ما توقعتش افرح النهاردة ..بس اللى حصل !!

[zezza]

ده فعلا حقيقي
انهارده كنيستي كان فيها اربع اضعاف
الاعداد اللي بتيجي كل سنه
نشكر ربنا​

نشكر الله
يا رب دايما نفضل ثابتيين فى ربنا ومافيش اى شئ يبعدنا عنه

 

[لدى المسيح]

لا أخفيكم .. أنى ارى فيكم

وداعة المسيح ورفقه حتى رغم الاذى والاطضهاد ..

.
.
.
............


علمونا كيف يكون الصبر ف أوان المصيبة

وقد ايه الدنيا بعيون المسيح مهياش مخيفة

وساعة لما نبكى نفرح ان مهما الجرح يوجع

هنلاقى ايديه الشريفة بتكفف دموع الجرحى

وبترفع الالام الوجعى من بين الضباب والضلمة

عرفونا نشوف انوراه جوا الضلمة

ومنزعلش مهما يجرا ..

لانه أكيد رب الحكمة ... .

 

[zezza]

تصدقى يا زيزا بجد
عايزة اشكرك ياللى فجرت الكنيسة
كتر خيرك بعملتك السودة دى قربت الناس من ربنا اكتررررررررررر والكنايس اتملت اكترررررررر
ربنا يحافظ على كنيسته

​

عسل ...انا برضه قلت نفس الكلمة فى سرى
يجى ايه الارهابى ده جنب دقلديانوس و غيره و برضه ما سبناش كنيستنا و كان الايمان كل يوم بيزيد.
كنيستنا القبطية هتفضل الى المنتهى محافظة على ايمانها ..و عمرنا ما هنسي بلدنا مهما كان ولا هنخاف .

 

[zezza]

لو كانو يعرفو ان المسيحى مش بيخاف مكنوش عملو كدا كانو حولو من طريق تانى
بس مغلطش المثل اللى بيقول ان الشدة هى اللى بتبين المعدن الاصيل

عندك حق يا جون .
فاكريين ان بعملتهم دى ممكن نخاف او نترك ايمانا ..ده بعينهم
شكرا يا جو على مرورك

 

[zezza]

واحنا برده كنيستنا الناس فيها كانت كتيرة قووى
والكل كان بيصلى ولا اكن فى تهديدات اتبعتت للكنيسة​

نشكر الله
كل الناس فى كل الابرشيات بيقولوا كدة
ربنا حامى كنيسته و ابواب الجحيم لن تقوى عليها

 

[zezza]

مش هكدب عليكي لو قلتلك اني مكنتش قلقان وخايف
لكن صممت احضر القداس وتوقعت ان يكون العدد قليل جدا
لكن الحمد لله كان ولأول مره في تاريخ كنيستي يكون العدد كبير جدا
كان في ناس كتيره مش لاقيه مكان واحد جوه الكنيسه
وعجبني جدا ان كل الناس واخده موضوع التهديد لكنيستي بهزار وليس اهتمام
وعجبني اكتر رد طفله صغيره باباها بيسألها مش خايفه تروحي الكنيسه
قالتله لأ مش خايفه ويارب أموت زي اللي ماتوا في اسكندريه
لكن ع قد فرحتي دي كلها حزنت جدا لمنظر الأمن والتفتيش لأول مره في كنيستنا
وحضر مدير الأمن وبعض أئمه الأوقاف وعدد من المسلميين
والقداس طلع متأخر كالمعتاد وكانت الأمور طبيعيه جدا
لكن الحزن موجود وهيفضل موجود حتي يرجع حقنا
​

بص انا كان عندى احساس غريب مش خوف ولا قلق ..تقدر تقول كدة ترقب !
بس مش عارفة ليه انتوا زعلانيين من موضوع الامن ده !!صحيح الحامى هو ربنا بس الناس كتر خيرهم
احنا كنيستنا خرجت بدرى أوى الساعة عشرة و نص كان القداس خلص

 

[MIKEL MIK]

بص انا كان عندى احساس غريب مش خوف ولا قلق ..تقدر تقول كدة ترقب !
بس مش عارفة ليه انتوا زعلانيين من موضوع الامن ده !!صحيح الحامى هو ربنا بس الناس كتر خيرهم
احنا كنيستنا خرجت بدرى أوى الساعة عشرة و نص كان القداس خلص

مش حكايه زعل يا زيزا
لكن منظر غريب علينا وع اهل بلدي
اننا نصلي وسط امن وتفتيش
حسينا ان مفيش أمان خلاص
لكن ثقتنا في ربنا كانت كبيره الحمد لله
والقداس خلص متأخر في معاده زي كل سنه
الساعه 1 بليل تقريبا
وطبعا مكنش في احتفالات الصبح في الكنيسه​

 

[لدى المسيح]

أقولها .. بصوت صريح

أحبك يا شعب المسيح

الذى واسانى اذ جئت أواسيه !

..فكيف لا أحبه وقولى صريح !!

أخجلنى البكاء ..حتى المساء

الذى اضوانى النور فيه

وبت ليلتى مسرورة مما لاقيته

ولازالت الاقيه ..

طوبى للاوفياء ..طوبى للرحماء

طوبتكم السماء فمن للمطوب

يعاديه ..

طوبتكم سماء الملكوت الفسيح

فمن يعاديكم يا شعب المسيح !!​

 

[losivertheprince]

سلام المسيح
كله من بركات الاستشهاد والصليب
يارب على طول كنيستك فى امتلاء وفرح وزيادة الى انقضاء الدهر
ميرسى على الفرح الى احنا فرحانين فيه
​

 

[zezza]

مش حكايه زعل يا زيزا
لكن منظر غريب علينا وع اهل بلدي
اننا نصلي وسط امن وتفتيش
حسينا ان مفيش أمان خلاص
لكن ثقتنا في ربنا كانت كبيره الحمد لله
والقداس خلص متأخر في معاده زي كل سنه
الساعه 1 بليل تقريبا
وطبعا مكنش في احتفالات الصبح في الكنيسه​

انا كنيستى من شهر 8 كان جالها تهديد مش عارفة ليه ..... قبل حتى ما القاعدة تهدد
بقالى فترة طويلة بشوف امن كتييير كل يوم على الكنيسة .. تقدر تقول اخد على كدة
فعلا منظر غريب عننا و الحامى هو ربنا لازم نثق فكدة
و احنا كمان ما كنش فى احتفالات و لا مدارس احد
معلش ربنا ما يسمح بتجربة جديدة و تتعوض العيد الجاى :t31:

 

[zezza]

أقولها .. بصوت صريح

أحبك يا شعب المسيح

الذى واسانى اذ جئت أواسيه !

..فكيف لا أحبه وقولى صريح !!

أخجلنى البكاء ..حتى المساء

الذى اضوانى النور فيه

وبت ليلتى مسرورة مما لاقيته

ولازالت الاقيه ..

طوبى للاوفياء ..طوبى للرحماء

طوبتكم السماء فمن للمطوب

يعاديه ..

طوبتكم سماء الملكوت الفسيح

فمن يعاديكم يا شعب المسيح !!​

شكرا حبيبتى لمشاعرك و كلماتك
ربنا يفرح قلبك

 

[zezza]

سلام المسيح
كله من بركات الاستشهاد والصليب
يارب على طول كنيستك فى امتلاء وفرح وزيادة الى انقضاء الدهر
ميرسى على الفرح الى احنا فرحانين فيه
​

امين .
ربنا يبارك كنيسته و يحميها و يحافظ على ايمانها لابد للآبدين

 

[just member]

حسيت نفس احساسك
وبالفعل كان شعور مريح وجميل في نفسي

 

[zezza]

لم احزن مثلما حزنت اليوم
ولكن ايضاً ملئنى سلام وعزاء وفرح بعدما ذهبت لكنيستى الغاليه
ورأيت هذا الشعب القبطى الرائع يملؤها
حقاً نحن اولاد الملك لا نهاب موت او تهديد ....
​

فعلا احنا ولاد الملك لا موت و لا ارهاب ممكن يخوفونا و يبعدونا عن محبة المسيح
شكرا على مرورك ..ربنا يباركك

 

[zezza]

عندك حق يا زيزا​

انا عمرى ما روحت قداس العيد قبل كده​

بس روحت احضره السنة دى​

وكنت مبسوطة جدا انى حضرت القداس فى كنيسة القديسين​

ودمهم اللى لسة منشفش على الحيطان ومالى المكان​

والاعداد كانت مهولة بجد​

الناس كانت قاعدة فى الاماكن الممكنة فى الحوش وعلى السلالم فى كل حتة​

بجد كان اجمل قداس حضرته فى حياتى​

يا بختك يا كوينا صليتى فى الكنيسة اللى شهدت للمسيح و قدمت ولادها فى حبه
ربنا يباركك حبيبتى و تعيشى و تصلى

 

[zezza]

احساس الناس كلها بالعيد السنة دى مختلف خالص عن كل مرة
الناس رايحة تصلى بجد مش رايحة تشوف بعض وتسلم وتجامل بعض
مع ان اللى حصل مؤلم جدا بس بين معدن المسيحين الاصيل

فعلا يا جرجس الناس بتصلى بحماس اوى اوى .. الصلاة بتطلع فعلا من القلب
نشكر الله ..كل ما يعمل يعمل للخير

 

[zezza]

عارفين يا جماعة حصل حاجة جميلة في الكنيسة النور في الكنيسة قطع وراحت واحدة رنمت انا عايزك انت يا صاحب القوات تشغل يمينك تعمل معجزات وراح الشعب كله في الكنيسة رنم واستمر القداس علي كده بجد حاجة جميلة اوي لما الكل يتحد في جسد المسيح
ربنا موجود واحنا كلنا راجعينلك يا يسوع لنمتلي من روحك القدوس​

الله يا روكا حاجة حلوة اوى ..الترنيمة دى اساسا رائعة .تهز اللى قلبه من حجر
ربنا يتمجد و يكون اللى حصل ده سبب فى رجوع الناس تانى فى حضن المسيح

 

[zezza]

حسيت نفس احساسك
وبالفعل كان شعور مريح وجميل في نفسي

نشكر الله يا جو
حقيقى سلام عجيب جوة كل واحد فينا ..ربنا يديمه

 

[dodo jojo]

نفس شعور لقيت فعلا شعب رهيييييييييييييييييييييييب..والولاد الصغيرين اكتر من الناس الكبار فى ولاد صغيرين جايين لوحدهم..بجد حاجه تفرح..شكرا زيزا لمشارعرك المفرحه