من سنرشحه لحكم مصر ....... فقره بكائية ...!!!!

[صوت صارخ]

كثيرا ما أفكر ..... ترى من الذى أرشحه ليتولى حكم مصر ..... ففشلت أن أجد من أرشحه ...... فقد سقطت كافة الوجوه في الوحل ....

الدكتور البرادعى ........ شخص أثبت أنه ضعيف ومتخازل .... بل ومتلاعب

صباحى ...... مازال يغنى على مووايل القضية الفلسطينية والحمساوية .....

أحمد شفيق ....... هرب وباع قضيته عشان مايتبهدلش ........

فاضل مين ..... مفيش غير الجرابيع ...... بائعى الآلهة وأنصاف الرجال ....

هل لديكم أحد ......؟؟؟؟

 

[oesi no]

مازلت اظن ان حمدين صباحى هو المرشح الانسب بالنسبة ليا
لو ترشح الفريق السيسي سيكسب الرهان
​

 

[R.O.R.O]

بتمنى ان السيسى يترشح
هو الوحيد اللى يستحق لقب رئيس مصر
مش لاقية حد غيره بصراحة بيحب البلد دى من قلبه بعيد عن اى نفوذ ومصالح

​

 

[Strident]

البرادعي وشششش وللأسف هيتحارب من الكل وهيستقيل قبل سنة لانه عايز ينضّف فعلاً

ومفيش حد غيره للأسف فمصر مش هتتحسن ع الاقل ال20 سنة الجايين دول

 

[soul & life]

انا فى الجولة الاولى كنت من مرشحين حمدين وفى الاعادة رشحت احمد شفيق
وبصراحة الاثنين مواقفهم فيها تخاذل سواء حمدين وكلامه وسلبيته وانضمامه لجبهة الانقاذ اللى مهياش جبهة ولا قادرة على انقاذ حتى نفسها من مواقف كتير مخجلة
واحمد شفيق اللى ساب البلد وريح دماغه وبقا بيراسلنا عبر الاقمار الصناعية

كمان السيسى بصراحة خايفة عليه من انه يرشح نفسه كده هيأكد الاقاويل اللى بتتقال عليه وانه من البداية طمعان فى السلطة وهيكون فى انشقاق اكتر ما احنا منشقين محتاجين زعيم وحتى هذة اللحظة لا اجد اى زعماء على الساحة .. غير السيسى
ومن وجهة نظرى لا اؤيد ترشيحه على الاقل فى هذة المرحلة

 

[Desert Rose]

مصر تتميز ان مفيش حد بيحبها بجد , للاسف صدقونى
كل واحد بيدور على مصلحته
ولا واحد فيهم بيحب مصر بجد
وعلشان كده كل دول كانو دايما مستعدين يلعبو على كل الحبال علشان المكاسب , ويعقدو صفقات مع اى حد , حتى لو الشيطان نفسه , علشان مكاسب سياسية
هى ديه السياسة عموما
مصر عايزة فى الفترة ديه زعيم عنده حلم قومى لمصر يخلى الشعب كله يتوحد وراه
حد كده زى غاندى او مانديلا او اتاتورك ودى سيلفا
لكن للاسف مفيش

 

[AdmanTios]

كثيرا ما أفكر ..... ترى من الذى أرشحه ليتولى حكم مصر ..... ففشلت أن أجد من أرشحه ...... فقد سقطت كافة الوجوه في الوحل ....

هل لديكم أحد ......؟؟؟؟

أعتقد بأن من أنسب الشخصيات
علي الساحة السياسية بجدارة
هو الدكتور : مصطفي حجازي
و هو حاصل علي دكتوراة في الهندسة
و الإدارة الإستراتيجية ... أعتقد بأنه
واجهه مُشرفة لمصر بهذه الفترة

مودتي و إحترامي

 

[Strident]

فكرة الزعيم دي نفسها انا رافضها تماما

انا عايز واحد يعمل مؤسسات ويغير دماغ الشعب ويلغي فكرة الزعيم و يحط بجمالها الحريات وكده

وعشان كده باقول البرادعي

 

[صوت صارخ]

....... متابع ..... ومنتظر ياسر الجندى .....

 

[صوت صارخ]

مازلت اظن ان حمدين صباحى هو المرشح الانسب بالنسبة ليا
لو ترشح الفريق السيسي سيكسب الرهان
​

حمدين غرقان في المستنقع الفلسطينى وممكن يورط مصر في حروب ملهاش لازمه زى ما عمل عبد الناصر ..... انا انتخبته في المرحلة الأولى ...

 

[+إيرينى+]

هو ما فيش غير دول ؟؟

لسة ما شفناش الترشيحات الجديدة

مصر ولادة يا جدعان

 

[grges monir]

هو فين حد اصلا عشان نفكر فية ؟؟؟؟؟؟؟؟؟؟؟؟؟؟؟

 

[حبيب يسوع]

أنا ارشح لكم اثنين
الاول هو الاستاذ/أحمد المسلمانى شخصية عظيمة جدا مفكر رائع
عنده افكار ممتازة جدا تستمع اليه مقنع جدا جدا
اتمنى ان يكون رئيس مصر
الثانى هو مرشح الشعب المصرى/عبد الفتاح السيسى
اصبح له شعبية جارفة رجل معتدل وطنى من الدرجة الاولى

 

[ياسر الجندى]

....... متابع ..... ومنتظر ياسر الجندى .....

أشكرك أستاذ صوت صارخ

أما وقد طلبت رأيى فاسمح لى فى القول بعد متابعة الفترة الماضية بخرابها وأحزانها أننا نحتاج شعب أولا قبل أن نحتاج رئيس
فإن كان لابد فأرى أن شخصية معتدلة مثل محمد سليم العوا يمكن أن تقود المرحلة المقبلة
خاصة أنه ليس محسوبا على أى من التيارات الموجودة على الساحة

 

[oesi no]

أشكرك أستاذ صوت صارخ

أما وقد طلبت رأيى فاسمح لى فى القول بعد متابعة الفترة الماضية بخرابها وأحزانها أننا نحتاج شعب أولا قبل أن نحتاج رئيس
فإن كان لابد فأرى أن شخصية معتدلة مثل محمد سليم العوا يمكن أن تقود المرحلة المقبلة
خاصة أنه ليس محسوبا على أى من التيارات الموجودة على الساحة

هل ممكن استخدام الفاظ قبيحة فى الرد
محمد سليم العوا محامى محمد مرسي !!!!

 

[+إيرينى+]

أشكرك أستاذ صوت صارخ

أما وقد طلبت رأيى فاسمح لى فى القول بعد متابعة الفترة الماضية بخرابها وأحزانها أننا نحتاج شعب أولا قبل أن نحتاج رئيس
فإن كان لابد فأرى أن شخصية معتدلة مثل محمد سليم العوا يمكن أن تقود المرحلة المقبلة
خاصة أنه ليس محسوبا على أى من التيارات الموجودة على الساحة

معتدلة ؟؟!!!!​

 

[+ ميلاد العجايبى +]

اولا محمد البرادعى ( لايصلح اطلاقا )
لقد كشف عنه القناع فى موقفه بعد اقتحام اعتصام رابعة العدوية
ولا اعتبره مصرى من اساسه بل هو عميل امريكى.


ثانيا حمدين صباحى ( لايصلح )
كان عضو فى جبهة الانقاذ التى لم تنقذ شىء ولم تفعل اى شىء من اجل البلد بل الشعب هو التى انقذ نفسه بنفسه فى ثورة 30 يونية وكانت كلها مصالح شخصية فقط

ثالثا احمد شفيق
مع الاسف ترك المركب وهرب
واذا رجع مرة اخرى ورشح نفسه سأنتخبه


الفريق عبد الفتاح السيسى
هو انسب شخص لهذا المرحلة الحرجة .
ولكن مع الاسف اذا مسك السلطة سيدعوا للشك ان ماحدث فى 30 يونية كان انقلاب عسكرى وكان السيسى طامعا فى السلطة .

فلا يوجد على الساحة السياسية الى الآن من هو يصلح لهذا المنصب
ولكن اذا رشح اى شخص عسكرى قطعا سأنتخبه

 

[Dona Nabil]

من فضلكم يا جماعه الموضوع مُتاح للجميع والاختيارات مفتوحه وغير مُحددة اسماء
من حق الاستاذ ياسر زى اى عضو أنه يشارك بالاسم اللى يشوفه مناسب من وجهة نظره
وبدل الاستنكار السلبى ناقشوه فى وجهة نظره اللى بيعرضها
سلام ونعمه

 

[صوت صارخ]

أشكرك أستاذ صوت صارخ

أما وقد طلبت رأيى فاسمح لى فى القول بعد متابعة الفترة الماضية بخرابها وأحزانها أننا نحتاج شعب أولا قبل أن نحتاج رئيس
فإن كان لابد فأرى أن شخصية معتدلة مثل محمد سليم العوا يمكن أن تقود المرحلة المقبلة
خاصة أنه ليس محسوبا على أى من التيارات الموجودة على الساحة

محمد سليم العوا محسوب على تيار المتاجرين بالإسلام زيه زى ابو الفتوح ..... هؤلاء هم اللاعبين الجالسين على دكة البدلاء

 

[صوت صارخ]

أنا ارشح لكم اثنين
الاول هو الاستاذ/أحمد المسلمانى شخصية عظيمة جدا مفكر رائع
عنده افكار ممتازة جدا تستمع اليه مقنع جدا جدا
اتمنى ان يكون رئيس مصر
الثانى هو مرشح الشعب المصرى/عبد الفتاح السيسى
اصبح له شعبية جارفة رجل معتدل وطنى من الدرجة الاولى

المسلمانى شخصية محترمه فعلا ..... لكن ليس لديه القوة ليكون رئيسا لمصر

السيسى لن اتحدث بشأنه الآن .......