هى مش جوازة و السلام

[Strident]

ماشى أوكيه ح أتنازل عن مبدأ السفر كان للحلوين

لكن مبدأ الدراسات العليا و فرص العمل الجيدة كانت للحلوين

بس حتى و لو للحلوين و لا للوحشين

المشكلة ظهرت فى تقليل عدد الشباب المصرى:smil7:

فكانوا البنات المصريين يا أوختشى زى البنات أيام الحروب

حيث لا يوجد شباب لأنهم ماتوا فى الحرب

فإتبقى شوية شباب عندنا عندهم مبدأ العرض و الطلب

فينجعص كدة كدة كدة هو

و هو ولا يسوى حاجة

و يقعد على البساط و ينقى ست البنات :11azy:

المصيبة السودا إن البنات تنازلت ووافقت

فأخذت قفا جامد أوى:heat:

على فكرة بقى معظم الشباب عنده النظرة بالعكس تماماً!!

يعني يقول لك كان نفسي اخطب فلانة دي بس جالها عريس جاهز وخلصوا...او عريس من بره او عريس مسافر فخدته

 

[+إيرينى+]

على فكرة بقى معظم الشباب عنده النظرة بالعكس تماماً!!

يعني يقول لك كان نفسي اخطب فلانة دي بس جالها عريس جاهز وخلصوا...او عريس من بره او عريس مسافر فخدته

ما هو كمان مش جاهز و بص لواحدة أحسن منه

و لا إيه رأيك​

 

[Desert Rose]

هههههههههههههههههه بصى هو طبيعى بالنسبة للدراسات العليا ان اى بلد هتاخد المتفوقين علشان يكملو دراستهم عندها مش تاخد ناس متخلفين
وحتى ديه هى مقالتلهومش تعالو كملو دراستكو عندنا هما اللى راحو يكملو هناك زى احمد زويل مثلا لانها فرصة انه يكمل دراسته فى جامعات كبيرة وليها اسم

معتقدتش ان الموضوع ليه علاقة بأمريكا او بالهجرة بشكل عام
لسبب ان الشباب المصرى ( او كتير منهم ) حتى لو هاجر وعاش بره مش سهل عليه انه يتجوز اجنبية فغالبا كان بيروح مصر اجازات علشان يتجوز من بنات بلده بردو وهنا يشتغل بقا شغل الخاطبة وياخدوه من بيت لبيت علشان يتفرج على العرايس المٌعلبه :99: ( ماما حكتلى كتيييييييييير عن قصص بالشكل ده )

اعتقد مشكلة الجواز سببها حاجتين السبب الاول هو انه فيه اصلا ارتفاع فى سن جواز البنات فى العالم كله لاسباب زى التعليم وان البنت ممكن مش تكتفى بالجامعة بس وتحب تكمل تعليم وشغل والحاجات ديه
فيه سبب بقا تانى خاص ببعض الدول وهو الاسباب الاقتصادية
مع وجود مشكلة وتحجر غير عادى فى تفكير بعض الاهالى فى مصر وتفكير البنت نفسها ساعات انها عايزة وعايزة والتدقيق على حاجات ملهاش لازمة ساعات زى واحدة قريبتى اتجوزت من 3 سنين يمكن وبتكلمنى وبتقولى تخيلى روحت اجيب طقم الصينى مش عارفه بكذا الف جنية ولحد دلوقتى عمرى ما استخدمته ولا هستخدمه فى حياتى
ايه الطقم الصينى ده ؟ ايه لازمته فى الحياة ؟ وهنموت من غيره ؟ انتو بتفتحو بيت ولا متحف ؟

حاجة بقا اخيرة من ناحية القفا فكل البنات بتاخده سواء اختارت صح ولا غلط لان الجواز اصلا قفا كبييييييييييييييييييييييير :smile02:smile02:smile02

 

[+إيرينى+]

حاجة بقا اخيرة من ناحية القفا فكل البنات بتاخده سواء اختارت صح ولا غلط لان الجواز اصلا قفا كبييييييييييييييييييييييير :smile02:smile02:smile02

تؤتؤتؤتؤتؤ
فيه حد يقول كدة على الجواز
إخص

حرام عليكى

هوفيه أحلى من الجواز

30:

 

[Desert Rose]

تؤتؤتؤتؤتؤ
فيه حد يقول كدة على الجواز
إخص

حرام عليكى

هوفيه أحلى من الجواز

30:

على رأيك يا اوختى هو فيه احلى من الجواز هى البنت ليها ايه غير بيت جوزها ياختى يا ام فاروق :smile02:smile02:smile02
هى الست ايه غير جواز وعيال وشوية حاجات فوق بعض :99:

 

[R.O.R.O]

على رأيك يا اوختى هو فيه احلى من الجواز هى البنت ليها ايه غير بيت جوزها ياختى يا ام فاروق :smile02:smile02:smile02
هى الست ايه غير جواز وعيال وشوية حاجات فوق بعض :99:

ههههههههههه موتينى ضحك يا روز
​

 

[Strident]

ما هو كمان مش جاهز و بص لواحدة أحسن منه

و لا إيه رأيك​

ماعرفش انا سني مش كبير ومعظم اصحابي اللي خاطبين (في سني ده) بيبقى عن حب وبيكونو قادرين...

بس انا باقول اللي باسمعه يعني

لا هو ساعات على فكرة يكون كويس وكل حاجة...ويمكن هو احسن منها...
لكن الامهات بتحب بقى الجاهز...اللي هو يسافرو اجازة مثلاً لامريكا ويقعدوا في الكنايس ويشبطوا في واحد يحاولو يوقعوه

يكون مترستق هناك (بره يعني) وجاهز..انا اعرف واحدة هي سنها 20 وسافرت كانت هتتخطب لواحد دكتور في امريكا كان كبير اظن .... بس الموضوع ماكملش ورجعت بعد الاجازة ولسه اهي في اخر سنة في الكلية...

فاقصد اقول برضو ساعات الامهات تحب كده حاجات معينة

 

[+إيرينى+]

على رأيك يا اوختى هو فيه احلى من الجواز هى البنت ليها ايه غير بيت جوزها ياختى يا ام فاروق :smile02:smile02:smile02
هى الست ايه غير جواز وعيال وشوية حاجات فوق بعض :99:

تؤتؤتؤتؤ

إخص

هو دا بس الجواز

أومال فين اللامور

:36_3_18:

ههههههههههههه

 

[Strident]

حاجة بقا اخيرة من ناحية القفا فكل البنات بتاخده سواء اختارت صح ولا غلط لان الجواز اصلا قفا كبييييييييييييييييييييييير :smile02:smile02:smile02

تؤتؤتؤتؤتؤ
فيه حد يقول كدة على الجواز
إخص

حرام عليكى

هوفيه أحلى من الجواز

30:

انا ف دي مع ايريني...

بصراحة لو حد قال لي اني هاعيش عمري سينجل...وحيد كده انا اروح انتحر...

العيلة والجواز عندي مهممممة جداً...كابوس عمري اني اكبر لوحدي من غير شريكة عمر بصراحة!

اسحبي الكلمة يا ديزي حااااالاً

دي مش البنت بس....انا كراجل الحياة مالهاش معنى بصراحة من غير عيلة والاهم الزوجة

 

[+إيرينى+]

ماعرفش انا سني مش كبير ومعظم اصحابي اللي خاطبين (في سني ده) بيبقى عن حب وبيكونو قادرين...

بس انا باقول اللي باسمعه يعني

لا هو ساعات على فكرة يكون كويس وكل حاجة...ويمكن هو احسن منها...
لكن الامهات بتحب بقى الجاهز...اللي هو يسافرو اجازة مثلاً لامريكا ويقعدوا في الكنايس ويشبطوا في واحد يحاولو يوقعوه

يكون مترستق هناك (بره يعني) وجاهز..انا اعرف واحدة هي سنها 20 وسافرت كانت هتتخطب لواحد دكتور في امريكا كان كبير اظن .... بس الموضوع ماكملش ورجعت بعد الاجازة ولسه اهي في اخر سنة في الكلية...

فاقصد اقول برضو ساعات الامهات تحب كده حاجات معينة

ما هو بقولك الموضوع للجنسين

أنا مش متعصبة

هههههههههههههه

إنتوا طيبين و حلوين

و من غيركوا مافيش لامور 30:

 

[Desert Rose]

لامور ؟ لامور مين يا ايرينى ؟
دورة حياة البنت المصرية هى انها تتعلم وتدخل الجامعة ( مش ايمانا منها بالتعليم يعنى ولا حتى عيلتها مؤمنين بكده لا ابدا خالص لاسمح الله ) ده لتكملة المظهر الاجتماعى
تدور على عريس من سنة اولى جامعة هى ومامتها طبعا
تتجوز وتبقا فرحانة بيه اول شهرين تلاته يجو الاطفال تنساه لان خلاص هى عملت المهمه المقدسة وانجزت المهمه وقدرت انها توقع عريس وتتجوز قبل ما مدة صلاحيتها تنتهى
فالامور ده انتهى من زمان :99:


جونى ليش اسحبها ؟ ده رأيى شو خصك انت ؟ :t30::t30::t30::t30:

 

[+إيرينى+]

لامور ؟ لامور مين يا ايرينى ؟
دورة حياة البنت المصرية هى انها تتعلم وتدخل الجامعة ( مش ايمانا منها بالتعليم يعنى ولا حتى عيلتها مؤمنين بكده لا ابدا خالص لاسمح الله ) ده لتكملة المظهر الاجتماعى
تدور على عريس من سنة اولى جامعة هى ومامتها طبعا
تتجوز وتبقا فرحانة بيه اول شهرين تلاته يجو الاطفال تنساه لان خلاص هى عملت المهمه المقدسة وانجزت المهمه وقدرت انها توقع عريس وتتجوز قبل ما مدة صلاحيتها تنتهى
فالامور ده انتهى من زمان :99:

لا لا لا

لا يا شيخة

اللامور مستمر

هههههههههههه

و بعدين الموضوع فيه تبادل منفعة برضوا

 

[Desert Rose]

ههههههههههههه بالنسبة للمنفعة فبعد كام سنة جواز المنفعة بتبقا ماشية فى اتجاه واحد :smile02:smile02:smile02 او يمكن كمان مبيبقاش فيه اى منفعه اصلا فى اى اتجاه :99:

 

[Strident]

لامور ؟ لامور مين يا ايرينى ؟
دورة حياة البنت المصرية هى انها تتعلم وتدخل الجامعة ( مش ايمانا منها بالتعليم يعنى ولا حتى عيلتها مؤمنين بكده لا ابدا خالص لاسمح الله ) ده لتكملة المظهر الاجتماعى
تدور على عريس من سنة اولى جامعة هى ومامتها طبعا
تتجوز وتبقا فرحانة بيه اول شهرين تلاته يجو الاطفال تنساه لان خلاص هى عملت المهمه المقدسة وانجزت المهمه وقدرت انها توقع عريس وتتجوز قبل ما مدة صلاحيتها تنتهى
فالامور ده انتهى من زمان :99:


جونى ليش اسحبها ؟ ده رأيى شو خصك انت ؟ :t30::t30::t30::t30:

- يا سلام! طب مانا امبارح في المصطبة لما قلت ميلا ظريفة بس ملامحها مش هادية طلعتي لي العصيان! وانا كنت باقول رأيي برضو وماكنتش باقول انها وحشة يعني!

 

[girgis2]

و بعدين الموضوع فيه تبادل منفعة برضوا

منفعة آيه بقى ؟؟
​

 

[sha2awet 2alam]

6 صفحات يا مفتريين فى يومين !!

هلكتينى ضحك بموضوع الصلاحية دى .. انا بضحك ضحك السنين على صحابى و هما مخضوضيين ياعينى خايفيين اصلهم بيحسبوها بالارقام بقا و عايزين يلحقو :fun_lol:

اوقات بحس الموضوع مهين شوية فى جواز الصالونات لانه بيبقى اقرب صورة له العرض و الطلب .. هو عايز واحدة تليق على لون الانتريه و تخدمه و هى عايزة واحد يديها لقب و تلحق تبقى ام و يصرف عليها .. بغض النظر عن ان هدفهم الجواز نفسه مش الهدف بيكون الشخص فالشخص بيلعب دور البطل اللى اكيد له بدايل مهما كانت صعبة بس موجودة ماعلينا ..

بس اما بفكر فى شباب مغتربين و فعلا معندهمش حل تانى بعيد التفكير وضعهم صعب فعلا .. مفيش تعامل مع بنات عشان يحبو ولا فيه اوبشن تانى غير جواز الصالونات دة ..

بالنسبة لمثل ضل راجل ولا ضل حيطة اللى اخترعه اكيد حد مزنوق فى شتيمة للرجالة و دخلها فى مثل :99:

الكارثة الكبيرة مش فى كل دة .. اما تبقى فرحانة بانه مش بيشتم و لا بيكدب ولا بيدخن و تعتبرها مميزات ؟؟؟؟؟؟؟؟؟؟ من امتى الحاجة الطبيعية تعتبر ميزة ؟ هل فيه راجل مميز لمجرد ان عنده 2 عين و مناخير واحدة و بوق واحد ؟؟ .. المفروض الميزة تبقى حاجة جديدة !! ... و فين جزئية ارتياحها الشخصى من عدمه ؟؟ ولا هو اى راجل مش بيشتم ولا بيكدب يبقى حلو و يلا تتجوز ؟؟ فين الانجذاب و القبول ؟؟ فين اى حاجة تخليها تصبر عليه اما الزمن يفرمهم ؟؟

و على فكرة بقا طول عمرى بسمع ان الرجالة ماتو فى الحرب مسمعتش عن موضوع الهجرات دة هتغيريلى معلوماتى ليه :smile01

 

[+إيرينى+]

ههههههههههههه بالنسبة للمنفعة فبعد كام سنة جواز المنفعة بتبقا ماشية فى اتجاه واحد :smile02:smile02:smile02 او يمكن كمان مبيبقاش فيه اى منفعه اصلا فى اى اتجاه :99:

أكيد المنفعة شغالة على طول و من الطرفين

و بعدين مش أساسى يعنى إن كل الرجالة وحشين

أخويا مثلا واقع لشوشته فى مراته ...........عادى

بصراحة أنا فرحانة بكدة

 

[+إيرينى+]

منفعة آيه بقى ؟؟
​

عايز إيه يا جرجس :11azy:

ههههههههههههههه​

 

[+إيرينى+]

الكارثة الكبيرة مش فى كل دة .. اما تبقى فرحانة بانه مش بيشتم و لا بيكدب ولا بيدخن و تعتبرها مميزات ؟؟؟؟؟؟؟؟؟؟ من امتى الحاجة الطبيعية تعتبر ميزة ؟ هل فيه راجل مميز لمجرد ان عنده 2 عين و مناخير واحدة و بوق واحد ؟؟ .. المفروض الميزة تبقى حاجة جديدة !! ... و فين جزئية ارتياحها الشخصى من عدمه ؟؟ ولا هو اى راجل مش بيشتم ولا بيكدب يبقى حلو و يلا تتجوز ؟؟ فين الانجذاب و القبول ؟؟ فين اى حاجة تخليها تصبر عليه اما الزمن يفرمهم ؟؟

الله يفتح عليكى يا أوختشى

و على فكرة بقا طول عمرى بسمع ان الرجالة ماتو فى الحرب مسمعتش عن موضوع الهجرات دة هتغيريلى معلوماتى ليه :smile01

عادى .........بأفهمكوا معلومات جديدة هههههههههههههههه

 

[iBassam]

الله يهدي البنات وبس
الجواز مو بس اطفال !
الجواز تفاهم و طبعا مافي احد كامل ومافيه عيوب !