نعم لنار مبارك ولا لجنة الاخوان ...!!!!

[Dona Nabil]

استبدلنا القاتل بالسارق واحتفلنا بالنصر !!!
ولانه لا يصح البكاء عى اللبن المسكوب ليس امامنا الان سوى الاستعداد
فلنصلى ونصوم ونطلب الرب ليأتى ويكون وسطنا
نحن فى حاجه لمعونه الهيه كبيره لكى نمر بهذه الفتره الحرجه
ولنمسك فى يد الرب ولا نتركه وليكمل ضعفنا بقوته
لا نريدها حياه اسلاميه بل نريدها سلميه كما كان معتنقى الثوره ينادون
لا نريد فقد هويتنا القبطيه تحت وطء اضطهاد أو تهديد
سنظل اقباط مهما حدث
وربنا موجود


هو اللي بيقلقني بجد
ان الأغلبية من الشعب بيعانوا من أمية وجهل وفقر مدقع
(أنا عارف ان حتى دا بسبب النظام القديم بغبائه السياسي)
بس دي بيئة خصبة لاقناعها بالجنة وملذاتها وراحتها وشعارات الدين الرنانة اللي زي كدة وبالشكل دا تجنيدها سهل لمصلحة تولي حكم راديكالي

في حين اللي قاموا بالثورة ناس متعلمين وفاهمين بس دول قلة مش أغلبية

والمشكلة هنا مش في انتخابات الرئاسة وبس لا
كمان في انتخابات مجلس الشعب القادمة
لأن ما هو الوضع لو كان أغلبية المقاعد اخوان ولا سلفيين والرئيس وسطي معتدل
سعتها الراديكالية هي اللي هتعلى على الوسطية

على العموم زي ماقولتي علينا الاستعداد والصوم والصلاة
وربنا موجود

دام لنا قلمك المبدع دونا

وعشان محدش من مؤيدي الثورة يزعل بلاش نسبق الأحداث
​

سنظل اقباط مهما حدث وكلنا شهداء تحت الطلب
ربنا ما يجيب زعل بين الاخوات
شكراا لمرورك الغالى
ربنا يعوضك

 

[esambraveheart]

عاش الرئيس الشرعي للبلاد محمد حسني مبارك
فعلا نارك و لا جنة ثورة الغش و هبل ثوار الغفله​

 

[Dona Nabil]

لا للاتنين
لو انا رايح ناحية التلاجة اشرب ووقعت على وشى مش هقول المية دى فقر بلاش اشرب منها
كون ان ناس تستغل الحرية غلط مش معناه انى اقول نعم لمبارك ابدا
لا للاتنين
وليه لازم نختار بين اتنين وحشين اصلااا والاقباط نفسهم لو اتجمعو كلهم فى الثورات يقدروا يحققوا حاجة
عشن مبارك يمشى مات كتير وسرنا كتير وعشن الاقباط ياخدوا حقهم لازم ناس تموت ولازم نخسر حاجات بس نصبر للنهاية
ايام مبارك كانت قرف قرف بس بدل ما كان مكشوف كان مستخبى عشن شكلنا يبقى حلو قدام العالم بس طظ فى شكلنا لو كانت دى عيشة

وووووووووووكانت النتيجه اننا هدينا المعبد ع راسنا يا جيلى
ادينا متجمعين وبدأ الكلام عن التدخل الاجنبى يبقى واقع بيفرض نفسه لحماية الاقباط
ومفيش فى ايدينا غير الصلاه علشان ربنا يرحمنا

 

[Dona Nabil]

قبل اى شىء دعونا نرى لماذا قامت الثورة وماذا كانت اهدافها
قام الشباب المصرى بثورتة فى محاولة القضاء على الفساد والظلم الاجتماعى الجاثم على صدرونا منذ سنوات طويلة وكان شعارات الثورة عيش - حرية- عدالة اجتماعية ...وقد نجح بصورة لم يتو قعها احد على الاطلاق وقدم فى سبيل ذلك النجاح مئات الشهداء والالاف الجرحى
نعم نجحت الثورة فى اقصاء النظام الفاسد ولكن لاسف لم تنجح فى غير هذا حتى الان
لم تحقق اى جزء صغير من اهدافها المرجوة حتى الان ودعونا نتفائل قليلا ونقول ان الفترة صغيرة على حدوث تغير
لكن دعونا نتفق ان الثورة لم يكن فى حسبانها ابدا ان تواجة عراقيل مثل الاخوان والسلفييين والبلطجة والانفلات بهذة الصورة
للتيقظ فقط انا اقصد بالثورة يوم 25 يناير اما من يوم 28 يناير فقد انقلبت لمسمى اخر وانسحب البساط تماما من تحت ارجل الشباب المثقف الواعى الذى قام ببذر بذور هذة الثورة
وحاول شباب 25 يناير ان يعيد الدفة الى جزء من حالتها الطبيعية ولكنة فشل امام قوة التيارت الاسلامية المتشددة وهذا شاهدناة جميعا يوم اعتلى القرضاوى منصة ساحة التحرير واستولى عليها لوحدة فقط
من هنا ظهر ماكنا نخشاة جميعا
الجماعات التى كانت فى جحورها ظهرت واصبحت تتحرك بحرية بلا رادع لها ولن تترك هذة الفرصة تفلت منها لانها لن تتكرر ثانية ( مجرد راىء شخصى) لقد قمنا بهدم المعبد ليس على من يقيمون فية فحسب بل هلى انفسنا ايضا لن فى رايىء التغير لم يكن يجب ان يحدث بهذا الشكل
كان لا بد ان نقوم بهدم النظام القائم بصورة مرنة وتدريجية افضل من هذا
الانتقال السلمى للسلطة كان افضل حل فى رايىء
انة كان يتم تسليم مقاليد الرئاسة من رئيس الى رئيس افضل كثيرا من يكون هناك فراغ بهذا الشكل المخيف
ونتيجة لهذا ماذا جنينا حتى الان نحن من ماحدث
اصبحت الساحة لايوجد بها سوى التيارات الدينية الوهابية الا رهابية
اجهزة الدولة اصبحت من الضعف بحيث لم يكن لها دور ولن يكون لفترة طويلة فيما يحدث من احداث
كلنا نتذكر بالطبع كارثة هدم كنيسة اطفيح ولكن صدقونى الكارثة الاكبر فى كيف تم التعامل مع الحدث وكيفية بناء الكنيسة لن اقول كيف سوف اترك لكم انتم تفسيرها اذا اردتم
طبعا ماحدث فى امبابة لا يحتاج الىتعليق
فى النهاية ليس معنى كلامى انى ضد الثورة وامقتها
كلا بالطيع من منا يكرة الحرية وان يعيش بصورة افضل
اتمنى ونطلب من الهنا ان يدبر حال بلدنا العزيز علينا
نعم عزيز علينا فمصر فى هذة المحنة من منا لم يخاف عليها ؟
وتوارت كلمات وانا مالى وتولع وغيرها
اطلت عليكم كثيرا فاعتذر
شكرا دونا هلى الموضوع الرائع هذا

اكبر دليل على ان الثوره دى هشه ان كل شىء فيها اتغير اهدافها بعد ما كانت اهداف جماعيه اتحولت لاهداف فئويه وتخليص حسابات
بعد ما كان السعى لتطوير البلد ودعها للامام عمالين نرجع لورا قربنا نعيش العصور الحجريه من جديد
الوجوه الشابه اللى بدأت الثوره اختفت واتبدلت بوجوه كان مكانها فى الجحور
ربنا يستر بجد من اللى جاى
نورررررررت بجد

 

[Dona Nabil]

بجد بقي كتير كدا حذف الردود يعني؟؟؟؟؟؟ طب عدلوها طيب انما مش كل ما اجي اكتب كلمه تمسحوها بقي!!!​

عزيزتى الرد اللى اقتبستيه ورديتى عليه تم حذفه وبالتالى كان لازم ردك يتحذف خصوصا انك معلقتيش بولا كلمه على الموضوع كلامك كله كان رد ع الاخ اللى راح لحاله
ومش معقوله تفكرى ان ردك اتحذف لانه مخالف لرأيى لان الموضوع زى ما انتى شايفه فى ناس كتير رأيها مخالف وتم الرد عليهم عادى

 

[esambraveheart]

كل شىء فيها اتغير اهدافها بعد ما كانت اهداف جماعيه اتحولت لاهداف فئويه وتخليص حسابات

الوجوه الشابه اللى بدأت الثوره اختفت واتبدلت بوجوه كان مكانها فى الجحور

مش برضه عندي حق لما باقول عليها" ثورة غش " ؟؟؟؟؟؟؟؟؟؟​

 

[Dona Nabil]

الله ينور يا دونا قولتى كلام مهم بس اللى يفهم ..

ربنا معاكى فى الردود
​

ميرررسى يا مارسووو ع الرد والتقييم
وانت كمان موضوعك بجد هايل ورجعت اقراه اكتر من مره
ربنا يباركك

 

[Dona Nabil]

عاش الرئيس الشرعي للبلاد محمد حسني مبارك
فعلا نارك و لا جنة ثورة الغش و هبل ثوار الغفله​

خلاص بقى يا عصام راح لحاله
ربنا يرحمه ويرحمنا معاه

 

[Dona Nabil]

مش برضه عندي حق لما باقول عليها" ثورة غش " ؟؟؟؟؟؟؟؟؟؟​

اكييييييد وعلى فكره الثوره ابتدت تفقد كتير من شعبيتها ومصداقيتها عند كتير من الاعلاميين والمثقفيين