من سنرشحه لحكم مصر ....... فقره بكائية ...!!!!

[WooDyy]

احنا شعب عاطفى ومش منطقى

يعنى برغم ان السيسي قال مش هترشح ودة كويس لموقفه طبعا

تلاقى ناس بردو تقولك مافيش غير السيسي وعملوا حمله ترشيحات

لا وعملوا حمله توقيعات لترشيحه !!!!!!!

مافيش عقل ولا تفكير خالص .. العواطف بتسوق الناس دى

المهم .. المرشح المُنتظر لسه شخص مش معروف والتكهنات الحاليه مالهاش لازمه

 

[Strident]

أشكرك أستاذ صوت صارخ

أما وقد طلبت رأيى فاسمح لى فى القول بعد متابعة الفترة الماضية بخرابها وأحزانها أننا نحتاج شعب أولا قبل أن نحتاج رئيس
فإن كان لابد فأرى أن شخصية معتدلة مثل محمد سليم العوا يمكن أن تقود المرحلة المقبلة
خاصة أنه ليس محسوبا على أى من التيارات الموجودة على الساحة

بس العوا فيه مشكلتين رئيسيتين:


1- الكذب سهل اوي عنده (اسلحة الكنائس ورجع فيها علطول لما اترشح للرئاسة)

الكذبة الاخرى انه اصلاً انكر انه اتكلم ضد المسيحيين وبيقول لك دول حبايبي وعمري ما قلت عليهم كذا

الكذب مشكلة كبيرة فازاي تثق فيه ده؟


2- العوا ﻻ يؤمن بمساواة بين المواطنين المسلمين والاقباط فكيف تتوقع ان يصطف وراه الاقباط وغير المسلمين كلهم دون محاولة اسقاطه لانه تهديد ليهم وعلى حياتهم؟

 

[WooDyy]

أشكرك أستاذ صوت صارخ

أما وقد طلبت رأيى فاسمح لى فى القول بعد متابعة الفترة الماضية بخرابها وأحزانها أننا نحتاج شعب أولا قبل أن نحتاج رئيس
فإن كان لابد فأرى أن شخصية معتدلة مثل محمد سليم العوا يمكن أن تقود المرحلة المقبلة
خاصة أنه ليس محسوبا على أى من التيارات الموجودة على الساحة

العوااااااااااااا ؟؟؟؟؟؟؟؟؟؟؟؟؟؟؟؟؟؟؟

هههههه

ردك مش معناه غير انك بتستخف بعقولنا !!!!

 

[اوريجانوس المصري]

يوجد مجموعه من الناس تنساق الي اي اسلامي بدون التفكير الجيد في شخصه كانه مفتاح الفرج

​

 

[Desert Rose]

فكرة الزعيم دي نفسها انا رافضها تماما

انا عايز واحد يعمل مؤسسات ويغير دماغ الشعب ويلغي فكرة الزعيم و يحط بجمالها الحريات وكده

وعشان كده باقول البرادعي

مقصدش بالزعيم , فكرة الزعيم اللى فى دماغك , مش لازم كل زعيم يبقا ديكتاتور
الزعامة صفة فى الشخصية , تخليه قائد ويلهم شعبه ناحية حلم قومى للافضل
الشعب بعد اى ثورة واى تغيير كبير , محتاج لتوحيد , واللى يقدر يعمل كده هو شخص تتميز شخصيته بالزعامة وحب البلد والحلم
مانديلا كام زعيم , ولازال زعيم
اتاتورك كان زعيم , واسم اتاتورك ده مش اسمه اصلا , ده لقب اداه ليه البرلمان التركى بعد ما مات , ومعناه ابو الاتراك
مش كل حاجة نرفضها لمجرد الاسم , لازم نعرف الفكرة من وراها
والبرادعى لا زعيم ولا حتى بواب ولا عنده شخصية ولا عنده فكر
وده رأيى فيه من الاول
بس لما كنت بشوف الناس بتحبه كنت بفتكر انى غلط
بس اهو اثبت بجبنه , انه فعلا شخص مينفعش فى حاجة
وربنا بس اللى يعلم ليه هو بيتصرف التصرفات ديه
لكن هو من بداية الثورة ماشى بمبدأ اى حاجة ماشية , لازم هو يدخل فيها يوقفها ويبوظها
انا اعرف اللى مش عاجبه حاجة , يعقد ويصلحها
مش يجرى ويقولنا لا مش لاعب
هو لعب عيال ؟
ولا فيه اهداف تانية ؟

 

[Desert Rose]

العوا شخصية معتدلة ؟؟؟؟؟؟؟
ده علشان قال ان فيه اسلحة واسود ونمور فى الكنايس علشان كده بقا معتدل ؟
امال مين اللى مقلوب ؟؟؟؟؟؟؟

 

[Strident]

مقصدش بالزعيم , فكرة الزعيم اللى فى دماغك , مش لازم كل زعيم يبقا ديكتاتور
الزعامة صفة فى الشخصية , تخليه قائد ويلهم شعبه ناحية حلم قومى للافضل
الشعب بعد اى ثورة واى تغيير كبير , محتاج لتوحيد , واللى يقدر يعمل كده هو شخص تتميز شخصيته بالزعامة وحب البلد والحلم
مانديلا كام زعيم , ولازال زعيم
اتاتورك كان زعيم , واسم اتاتورك ده مش اسمه اصلا , ده لقب اداه ليه البرلمان التركى بعد ما مات , ومعناه ابو الاتراك
مش كل حاجة نرفضها لمجرد الاسم , لازم نعرف الفكرة من وراها
والبرادعى لا زعيم ولا حتى بواب ولا عنده شخصية ولا عنده فكر
وده رأيى فيه من الاول
بس لما كنت بشوف الناس بتحبه كنت بفتكر انى غلط
بس اهو اثبت بجبنه , انه فعلا شخص مينفعش فى حاجة
وربنا بس اللى يعلم ليه هو بيتصرف التصرفات ديه
لكن هو من بداية الثورة ماشى بمبدأ اى حاجة ماشية , لازم هو يدخل فيها يوقفها ويبوظها
انا اعرف اللى مش عاجبه حاجة , يعقد ويصلحها
مش يجرى ويقولنا لا مش لاعب
هو لعب عيال ؟
ولا فيه اهداف تانية ؟

1- لو زي مانديلا ماشي....المهم يحط قواعد لدولة قائمة على الحريات وماتكونش على فرد Charismatic وخلاص

2- !!!!! انا فعلاً مصدوم.....ماهو لو حتى انتي شايفة كده في البرادعي يبقى اعتقد مالهاش فايدة اصلاً للكلام

يعني معندوش فكر؟! البرادعي معندوش فكر؟!

طب سؤال معلش: يعني كان مطلوب منه يعمل ايه؟ بايده ايه؟!

 

[Desert Rose]

لا متتصدمش ولا حاجة , انا حرة فى رأيى
واه معندوش فكر
وبكرة تعرف البرادعى ده كان محطوط ليه ومين اللى حطه
زى بالظبط دلوقتى لما الناس فهمت ايه مشكلة سوريا ومين اللى عايز يوقعها بعد ما كانو فاكرين ان اللى بيحصل هناك ثورة شعبية

وبالمناسبة ابقا راجع الكلام اللى قاله عبد الرحيم على على البرادعى قبل فض اعتصام رابعة , وعبد الرحيم قاله انا اتحداك يابرادعى انك هتستقيل لما الاعتصام يتفض وقد كان
يعنى مستقالش يعنى لما كان فيه اقسام شرطة بتضرب وكنايس بتتحرق , جه عند اعتصام مسلح وضميره تعبه اوى ؟
ليه ؟؟؟؟؟؟؟؟؟

هههههه كان مفروض يعمل ايه ؟ ما هو لو مش عارف يعمل حاجة يبقا ازاى هينفع يبقا رئيس لبلد فيها كمية المشاكل ديه ؟
عزيزي مانديلا حرر بلده من طغيان البيض وهو فى السجن
وده مش عارف يعمل ايه ؟ وهو كان معاه كل التأييد الشعبى ده ؟
امال لو كان زى مانديلا كان انتحر ؟
لولا دا سيلفا اسلتم البرازيل وهى مديونة وعلى الحديدة وخلاها من اكبر القوى الاقتصادية وهو مش معاه العلم بتاع البرادعى ده كان مجرد واحد بيمسح احذية
وده مش عارف يعمل ايه ؟
لما يبقا يعرف يبقا يجى يترشح

 

[Strident]

هههههه كان مفروض يعمل ايه ؟ ما هو لو مش عارف يعمل حاجة يبقا ازاى هينفع يبقا رئيس لبلد فيها كمية المشاكل ديه ؟
عزيزي مانديلا حرر بلده من طغيان البيض وهو فى السجن
وده مش عارف يعمل ايه ؟ وهو كان معاه كل التأييد الشعبى ده ؟
امال لو كان زى مانديلا كان انتحر ؟
لولا دا سيلفا اسلتم البرازيل وهى مديونة وعلى الحديدة وخلاها من اكبر القوى الاقتصادية وهو مش معاه العلم بتاع البرادعى ده كان مجرد واحد بيمسح احذية
وده مش عارف يعمل ايه ؟
لما يبقا يعرف يبقا يجى يترشح

هابقى اكمل الباقي بس انا مهتم بالحتة دي الاول:


1- هو ما اترشحش ومش هيترشح اصلاً

2- دي مش اجابة سؤالي....انا سؤالي ليكي: كان ممكن يعمل ايه؟ كان مطلوب منه ايه؟ هاتي لي 1، 2 ، 3 عشان افهم انتي واخدة عليه تقصير فين!

 

[Strident]

لا متتصدمش ولا حاجة , انا حرة فى رأيى
واه معندوش فكر
وبكرة تعرف البرادعى ده كان محطوط ليه ومين اللى حطه
زى بالظبط دلوقتى لما الناس فهمت ايه مشكلة سوريا ومين اللى عايز يوقعها بعد ما كانو فاكرين ان اللى بيحصل هناك ثورة شعبية

وبالمناسبة ابقا راجع الكلام اللى قاله عبد الرحيم على على البرادعى قبل فض اعتصام رابعة , وعبد الرحيم قاله انا اتحداك يابرادعى انك هتستقيل لما الاعتصام يتفض وقد كان
يعنى مستقالش يعنى لما كان فيه اقسام شرطة بتضرب وكنايس بتتحرق , جه عند اعتصام مسلح وضميره تعبه اوى ؟
ليه ؟؟؟؟؟؟؟؟؟

1- معندوش فكر؟ طب ابقي اقري تويتاته وكلامه كده من زمان واحكمي

2- ﻻ معلش انا اسف ﻻ اؤمن بالمؤامرة الكونية....وبشار ماهواش حلو اوي يعني هو حيالله ارحم م البهايم التانيين

3- الراجل اصلاً جابوه في المنصب بالعافية عشان محتاجينه واجهة وقبل! وقعد يقول لهم بلاش الفض بالعنف وبرضو مفيش فايدة ﻻزم يستقيل! امال يقعد عشان واحد (انا اول مرة اسمع اسمه) بيقول له اتحداك؟!

هو هنمشي البلد ب"اتحداك" ؟


4- اه للاسف....اصل الاعتصام ده ليه بعد سياسي كمان مش امني بس.....فساعتها يفرق هو يعمل ايه!

5- معلش انا اسف مش بارمي ودني للميديا البكائية ومش باتخيل ان العالم بيدور حوالين الاقباط ومؤامرة شيطانية ضدهم وتقسيم مصر بقى وبتاع

 

[Desert Rose]

على الاقل ميستقلش فى الوقت الحرج ده , وعلشان سبب زى ده
زعلان اوى ان اعتصام مسلح كان قاعد على قلب البلد ليه اسابيع اتفض ؟؟؟؟؟؟؟ واستقالته بقا هى الحل ؟
ولا هو كان بأستقالته ديه عايز يحرج مصر دوليا ؟ ويوصل رسالة للعالم ان الدولة المصرية دولة قمعية وعنيفة وان الجيش اللى عمل انقلاب والشرطة اللى مساعداه بتستخدم العنف ؟؟؟؟؟ فكر فيها كده , وهتلاقى ان ده سبب استقالته

ثانيا , الاخ الاستاذ البرادعى . ما هو كان فى الحكومة قبل الاستقالة بتاعته , عمل ايه انشاء الله ؟ ما هو كان فى الحكم
ايه يعنى الخطة ولا الحلم ولا الزفت , اللى هو عمله ولا قال عليه ولا اقترحه ؟
هو حد سمعله صوت غير فى التفاهات ومن على تويتر ؟
يعنى على الاقل مش لازم يكون عمل خطوات عملية على ارض الواقع
انما على الاقل يقولنا خطة , يحط خارطة طريق للبلد
يتكلم عن حلم , مشروع قومى فى دماغه لمصر
ان مصر مثلا ترجع تانى تبقا دولة زراعية
تبقا صناعية
تنشيط السياحة , ده احنا عندنا كنوز دول تانية مستعدة تبيع نفسها علشان يبقا عندها الاثار اللى فى مصر
اى حاجة يعملها , اى فكرة , يورينا مخه الذرى ده بيفكر فى ايه للبلد
عمل كده ؟ لا ؟ قال حاجة عليها القيمة لا ؟
كان مستنى ايه , ما انت دخلت الحكومة خلاص ؟
ولا هو كان داخل لاهداف تانية ؟؟؟؟؟؟؟؟ :t9::t9:

 

[Strident]

على الاقل ميستقلش فى الوقت الحرج ده , وعلشان سبب زى ده
زعلان اوى ان اعتصام مسلح كان قاعد على قلب البلد ليه اسابيع اتفض ؟؟؟؟؟؟؟ واستقالته بقا هى الحل ؟
ولا هو كان بأستقالته ديه عايز يحرج مصر دوليا ؟ ويوصل رسالة للعالم ان الدولة المصرية دولة قمعية وعنيفة وان الجيش اللى عمل انقلاب والشرطة اللى مساعداه بتستخدم العنف ؟؟؟؟؟ فكر فيها كده , وهتلاقى ان ده سبب استقالته

ﻻ معلش خليكي دقيقة شوية....

اللي احرجها هو اللي عملها بغشامة م الاول! واللي وصل الرسالة اللي عمل الفض بعنف وقتل ناس كتير فعلاً...
وبالتالي البرادعي ماكانش قدامه حاجة تانية والا هيفقد مصداقيته تماماً قدام العالم!

ومعلش بقى نتكلم بصراحة وTechnically:

هو مش ده قمع؟ ومش ده اسمه انقلاب؟ ومش فيه عنف استخدم؟!


انا ممكن اقتل دفاعاً عن نفسي، لكن يظل الفعل اسمه قتل.....العقوبة والنتائج حاجة تانية لكن متهيألي نانسي واحدة المفروض انها بتسمي الحاجات بمسمياتها مش بالمزاج

سبب استقالته انه خلاص مابقاش فيه اي حاجة ممكن يعملها وميقدرش يفقد اللي اتبقى من مصداقيته بمساندة حاجة زي دي!

ثانيا , الاخ الاستاذ البرادعى . ما هو كان فى الحكومة قبل الاستقالة بتاعته , عمل ايه انشاء الله ؟ ما هو كان فى الحكم

لو كان في الحكم فعلاً كان قدر يؤثر ويوجه.....لكنه كان مجرد واجهة (نائب رئيس....يا فرحتي....بيعمل ايه ده غير انه يبرر اخطاء السلطة؟) وهو كان فاكر انه هيقدر يؤثر لكن اكتشف ان هيتم استغلاله كواجهة فقط وبالتالي مكانش قدامه غير تصحيح غلطه من الاول وهو الاستقالة!

ايه يعنى الخطة ولا الحلم ولا الزفت , اللى هو عمله ولا قال عليه ولا اقترحه ؟
هو حد سمعله صوت غير فى التفاهات ومن على تويتر ؟
يعنى على الاقل مش لازم يكون عمل خطوات عملية على ارض الواقع
انما على الاقل يقولنا خطة , يحط خارطة طريق للبلد
يتكلم عن حلم , مشروع قومى فى دماغه لمصر
ان مصر مثلا ترجع تانى تبقا دولة زراعية
تبقا صناعية
تنشيط السياحة , ده احنا عندنا كنوز دول تانية مستعدة تبيع نفسها علشان يبقا عندها الاثار اللى فى مصر
اى حاجة يعملها , اى فكرة , يورينا مخه الذرى ده بيفكر فى ايه للبلد
عمل كده ؟ لا ؟ قال حاجة عليها القيمة لا ؟
كان مستنى ايه , ما انت دخلت الحكومة خلاص ؟
ولا هو كان داخل لاهداف تانية ؟؟؟؟؟؟؟؟ :t9::t9:

[/COLOR]

لا للاسف....اصل البرادعي حلمه كان مايهمش باقي المصريين....كان حلمه ان البلد تكون قايمة على حقوق الانسان وعلى الحريات....وان البني ادم والفرد والاقليات ياخدوا حقوقهم وحرياتهم كاملة...

ميعرفش ان المصريين ميهمهمش غير عجلة الانتاج[/COLOR]

 

[Strident]

على الاقل ميستقلش فى الوقت الحرج ده , وعلشان سبب زى ده
زعلان اوى ان اعتصام مسلح كان قاعد على قلب البلد ليه اسابيع اتفض ؟؟؟؟؟؟؟ واستقالته بقا هى الحل ؟
ولا هو كان بأستقالته ديه عايز يحرج مصر دوليا ؟ ويوصل رسالة للعالم ان الدولة المصرية دولة قمعية وعنيفة وان الجيش اللى عمل انقلاب والشرطة اللى مساعداه بتستخدم العنف ؟؟؟؟؟ فكر فيها كده , وهتلاقى ان ده سبب استقالته

ﻻ معلش خليكي دقيقة شوية....

اللي احرجها هو اللي عملها بغشامة م الاول! واللي وصل الرسالة اللي عمل الفض بعنف وقتل ناس كتير فعلاً...
وبالتالي البرادعي ماكانش قدامه حاجة تانية والا هيفقد مصداقيته تماماً قدام العالم!

ومعلش بقى نتكلم بصراحة وTechnically:

هو مش ده قمع؟ ومش ده اسمه انقلاب؟ ومش فيه عنف استخدم؟!


انا ممكن اقتل دفاعاً عن نفسي، لكن يظل الفعل اسمه قتل.....العقوبة والنتائج حاجة تانية لكن متهيألي نانسي واحدة المفروض انها بتسمي الحاجات بمسمياتها مش بالمزاج

سبب استقالته انه خلاص مابقاش فيه اي حاجة ممكن يعملها وميقدرش يفقد اللي اتبقى من مصداقيته بمساندة حاجة زي دي!

ثانيا , الاخ الاستاذ البرادعى . ما هو كان فى الحكومة قبل الاستقالة بتاعته , عمل ايه انشاء الله ؟ ما هو كان فى الحكم

لو كان في الحكم فعلاً كان قدر يؤثر ويوجه.....لكنه كان مجرد واجهة (نائب رئيس....يا فرحتي....بيعمل ايه ده غير انه يبرر اخطاء السلطة؟) وهو كان فاكر انه هيقدر يؤثر لكن اكتشف ان هيتم استغلاله كواجهة فقط وبالتالي مكانش قدامه غير تصحيح غلطه من الاول وهو الاستقالة!

ايه يعنى الخطة ولا الحلم ولا الزفت , اللى هو عمله ولا قال عليه ولا اقترحه ؟
هو حد سمعله صوت غير فى التفاهات ومن على تويتر ؟
يعنى على الاقل مش لازم يكون عمل خطوات عملية على ارض الواقع
انما على الاقل يقولنا خطة , يحط خارطة طريق للبلد
يتكلم عن حلم , مشروع قومى فى دماغه لمصر
ان مصر مثلا ترجع تانى تبقا دولة زراعية
تبقا صناعية
تنشيط السياحة , ده احنا عندنا كنوز دول تانية مستعدة تبيع نفسها علشان يبقا عندها الاثار اللى فى مصر
اى حاجة يعملها , اى فكرة , يورينا مخه الذرى ده بيفكر فى ايه للبلد
عمل كده ؟ لا ؟ قال حاجة عليها القيمة لا ؟
كان مستنى ايه , ما انت دخلت الحكومة خلاص ؟
ولا هو كان داخل لاهداف تانية ؟؟؟؟؟؟؟؟ :t9::t9:

لا للاسف....اصل البرادعي حلمه كان مايهمش باقي المصريين....كان حلمه ان البلد تكون قايمة على حقوق الانسان وعلى الحريات....وان البني ادم والفرد والاقليات ياخدوا حقوقهم وحرياتهم كاملة...

ميعرفش ان المصريين ميهمهمش غير عجلة الانتاج[/COLOR][/COLOR]

 

[Desert Rose]

1- معندوش فكر؟ طب ابقي اقري تويتاته وكلامه كده من زمان واحكمي

تويتاته ؟ ياعينى , وعمل ايه بقا بره التويتر ؟ يعنى ايه الخطة الفذة اللى هو عملها بره الكتابة على تويتر

2- ﻻ معلش انا اسف ﻻ اؤمن بالمؤامرة الكونية....وبشار ماهواش حلو اوي يعني هو حيالله ارحم م البهايم التانيين

تؤمن او ما تؤمنش فهى موجودة واللى مش شايف بكرة يشوف
واللى بيحصل ده متخططله من زمان من ايام 11 سبتمبر لما الظواهرى قال لامريكا اطلقوا ايدينا فى الشرق واحنا نسيبكم , وقد كان
هى ديه الصفقة
واللى مش شايفها , محتاج يقرا الاحداث كويس والتاريخ
وانا مالى ومال بشار حلو ولا وحش ؟
انا بتكلم عن اللى بيحصل فى سوريا , ثورة شعبية زى ما الناس كانت فاكرة فى الاول وكدب الاعلام , ولا هجوم ارهابى ؟
لما امريكا تبقا مساندة المجاهدين فى سوريا , على رأى السادات لما قالوله ان الشيوعيين اتفقو مع الاسلاميين عليك
قالهم الاتنين دول اتفقو مع بعض ؟ شوفتو مسخرة اكتر من كده ؟
اى امريكا بتخلص منهم هناك , وفى نفس الوقت بتهد فى الجيش السورى . يعنى بتضرب عصفورين بحجر

3- الراجل اصلاً جابوه في المنصب بالعافية عشان محتاجينه واجهة وقبل! وقعد يقول لهم بلاش الفض بالعنف وبرضو مفيش فايدة ﻻزم يستقيل! امال يقعد عشان واحد (انا اول مرة اسمع اسمه) بيقول له اتحداك؟!

لا هو مستقالش علشان عبد الرحيم قاله كده
هو استقال لاحراج مصر دوليا :99:
ولما هو استقال علشان مشاعره الرهيفه مستحملتش
مصر استفادت ايه بقا من استقالته ؟ لو هو بيحب البلد يعقد يصحح الاوضاع مش يجرى
لا ثوانى الاعتصام ايه ماله ؟ اتفض بالعنف ؟
ههههههههههههههه بما انك بتحب الغرب ومتخيل انهم ملايكة
تحب اجبلك صور وفيديوهات للشرطة فى امريكا ولندن واستراليا بتفض الاعتصامات اللى مش مسلحة ازاى ؟ ضرب وسحل وتقطيع
مفيش دولة بتحترم نفسها تسمح لاعتصام محدش طايقه يعقد ده كله
لا وكمان مسلح ؟ هى سايبه ؟

- معلش انا اسف مش بارمي ودني للميديا البكائية ومش باتخيل ان العالم بيدور حوالين الاقباط ومؤامرة شيطانية ضدهم وتقسيم مصر بقى وبتاع

لا المؤامرة مش حوالين الاقباط خاااااااااالص
ولا حوالين حد معين
مترميش ودنك لحاجة
بس انت لسه محتاج كتييييييييير علشان تعرف حقيقة حاجات كتييييييير
واول حاجة انت محتاجها تنزع الملائكية عن الغرب , واقصد بالغرب , السياسة الغربية , مقصدش طبعا الشعوب والحضارات

 

[اوريجانوس المصري]

كنت اظن ان امريكا هدف الاول حمايه الاقباط ولكني اكتشفت انها هدف الاول مصلحتها حتي لو في المقابل موت الاقباط

 

[Desert Rose]

ﻻ معلش خليكي دقيقة شوية....

اللي احرجها هو اللي عملها بغشامة م الاول! واللي وصل الرسالة اللي عمل الفض بعنف وقتل ناس كتير فعلاً...
وبالتالي البرادعي ماكانش قدامه حاجة تانية والا هيفقد مصداقيته تماماً قدام العالم!

ومعلش بقى نتكلم بصراحة وTechnically:

هو مش ده قمع؟ ومش ده اسمه انقلاب؟ ومش فيه عنف استخدم؟!


انا ممكن اقتل دفاعاً عن نفسي، لكن يظل الفعل اسمه قتل.....العقوبة والنتائج حاجة تانية لكن متهيألي نانسي واحدة المفروض انها بتسمي الحاجات بمسمياتها مش بالمزاج

سبب استقالته انه خلاص مابقاش فيه اي حاجة ممكن يعملها وميقدرش يفقد اللي اتبقى من مصداقيته بمساندة حاجة زي دي!

لا مش بالمزاج خاااااااااااالص
انت عايز اعادة تعريفات ياجونى للحاجات اللى بتؤمن بيها
وانا مستعدة اجبلك فيديوهات للشرطة فى اكبر الدول احترراما للحريات علشان تشوف بيفضو اعتصامات مش مسلحة ازاى
الحرية مش فى انى اشيل سلاح اهدد بيه الدولة والناس
الحرية مش فى انى استقر فى منطقة فى اعتصام مفتوح اهدد السكان واقرفهم فى عيشتهم والمفروض ان الدولة تفضل ساكته
فى دولة غربية ما , ناس عملت اعتصام لمدة كام ساعة وقفلت طريق عام وهما مش مسلحين , الشرطة جات سحلتهم بمعنى الكلمة

لو كان في الحكم فعلاً كان قدر يؤثر ويوجه.....لكنه كان مجرد واجهة (نائب رئيس....يا فرحتي....بيعمل ايه ده غير انه يبرر اخطاء السلطة؟) وهو كان فاكر انه هيقدر يؤثر لكن اكتشف ان هيتم استغلاله كواجهة فقط وبالتالي مكانش قدامه غير تصحيح غلطه من الاول وهو الاستقالة!

هههههههههه ياسلام ؟ عارف العذر اللى اقبح من الذنب ؟
يعنى واحد زى البرادعى يقبل على نفسه ليه يكون مجرد واجه لما عارف انه مش هيكون مؤثر
يعنى بره الحكومة مش مؤثر جواها بردو مش عارف يأثر
امال هيبقا مؤثر امته انشاء الله ؟؟؟؟؟؟؟؟:w00t:
وبعدين ازاى مكانش مؤثر ياجونى وهو اللى كان موقف عملية فض اعتصام رابعة رغم ان كل الرئاسة كانت موافقه على الفض ماعدا هو
يعنى القرار كان واقف بسببه هو بس
وعلى فكرة خطة الفض اتعرضت على سيادته قبلها ووافق عليها قبل ما تتعمل على طول
يبقا استقال ليه حضرته ؟

لا للاسف....اصل البرادعي حلمه كان مايهمش باقي المصريين....كان حلمه ان البلد تكون قايمة على حقوق الانسان وعلى الحريات....وان البني ادم والفرد والاقليات ياخدوا حقوقهم وحرياتهم كاملة...

ميعرفش ان المصريين ميهمهمش غير عجلة الانتاج

بجد ؟ حقوق الانسان لكل المصريين
مستقالش يعنى بتاع حقوق الانسان لما كان فيه اقسام شرطة بتتحرق وكنايس بتتحرق وناس غلابة بتموت وتتعذب فى اعتصام رابعة ؟
ولا دول مش انسان ؟ اشمعنا قلبه واجعه على فض الاعتصام بس ؟

فيه حاجة اسمها حقوق انسان لارهابيين ؟
تحب اجبلك ديفيد كاميرون رئيس وزراء انجلترا قال ايه ايام احداث الشغب بتاعت لندن , لما بس قالوله متعرضش صور المتهمين على الاعلام علشان حقوق الانسان ؟
قالهم انا هعرض الصور لانهم يستاهلو الفضيحة , ومحدش يكلمنى عن كلام فاضى عن حقوق الانسان لما الامر يتعلق بالامن
هو فيه حقوق انسان لارهابيين ؟
يعنى على كده بقا مفروض تطالب بأخراج المساجين من معتقلات ابوغريب وجوانتانمو , ما دول ضد حقوق الانسان وفيه بلاوى بتحصل هناك , ولا ايه رأيك ؟

 

[Strident]

تويتاته ؟ ياعينى , وعمل ايه بقا بره التويتر ؟ يعنى ايه الخطة الفذة اللى هو عملها بره الكتابة على تويتر

هو الفكر محتاج ايه اكتر من الكلام؟! انتي بتسألي عن الفكر مش كده؟! وﻻ بتسألي عن محارب هيركب حصان ويمسك سيف؟!!

تؤمن او ما تؤمنش فهى موجودة واللى مش شايف بكرة يشوف

كده يبقى مالهاش معنى المناقشة لانك بتفترضي حاجة وهتخليها موجودة بالعافية.....

يبقى مالهاش معنى المناقشة....

واللى بيحصل ده متخططله من زمان من ايام 11 سبتمبر لما الظواهرى قال لامريكا اطلقوا ايدينا فى الشرق واحنا نسيبكم , وقد كان
هى ديه الصفقة

ومين قال لك انهم هيدوهم فعلاً الصفقة دي؟!


معلش ماهو انا برضو مش هامشي ورا اشاعات زي "خريطة برنارد لويس"

وﻻ عمرو اديب لما يقول لك "الظابط بتاعنا"

واللى مش شايفها , محتاج يقرا الاحداث كويس والتاريخ
وانا مالى ومال بشار حلو ولا وحش ؟
انا بتكلم عن اللى بيحصل فى سوريا , ثورة شعبية زى ما الناس كانت فاكرة فى الاول وكدب الاعلام , ولا هجوم ارهابى ؟
لما امريكا تبقا مساندة المجاهدين فى سوريا , على رأى السادات لما قالوله ان الشيوعيين اتفقو مع الاسلاميين عليك
قالهم الاتنين دول اتفقو مع بعض ؟ شوفتو مسخرة اكتر من كده ؟
اى امريكا بتخلص منهم هناك , وفى نفس الوقت بتهد فى الجيش السورى . يعنى بتضرب عصفورين بحجر

اه كده ممكن نتكلم.....لو عايزة قصة سوريا اشرح لك نظريتي وتقولي انتي اذا كانت makes sense وﻻ ﻷ


انما تقولي لي مؤامرة كونية وامريكا بتحرك كل الخيوط وبتاع.....ﻻ سوري....مش باكل م الكلام ده

لا هو مستقالش علشان عبد الرحيم قاله كده
هو استقال لاحراج مصر دوليا :99:

افتراض لسوء النية وانا مش شايف اي دليل عليه! مش معنى ان رؤيته غيرك يبقى خاين وعميل!

انا مش مصدق ان الكلام ده طالع منك انتي!!

ولما هو استقال علشان مشاعره الرهيفه مستحملتش
مصر استفادت ايه بقا من استقالته ؟ لو هو بيحب البلد يعقد يصحح الاوضاع مش يجرى

عشان بيصحح الغلط اللي عمله من الاول وهو قبول المنصب ده....وطبيعي تصحيح الخطأ بيكون فيه خساير واكيد خسر...

كان فاكر انه هيقدر يأثر من جوه وهيقدر يوجه البلد لحل سياسي ولما لقى انه مفيش فايدة استقال بما تبقى من مصداقيته وضميره


هو مابقاش ف ايده حاجة اصلاً عشان يعملها....


لكن اللوم كله بقى على اللي حط البلد في الموقف ده


هو لما واحد يبقى سايق عربية والمستشار يقول له اقف اقف وخش من هنا الطريق ده بيقع ف النهر

والتاني سايق بكل سرعة وﻻ همه....ومفيش فايدة...والعربية وقعت فعلاً ف النهر، والمستشار معهوش ونش وﻻ غيره وعام بعيد، يبقى ساعتها هو الغلطان؟!!

مسخرة بالذمة!!

لا ثوانى الاعتصام ايه ماله ؟ اتفض بالعنف ؟
ههههههههههههههه بما انك بتحب الغرب ومتخيل انهم ملايكة
تحب اجبلك صور وفيديوهات للشرطة فى امريكا ولندن واستراليا بتفض الاعتصامات اللى مش مسلحة ازاى ؟ ضرب وسحل وتقطيع

يا نهاااري!! نانسي اللي بتقول الكلام ده؟!!

ده زي بالظبط المسلمين اللي يقولوا على فكرة بلاد بره برضو لسه بتميز ضد المرأة يبقى احنا زي الفل مش محتاجين نغير حاجة!!

يركزوا على نقطة غلط عندهم...فسفوسة اد كده ويكبرها اوي ويقول لك بص....اهو الغرب كمان بيعمل كده يبقى زعلان ليه بقى اننا بنقمع المرأة!

نفس المنطق وعجبي ان انتي اللي بتقولي كده!!

مفيش دولة بتحترم نفسها تسمح لاعتصام محدش طايقه يعقد ده كله
لا وكمان مسلح ؟ هى سايبه ؟

ماعتقدش مسلح دي اوي.....للامانة يعني

ماهو مينفعش تقولي ادعاء وانتي قاطعة عنهم الاعلام وكده....وكان فيه طريق اخرى للفض غير كده!

وحتى لو اتفض، برضو اسمه فض عنيف!

ولو الموضوع صح وحلو اوي كده....يبقى فين بقى الموقف المحرج اللي البلد فيه؟!

وبكده يبقى انتي بتنفي عن البرادعي تهمة انه احرج البلد لانه اصلاً مفيش موقف محرج!


شوية Consistency من فضلك!! اثبتي على موقف

لا المؤامرة مش حوالين الاقباط خاااااااااالص
ولا حوالين حد معين
مترميش ودنك لحاجة
بس انت لسه محتاج كتييييييييير علشان تعرف حقيقة حاجات كتييييييير
واول حاجة انت محتاجها تنزع الملائكية عن الغرب , واقصد بالغرب , السياسة الغربية , مقصدش طبعا الشعوب والحضارات

مش هاقول لك اني مش حاطط عليهم ملائكية....لكن ايه رايك تنزعي انتي الملائكية عن الجيش وعن بشار وعن وعن وعن؟!

 

[Strident]

لا مش بالمزاج خاااااااااااالص
انت عايز اعادة تعريفات ياجونى للحاجات اللى بتؤمن بيها
وانا مستعدة اجبلك فيديوهات للشرطة فى اكبر الدول احترراما للحريات علشان تشوف بيفضو اعتصامات مش مسلحة ازاى
الحرية مش فى انى اشيل سلاح اهدد بيه الدولة والناس
الحرية مش فى انى استقر فى منطقة فى اعتصام مفتوح اهدد السكان واقرفهم فى عيشتهم والمفروض ان الدولة تفضل ساكته
فى دولة غربية ما , ناس عملت اعتصام لمدة كام ساعة وقفلت طريق عام وهما مش مسلحين , الشرطة جات سحلتهم بمعنى الكلمة




هههههههههه ياسلام ؟ عارف العذر اللى اقبح من الذنب ؟
يعنى واحد زى البرادعى يقبل على نفسه ليه يكون مجرد واجه لما عارف انه مش هيكون مؤثر
يعنى بره الحكومة مش مؤثر جواها بردو مش عارف يأثر
امال هيبقا مؤثر امته انشاء الله ؟؟؟؟؟؟؟؟:w00t:
وبعدين ازاى مكانش مؤثر ياجونى وهو اللى كان موقف عملية فض اعتصام رابعة رغم ان كل الرئاسة كانت موافقه على الفض ماعدا هو
يعنى القرار كان واقف بسببه هو بس
وعلى فكرة خطة الفض اتعرضت على سيادته قبلها ووافق عليها قبل ما تتعمل على طول
يبقا استقال ليه حضرته ؟




بجد ؟ حقوق الانسان لكل المصريين
مستقالش يعنى بتاع حقوق الانسان لما كان فيه اقسام شرطة بتتحرق وكنايس بتتحرق وناس غلابة بتموت وتتعذب فى اعتصام رابعة ؟
ولا دول مش انسان ؟ اشمعنا قلبه واجعه على فض الاعتصام بس ؟

فيه حاجة اسمها حقوق انسان لارهابيين ؟
تحب اجبلك ديفيد كاميرون رئيس وزراء انجلترا قال ايه ايام احداث الشغب بتاعت لندن , لما بس قالوله متعرضش صور المتهمين على الاعلام علشان حقوق الانسان ؟
قالهم انا هعرض الصور لانهم يستاهلو الفضيحة , ومحدش يكلمنى عن كلام فاضى عن حقوق الانسان لما الامر يتعلق بالامن
هو فيه حقوق انسان لارهابيين ؟
يعنى على كده بقا مفروض تطالب بأخراج المساجين من معتقلات ابوغريب وجوانتانمو , ما دول ضد حقوق الانسان وفيه بلاوى بتحصل هناك , ولا ايه رأيك ؟

ﻻ ﻻ ﻻ ده فيه كوارث مكتوبة....هابقى ارجع لك بالليل!!


انا فعلاً مصدوم ان الكلام ده طالع منك!!!

 

[Desert Rose]

حبيبى ياجونى متقولنيش كلام مقولتهوش
لما قولتلك على حكاية فض الاعتصامات فى الدول الغربية بالعنف مكانش قصدى انا ده صح ومدام بيحصل هناك يبقا كده احنا تمام
لا خالص
انا كان قصدى حاجتين
1- ان حتى مع وجود الحريات , لكن فيه حاجت متفق عليها دوليا كل الدول بتتعامل فيها بنفس الطريقة
زى الاعتصامات المسلحة وقطع الطريق والاقتراب من منشأت الدولة
فى بعض الدول اللى بتحترم الحريات لو قربت من منشأة وانت اعزل والعكسرى قالك اول مرة امشى ومش رضيت تانى مرة بيضرب نار على طول
ده قانون دولة وقانون دولى , حقوق الانسان بيتم تعطيلها فى اوقات كتير علشان الامن القومى وده شئ متعارف عليه دوليا
هل انا مع قتل الشخص الاعزل ده وضرب النار عليه ؟
انسانيا اكيد لا
لكن امنيا , مفيش حل غير كده فى كل الدول

ثانيا , كان قصدى بالكلام على الدول الغربية . لانهم هما اللى كانو هايجين على فض الاعتصام , رغم ان هما نفسهم بيعملو نفس الحاجات وابشع
يبقا بتتكلمو ليه ؟ ايها الطبيب اشفى نفسك
علشان كده انا جبت الكلام عليهم
لكن ده مش معناه انى انسانيا مع القتل , او مع قتل اى انسان
انا بتكلم من وجهة نظر الامن القومى لاى دولة
زى بالظبط لما بلدى تدخل فى حرب , هل انا مع فكرة القتل حتى الاعداء ؟ اكيد انسانيا لا , بس امنيا بالنسبة لبلدى القتل فى الحرب شئ لابد منه , والا بلدى هتضيع
فهمت الفكرة ؟

ثانيا انا مش حاطة ملائكية على بشار ولا الجيش ولا الشرطة
متقولنيش كلام انا مقولتهوش
لما انت قولتلى بشار وحش , قولتلك انا مالى وحش ولا حلو , انا بتكلم على الوضع الامنى فى سوريا مش على حلاوة بشار
لكل مقام مقال ياجونى متدخلش المواضيع فى بعض
وانا كذا مرة اقول السياسة كلها لعبة قذرة وفيها تضحيات بالشعوب وبالناس وبدمهم علشان المصالح
مفيش حد ملاك اصلا فى السياسة
واللى ملاك مش هيرضى على نفسه يشتغل فى السياسة اساسا

لا ترجعلى ولا ارجعلك , انت فاهم كلامى غلط اصلا
ده غير انك محتاج اعادة تعريفات علشان تفهم المنظومات الدولية ماشية ازاى
لما تعيش فى الغرب اكتر , هتفهم اللى انا بقوله دلوقتى

 

[Strident]

ﻻ انا هارجع لك بالليل عشان فيه حاجات كتير ﻻزم تتفند...

لان كمان مصداقيتك عالية وفيه ناس هتمشي ورا كلامك وهي مغمضة فلو محدش شرح الغلطات اللي فوق كتير هيقعوا فيها

ومبدئياً فيه معلومات كتير اوي مغلوطة.....

متهيألي ماتصدقيش الاعلام المصري اوي كده