum sum dicit Dominus exercituum
  • 5. {cf2 (2:6)} verbum quod placui vobiscum cum egrederemini de terra Aegypti et spiritus meus erit in medio vestrum nolite timere
  • 6. {cf2 (2:7)} quia haec dicit Dominus exercituum adhuc unum modicum est et ego commovebo caelum et terram et mare et aridam
  • 7. {cf2 (2:8)} et movebo omnes gentes et veniet desideratus cunctis gentibus et implebo domum istam gloria dicit Dominus exercituum
  • 8. {cf2 (2:9)} meum est argentum et meum est aurum dicit Dominus exercituum
  • 9. {cf2 (2:10)} magna erit gloria domus istius novissimae plus quam primae dicit Dominus exercituum et in loco isto dabo pacem dicit Dominus exercituum
  • 10. {cf2 (2:11)} in vicesima et quarta noni mensis in anno secundo Darii factum est verbum Domini ad Aggeum prophetam dicens
  • 11. {cf2 (2:12)} haec dicit Dominus exercituum interroga sacerdotes legem dicens
  • 12. {cf2 (2:13)} si tulerit homo carnem sanctificatam in ora vestimenti sui et tetigerit de summitate eius panem aut pulmentum aut vinum aut oleum aut omnem cibum numquid sanctificabitur respondentes autem sacerdotes dixerunt non
  • 13. {cf2 (2:14)} et dixit Aggeus si tetigerit pollutus in anima ex omnibus his numquid contaminabitur et responderunt sacerdotes et dixerunt contaminabitur
  • 14. {cf2 (2:15)} et respondit Aggeus et dixit sic populus iste et sic gens ista ante faciem meam dicit Dominus et sic omne opus manuum eorum et omnia quae obtulerint ibi contaminata erunt
  • 15. {cf2 (2:16)} et nunc ponite corda vestra a die hac et supra antequam poneretur lapis super lapidem in templo Domini
  • 16. {cf2 (2:17)} cum accederetis ad acervum viginti modiorum et fierent decem intraretis ad torcular ut exprimeretis quinquaginta lagoenas et fiebant viginti
  • 17. {cf2 (2:18)} percussi vos vento urente et aurugine et grandine omnia opera manuum vestrarum et non fuit in vobis qui reverteretur ad me dicit Dominus
  • 18. {cf2 (2:19)} ponite corda vestra ex die ista et in futurum a die vicesima et quarta noni mensis a die qua fundamenta iacta sunt templi Domini ponite super cor vestrum
  • 19. {cf2 (2:20)} numquid iam semen in germine est et adhuc vinea et ficus et malogranatum et lignum olivae non floruit ex die ista benedicam
  • 20. {cf2 2:21)} et factum est verbum Domini secundo ad Aggeum in vicesima et quarta mensis dicens
  • 21. {cf2 (2:22)} loquere ad Zorobabel ducem Iuda dicens ego movebo caelum pariter et terram
  • 22. {cf2 (2:23)} et subvertam solium regnorum et conteram fortitudinem regni gentium et subvertam quadrigam et ascensorem eius et descendent equi et ascensores eorum vir in gladio fratris sui
  • 23. {cf2 (2:24)} in die illo dicit Dominus exercituum adsumam te Zorobabel fili Salathihel serve meus dicit Dominus et ponam te quasi signaculum quia te elegi dicit Dominus exercituum
أعلى