فى يوم من الأيام جاءت لى صديقتى تحكى لى أنه تقدم لها عريسًا
و قالت : تقدم لى عريسًا (نظام صالونات)
أنا : و ماله ، المهم تعرفى مميزاته و عيوبه و يا ترى مناسب و لا لأة
قالت : أقولك مميزاته
أنا :قولى يا ستى
قالت : ما بيشتمش
أنا : يااااااا
قالت : ما بيحلفش
أنا : ياااااااااااا
قالت : ما بيكذبش
أنا : يااااااااااااااااا و دول عرفتيهم إزاى يا روحى
قالت : سألت و عرفت
أنا : و إيه كمان
قالت : ما سرقش فى حياته كلها
أنا : معقولة ما سرقش واااااااااااااااااو ..............إوعى تقولى ما زناش
قالت : لا عمره ما زنى
أنا : يا شيخة .......ما تقوليش .............معقولة ؟؟؟و ديه عرفتيها منين ؟؟؟
قالت : أهو حسيت و خلاص
أنا : ماشى ............... و إيه كمان ؟؟؟
قالت : إيه إنتى مستنية حاجة تانى بعد كل اللى قولته
أنا : أيوة بصراحة .............هو ما فيش تانى و لا إيه ؟؟؟؟؟؟
قالت : لا .......هو إنتى مستنية حاجة معينة
أنا : لا أبدا ..............كنت بس مستنياكى تقولى إنه مش مأبون أو على الأقل لم يقتل فى حياته كلها
و يبدو أنها فهمت إنى كنت أتريأ فى كل ردودى السابقة
و قالت : ح نهزر
أنا : لا أبدا .............أنا ما بهزرش....أصل مش ناقص غير إنك تقولى إنه ملاك
قالت : إنتى عايزة واحد ما بيشتمش و ما بيحلفش و ما بيكذبش يبقى إيه ؟؟؟ ......طبعا ملاك
أنا : بجد ..............طيب ربنا يهنى سعيد ب سعيدة
قالت : ح نتريأ بأة
أنا : يا حبيبتى
المميزات مش بس فى عدم فعل الأخطاء و لا إحنا وصلنا لمرحلة : من أجل كثرة الإثم تبرد محبة الكثيرين
إنتى ما تكلمتيش خالص عن علاقته بربنا .......هو فين منها
ما تكلمتيش عن عائلته و لا عن ثقافته و لا عن تفكيره و لا عن مجتمعه
إعرفى كل حاجة عنه و بعدين قولى مميزاته
ما تندفعيش فى الأول كدة
إصبرى
هى مش جوازة و السلام
:love45:
قالت : البنت لها عمر إفتراضى للانجاب و لازم ألحق
أنا : صدقينى العانس أفضل مليون مرة من المطلقة
و ما تقولي عشان ما فيش طلاق فى المسيحية إن ما فيش ناس مسيحيين بيطلبوا الطلاق فى المحاكم
لا يا حبيبتى روحى إدخلى المجلس الاكليريكى و شوفى كمية الازواج المطلقين أد إيه ؟؟؟
إنتى يمكن ما روحتيش هناك و لا عارفة
هى مش جوازة و السلام
+++++
الكلام طبعا موجه للجنسين
ايريني برضو مستغربة من تصرف البنت وعشان كده كاتبة الموضوع